കാർതവീര്യാർജുന സ്തോത്രം

സ്മരണ –

അർജുനഃ കൃതവീര്യസ്യ സപ്തദ്വീപേശ്വരോഽഭവത് ।

ദത്താത്രേയാദ്ധരേരംശാത് പ്രാപ്തയോഗമഹാഗുണഃ ॥

ന നൂനം കാർതവീര്യസ്യ ഗതിം യാസ്യന്തി പാർഥിവാഃ ।

യജ്ഞദാനതപോയോഗൈഃ ശ്രുതവീര്യദയാദിഭിഃ ॥

പഞ്ചാശീതിസഹസ്രാണി ഹ്യവ്യാഹതബലഃ സമാഃ ।

അനഷ്ടവിത്തസ്മരണോ ബുഭുജേഽക്ഷയ്യഷഡ്വസു ॥

ധ്യാനം –

സഹസ്രബാഹും മഹിതം സശരം സചാപം

രക്താംബരം വിവിധ രക്തകിരീടഭൂഷം ।

ചോരാദിദുഷ്ടഭയനാശനമിഷ്ടദം തം

ധ്യായേന്മഹാബലവിജൃംഭിതകാർതവീര്യം ॥

മന്ത്രം –

ഓം കാർതവീര്യാർജുനോ നാമ രാജാ ബാഹുസഹസ്രവാൻ ।

തസ്യ സംസ്മരണാദേവ ഹൃതം നഷ്ടം ച ലഭ്യതേ ॥

ദ്വാദശനാമാനി –

കാർതവീര്യഃ ഖലദ്വേഷീ കൃതവീര്യസുതോ ബലീ ।

സഹസ്രബാഹുഃ ശത്രുഘ്നോ രക്തവാസാ ധനുർധരഃ ॥ 2 ॥

രക്തഗന്ധോ രക്തമാല്യോ രാജാ സ്മർതുരഭീഷ്ടദഃ ।

ദ്വാദശൈതാനി നാമാനി കാർതവീര്യസ്യ യഃ പഠേത് ॥ 3 ॥

സമ്പദസ്തസ്യ ജായന്തേ ജനാസ്തസ്യ വശം ഗതഃ ।

ആനയത്യാശു ദൂരസ്ഥം ക്ഷേമലാഭയുതം പ്രിയം ॥ 4 ॥

യസ്യ സ്മരണമാത്രേണ സർവദുഃഖക്ഷയോ ഭവേത് ।

യന്നാമാനി മഹാവീര്യശ്ചാർജുനഃ കൃതവീര്യവാൻ ॥ 6 ॥

ഹൈഹയാധിപതേഃ സ്തോത്രം സഹസ്രാവൃത്തികാരിതം ।

വാഞ്ചിതാർഥപ്രദം നൄണാം സ്വരാജ്യം സുകൃതം യദി ॥ 7 ॥

ഇതി കാർതവീര്യാർജുന സ്തോത്രം ।

Recite with devotion and pure heart

Regular practice brings spiritual benefits