हैंహైHaindavamஹிહિં
📍
Font Size:
ఋణ విమోచన నృసింహ స్తోత్రం
ధ్యానం –
వాగీశా యస్య వదనే లక్ష్మీర్యస్య చ వక్షసి ।
యస్యాస్తే హృదయే సంవిత్తం నృసింహమహం భజే ॥
అథ స్తోత్రం –
దేవతాకార్యసిద్ధ్యర్థం సభాస్తంభసముద్భవం ।
శ్రీనృసింహం మహావీరం నమామి ఋణముక్తయే ॥ 1 ॥
లక్ష్మ్యాలింగిత వామాంకం భక్తానాం వరదాయకం ।
శ్రీనృసింహం మహావీరం నమామి ఋణముక్తయే ॥ 2 ॥
ఆంత్రమాలాధరం శంఖచక్రాబ్జాయుధధారిణం ।
శ్రీనృసింహం మహావీరం నమామి ఋణముక్తయే ॥ 3 ॥
స్మరణాత్ సర్వపాపఘ్నం కద్రూజవిషనాశనం ।
శ్రీనృసింహం మహావీరం నమామి ఋణముక్తయే ॥ 4 ॥
సింహనాదేన మహతా దిగ్విదిగ్భయనాశనం ।
శ్రీనృసింహం మహావీరం నమామి ఋణముక్తయే ॥ 5 ॥
ప్రహ్లాదవరద శ్రీశం దైత్యేశ్వరవిదారణం ।
శ్రీనృసింహం మహావీరం నమామి ఋణముక్తయే ॥ 6 ॥
క్రూరగ్రహైః పీడితానాం భక్తానామభయప్రదం ।
శ్రీనృసింహం మహావీరం నమామి ఋణముక్తయే ॥ 7 ॥
వేదవేదాంతయజ్ఞేశం బ్రహ్మరుద్రాదివందితం ।
శ్రీనృసింహం మహావీరం నమామి ఋణముక్తయే ॥ 8 ॥
ఇత్థం యః పఠతే నిత్యం ఋణమోచన సిద్ధయే ।
అనృణో జాయతే శీఘ్రం ధనం విపులమాప్నుయాత్ ॥ 9 ॥
సర్వసిద్ధిప్రదం నృణాం సర్వైశ్వర్యప్రదాయకం ।
తస్మాత్ సర్వప్రయత్నేన పఠేత్ స్తోత్రమిదం సదా ॥ 10 ॥
ఇతి శ్రీ నృసింహ స్తోత్రం ।
Recite with devotion and pure heart
Regular practice brings spiritual benefits