భక్తామర స్తోత్ర

శ్రీ ఆదినాథాయ నమః భక్తామరస్తోత్రం సంస్కృత । కాలజయీ మహాకావ్య శ్రీమన్మానతుంగాచార్య-విరచితం। భక్తామర-ప్రణత-మౌలి-మణి-ప్రభాణా- ముద్యోతకం దలిత-పాప-తమో-వితానం । సమ్యక్-ప్రణమ్య జిన ప-పాద-యుగం యుగాదా- వాలంబనం భవ-జలే పతతాం జనానాం ॥ 1 ॥ య: సంస్తుత: సకల-వాం మయ-తత్త్వ-బోధా- దుద్భూత-బుద్ధి-పటుభి: సుర-లోక-నాథై: । స్తోత్రైర్జగత్-త్రితయ-చిత్త-హరైరుదారై: । స్తోష్యే కిలాహమపి తం ప్రథమం జినేంద్రం ॥ 2 ॥ బుద్ధ్యా వినాపి విబుధార్చిత-పాద-పీఠ! స్తోతుం సముద్యత-మతిర్విగత-త్రపోఽహం । బాలం విహాయ జల-సంస్థిత-మిందు-బింబ- మన్య: క ఇచ్ఛతి జన: సహసా గ్రహీతుం ॥ 3 ॥ వక్తుం గుణాన్గుణ-సముద్ర ! శశాంక-కాంతాన్ । కస్తే క్షమ: సుర-గురు-ప్రతిమోఽపి బుద్ధ్యా । కల్పాంత-కాల-పవనోద్ధత-నక్ర-చక్రం । కో వా తరీతుమలమంబునిధిం భుజాభ్యాం ॥ 4 ॥ సోఽహం తథాపి తవ భక్తి-వశాన్మునీశ! కర్తుం స్తవం విగత-శక్తి-రపి ప్రవృత్త: । ప్రీత్యాత్మ-వీర్య-మవిచార్య మృగీ మృగేంద్రం నాభ్యేతి కిం నిజ-శిశో: పరిపాలనార్థం ॥ 5 ॥ అల్ప-శ్రుతం శ్రుతవతాం పరిహాస-ధామ । త్వద్-భక్తిరేవ ముఖరీ-కురుతే బలాన్మాం । యత్కోకిల: కిల మధౌ మధురం విరౌతి । తచ్చామ్ర-చారు-కలికా-నికరైక-హేతు: ॥ 6 ॥ త్వత్సంస్తవేన భవ-సంతతి-సన్నిబద్ధం । పాపం క్షణాత్క్షయముపైతి శరీరభాజాం । ఆక్రాంత-లోక-మలి-నీల-మశేష-మాశు । సూర్యాంశు-భిన్న-మివ శార్వర-మంధకారం ॥ 7 ॥ మత్వేతి నాథ! తవ సంస్తవనం మయేద ।- మారభ్యతే తను-ధియాపి తవ ప్రభావాత్ । చేతో హరిష్యతి సతాం నలినీ-దలేషు । ముక్తా-ఫల-ద్యుతి-ముపైతి ననూద-బిందు: ॥ 8 ॥ ఆస్తాం తవ స్తవన-మస్త-సమస్త-దోషం త్వత్సంకథాఽపి జగతాం దురితాని హంతి । దూరే సహస్రకిరణ: కురుతే ప్రభైవ పద్మాకరేషు జలజాని వికాసభాంజి ॥ 9 ॥ నాత్యద్-భుతం భువన-భూషణ ! భూూత-నాథ! భూతైర్గుణైర్భువి భవంత-మభిష్టువంత: । తుల్యా భవంతి భవతో నను తేన కిం వా భూత్యాశ్రితం య ఇహ నాత్మసమం కరోతి ॥ 10 ॥ దృష్ట్వా భవంత మనిమేష-విలోకనీయం నాన్యత్ర-తోష-ముపయాతి జనస్య చక్షు: । పీత్వా పయ: శశికర-ద్యుతి-దుగ్ధ-సింధో: క్షారం జలం జలనిధేరసితుం క ఇచ్ఛేత్? ॥11 ॥ యై: శాంత-రాగ-రుచిభి: పరమాణుభిస్-త్వం నిర్మాపితస్-త్రి-భువనైక-లలామ-భూత ! । తావంత ఏవ ఖలు తేఽప్యణవ: పృథివ్యాం యత్తే సమాన-మపరం న హి రూప-మస్తి ॥ 12 ॥ వక్త్రం క్వ తే సుర-నరోరగ-నేత్ర-హారి ని:శేష-నిర్జిత-జగత్త్రితయోపమానం । బింబం కలంక-మలినం క్వ నిశాకరస్య యద్వాసరే భవతి పాండుపలాశ-కల్పం ॥ 13 ॥ సంపూర్ణ-మండల-శశాంక-కలా-కలాప- శుభ్రా గుణాస్-త్రి-భువనం తవ లంఘయంతి । యే సంశ్రితాస్-త్రి-జగదీశ్వరనాథ-మేకం కస్తాన్ నివారయతి సంచరతో యథేష్టం ॥ 14 ॥ చిత్రం-కిమత్ర యది తే త్రిదశాంగ-నాభిర్- నీతం మనాగపి మనో న వికార-మార్గం । కల్పాంత-కాల-మరుతా చలితాచలేన కిం మందరాద్రిశిఖరం చలితం కదాచిత్ ॥ 15 ॥ నిర్ధూమ-వర్తి-రపవర్జిత-తైల-పూర: కృత్స్నం జగత్త్రయ-మిదం ప్రకటీకరోషి । గమ్యో న జాతు మరుతాం చలితాచలానాం దీపోఽపరస్త్వమసి నాథ ! జగత్ప్రకాశ: ॥ 16 ॥ నాస్తం కదాచిదుపయాసి న రాహుగమ్య: స్పష్టీకరోషి సహసా యుగపజ్-జగంతి । నాంభోధరోదర-నిరుద్ధ-మహా-ప్రభావ: సూర్యాతిశాయి-మహిమాసి మునీంద్ర! లోకే ॥ 17 ॥ నిత్యోదయం దలిత-మోహ-మహాంధకారం గమ్యం న రాహు-వదనస్య న వారిదానాం । విభ్రాజతే తవ ముఖాబ్జ-మనల్పకాంతి విద్యోతయజ్-జగదపూర్వ-శశాంక-బింబం ॥ 18 ॥ కిం శర్వరీషు శశినాహ్ని వివస్వతా వా యుష్మన్ముఖేందు-దలితేషు తమ:సు నాథ! । నిష్పన్న-శాలి-వన-శాలినీ జీవ-లోకే కార్యం కియజ్జల-ధరై-ర్జల-భార-నమై్ర: ॥ 19 ॥ జ్ఞానం యథా త్వయి విభాతి కృతావకాశం నైవం తథా హరి-హరాదిషు నాయకేషు । తేజో మహా మణిషు యాతి యథా మహత్త్వం నైవం తు కాచ-శకలే కిరణాకులేఽపి ॥ 20 ॥ మన్యే వరం హరి-హరాదయ ఏవ దృష్టా దృష్టేషు యేషు హృదయం త్వయి తోషమేతి । కిం వీక్షితేన భవతా భువి యేన నాన్య: కశ్చిన్మనో హరతి నాథ ! భవాంతరేఽపి ॥ 21 ॥ స్త్రీణాం శతాని శతశో జనయంతి పుత్రాన్ నాన్యా సుతం త్వదుపమం జననీ ప్రసూతా । సర్వా దిశో దధతి భాని సహస్ర-రశ్మిం ప్రాచ్యేవ దిగ్జనయతి స్ఫురదంశు-జాలం ॥ 22 ॥ త్వామామనంతి మునయ: పరమం పుమాంస- మాదిత్య-వర్ణ-మమలం తమస: పురస్తాత్ । త్వామేవ సమ్య-గుపలభ్య జయంతి మృత్యుం నాన్య: శివ: శివపదస్య మునీంద్ర! పంథా: ॥ 23 ॥ త్వా-మవ్యయం విభు-మచింత్య-మసంఖ్య-మాద్యం బ్రహ్మాణమీశ్వర-మనంత-మనంగ-కేతుం । యోగీశ్వరం విదిత-యోగ-మనేక-మేకం జ్ఞాన-స్వరూప-మమలం ప్రవదంతి సంత: ॥ 24 ॥ బుద్ధస్త్వమేవ విబుధార్చిత-బుద్ధి-బోధాత్ త్వం శంకరోఽసి భువన-త్రయ-శంకరత్వాత్। ధాతాసి ధీర! శివ-మార్గ విధేర్విధానాద్ వ్యక్తం త్వమేవ భగవన్ పురుషోత్తమోఽసి ॥ 25 ॥ తుభ్యం నమస్-త్రిభువనార్తి-హరాయ నాథ! తుభ్యం నమ: క్షితి-తలామల-భూషణాయ । తుభ్యం నమస్-త్రిజగత: పరమేశ్వరాయ తుభ్యం నమో జిన! భవోదధి-శోషణాయ ॥ 26 ॥ కో విస్మయోఽత్ర యది నామ గుణై-రశేషైస్- త్వం సంశ్రితో నిరవకాశతయా మునీశ ! । దోషై-రుపాత్త-వివిధాశ్రయ-జాత-గర్వై: స్వప్నాంతరేఽపి న కదాచిదపీక్షితోఽసి ॥ 27 ॥ ఉచ్చై-రశోక-తరు-సంశ్రితమున్మయూఖ- మాభాతి రూపమమలం భవతో నితాంతం । స్పష్టోల్లసత్-కిరణ-మస్త-తమో-వితానం బింబం రవేరివ పయోధర-పాశ్ర్వవర్తి ॥ 28 ॥ సింహాసనే మణి-మయూఖ-శిఖా-విచిత్రే విభ్రాజతే తవ వపు: కనకావదాతం । బింబం వియద్-విలస-దంశులతా-వితానం తుంగోదయాద్రి-శిరసీవ సహస్ర-రశ్మే: ॥ 29 ॥ కుందావదాత-చల-చామర-చారు-శోభం విభ్రాజతే తవ వపు: కలధౌత-కాంతం । ఉద్యచ్ఛశాంక-శుచినిర్ఝర-వారి-ధార- ముచ్చైస్తటం సురగిరేరివ శాతకౌంభం ॥ 30 ॥ ఛత్రత్రయం-తవ-విభాతి శశాంకకాంత ముచ్చైః స్థితం స్థగిత భానుకర-ప్రతాపం । ముక్తాఫల-ప్రకరజాల-వివృద్ధశోభం । ప్రఖ్యాపయత్త్రిజగతః పరమేశ్వరత్వం ॥ 31 ॥ గంభీర-తార-రవ-పూరిత-దిగ్విభాగస్- త్రైలోక్య-లోక-శుభ-సంగమ-భూతి-దక్ష: । సద్ధర్మ-రాజ-జయ-ఘోషణ-ఘోషక: సన్ ఖే దుందుభి-ధ్ర్వనతి తే యశస: ప్రవాదీ ॥ 32 ॥ మందార-సుందర-నమేరు-సుపారిజాత- సంతానకాది-కుసుమోత్కర-వృష్టి-రుద్ఘా । గంధోద-బిందు-శుభ-మంద-మరుత్ప్రపాతా దివ్యా దివ: పతతి తే వచసాం తతిర్వా ॥ 33 ॥ శుంభత్-ప్రభా-వలయ-భూరి-విభా-విభోస్తే లోక-త్రయే-ద్యుతిమతాం ద్యుతి-మాక్షిపంతీ । ప్రోద్యద్-దివాకర-నిరంతర-భూరి-సంఖ్యా దీప్త్యా జయత్యపి నిశామపి సోమసౌమ్యాం ॥ 34 ॥ స్వర్గాపవర్గ-గమ-మార్గ-విమార్గణేష్ట: సద్ధర్మ-తత్త్వ-కథనైక-పటుస్-త్రిలోక్యా: । దివ్య-ధ్వని-ర్భవతి తే విశదార్థ-సర్వ- భాషాస్వభావ-పరిణామ-గుణై: ప్రయోజ్య: ॥ 35 ॥ ఉన్నిద్ర-హేమ-నవ-పంకజ-పుంజ-కాంతీ పర్యుల్-లసన్-నఖ-మయూఖ-శిఖాభిరామౌ । పాదౌ పదాని తవ యత్ర జినేంద్ర ! ధత్త: పద్మాని తత్ర విబుధా: పరికల్పయంతి ॥ 36 ॥ ఇత్థం యథా తవ విభూతి-రభూజ్-జినేంద్ర్ర ! ధర్మోపదేశన-విధౌ న తథా పరస్య । యాదృక్-ప్ర్రభా దినకృత: ప్రహతాంధకారా తాదృక్-కుతో గ్రహగణస్య వికాసినోఽపి ॥ 37 ॥ శ్చ్యో-తన్-మదావిల-విలోల-కపోల-మూల మత్త-భ్రమద్-భ్రమర-నాద-వివృద్ధ-కోపం । ఐరావతాభమిభ-ముద్ధత-మాపతంతం దృష్ట్వా భయం భవతి నో భవదాశ్రితానాం ॥ 38 ॥ భిన్నేభ-కుంభ-గల-దుజ్జ్వల-శోణితాక్త ముక్తా-ఫల-ప్రకరభూషిత-భూమి-భాగ: । బద్ధ-క్రమ: క్రమ-గతం హరిణాధిపోఽపి నాక్రామతి క్రమ-యుగాచల-సంశ్రితం తే ॥ 39 ॥ కల్పాంత-కాల-పవనోద్ధత-వహ్ని-కల్పం దావానలం జ్వలిత-ముజ్జ్వల-ముత్స్ఫులింగం । విశ్వం జిఘత్సుమివ సమ్ముఖ-మాపతంతం త్వన్నామ-కీర్తన-జలం శమయత్యశేషం ॥ 40 ॥ రక్తేక్షణం సమద-కోకిల-కంఠ-నీలం క్రోధోద్ధతం ఫణిన-ముత్ఫణ-మాపతంతం । ఆక్రామతి క్రమ-యుగేణ నిరస్త-శంకస్- త్వన్నామ-నాగదమనీ హృది యస్య పుంస: ॥ 41 ॥ వల్గత్-తురంగ-గజ-గర్జిత-భీమనాద- మాజౌ బలం బలవతా-మపి-భూపతీనాం । ఉద్యద్-దివాకర-మయూఖ-శిఖాపవిద్ధం త్వత్కీర్తనాత్తమ ఇవాశు భిదాముపైతి: ॥ 42 ॥ కుంతాగ్ర-భిన్న-గజ-శోణిత-వారివాహ వేగావతార-తరణాతుర-యోధ-భీమే । యుద్ధే జయం విజిత-దుర్జయ-జేయ-పక్షాస్- త్వత్పాద-పంకజ-వనాశ్రయిణో లభంతే: ॥ 43 ॥ అంభోనిధౌ క్షుభిత-భీషణ-నక్ర-చక్ర- పాఠీన-పీఠ-భయ-దోల్వణ-వాడవాగ్నౌ । రంగత్తరంగ-శిఖర-స్థిత-యాన-పాత్రాస్- త్రాసం విహాయ భవత: స్మరణాద్-వ్రజంతి: ॥ 44 ॥ ఉద్భూత-భీషణ-జలోదర-భార-భుగ్నా: శోచ్యాం దశా-ముపగతాశ్-చ్యుత-జీవితాశా: । త్వత్పాద-పంకజ-రజో-మృత-దిగ్ధ-దేహా: మత్ర్యా భవంతి మకర-ధ్వజ-తుల్యరూపా: ॥ 45 ॥ ఆపాద-కంఠమురు-శృంఖల-వేష్టితాంగా గాఢం-బృహన్-నిగడ-కోటి నిఘృష్ట-జంఘా: । త్వన్-నామ-మంత్ర-మనిశం మనుజా: స్మరంత: సద్య: స్వయం విగత-బంధ-భయా భవంతి: ॥ 46 ॥ మత్త-ద్విపేంద్ర-మృగ-రాజ-దవానలాహి- సంగ్రామ-వారిధి-మహోదర-బంధ-నోత్థం । తస్యాశు నాశ-ముపయాతి భయం భియేవ యస్తావకం స్తవ-మిమం మతిమానధీతే: ॥ 47 ॥ స్తోత్ర-స్రజం తవ జినేంద్ర గుణైర్నిబద్ధాం భక్త్యా మయా వివిధ-వర్ణ-విచిత్ర-పుష్పాం । ధత్తే జనో య ఇహ కంఠ-గతా-మజస్రం తం మానతుంగ-మవశా-సముపైతి లక్ష్మీ: ॥ 48 ॥

Recite with devotion and pure heart

Regular practice brings spiritual benefits