నృసింహ సప్తకం

అద్వైతవాస్తవమతేః ప్రణమజ్జనానాం

సంపాదనాయ ధృతమానవసింహరూపం ।

ప్రహ్లాదపోషణరతం ప్రణతైకవశ్యం

దేవం ముదా కమపి నౌమి కృపాసముద్రం ॥ 1 ॥

నతజనవచనఋతత్వ-

ప్రకాశకాలస్య దైర్ఘ్యమసహిష్ణుః ।

ఆవిర్బభూవ తరసా

యః స్తంభాన్నౌమి తం మహావిష్ణుం ॥ 2 ॥

వక్షోవిదారణం య-

-శ్చక్రే హార్దం తమో హంతుం ।

శత్రోరపి కరుణాబ్ధిం

నరహరివపుషం నమామి తం విష్ణుం ॥ 3 ॥

రిపుహృదయస్థితరాజస-

-గుణమేవాసృఙ్మిషేణ కరజాగ్రైః ।

ధత్తే యస్తం వందే

ప్రహ్లాదపూర్వభాగ్యనిచయమహం ॥ 4 ॥

ప్రహ్లాదం ప్రణమజ్జన-

-పంక్తేః కుర్వంతి దివిషదో హ్యన్యే ।

ప్రహ్లాదప్రహ్లాదం

చిత్రం కురుతే నమామి యస్తమహం ॥ 5 ॥

శరదిందుకుందధవలం

కరజప్రవిదారితాసురాధీశం ।

చరణాంబుజరతవాక్యం

తరసైవ ఋతం ప్రకుర్వదహమీడే ॥ 6 ॥

ముఖేన రౌద్రో వపుషా చ సౌమ్యః

సన్కంచనార్థం ప్రకటీకరోషి ।

భయస్య కర్తా భయహృత్త్వమేవే-

-త్యాఖ్యాప్రసిద్ధిర్యదసంశయాభూత్ ॥ 7 ॥

ఇతి శ్రీ నృసింహ సప్తకం ।

Recite with devotion and pure heart

Regular practice brings spiritual benefits