தே³வா꞉ ॥ ப⁴க்திமாத்ரப்ரதீத நமஸ்தே நமஸ்தே ॥ அகி²லமுநிஜனனிவஹ விஹிதஸவனகத³னகர க²ரசபலசரிதப⁴யத³ ப³லவத³ஸுரபதிக்ருʼத விவித⁴பரிப⁴வப⁴யசகித நிஜபத³சலித நிகி²லமக²முக² விரஹக்ருʼஶதரஜலஜப⁴வமுக² ஸகலஸுரவரநிகர காருண்யாவிஷ்க்ருʼத சண்ட³தி³வ்ய ந்ருʼஸிம்ʼஹாவதார ஸ்பு²ரிதோத³க்³ரதாரத்⁴வனி-பி⁴ன்னாம்ப³ரதார நிஜரணகரண ரப⁴ஸசலித ரணத³ஸுரக³ண படுபடஹ விகடரவபரிக³த சடுலப⁴டரவரணித பரிப⁴வகர த⁴ரணித⁴ர குலிஶக⁴ட்டனோத்³பூ⁴த த்⁴வநிக³ம்பீ⁴ராத்மக³ர்ஜித நிர்ஜிதக⁴னாக⁴ன ஊர்ஜிதவிகடக³ர்ஜித ஸ்ருʼஷ்டக²லதர்ஜித ஸத்³கு³ணக³ணோர்ஜித யோகி³ஜனார்ஜித ஸர்வமலவர்ஜித லக்ஷ்மீக⁴னகுசதடநிகடவிலுண்ட²ன விலக்³னகுங்கும பங்கஶங்காகராருண மணிகிரணானுரஞ்ஜித விக³தஶஶாகலங்க ஶஶாங்கபூர்ணமண்ட³லவ்ருʼத்த ஸ்தூ²லத⁴வல முக்தாமணிவிக⁴ட்டித தி³வ்யமஹாஹார லலிததி³வ்யவிஹார விஹிததி³திஜப்ரஹார லீலாக்ருʼதஜக³த்³விஹார ஸம்ʼஸ்ருʼதிது³꞉க²ஸமூஹாபஹார விஹிதத³னுஜாபஹார யுகா³ந்தபு⁴வனாபஹார அஶேஷப்ராணிக³ணவிஹித ஸுக்ருʼதது³ஷ்க்ருʼத ஸுதீ³ர்க⁴த³ண்ட³ப்⁴ராமித ப்³ருʼஹத்காலசக்ர ப்⁴ரமணக்ருʼதிலப்³த⁴ப்ராரம்ப⁴ ஸ்தா²வரஜங்க³மாத்மக ஸகலஜக³ஜ்ஜால ஜலதா⁴ரணஸமர்த² ப்³ரஹ்மாண்ட³நாமதே⁴ய மஹாபிட²ரகரண ப்ரவீணகும்ப⁴கார நிரஸ்தஸர்வவிஸ்தார நிரஸ்தஷட்³பா⁴வவிகார விவித⁴ப்ரகார த்ரிபு⁴வனப்ரகார அநிரூபிதநிஜாகார நியதபி⁴க்ஷாதி³லப்³த⁴ க³தரஸபரிமித போ⁴ஜ்யமாத்ரஸந்தோஷ ப³லவிஜித மத³மத³ன நித்³ராதி³தோ³ஷ ஜனத⁴னஸ்னேஹலோபா⁴தி³ த்³ருʼட⁴ப³ந்த⁴னச்சே²த³ லப்³த⁴ஸௌக்²ய ஸததக்ருʼத யோகா³ப்⁴யாஸ நிர்மலாந்த꞉கரண யோகீ³ந்த்³ரக்ருʼதஸந்நிதா⁴ன த்ரிஜக³ந்நிதா⁴ன ஸகலப்ரதா⁴ன மாயாபிதா⁴ன ஸுஶுபா⁴பி⁴தா⁴ன மத³விகஸத³ஸுரப⁴ட மகுடவனானலனிப⁴நயன விலஸத³ஸிகவசபு⁴ஜ க⁴னவனலவன நவருதி⁴ரக்ரமகல்பித மீனஶஞ்சத்தரங்க³ஶைவால மஹாஜலூக து³ஸ்தரபங்கஜலனிவஹகலித மஹாஸுரப்ருʼதனாகமலினீ விலோலனகேலிப்ரிய மத்தவாரண து³ஷ்டஜனமாரண ஶிஷ்டஜனதாரண நித்யஸுக²விசாரண ஸித்³த⁴ப³லகாரண ஸுது³ஷ்டாஸுரதா³ரண ஸத்³ருʼஶீக்ருʼதாஞ்ஜன ஜனதோ³ஷப⁴ஞ்ஜன க⁴னசிந்நிரஞ்ஜன நிரந்தரக்ருʼதப⁴க்தவாஞ்ச²ன க³தஸர்வவாஞ்ச²ன விஶ்வநாடகஸூத்ரதா⁴ர அங்க்⁴ரிதூ⁴லிஜாதக²ஸிந்து⁴தா⁴ர மத்⁴வஸ்ருʼக்லுதசக்ரதா⁴ர ஜனிதகாம விக³தகாம ஸுரஜனகாம உத்³த்⁴ருʼதக்ஷம நிஶ்சலஜனஸத்க்ரியாக்ஷம ஸுரனதசரண த்⁴ருʼதரத²சரண விவித⁴ஸுரவிஹரண விக³தவிகார விகரண விபு³த⁴ஜனஶரண ஸததப்ரீத த்ரிகு³ணவ்யதீத ப்ரணதஜனவத்ஸல நமஸ்தே நமஸ்தே ॥ இதி ஶ்ரீ ந்ருʼஸிம்ʼஹ க³த்³யம் ।