ഋണ വിമോചന നൃസിംഹ സ്തോത്രം

ധ്യാനം –

വാഗീശാ യസ്യ വദനേ ലക്ഷ്മീര്യസ്യ ച വക്ഷസി ।

യസ്യാസ്തേ ഹൃദയേ സംവിത്തം നൃസിംഹമഹം ഭജേ ॥

അഥ സ്തോത്രം –

ദേവതാകാര്യസിദ്ധ്യർഥം സഭാസ്തംഭസമുദ്ഭവം ।

ശ്രീനൃസിംഹം മഹാവീരം നമാമി ഋണമുക്തയേ ॥ 1 ॥

ലക്ഷ്മ്യാലിംഗിത വാമാങ്കം ഭക്താനാം വരദായകം ।

ശ്രീനൃസിംഹം മഹാവീരം നമാമി ഋണമുക്തയേ ॥ 2 ॥

ആന്ത്രമാലാധരം ശംഖചക്രാബ്ജായുധധാരിണം ।

ശ്രീനൃസിംഹം മഹാവീരം നമാമി ഋണമുക്തയേ ॥ 3 ॥

സ്മരണാത് സർവപാപഘ്നം കദ്രൂജവിഷനാശനം ।

ശ്രീനൃസിംഹം മഹാവീരം നമാമി ഋണമുക്തയേ ॥ 4 ॥

സിംഹനാദേന മഹതാ ദിഗ്വിദിഗ്ഭയനാശനം ।

ശ്രീനൃസിംഹം മഹാവീരം നമാമി ഋണമുക്തയേ ॥ 5 ॥

പ്രഹ്ലാദവരദ ശ്രീശം ദൈത്യേശ്വരവിദാരണം ।

ശ്രീനൃസിംഹം മഹാവീരം നമാമി ഋണമുക്തയേ ॥ 6 ॥

ക്രൂരഗ്രഹൈഃ പീഡിതാനാം ഭക്താനാമഭയപ്രദം ।

ശ്രീനൃസിംഹം മഹാവീരം നമാമി ഋണമുക്തയേ ॥ 7 ॥

വേദവേദാന്തയജ്ഞേശം ബ്രഹ്മരുദ്രാദിവന്ദിതം ।

ശ്രീനൃസിംഹം മഹാവീരം നമാമി ഋണമുക്തയേ ॥ 8 ॥

ഇത്ഥം യഃ പഠതേ നിത്യം ഋണമോചന സിദ്ധയേ ।

അനൃണോ ജായതേ ശീഘ്രം ധനം വിപുലമാപ്നുയാത് ॥ 9 ॥

സർവസിദ്ധിപ്രദം നൃണാം സർവൈശ്വര്യപ്രദായകം ।

തസ്മാത് സർവപ്രയത്നേന പഠേത് സ്തോത്രമിദം സദാ ॥ 10 ॥

ഇതി ശ്രീ നൃസിംഹ സ്തോത്രം ।

Recite with devotion and pure heart

Regular practice brings spiritual benefits