നാരസിംഹോ മഹാസിംഹോ ദിവ്യസിംഹോ മഹാബലഃ । ഉഗ്രസിംഹോ മഹാദേവഃ സ്തംഭജശ്ചോഗ്രലോചനഃ ॥ 1 ॥ രൗദ്രഃ സർവാദ്ഭുതഃ ശ്രീമാൻ യോഗാനന്ദസ്ത്രിവിക്രമഃ । ഹരിഃ കോലാഹലശ്ചക്രീ വിജയോ ജയവർധനഃ ॥ 2 ॥ പഞ്ചാനനഃ പരബ്രഹ്മ ചാഽഘോരോ ഘോരവിക്രമഃ । ജ്വലന്മുഖോ ജ്വാലമാലീ മഹാജ്വാലോ മഹാപ്രഭുഃ ॥ 3 ॥ നിടിലാക്ഷഃ സഹസ്രാക്ഷോ ദുർനിരീക്ഷ്യഃ പ്രതാപനഃ । മഹാദംഷ്ട്രായുധഃ പ്രാജ്ഞശ്ചണ്ഡകോപീ സദാശിവഃ ॥ 4 ॥ ഹിരണ്യകശിപുധ്വംസീ ദൈത്യദാനവഭഞ്ജനഃ । ഗുണഭദ്രോ മഹാഭദ്രോ ബലഭദ്രഃ സുഭദ്രകഃ ॥ 5 ॥ കരാലോ വികരാലശ്ച വികർതാ സർവകർതൃകഃ । ശിംശുമാരസ്ത്രിലോകാത്മാ ഈശഃ സർവേശ്വരോ വിഭുഃ ॥ 6 ॥ ഭൈരവാഡംബരോ ദിവ്യശ്ചാഽച്യുതഃ കവിമാധവഃ । അധോക്ഷജോഽക്ഷരഃ ശർവോ വനമാലീ വരപ്രദഃ ॥ 7 ॥ വിശ്വംഭരോഽദ്ഭുതോ ഭവ്യഃ ശ്രീവിഷ്ണുഃ പുരുഷോത്തമഃ । അനഘാസ്ത്രോ നഖാസ്ത്രശ്ച സൂര്യജ്യോതിഃ സുരേശ്വരഃ ॥ 8 ॥ സഹസ്രബാഹുഃ സർവജ്ഞഃ സർവസിദ്ധിപ്രദായകഃ । വജ്രദംഷ്ട്രോ വജ്രനഖോ മഹാനന്ദഃ പരന്തപഃ ॥ 9 ॥ സർവമന്ത്രൈകരൂപശ്ച സർവയന്ത്രവിദാരണഃ । സർവതന്ത്രാത്മകോഽവ്യക്തഃ സുവ്യക്തോ ഭക്തവത്സലഃ ॥ 10 ॥ വൈശാഖശുക്ലഭൂതോത്ഥഃ ശരണാഗതവത്സലഃ । ഉദാരകീർതിഃ പുണ്യാത്മാ മഹാത്മാ ചണ്ഡവിക്രമഃ ॥ 11 ॥ വേദത്രയപ്രപൂജ്യശ്ച ഭഗവാൻപരമേശ്വരഃ । ശ്രീവത്സാങ്കഃ ശ്രീനിവാസോ ജഗദ്വ്യാപീ ജഗന്മയഃ ॥ 12 ॥ ജഗത്പാലോ ജഗന്നാഥോ മഹാകായോ ദ്വിരൂപഭൃത് । പരമാത്മാ പരഞ്ജ്യോതിർനിർഗുണശ്ച നൃകേസരീ ॥ 13 ॥ പരതത്ത്വം പരന്ധാമ സച്ചിദാനന്ദവിഗ്രഹഃ । ലക്ഷ്മീനൃസിംഹഃ സർവാത്മാ ധീരഃ പ്രഹ്ലാദപാലകഃ ॥ 14 ॥ ഇദം ലക്ഷ്മീനൃസിംഹസ്യ നാമ്നാമഷ്ടോത്തരം ശതം । ത്രിസന്ധ്യം യഃ പഠേദ്ഭക്ത്യാ സർവാഭീഷ്ടമവാപ്നുയാത് ॥ 15 ॥ ഇതി ശ്രീനൃസിംഹപൂജാകല്പേ ശ്രീ ലക്ഷ്മീനൃസിംഹാഷ്ടോത്തരശതനാമ സ്തോത്രം ।