ப⁴க்தாமர ஸ்தோத்ர

ஶ்ரீ ஆதி³நாதா²ய நம꞉ ப⁴க்தாமரஸ்தோத்ரம் ஸம்ʼஸ்க்ருʼத । காலஜயீ மஹாகாவ்ய ஶ்ரீமன்மானதுங்கா³சார்ய-விரசிதம்। ப⁴க்தாமர-ப்ரணத-மௌலி-மணி-ப்ரபா⁴ணா- முத்³யோதகம்ʼ த³லித-பாப-தமோ-விதானம் । ஸம்யக்-ப்ரணம்ய ஜின ப-பாத³-யுக³ம்ʼ யுகா³தா³- வாலம்ப³னம்ʼ ப⁴வ-ஜலே பததாம்ʼ ஜனானாம் ॥ 1 ॥ ய: ஸம்ʼஸ்துத: ஸகல-வாம்ʼ மய-தத்த்வ-போ³தா⁴- து³த்³பூ⁴த-பு³த்³தி⁴-படுபி⁴: ஸுர-லோக-நாதை²: । ஸ்தோத்ரைர்ஜக³த்-த்ரிதய-சித்த-ஹரைருதா³ரை: । ஸ்தோஷ்யே கிலாஹமபி தம்ʼ ப்ரத²மம்ʼ ஜினேந்த்³ரம் ॥ 2 ॥ பு³த்³த்⁴யா வினாபி விபு³தா⁴ர்சித-பாத³-பீட²! ஸ்தோதும்ʼ ஸமுத்³யத-மதிர்விக³த-த்ரபோ(அ)ஹம் । பா³லம்ʼ விஹாய ஜல-ஸம்ʼஸ்தி²த-மிந்து³-பி³ம்ப³- மன்ய: க இச்ச²தி ஜன: ஸஹஸா க்³ரஹீதும் ॥ 3 ॥ வக்தும்ʼ கு³ணான்கு³ண-ஸமுத்³ர ! ஶஶாங்க-காந்தான் । கஸ்தே க்ஷம: ஸுர-கு³ரு-ப்ரதிமோ(அ)பி பு³த்³த்⁴யா । கல்பாந்த-கால-பவனோத்³த⁴த-நக்ர-சக்ரம்ʼ । கோ வா தரீதுமலமம்பு³நிதி⁴ம்ʼ பு⁴ஜாப்⁴யாம் ॥ 4 ॥ ஸோ(அ)ஹம்ʼ ததா²பி தவ ப⁴க்தி-வஶான்முனீஶ! கர்தும்ʼ ஸ்தவம்ʼ விக³த-ஶக்தி-ரபி ப்ரவ்ருʼத்த: । ப்ரீத்யாத்ம-வீர்ய-மவிசார்ய ம்ருʼகீ³ ம்ருʼகே³ந்த்³ரம் நாப்⁴யேதி கிம்ʼ நிஜ-ஶிஶோ: பரிபாலனார்த²ம் ॥ 5 ॥ அல்ப-ஶ்ருதம்ʼ ஶ்ருதவதாம்ʼ பரிஹாஸ-தா⁴ம । த்வத்³-ப⁴க்திரேவ முக²ரீ-குருதே ப³லான்மாம் । யத்கோகில: கில மதௌ⁴ மது⁴ரம்ʼ விரௌதி । தச்சாம்ர-சாரு-கலிகா-நிகரைக-ஹேது: ॥ 6 ॥ த்வத்ஸம்ʼஸ்தவேன ப⁴வ-ஸந்ததி-ஸந்நிப³த்³த⁴ம்ʼ । பாபம்ʼ க்ஷணாத்க்ஷயமுபைதி ஶரீரபா⁴ஜாம் । ஆக்ராந்த-லோக-மலி-நீல-மஶேஷ-மாஶு । ஸூர்யாம்ʼஶு-பி⁴ன்ன-மிவ ஶார்வர-மந்த⁴காரம் ॥ 7 ॥ மத்வேதி நாத²! தவ ஸம்ʼஸ்தவனம்ʼ மயேத³ ।- மாரப்⁴யதே தனு-தி⁴யாபி தவ ப்ரபா⁴வாத் । சேதோ ஹரிஷ்யதி ஸதாம்ʼ நலினீ-த³லேஷு । முக்தா-ப²ல-த்³யுதி-முபைதி நனூத³-பி³ந்து³: ॥ 8 ॥ ஆஸ்தாம்ʼ தவ ஸ்தவன-மஸ்த-ஸமஸ்த-தோ³ஷம்ʼ த்வத்ஸங்கதா²(அ)பி ஜக³தாம்ʼ து³ரிதானி ஹந்தி । தூ³ரே ஸஹஸ்ரகிரண: குருதே ப்ரபை⁴வ பத்³மாகரேஷு ஜலஜானி விகாஸபா⁴ஞ்ஜி ॥ 9 ॥ நாத்யத்³-பு⁴தம்ʼ பு⁴வன-பூ⁴ஷண ! பூ⁴ூத-நாத²! பூ⁴தைர்கு³ணைர்பு⁴வி ப⁴வந்த-மபி⁴ஷ்டுவந்த: । துல்யா ப⁴வந்தி ப⁴வதோ நனு தேன கிம்ʼ வா பூ⁴த்யாஶ்ரிதம்ʼ ய இஹ நாத்மஸமம்ʼ கரோதி ॥ 10 ॥ த்³ருʼஷ்ட்வா ப⁴வந்த மனிமேஷ-விலோகனீயம்ʼ நான்யத்ர-தோஷ-முபயாதி ஜனஸ்ய சக்ஷு: । பீத்வா பய: ஶஶிகர-த்³யுதி-து³க்³த⁴-ஸிந்தோ⁴: க்ஷாரம்ʼ ஜலம்ʼ ஜலநிதே⁴ரஸிதும்ʼ க இச்சே²த்? ॥11 ॥ யை: ஶாந்த-ராக³-ருசிபி⁴: பரமாணுபி⁴ஸ்-த்வம்ʼ நிர்மாபிதஸ்-த்ரி-பு⁴வனைக-லலாம-பூ⁴த ! । தாவந்த ஏவ க²லு தே(அ)ப்யணவ: ப்ருʼதி²வ்யாம்ʼ யத்தே ஸமான-மபரம்ʼ ந ஹி ரூப-மஸ்தி ॥ 12 ॥ வக்த்ரம்ʼ க்வ தே ஸுர-நரோரக³-நேத்ர-ஹாரி நி:ஶேஷ-நிர்ஜித-ஜக³த்த்ரிதயோபமானம் । பி³ம்ப³ம்ʼ கலங்க-மலினம்ʼ க்வ நிஶாகரஸ்ய யத்³வாஸரே ப⁴வதி பாண்டு³பலாஶ-கல்பம் ॥ 13 ॥ ஸம்பூர்ண-மண்ட³ல-ஶஶாங்க-கலா-கலாப- ஶுப்⁴ரா கு³ணாஸ்-த்ரி-பு⁴வனம்ʼ தவ லங்க⁴யந்தி । யே ஸம்ʼஶ்ரிதாஸ்-த்ரி-ஜக³தீ³ஶ்வரநாத²-மேகம்ʼ கஸ்தான் நிவாரயதி ஸஞ்சரதோ யதே²ஷ்டம் ॥ 14 ॥ சித்ரம்ʼ-கிமத்ர யதி³ தே த்ரித³ஶாங்க³-நாபி⁴ர்- நீதம்ʼ மநாக³பி மனோ ந விகார-மார்க³ம் । கல்பாந்த-கால-மருதா சலிதாசலேன கிம்ʼ மந்த³ராத்³ரிஶிக²ரம்ʼ சலிதம்ʼ கதா³சித் ॥ 15 ॥ நிர்தூ⁴ம-வர்தி-ரபவர்ஜித-தைல-பூர: க்ருʼத்ஸ்னம்ʼ ஜக³த்த்ரய-மித³ம்ʼ ப்ரகடீகரோஷி । க³ம்யோ ந ஜாது மருதாம்ʼ சலிதாசலானாம்ʼ தீ³போ(அ)பரஸ்த்வமஸி நாத² ! ஜக³த்ப்ரகாஶ: ॥ 16 ॥ நாஸ்தம்ʼ கதா³சிது³பயாஸி ந ராஹுக³ம்ய: ஸ்பஷ்டீகரோஷி ஸஹஸா யுக³பஜ்-ஜக³ந்தி । நாம்போ⁴த⁴ரோத³ர-நிருத்³த⁴-மஹா-ப்ரபா⁴வ: ஸூர்யாதிஶாயி-மஹிமாஸி முனீந்த்³ர! லோகே ॥ 17 ॥ நித்யோத³யம்ʼ த³லித-மோஹ-மஹாந்த⁴காரம்ʼ க³ம்யம்ʼ ந ராஹு-வத³னஸ்ய ந வாரிதா³னாம் । விப்⁴ராஜதே தவ முகா²ப்³ஜ-மனல்பகாந்தி வித்³யோதயஜ்-ஜக³த³பூர்வ-ஶஶாங்க-பி³ம்ப³ம் ॥ 18 ॥ கிம்ʼ ஶர்வரீஷு ஶஶினாஹ்னி விவஸ்வதா வா யுஷ்மன்முகே²ந்து³-த³லிதேஷு தம:ஸு நாத²! । நிஷ்பன்ன-ஶாலி-வன-ஶாலினீ ஜீவ-லோகே கார்யம்ʼ கியஜ்ஜல-த⁴ரை-ர்ஜல-பா⁴ர-நமை்ர: ॥ 19 ॥ ஜ்ஞானம்ʼ யதா² த்வயி விபா⁴தி க்ருʼதாவகாஶம்ʼ நைவம்ʼ ததா² ஹரி-ஹராதி³ஷு நாயகேஷு । தேஜோ மஹா மணிஷு யாதி யதா² மஹத்த்வம்ʼ நைவம்ʼ து காச-ஶகலே கிரணாகுலே(அ)பி ॥ 20 ॥ மன்யே வரம்ʼ ஹரி-ஹராத³ய ஏவ த்³ருʼஷ்டா த்³ருʼஷ்டேஷு யேஷு ஹ்ருʼத³யம்ʼ த்வயி தோஷமேதி । கிம்ʼ வீக்ஷிதேன ப⁴வதா பு⁴வி யேன நான்ய: கஶ்சின்மனோ ஹரதி நாத² ! ப⁴வாந்தரே(அ)பி ॥ 21 ॥ ஸ்த்ரீணாம்ʼ ஶதானி ஶதஶோ ஜனயந்தி புத்ரான் நான்யா ஸுதம்ʼ த்வது³பமம்ʼ ஜனனீ ப்ரஸூதா । ஸர்வா தி³ஶோ த³த⁴தி பா⁴னி ஸஹஸ்ர-ரஶ்மிம்ʼ ப்ராச்யேவ தி³க்³ஜனயதி ஸ்பு²ரத³ம்ʼஶு-ஜாலம் ॥ 22 ॥ த்வாமாமனந்தி முனய: பரமம்ʼ புமாம்ʼஸ- மாதி³த்ய-வர்ண-மமலம்ʼ தமஸ: புரஸ்தாத் । த்வாமேவ ஸம்ய-கு³பலப்⁴ய ஜயந்தி ம்ருʼத்யும்ʼ நான்ய: ஶிவ: ஶிவபத³ஸ்ய முனீந்த்³ர! பந்தா²: ॥ 23 ॥ த்வா-மவ்யயம்ʼ விபு⁴-மசிந்த்ய-மஸங்க்²ய-மாத்³யம்ʼ ப்³ரஹ்மாணமீஶ்வர-மனந்த-மனங்க³-கேதும் । யோகீ³ஶ்வரம்ʼ விதி³த-யோக³-மனேக-மேகம்ʼ ஜ்ஞான-ஸ்வரூப-மமலம்ʼ ப்ரவத³ந்தி ஸந்த: ॥ 24 ॥ பு³த்³த⁴ஸ்த்வமேவ விபு³தா⁴ர்சித-பு³த்³தி⁴-போ³தா⁴த் த்வம்ʼ ஶங்கரோ(அ)ஸி பு⁴வன-த்ரய-ஶங்கரத்வாத்। தா⁴தாஸி தீ⁴ர! ஶிவ-மார்க³ விதே⁴ர்விதா⁴நாத்³ வ்யக்தம்ʼ த்வமேவ ப⁴க³வன் புருஷோத்தமோ(அ)ஸி ॥ 25 ॥ துப்⁴யம்ʼ நமஸ்-த்ரிபு⁴வனார்தி-ஹராய நாத²! துப்⁴யம்ʼ நம: க்ஷிதி-தலாமல-பூ⁴ஷணாய । துப்⁴யம்ʼ நமஸ்-த்ரிஜக³த: பரமேஶ்வராய துப்⁴யம்ʼ நமோ ஜின! ப⁴வோத³தி⁴-ஶோஷணாய ॥ 26 ॥ கோ விஸ்மயோ(அ)த்ர யதி³ நாம கு³ணை-ரஶேஷைஸ்- த்வம்ʼ ஸம்ʼஶ்ரிதோ நிரவகாஶதயா முனீஶ ! । தோ³ஷை-ருபாத்த-விவிதா⁴ஶ்ரய-ஜாத-க³ர்வை: ஸ்வப்னாந்தரே(அ)பி ந கதா³சித³பீக்ஷிதோ(அ)ஸி ॥ 27 ॥ உச்சை-ரஶோக-தரு-ஸம்ʼஶ்ரிதமுன்மயூக²- மாபா⁴தி ரூபமமலம்ʼ ப⁴வதோ நிதாந்தம் । ஸ்பஷ்டோல்லஸத்-கிரண-மஸ்த-தமோ-விதானம்ʼ பி³ம்ப³ம்ʼ ரவேரிவ பயோத⁴ர-பாஶ்ர்வவர்தி ॥ 28 ॥ ஸிம்ʼஹாஸனே மணி-மயூக²-ஶிகா²-விசித்ரே விப்⁴ராஜதே தவ வபு: கனகாவதா³தம் । பி³ம்ப³ம்ʼ வியத்³-விலஸ-த³ம்ʼஶுலதா-விதானம்ʼ துங்கோ³த³யாத்³ரி-ஶிரஸீவ ஸஹஸ்ர-ரஶ்மே: ॥ 29 ॥ குந்தா³வதா³த-சல-சாமர-சாரு-ஶோப⁴ம்ʼ விப்⁴ராஜதே தவ வபு: கலதௌ⁴த-காந்தம் । உத்³யச்ச²ஶாங்க-ஶுசிநிர்ஜ²ர-வாரி-தா⁴ர- முச்சைஸ்தடம்ʼ ஸுரகி³ரேரிவ ஶாதகௌம்ப⁴ம் ॥ 30 ॥ ச²த்ரத்ரயம்ʼ-தவ-விபா⁴தி ஶஶாங்ககாந்த முச்சை꞉ ஸ்தி²தம்ʼ ஸ்த²கி³த பா⁴னுகர-ப்ரதாபம் । முக்தாப²ல-ப்ரகரஜால-விவ்ருʼத்³த⁴ஶோப⁴ம்ʼ । ப்ரக்²யாபயத்த்ரிஜக³த꞉ பரமேஶ்வரத்வம் ॥ 31 ॥ க³ம்பீ⁴ர-தார-ரவ-பூரித-தி³க்³விபா⁴க³ஸ்- த்ரைலோக்ய-லோக-ஶுப⁴-ஸங்க³ம-பூ⁴தி-த³க்ஷ: । ஸத்³த⁴ர்ம-ராஜ-ஜய-கோ⁴ஷண-கோ⁴ஷக: ஸன் கே² து³ந்து³பி⁴-த்⁴ர்வனதி தே யஶஸ: ப்ரவாதீ³ ॥ 32 ॥ மந்தா³ர-ஸுந்த³ர-நமேரு-ஸுபாரிஜாத- ஸந்தானகாதி³-குஸுமோத்கர-வ்ருʼஷ்டி-ருத்³கா⁴ । க³ந்தோ⁴த³-பி³ந்து³-ஶுப⁴-மந்த³-மருத்ப்ரபாதா தி³வ்யா தி³வ: பததி தே வசஸாம்ʼ ததிர்வா ॥ 33 ॥ ஶும்ப⁴த்-ப்ரபா⁴-வலய-பூ⁴ரி-விபா⁴-விபோ⁴ஸ்தே லோக-த்ரயே-த்³யுதிமதாம்ʼ த்³யுதி-மாக்ஷிபந்தீ । ப்ரோத்³யத்³-தி³வாகர-நிரந்தர-பூ⁴ரி-ஸங்க்²யா தீ³ப்த்யா ஜயத்யபி நிஶாமபி ஸோமஸௌம்யாம் ॥ 34 ॥ ஸ்வர்கா³பவர்க³-க³ம-மார்க³-விமார்க³ணேஷ்ட: ஸத்³த⁴ர்ம-தத்த்வ-கத²னைக-படுஸ்-த்ரிலோக்யா: । தி³வ்ய-த்⁴வனி-ர்ப⁴வதி தே விஶதா³ர்த²-ஸர்வ- பா⁴ஷாஸ்வபா⁴வ-பரிணாம-கு³ணை: ப்ரயோஜ்ய: ॥ 35 ॥ உந்நித்³ர-ஹேம-நவ-பங்கஜ-புஞ்ஜ-காந்தீ பர்யுல்-லஸன்-நக²-மயூக²-ஶிகா²பி⁴ராமௌ । பாதௌ³ பதா³னி தவ யத்ர ஜினேந்த்³ர ! த⁴த்த: பத்³மானி தத்ர விபு³தா⁴: பரிகல்பயந்தி ॥ 36 ॥ இத்த²ம்ʼ யதா² தவ விபூ⁴தி-ரபூ⁴ஜ்-ஜினேந்த்³ர்ர ! த⁴ர்மோபதே³ஶன-விதௌ⁴ ந ததா² பரஸ்ய । யாத்³ருʼக்-ப்ர்ரபா⁴ தி³னக்ருʼத: ப்ரஹதாந்த⁴காரா தாத்³ருʼக்-குதோ க்³ரஹக³ணஸ்ய விகாஸினோ(அ)பி ॥ 37 ॥ ஶ்ச்யோ-தன்-மதா³வில-விலோல-கபோல-மூல மத்த-ப்⁴ரமத்³-ப்⁴ரமர-நாத³-விவ்ருʼத்³த⁴-கோபம் । ஐராவதாப⁴மிப⁴-முத்³த⁴த-மாபதந்தம்ʼ த்³ருʼஷ்ட்வா ப⁴யம்ʼ ப⁴வதி நோ ப⁴வதா³ஶ்ரிதானாம் ॥ 38 ॥ பி⁴ன்னேப⁴-கும்ப⁴-க³ல-து³ஜ்ஜ்வல-ஶோணிதாக்த முக்தா-ப²ல-ப்ரகரபூ⁴ஷித-பூ⁴மி-பா⁴க³: । ப³த்³த⁴-க்ரம: க்ரம-க³தம்ʼ ஹரிணாதி⁴போ(அ)பி நாக்ராமதி க்ரம-யுகா³சல-ஸம்ʼஶ்ரிதம்ʼ தே ॥ 39 ॥ கல்பாந்த-கால-பவனோத்³த⁴த-வஹ்னி-கல்பம்ʼ தா³வானலம்ʼ ஜ்வலித-முஜ்ஜ்வல-முத்ஸ்பு²லிங்க³ம் । விஶ்வம்ʼ ஜிக⁴த்ஸுமிவ ஸம்முக²-மாபதந்தம்ʼ த்வந்நாம-கீர்தன-ஜலம்ʼ ஶமயத்யஶேஷம் ॥ 40 ॥ ரக்தேக்ஷணம்ʼ ஸமத³-கோகில-கண்ட²-நீலம் க்ரோதோ⁴த்³த⁴தம்ʼ ப²ணின-முத்ப²ண-மாபதந்தம் । ஆக்ராமதி க்ரம-யுகே³ண நிரஸ்த-ஶங்கஸ்- த்வந்நாம-நாக³த³மனீ ஹ்ருʼதி³ யஸ்ய பும்ʼஸ: ॥ 41 ॥ வல்க³த்-துரங்க³-க³ஜ-க³ர்ஜித-பீ⁴மநாத³- மாஜௌ ப³லம்ʼ ப³லவதா-மபி-பூ⁴பதீனாம் । உத்³யத்³-தி³வாகர-மயூக²-ஶிகா²பவித்³த⁴ம்ʼ த்வத்கீர்தனாத்தம இவாஶு பி⁴தா³முபைதி: ॥ 42 ॥ குந்தாக்³ர-பி⁴ன்ன-க³ஜ-ஶோணித-வாரிவாஹ வேகா³வதார-தரணாதுர-யோத⁴-பீ⁴மே । யுத்³தே⁴ ஜயம்ʼ விஜித-து³ர்ஜய-ஜேய-பக்ஷாஸ்- த்வத்பாத³-பங்கஜ-வநாஶ்ரயிணோ லப⁴ந்தே: ॥ 43 ॥ அம்போ⁴நிதௌ⁴ க்ஷுபி⁴த-பீ⁴ஷண-நக்ர-சக்ர- பாடீ²ன-பீட²-ப⁴ய-தோ³ல்வண-வாட³வாக்³னௌ । ரங்க³த்தரங்க³-ஶிக²ர-ஸ்தி²த-யான-பாத்ராஸ்- த்ராஸம்ʼ விஹாய ப⁴வத: ஸ்மரணாத்³-வ்ரஜந்தி: ॥ 44 ॥ உத்³பூ⁴த-பீ⁴ஷண-ஜலோத³ர-பா⁴ர-பு⁴க்³னா: ஶோச்யாம்ʼ த³ஶா-முபக³தாஶ்-ச்யுத-ஜீவிதாஶா: । த்வத்பாத³-பங்கஜ-ரஜோ-ம்ருʼத-தி³க்³த⁴-தே³ஹா: மத்ர்யா ப⁴வந்தி மகர-த்⁴வஜ-துல்யரூபா: ॥ 45 ॥ ஆபாத³-கண்ட²முரு-ஶ்ருʼங்க²ல-வேஷ்டிதாங்கா³ கா³ட⁴ம்ʼ-ப்³ருʼஹன்-நிக³ட³-கோடி நிக்⁴ருʼஷ்ட-ஜங்கா⁴: । த்வன்-நாம-மந்த்ர-மநிஶம்ʼ மனுஜா: ஸ்மரந்த: ஸத்³ய: ஸ்வயம்ʼ விக³த-ப³ந்த⁴-ப⁴யா ப⁴வந்தி: ॥ 46 ॥ மத்த-த்³விபேந்த்³ர-ம்ருʼக³-ராஜ-த³வானலாஹி- ஸங்க்³ராம-வாரிதி⁴-மஹோத³ர-ப³ந்த⁴-நோத்த²ம் । தஸ்யாஶு நாஶ-முபயாதி ப⁴யம்ʼ பி⁴யேவ யஸ்தாவகம்ʼ ஸ்தவ-மிமம்ʼ மதிமானதீ⁴தே: ॥ 47 ॥ ஸ்தோத்ர-ஸ்ரஜம்ʼ தவ ஜினேந்த்³ர கு³ணைர்நிப³த்³தா⁴ம் ப⁴க்த்யா மயா விவித⁴-வர்ண-விசித்ர-புஷ்பாம் । த⁴த்தே ஜனோ ய இஹ கண்ட²-க³தா-மஜஸ்ரம்ʼ தம்ʼ மானதுங்க³-மவஶா-ஸமுபைதி லக்ஷ்மீ: ॥ 48 ॥

Recite with devotion and pure heart

Regular practice brings spiritual benefits