യോ ദേവഃ സർവഭൂതാനാമാത്മാ ഹ്യാരാധ്യ ഏവ ച । ഗുണാതീതോ ഗുണാത്മാ ച സ മേ നാഗഃ പ്രസീദതു ॥ 1 ॥ ഹൃദയസ്ഥോഽപി ദൂരസ്ഥഃ മായാവീ സർവദേഹിനാം । യോഗിനാം ചിത്തഗമ്യസ്തു സ മേ നാഗഃ പ്രസീദതു ॥ 2 ॥ സഹസ്രശീർഷഃ സർവാത്മാ സർവാധാരഃ പരഃ ശിവഃ । മഹാവിഷസ്യജനകഃ സ മേ നാഗഃ പ്രസീദതു ॥ 3 ॥ കാദ്രവേയോമഹാസത്ത്വഃ കാലകൂടമുഖാംബുജഃ । സർവാഭീഷ്ടപ്രദോ ദേവഃ സ മേ നാഗഃ പ്രസീദതു ॥ 4 ॥ പാതാലനിലയോ ദേവഃ പദ്മനാഭസുഖപ്രദഃ । സർവാഭീഷ്ടപ്രദോ യസ്തു സ മേ നാഗഃ പ്രസീദതു ॥ 5 ॥ നാഗനാരീരതോ ദക്ഷോ നാരദാദി സുപൂജിതഃ । സർവാരിഷ്ടഹരോ യസ്തു സ മേ നാഗഃ പ്രസീദതു ॥ 6 ॥ പൃദാകുദേവഃ സർവാത്മാ സർവശാസ്ത്രാർഥപാരഗഃ । പ്രാരബ്ധപാപഹന്താ ച സ മേ നാഗഃ പ്രസീദതു ॥ 7 ॥ ലക്ഷ്മീപതേഃ സപര്യങ്കഃ ശംഭോഃ സർവാംഗഭൂഷണഃ । യോ ദേവഃ പുത്രദോ നിത്യം സ മേ നാഗഃ പ്രസീദതു ॥ 8 ॥ ഫണീശഃ പരമോദാരഃ ശാപപാപനിവാരകഃ । സർവപാപഹരോ യസ്തു സ മേ നാഗഃ പ്രസീദതു ॥ 9 ॥ സർവമംഗലദോ നിത്യം സുഖദോ ഭുജഗേശ്വരഃ । യശഃ കീർതിം ച വിപുലാം ശ്രിയമായുഃ പ്രയച്ഛതു ॥ 10 ॥ മനോവാക്കായജനിതം ജന്മജന്മാന്തരാർജിതം । യത്പാപം നാഗദേവേശ വിലയം യാതു സമ്പ്രതി ॥ 11 ॥ നീരോഗം ദേഹപുഷ്ടിം ച സർവവശ്യം ധനാഗമം । പശുധാന്യാഭിവൃദ്ധിം ച യശോവൃദ്ധിം ച ശാശ്വതം ॥ 12 ॥ പരവാക് സ്തംഭിനീം വിദ്യാം വാഗ്മിത്വം സൂക്ഷ്മബുദ്ധിതാം । പുത്രം വംശകരം ശ്രേഷ്ഠം ദേഹി മേ ഭക്തവത്സല ॥ 13 ॥ ഇതി ശ്രീ നാഗേശ്വര സ്തുതിഃ ॥