हैंహైHaindavamஹிહિં
📍
Font Size:
ത്രൈലോക്യ വിജയം നൃസിംഹ കവചം
നാരദ ഉവാച ।
ഇന്ദ്രാദിദേവവൃന്ദേശ ഈഡ്യേശ്വര ജഗത്പതേ ।
മഹാവിഷ്ണോർനൃസിംഹസ്യ കവചം ബ്രൂഹി മേ പ്രഭോ ।
യസ്യ പ്രപഠനാദ്വിദ്വാംസ്ത്രൈലോക്യവിജയീ ഭവേത് ॥ 1 ॥
ബ്രഹ്മോവാച ।
ശൃണു നാരദ വക്ഷ്യാമി പുത്രശ്രേഷ്ഠ തപോധന ।
കവചം നരസിംഹസ്യ ത്രൈലോക്യവിജയീ ഭവേത് ॥ 2 ॥
സ്രഷ്ടാഽഹം ജഗതാം വത്സ പഠനാദ്ധാരണാദ്യതഃ ।
ലക്ഷ്മീർജഗത്ത്രയം പാതി സംഹർതാ ച മഹേശ്വരഃ ॥ 3 ॥
പഠനാദ്ധാരണാദ്ദേവാ ബഹവശ്ച ദിഗീശ്വരാഃ ।
ബ്രഹ്മമന്ത്രമയം വക്ഷ്യേ ഭ്രാന്ത്യാദിവിനിവാരകം ॥ 4 ॥
യസ്യ പ്രസാദാദ്ദുർവാസാസ്ത്രൈലോക്യവിജയീ ഭവേത് ।
പഠനാദ്ധാരണാദ്യസ്യ ശാസ്താ ച ക്രോധഭൈരവഃ ॥ 5 ॥
ത്രൈലോക്യവിജയസ്യാസ്യ കവചസ്യ പ്രജാപതിഃ ।
ഋഷിശ്ഛന്ദസ്തു ഗായത്രീ നൃസിംഹോ ദേവതാ വിഭുഃ ॥ 6 ॥
ചതുർവർഗേ ച ശാന്തൗ ച വിനിയോഗഃ പ്രകീർതിതഃ ।
ക്ഷ്രൗം ബീജം മേ ശിരഃ പാതു ചന്ദ്രവർണോ മഹാമനുഃ ॥ 7 ॥
ഓം ഉഗ്രം വീരം മഹാവിഷ്ണും ജ്വലന്തം സർവതോമുഖം ।
നൃസിംഹം ഭീഷണം ഭദ്രം മൃത്യുമൃത്യും നമാമ്യഹം ॥ 8 ॥
ദ്വാത്രിംശദക്ഷരോ മന്ത്രോ മന്ത്രരാജഃ സുരദ്രുമഃ ।
കണ്ഠം പാതു ധ്രുവം ക്ഷ്രൗം ഹൃദ്ഭഗവതേ ചക്ഷുഷീ മമ ॥ 9 ॥
നരസിംഹായ ച ജ്വാലാമാലിനേ പാതു കർണകം ।
ദീപ്തദംഷ്ട്രായ ച തഥാ അഗ്നിനേത്രായ നാസികാം ॥ 10 ॥
സർവരക്ഷോഘ്നായ തഥാ സർവഭൂതഹിതായ ച ।
സർവജ്വരവിനാശായ ദഹ ദഹ പദദ്വയം ॥ 11 ॥
രക്ഷ രക്ഷ വർമമന്ത്രഃ സ്വാഹാ പാതു മുഖം മമ ।
താരാദിരാമചന്ദ്രായ നമഃ പാതു ഹൃദം മമ ॥ 12 ॥
ക്ലീം പായാത് പാർശ്വയുഗ്മം ച താരോ നമഃ പദം തതഃ ।
നാരായണായ നാഭിം ച ആം ഹ്രീം ക്രോം ക്ഷ്രൗം ച ഹും ഫട് ॥ 13 ॥
ഷഡക്ഷരഃ കടിം പാതു ഓം നമോ ഭഗവതേ പദം ।
വാസുദേവായ ച പൃഷ്ഠം ക്ലീം കൃഷ്ണായ ഉരുദ്വയം ॥ 14 ॥
ക്ലീം കൃഷ്ണായ സദാ പാതു ജാനുനീ ച മനൂത്തമഃ ।
ക്ലീം ഗ്ലൗം ക്ലീം ശ്യാമലാംഗായ നമഃ പായാത് പദദ്വയം ॥ 15 ॥
ക്ഷ്രൗം നൃസിംഹായ ക്ഷ്രൗം ഹ്രീം ച സർവാംഗം മേ സദാഽവതു ।
ഇതി തേ കഥിതം വത്സ സർവമന്ത്രൗഘവിഗ്രഹം ॥ 16 ॥
തവ സ്നേഹാന്മയാ ഖ്യാതം പ്രവക്തവ്യം ന കസ്യചിത് ।
ഗുരുപൂജാം വിധായാഥ ഗൃഹ്ണീയാത് കവചം തതഃ ॥ 17 ॥
സർവപുണ്യയുതോ ഭൂത്വാ സർവസിദ്ധിയുതോ ഭവേത് ।
ശതമഷ്ടോത്തരം ചാസ്യ പുരശ്ചര്യാവിധിഃ സ്മൃതഃ ॥ 18 ॥
ഹവനാദീൻ ദശാംശേന കൃത്വാ സത്സാധകോത്തമഃ ।
തതസ്തു സിദ്ധകവചോ രൂപേണ മദനോപമഃ ॥ 19 ॥
സ്പർധാമുദ്ധൂയ ഭവനേ ലക്ഷ്മീർവാണീ വസേന്മുഖേ ।
പുഷ്പാഞ്ജല്യഷ്ടകം ദത്ത്വാ മൂലേനൈവ പഠേത് സകൃത് ॥ 20 ॥
അപി വർഷസഹസ്രാണാം പൂജാനാം ഫലമാപ്നുയാത് ।
ഭൂർജേ വിലിഖ്യ ഗുടികാം സ്വർണസ്ഥാം ധാരയേദ്യദി ॥ 21 ॥
കണ്ഠേ വാ ദക്ഷിണേ ബാഹൗ നരസിംഹോ ഭവേത് സ്വയം ।
യോഷിദ്വാമഭുജേ ചൈവ പുരുഷോ ദക്ഷിണേ കരേ ॥ 22 ॥
ബിഭൃയാത് കവചം പുണ്യം സർവസിദ്ധിയുതോ ഭവേത് ।
കാകവന്ധ്യാ ച യാ നാരീ മൃതവത്സാ ച യാ ഭവേത് ॥ 23 ॥
ജന്മവന്ധ്യാ നഷ്ടപുത്രാ ബഹുപുത്രവതീ ഭവേത് ।
കവചസ്യ പ്രസാദേന ജീവന്മുക്തോ ഭവേന്നരഃ ॥ 24 ॥
ത്രൈലോക്യം ക്ഷോഭയത്യേവം ത്രൈലോക്യവിജയീ ഭവേത് ।
ഭൂതപ്രേതപിശാചാശ്ച രാക്ഷസാ ദാനവാശ്ച യേ ॥ 25 ॥
തം ദൃഷ്ട്വാ പ്രപലായന്തേ ദേശാദ്ദേശാന്തരം ധ്രുവം ।
യസ്മിൻ ഗൃഹേ ച കവചം ഗ്രാമേ വാ യദി തിഷ്ഠതി ।
തദ്ദേശം തു പരിത്യജ്യ പ്രയാന്തി ഹ്യാതിദൂരതഃ ॥ 26 ॥
ഇതി ശ്രീ ത്രൈലോക്യ വിജയം നൃസിംഹ കവചം।
Recite with devotion and pure heart
Regular practice brings spiritual benefits