അസ്യ ശ്രീ ലക്ഷ്മീനൃസിംഹ ഹൃദയ മഹാമന്ത്രസ്യ പ്രഹ്ലാദ ഋഷിഃ, ശ്രീലക്ഷ്മീനൃസിംഹോ ദേവതാ, അനുഷ്ടുപ് ഛന്ദഃ, മമ ഈപ്സിതാർഥസിദ്ധ്യർഥേ പാഠേ വിനിയോഗഃ ॥ കരന്യാസഃ – ഓം ശ്രീലക്ഷ്മീനൃസിംഹായ അംഗുഷ്ഠാഭ്യാം നമഃ । ഓം വജ്രനഖായ തർജനീഭ്യാം നമഃ । ഓം മഹാരൂപായ മധ്യമാഭ്യാം നമഃ । ഓം സർവതോമുഖായ അനാമികാഭ്യാം നമഃ । ഓം ഭീഷണായ കനിഷ്ഠികാഭ്യാം നമഃ । ഓം വീരായ കരതല കരപൃഷ്ഠാഭ്യാം നമഃ । ഹൃദയന്യാസഃ – ഓം ശ്രീലക്ഷ്മീനൃസിംഹായ ഹൃദയായ നമഃ । ഓം വജ്രനഖായ ശിരസേ സ്വാഹാ । ഓം മഹാരൂപായ ശിഖായൈ വഷട് । ഓം സർവതോമുഖായ കവചായ ഹും । ഓം ഭീഷണായ നേത്രത്രയായ വൗഷട് । ഓം വീരായ അസ്ത്രായ ഫട് ॥ അഥ ധ്യാനം । സത്യം ജ്ഞാനേന്ദ്രിയസുഖം ക്ഷീരാംഭോനിധി മധ്യഗം യോഗാരൂഢം പ്രസന്നാസ്യം നാനാഭരണഭൂഷിതം । മഹാചക്രം മഹാവിഷ്ണും ത്രിനേത്രം ച പിനാകിനം ശ്വേതാഹിവാസം ശ്വേതാംഗം സൂര്യചന്ദ്രാദി പാർശ്വഗം । ശ്രീനൃസിംഹം സദാ ധ്യായേത് കോടിസൂര്യസമപ്രഭം ॥ അഥ മന്ത്രഃ । ഓം നമോ ഭഗവതേ നരസിംഹായ ദേവായ നമഃ ॥ അഥ ഹൃദയ സ്തോത്രം । ശ്രീനൃസിംഹഃ പരംബ്രഹ്മ ശ്രീനൃസിംഹഃ പരം ശിവഃ । നൃസിംഹഃ പരമോ വിഷ്ണുഃ നൃസിംഹഃ സർവദേവതാ ॥ 1 ॥ നൃശബ്ദേനോച്യതേ ജീവഃ സിംഹശബ്ദേന ച സ്വരഃ । തയോരൈക്യം ശ്രുതിപ്രോക്തം യഃ പശ്യതി സ പശ്യതി ॥ 2 ॥ നൃസിംഹാദ്ദേവാഃ ജായന്തേ ലോകാഃ സ്ഥാവരജംഗമാഃ । നൃസിംഹേനൈവ ജീവന്തി നൃസിംഹേ പ്രവിശന്തി ച ॥ 3 ॥ നൃസിംഹോ വിശ്വമുത്പാദ്യ പ്രവിശ്യ തദനന്തരം । രാജഭിക്ഷുസ്വരൂപേണ നൃസിംഹസ്യ സ്മരന്തി യേ ॥ 4 ॥ നൃസിംഹാത് പരമം നാസ്തി നൃസിംഹം കുലദൈവതം । നൃസിംഹഭക്താ യേ ലോകേ തേ ജ്ഞാനിനം ഇതീരിതാഃ ॥ 5 ॥ വിരക്താ ദയയാ യുക്താഃ സർവഭൂതസമേക്ഷണാഃ । ന്യസ്ത സംസാര യോഗേന നൃസിംഹം പ്രാപ്നുവന്തി തേ ॥ 6 ॥ മാഹാത്മ്യം യസ്യ സർവേഽപി വദന്തി നിഗമാഗമാഃ । നൃസിംഹഃ സർവജഗതാം കർതാ ഭോക്താ ന ചാപരഃ ॥ 7 ॥ നൃസിംഹോ ജഗതാം ഹേതുഃ ബഹിര്യായാഽവലംബനഃ । മായയാ വേദിതാത്മാ ച സുദർശനസമാക്ഷരഃ ॥ 8 ॥ വാസുദേവോ മയാതീതോ നാരായണസമപ്രഭ । നിർമലോ നിരഹങ്കാരോ നിർമാല്യോ യോ നിരഞ്ജനഃ ॥ 9 ॥ സർവേഷാം ചാപി ഭൂതാനാം ഹൃദയാംഭോജവാസകഃ । അതിപ്രേഷ്ഠഃ സദാനന്ദോ നിർവികാരോ മഹാമതിഃ ॥ 10 ॥ ചരാചരസ്വരൂപീ ച ചരാചരനിയാമകഃ । സർവേശ്വരഃ സർവകർതാ സർവാത്മാ സർവഗോചരഃ ॥ 11 ॥ നൃസിംഹ ഏവ യഃ സാക്ഷാത് പ്രത്യഗാത്മാ ന സംശയഃ । കേചിന്മൂഢാ വദന്ത്യേവമവതാരമനീശ്വരം ॥ 12 ॥ നൃസിംഹ പരമാത്മാനം സർവഭൂതനിവാസിനം । തസ്യ ദർശനമാത്രേണ സൂര്യസ്യാലോകവദ്ഭവേത് ॥ 13 ॥ സർവം നൃസിംഹ ഏവേതി സംഗ്രഹാത്മാ സുദുർലഭഃ । നാരസിംഹഃ പരം ദൈവം നാരസിംഹോ ജഗദ്ഗുരുഃ ॥ 14 ॥ നൃസിംഹേതി നൃസിംഹേതി പ്രഭാതേ യേ പഠന്തി ച । തേഷാം പ്രസന്നോ ഭഗവാൻ മോക്ഷം സമ്യക് പ്രയച്ഛതി ॥ 15 ॥ ഓങ്കാരേഭ്യശ്ച പൂതാത്മാ ഓങ്കാരൈക പ്രബോധിതഃ । ഓങ്കാരോ മന്ത്രരാജശ്ച ലോകേ മോക്ഷപ്രദായകഃ ॥ 16 ॥ നൃസിംഹഭക്താ യേ ലോകേ നിർഭയാ നിർവികാരകാഃ । തേഷാം ദർശനമാത്രേണ സർവപാപൈഃ പ്രമുച്യതേ ॥ 17 ॥ സകാരോ ജീവവാചീ സ്യാദികാരഃ പരമേശ്വരഃ । ഹകാരാകാരയോരൈക്യം മഹാവാക്യം തതോ ഭവേത് ॥ 18 ॥ ഓങ്കാരജാ പ്രേതമുക്തിഃ കാശ്യാം മരണം തഥാ । നൃസിംഹ സ്മരണാദേവ മുക്തിർഭവതി നാന്യഥാ ॥ 19 ॥ തസ്മാത്സർവപ്രയത്നേന മന്ത്രരാജമിതി ധ്രുവം । സർവേഷാം ചാപി വേദാനാം ദേവതാനാം തഥൈവ ച ॥ 20 ॥ സർവേഷാം ചാപി ശാസ്ത്രാണാം താത്പര്യം നൃഹരൗ ഹരൗ । ശ്രീരാമതാപനീയസ്യ ഗോപാലസ്യാപി താപിനഃ ॥ 21 ॥ നൃസിംഹതാപനീയസ്യ കലാം നാർഹതി ഷോഡശീം । ശ്രീമന്മന്ത്രമഹാരാജ നൃസിംഹസ്യ പ്രസാദതഃ ॥ 22 ॥ ശ്രീനൃസിംഹോ നമസ്തുഭ്യം ശ്രീനൃസിംഹഃ പ്രസീദ മേ । നൃസിംഹോ ഭഗവാന്മാതാ ശ്രീനൃസിംഹഃ പിതാ മമ ॥ 23 ॥ നൃസിംഹോ മമ പുത്രശ്ച നരകാത്ത്രായതേ യതഃ । സർവദേവാത്മകോ യശ്ച നൃസിംഹഃ പരികീർതിതഃ ॥ 24 ॥ അശ്വമേധസഹസ്രാണി വാജപേയ ശതാനി ച । കാശീ രാമേശ്വരാദീനി ഫലാന്യപി നിശമ്യ ച ॥ 25 ॥ യാവത്ഫലം സമാപ്നോതി താവദാപ്നോതി മന്ത്രതഃ । ഷണ്ണവത്യശ്ച കരണീ യാവതീ തൃപ്തിരിഷ്യതേ ॥ 26 ॥ പിതൄണാം താവതീ പ്രീതിഃ മന്ത്രരാജസ്യ ജായതേ । അപുത്രസ്യ ഗതിർനാസ്തി ഇതി സ്മൃത്യാ യദീരിതം ॥ 27 ॥ തത്തു ലക്ഷ്മീനൃസിംഹസ്യ ഭക്തിമാത്രാവഗോചരം । സർവാണി തർകമീമാംസാ ശാസ്ത്രാണി പരിഹായ വൈ ॥ 28 ॥ നൃസിംഹ സ്മരണാല്ലോകേ താരകം ഭവതാരകം । അപാര ഭവവാരാബ്ധൗ സതതം പതതാം നൃണാം ॥ 29 ॥ നൃസിംഹമന്ത്രരാജോഽയം നാവികോ ഭാഷ്യതേ ബുധൈഃ । യമപാശേന ബദ്ധാനാം പംഗും വൈ തിഷ്ഠതാം നൃണാം ॥ 30 ॥ നൃസിംഹമന്ത്രരാജോഽയം ഋഷയഃ പരികീർതിതഃ । ഭവസർപേണ ദംഷ്ട്രാണാം വിവേകഗത ചേതസാം ॥ 31 ॥ നൃസിംഹമന്ത്രരാജോഽയം ഗാരുഡോമന്ത്ര ഉച്യതേ । അജ്ഞാനതമസാം നൃണാമന്ധവദ്ഭ്രാന്തചക്ഷുഷാം ॥ 32 ॥ നൃസിംഹമന്ത്രരാജോഽയം പ്രയാസം പരികീർതിതഃ । താപത്രയാഗ്നി ദഗ്ധാനാം ഛായാ സംശ്രയമിച്ഛതാം ॥ 33 ॥ നൃസിംഹമന്ത്രരാജശ്ച ഭക്തമാനസപഞ്ജരം । നൃസിംഹോ ഭാസ്കരോ ഭൂത്വാ പ്രകാശയതി മന്ദിരം ॥ 34 ॥ വേദാന്തവനമധ്യസ്ഥാ ഹരിണീ മൃഗ ഇഷ്യതേ । നൃസിംഹ നീലമേഘസ്യ സന്ദർശന വിശേഷതഃ ॥ 35 ॥ മയൂരാ ഭക്തിമന്തശ്ച നൃത്യന്തി പ്രീതിപൂർവകം । അന്യത്ര നിർഗതാ വാലാ മാതരം പരിലോകയ ॥ 36 ॥ യഥാ യഥാ ഹി തുഷ്യന്തേ നൃസിംഹസ്യാവലോകനാത് । ശ്രീമന്നൃസിംഹപാദാബ്ജം നത്വാരംഗപ്രവേശിതാ ॥ 37 ॥ മദീയ ബുദ്ധിവനിതാ നടീ നൃത്യതി സുന്ദരീ । ശ്രീമന്നൃസിംഹപാദാബ്ജ മധുപീത്വാ മദോന്മദഃ ॥ 38 ॥ മദീയാ ബുദ്ധിമാലോക്യ മൂഢാ നിന്ദന്തി മാധവം । ശ്രീമന്നൃസിംഹപാദാബ്ജരേണും വിധിസുഭക്ഷണം ॥ 40 ॥ മദീയചിത്തഹംസോഽയം മനോവശ്യം ന യാതി മേ । ശ്രീനൃസിംഹഃ പിതാ മഹ്യം മാതാ ച നരകേസരീ ॥ 41 ॥ വർതതേ താഭുവൗ നിത്യം രൗവഹം പരിയാമി വൈ । സത്യം സത്യം പുനഃ സത്യം നൃസിംഹഃ ശരണം മമ ॥ 42 ॥ അഹോഭാഗ്യം അഹോഭാഗ്യം നാരസിംഹോ ഗതിർമമ । ശ്രീമന്നൃസിംഹപാദാബ്ജദ്വന്ദ്വം മേ ഹൃദയേ സദാ ॥ 43 ॥ വർതതാം വർതതാം നിത്യം ദൃഢഭക്തിം പ്രയച്ഛ മേ । നൃസിംഹ തുഷ്ടോ ഭക്തോഽയം ഭുക്തിം മുക്തിം പ്രയച്ഛതി ॥ 44 ॥ നൃസിംഹഹൃദയം യസ്തു പഠേന്നിത്യം സമാഹിതഃ । നൃസിംഹത്വം സമാപ്നോതി നൃസിംഹഃ സമ്പ്രസീദതി ॥ 45 ॥ ത്രിസന്ധ്യം യഃ പഠേന്നിത്യം മന്ദവാരേ വിഷേശതഃ । രാജദ്വാരേ സഭാസ്ഥാനേ സർവത്ര വിജയീ ഭവേത് ॥ 46 ॥ യം യം ചിന്തയതേ കാമം തം തം പ്രാപ്നോതി നിശ്ചിതം । ഇഹ ലോകേ ശുഭാൻ കാമാൻ പരത്ര ച പരാംഗതിം ॥ 47 ॥ ഇതി ഭവിഷ്യോത്തരപുരാണേ പ്രഹ്ലാദകഥിതം ശ്രീ ലക്ഷ്മീനൃസിംഹ ഹൃദയ സ്തോത്രം ।