ஶ்ரீமத³கலங்க பரிபூர்ண ஶஶிகோடி- ஶ்ரீத⁴ர மனோஹர ஸடாபடல காந்த। பாலய க்ருʼபாலய ப⁴வாம்பு³தி⁴-நிமக்³னம்ʼ தை³த்யவரகால நரஸிம்ʼஹ நரஸிம்ʼஹ ॥ 1 ॥ பாத³கமலாவனத பாதகி-ஜனானாம்ʼ பாதகத³வானல பதத்ரிவர-கேதோ। பா⁴வன பராயண ப⁴வார்திஹரயா மாம்ʼ பாஹி க்ருʼபயைவ நரஸிம்ʼஹ நரஸிம்ʼஹ ॥ 2 ॥ துங்க³நக²-பங்க்தி-த³லிதாஸுர-வராஸ்ருʼக் பங்க-நவகுங்கும-விபங்கில-மஹோர꞉ । பண்டி³தநிதா⁴ன-கமலாலய நமஸ்தே பங்கஜநிஷண்ண நரஸிம்ʼஹ நரஸிம்ʼஹ ॥ 3 ॥ மௌலிஷு விபூ⁴ஷணமிவாமர வராணாம்ʼ யோகி³ஹ்ருʼத³யேஷு ச ஶிரஸ்ஸுநிக³மானாம் । ராஜத³ரவிந்த³-ருசிரம்ʼ பத³யுக³ம்ʼ தே தே³ஹி மம மூர்த்⁴னி நரஸிம்ʼஹ நரஸிம்ʼஹ ॥ 4 ॥ வாரிஜவிலோசன மத³ந்திம-த³ஶாயாம்ʼ க்லேஶ-விவஶீக்ருʼத-ஸமஸ்த-கரணாயாம் । ஏஹி ரமயா ஸஹ ஶரண்ய விஹகா³னாம்ʼ நாத²மதி⁴ருஹ்ய நரஸிம்ʼஹ நரஸிம்ʼஹ ॥ 5 ॥ ஹாடக-கிரீட-வரஹார-வனமாலா தா⁴ரரஶனா-மகரகுண்ட³ல-மணீந்த்³ரை꞉ । பூ⁴ஷிதமஶேஷ-நிலயம்ʼ தவ வபுர்மே சேதஸி சகாஸ்து நரஸிம்ʼஹ நரஸிம்ʼஹ ॥ 6 ॥ இந்து³ ரவி பாவக விலோசன ரமாயா꞉ மந்தி³ர மஹாபு⁴ஜ-லஸத்³வர-ரதா²ங்க³। ஸுந்த³ர சிராய ரமதாம்ʼ த்வயி மனோ மே நந்தி³த ஸுரேஶ நரஸிம்ʼஹ நரஸிம்ʼஹ ॥ 7 ॥ மாத⁴வ முகுந்த³ மது⁴ஸூத³ன முராரே வாமன ந்ருʼஸிம்ʼஹ ஶரணம்ʼ ப⁴வ நதானாம் । காமத³ க்⁴ருʼணின் நிகி²லகாரண நயேயம்ʼ காலமமரேஶ நரஸிம்ʼஹ நரஸிம்ʼஹ ॥ 8 ॥ அஷ்டகமித³ம்ʼ ஸகல-பாதக-ப⁴யக்⁴னம்ʼ காமத³ம்ʼ அஶேஷ-து³ரிதாமய-ரிபுக்⁴னம் । ய꞉ பட²தி ஸந்ததமஶேஷ-நிலயம்ʼ தே க³ச்ச²தி பத³ம்ʼ ஸ நரஸிம்ʼஹ நரஸிம்ʼஹ ॥ 9 ॥