हैंహైHaindavamஹிહિં
📍
Font Size:
ಲಕ್ಷ್ಮೀ ನೃಸಿಂಹ ಹೃದಯ ಸ್ತೋತ್ರಂ
ಅಸ್ಯ ಶ್ರೀ ಲಕ್ಷ್ಮೀನೃಸಿಂಹ ಹೃದಯ ಮಹಾಮಂತ್ರಸ್ಯ ಪ್ರಹ್ಲಾದ ಋಷಿಃ, ಶ್ರೀಲಕ್ಷ್ಮೀನೃಸಿಂಹೋ ದೇವತಾ, ಅನುಷ್ಟುಪ್ ಛಂದಃ, ಮಮ ಈಪ್ಸಿತಾರ್ಥಸಿದ್ಧ್ಯರ್ಥೇ ಪಾಠೇ ವಿನಿಯೋಗಃ ॥
ಕರನ್ಯಾಸಃ –
ಓಂ ಶ್ರೀಲಕ್ಷ್ಮೀನೃಸಿಂಹಾಯ ಅಂಗುಷ್ಠಾಭ್ಯಾಂ ನಮಃ ।
ಓಂ ವಜ್ರನಖಾಯ ತರ್ಜನೀಭ್ಯಾಂ ನಮಃ ।
ಓಂ ಮಹಾರೂಪಾಯ ಮಧ್ಯಮಾಭ್ಯಾಂ ನಮಃ ।
ಓಂ ಸರ್ವತೋಮುಖಾಯ ಅನಾಮಿಕಾಭ್ಯಾಂ ನಮಃ ।
ಓಂ ಭೀಷಣಾಯ ಕನಿಷ್ಠಿಕಾಭ್ಯಾಂ ನಮಃ ।
ಓಂ ವೀರಾಯ ಕರತಲ ಕರಪೃಷ್ಠಾಭ್ಯಾಂ ನಮಃ ।
ಹೃದಯನ್ಯಾಸಃ –
ಓಂ ಶ್ರೀಲಕ್ಷ್ಮೀನೃಸಿಂಹಾಯ ಹೃದಯಾಯ ನಮಃ ।
ಓಂ ವಜ್ರನಖಾಯ ಶಿರಸೇ ಸ್ವಾಹಾ ।
ಓಂ ಮಹಾರೂಪಾಯ ಶಿಖಾಯೈ ವಷಟ್ ।
ಓಂ ಸರ್ವತೋಮುಖಾಯ ಕವಚಾಯ ಹುಂ ।
ಓಂ ಭೀಷಣಾಯ ನೇತ್ರತ್ರಯಾಯ ವೌಷಟ್ ।
ಓಂ ವೀರಾಯ ಅಸ್ತ್ರಾಯ ಫಟ್ ॥
ಅಥ ಧ್ಯಾನಂ ।
ಸತ್ಯಂ ಜ್ಞಾನೇಂದ್ರಿಯಸುಖಂ ಕ್ಷೀರಾಂಭೋನಿಧಿ ಮಧ್ಯಗಂ
ಯೋಗಾರೂಢಂ ಪ್ರಸನ್ನಾಸ್ಯಂ ನಾನಾಭರಣಭೂಷಿತಂ ।
ಮಹಾಚಕ್ರಂ ಮಹಾವಿಷ್ಣುಂ ತ್ರಿನೇತ್ರಂ ಚ ಪಿನಾಕಿನಂ
ಶ್ವೇತಾಹಿವಾಸಂ ಶ್ವೇತಾಂಗಂ ಸೂರ್ಯಚಂದ್ರಾದಿ ಪಾರ್ಶ್ವಗಂ ।
ಶ್ರೀನೃಸಿಂಹಂ ಸದಾ ಧ್ಯಾಯೇತ್ ಕೋಟಿಸೂರ್ಯಸಮಪ್ರಭಂ ॥
ಅಥ ಮಂತ್ರಃ ।
ಓಂ ನಮೋ ಭಗವತೇ ನರಸಿಂಹಾಯ ದೇವಾಯ ನಮಃ ॥
ಅಥ ಹೃದಯ ಸ್ತೋತ್ರಂ ।
ಶ್ರೀನೃಸಿಂಹಃ ಪರಂಬ್ರಹ್ಮ ಶ್ರೀನೃಸಿಂಹಃ ಪರಂ ಶಿವಃ ।
ನೃಸಿಂಹಃ ಪರಮೋ ವಿಷ್ಣುಃ ನೃಸಿಂಹಃ ಸರ್ವದೇವತಾ ॥ 1 ॥
ನೃಶಬ್ದೇನೋಚ್ಯತೇ ಜೀವಃ ಸಿಂಹಶಬ್ದೇನ ಚ ಸ್ವರಃ ।
ತಯೋರೈಕ್ಯಂ ಶ್ರುತಿಪ್ರೋಕ್ತಂ ಯಃ ಪಶ್ಯತಿ ಸ ಪಶ್ಯತಿ ॥ 2 ॥
ನೃಸಿಂಹಾದ್ದೇವಾಃ ಜಾಯಂತೇ ಲೋಕಾಃ ಸ್ಥಾವರಜಂಗಮಾಃ ।
ನೃಸಿಂಹೇನೈವ ಜೀವಂತಿ ನೃಸಿಂಹೇ ಪ್ರವಿಶಂತಿ ಚ ॥ 3 ॥
ನೃಸಿಂಹೋ ವಿಶ್ವಮುತ್ಪಾದ್ಯ ಪ್ರವಿಶ್ಯ ತದನಂತರಂ ।
ರಾಜಭಿಕ್ಷುಸ್ವರೂಪೇಣ ನೃಸಿಂಹಸ್ಯ ಸ್ಮರಂತಿ ಯೇ ॥ 4 ॥
ನೃಸಿಂಹಾತ್ ಪರಮಂ ನಾಸ್ತಿ ನೃಸಿಂಹಂ ಕುಲದೈವತಂ ।
ನೃಸಿಂಹಭಕ್ತಾ ಯೇ ಲೋಕೇ ತೇ ಜ್ಞಾನಿನಂ ಇತೀರಿತಾಃ ॥ 5 ॥
ವಿರಕ್ತಾ ದಯಯಾ ಯುಕ್ತಾಃ ಸರ್ವಭೂತಸಮೇಕ್ಷಣಾಃ ।
ನ್ಯಸ್ತ ಸಂಸಾರ ಯೋಗೇನ ನೃಸಿಂಹಂ ಪ್ರಾಪ್ನುವಂತಿ ತೇ ॥ 6 ॥
ಮಾಹಾತ್ಮ್ಯಂ ಯಸ್ಯ ಸರ್ವೇಽಪಿ ವದಂತಿ ನಿಗಮಾಗಮಾಃ ।
ನೃಸಿಂಹಃ ಸರ್ವಜಗತಾಂ ಕರ್ತಾ ಭೋಕ್ತಾ ನ ಚಾಪರಃ ॥ 7 ॥
ನೃಸಿಂಹೋ ಜಗತಾಂ ಹೇತುಃ ಬಹಿರ್ಯಾಯಾಽವಲಂಬನಃ ।
ಮಾಯಯಾ ವೇದಿತಾತ್ಮಾ ಚ ಸುದರ್ಶನಸಮಾಕ್ಷರಃ ॥ 8 ॥
ವಾಸುದೇವೋ ಮಯಾತೀತೋ ನಾರಾಯಣಸಮಪ್ರಭ ।
ನಿರ್ಮಲೋ ನಿರಹಂಕಾರೋ ನಿರ್ಮಾಲ್ಯೋ ಯೋ ನಿರಂಜನಃ ॥ 9 ॥
ಸರ್ವೇಷಾಂ ಚಾಪಿ ಭೂತಾನಾಂ ಹೃದಯಾಂಭೋಜವಾಸಕಃ ।
ಅತಿಪ್ರೇಷ್ಠಃ ಸದಾನಂದೋ ನಿರ್ವಿಕಾರೋ ಮಹಾಮತಿಃ ॥ 10 ॥
ಚರಾಚರಸ್ವರೂಪೀ ಚ ಚರಾಚರನಿಯಾಮಕಃ ।
ಸರ್ವೇಶ್ವರಃ ಸರ್ವಕರ್ತಾ ಸರ್ವಾತ್ಮಾ ಸರ್ವಗೋಚರಃ ॥ 11 ॥
ನೃಸಿಂಹ ಏವ ಯಃ ಸಾಕ್ಷಾತ್ ಪ್ರತ್ಯಗಾತ್ಮಾ ನ ಸಂಶಯಃ ।
ಕೇಚಿನ್ಮೂಢಾ ವದಂತ್ಯೇವಮವತಾರಮನೀಶ್ವರಂ ॥ 12 ॥
ನೃಸಿಂಹ ಪರಮಾತ್ಮಾನಂ ಸರ್ವಭೂತನಿವಾಸಿನಂ ।
ತಸ್ಯ ದರ್ಶನಮಾತ್ರೇಣ ಸೂರ್ಯಸ್ಯಾಲೋಕವದ್ಭವೇತ್ ॥ 13 ॥
ಸರ್ವಂ ನೃಸಿಂಹ ಏವೇತಿ ಸಂಗ್ರಹಾತ್ಮಾ ಸುದುರ್ಲಭಃ ।
ನಾರಸಿಂಹಃ ಪರಂ ದೈವಂ ನಾರಸಿಂಹೋ ಜಗದ್ಗುರುಃ ॥ 14 ॥
ನೃಸಿಂಹೇತಿ ನೃಸಿಂಹೇತಿ ಪ್ರಭಾತೇ ಯೇ ಪಠಂತಿ ಚ ।
ತೇಷಾಂ ಪ್ರಸನ್ನೋ ಭಗವಾನ್ ಮೋಕ್ಷಂ ಸಮ್ಯಕ್ ಪ್ರಯಚ್ಛತಿ ॥ 15 ॥
ಓಂಕಾರೇಭ್ಯಶ್ಚ ಪೂತಾತ್ಮಾ ಓಂಕಾರೈಕ ಪ್ರಬೋಧಿತಃ ।
ಓಂಕಾರೋ ಮಂತ್ರರಾಜಶ್ಚ ಲೋಕೇ ಮೋಕ್ಷಪ್ರದಾಯಕಃ ॥ 16 ॥
ನೃಸಿಂಹಭಕ್ತಾ ಯೇ ಲೋಕೇ ನಿರ್ಭಯಾ ನಿರ್ವಿಕಾರಕಾಃ ।
ತೇಷಾಂ ದರ್ಶನಮಾತ್ರೇಣ ಸರ್ವಪಾಪೈಃ ಪ್ರಮುಚ್ಯತೇ ॥ 17 ॥
ಸಕಾರೋ ಜೀವವಾಚೀ ಸ್ಯಾದಿಕಾರಃ ಪರಮೇಶ್ವರಃ ।
ಹಕಾರಾಕಾರಯೋರೈಕ್ಯಂ ಮಹಾವಾಕ್ಯಂ ತತೋ ಭವೇತ್ ॥ 18 ॥
ಓಂಕಾರಜಾ ಪ್ರೇತಮುಕ್ತಿಃ ಕಾಶ್ಯಾಂ ಮರಣಂ ತಥಾ ।
ನೃಸಿಂಹ ಸ್ಮರಣಾದೇವ ಮುಕ್ತಿರ್ಭವತಿ ನಾನ್ಯಥಾ ॥ 19 ॥
ತಸ್ಮಾತ್ಸರ್ವಪ್ರಯತ್ನೇನ ಮಂತ್ರರಾಜಮಿತಿ ಧ್ರುವಂ ।
ಸರ್ವೇಷಾಂ ಚಾಪಿ ವೇದಾನಾಂ ದೇವತಾನಾಂ ತಥೈವ ಚ ॥ 20 ॥
ಸರ್ವೇಷಾಂ ಚಾಪಿ ಶಾಸ್ತ್ರಾಣಾಂ ತಾತ್ಪರ್ಯಂ ನೃಹರೌ ಹರೌ ।
ಶ್ರೀರಾಮತಾಪನೀಯಸ್ಯ ಗೋಪಾಲಸ್ಯಾಪಿ ತಾಪಿನಃ ॥ 21 ॥
ನೃಸಿಂಹತಾಪನೀಯಸ್ಯ ಕಲಾಂ ನಾರ್ಹತಿ ಷೋಡಶೀಂ ।
ಶ್ರೀಮನ್ಮಂತ್ರಮಹಾರಾಜ ನೃಸಿಂಹಸ್ಯ ಪ್ರಸಾದತಃ ॥ 22 ॥
ಶ್ರೀನೃಸಿಂಹೋ ನಮಸ್ತುಭ್ಯಂ ಶ್ರೀನೃಸಿಂಹಃ ಪ್ರಸೀದ ಮೇ ।
ನೃಸಿಂಹೋ ಭಗವಾನ್ಮಾತಾ ಶ್ರೀನೃಸಿಂಹಃ ಪಿತಾ ಮಮ ॥ 23 ॥
ನೃಸಿಂಹೋ ಮಮ ಪುತ್ರಶ್ಚ ನರಕಾತ್ತ್ರಾಯತೇ ಯತಃ ।
ಸರ್ವದೇವಾತ್ಮಕೋ ಯಶ್ಚ ನೃಸಿಂಹಃ ಪರಿಕೀರ್ತಿತಃ ॥ 24 ॥
ಅಶ್ವಮೇಧಸಹಸ್ರಾಣಿ ವಾಜಪೇಯ ಶತಾನಿ ಚ ।
ಕಾಶೀ ರಾಮೇಶ್ವರಾದೀನಿ ಫಲಾನ್ಯಪಿ ನಿಶಮ್ಯ ಚ ॥ 25 ॥
ಯಾವತ್ಫಲಂ ಸಮಾಪ್ನೋತಿ ತಾವದಾಪ್ನೋತಿ ಮಂತ್ರತಃ ।
ಷಣ್ಣವತ್ಯಶ್ಚ ಕರಣೀ ಯಾವತೀ ತೃಪ್ತಿರಿಷ್ಯತೇ ॥ 26 ॥
ಪಿತೄಣಾಂ ತಾವತೀ ಪ್ರೀತಿಃ ಮಂತ್ರರಾಜಸ್ಯ ಜಾಯತೇ ।
ಅಪುತ್ರಸ್ಯ ಗತಿರ್ನಾಸ್ತಿ ಇತಿ ಸ್ಮೃತ್ಯಾ ಯದೀರಿತಂ ॥ 27 ॥
ತತ್ತು ಲಕ್ಷ್ಮೀನೃಸಿಂಹಸ್ಯ ಭಕ್ತಿಮಾತ್ರಾವಗೋಚರಂ ।
ಸರ್ವಾಣಿ ತರ್ಕಮೀಮಾಂಸಾ ಶಾಸ್ತ್ರಾಣಿ ಪರಿಹಾಯ ವೈ ॥ 28 ॥
ನೃಸಿಂಹ ಸ್ಮರಣಾಲ್ಲೋಕೇ ತಾರಕಂ ಭವತಾರಕಂ ।
ಅಪಾರ ಭವವಾರಾಬ್ಧೌ ಸತತಂ ಪತತಾಂ ನೃಣಾಂ ॥ 29 ॥
ನೃಸಿಂಹಮಂತ್ರರಾಜೋಽಯಂ ನಾವಿಕೋ ಭಾಷ್ಯತೇ ಬುಧೈಃ ।
ಯಮಪಾಶೇನ ಬದ್ಧಾನಾಂ ಪಂಗುಂ ವೈ ತಿಷ್ಠತಾಂ ನೃಣಾಂ ॥ 30 ॥
ನೃಸಿಂಹಮಂತ್ರರಾಜೋಽಯಂ ಋಷಯಃ ಪರಿಕೀರ್ತಿತಃ ।
ಭವಸರ್ಪೇಣ ದಂಷ್ಟ್ರಾಣಾಂ ವಿವೇಕಗತ ಚೇತಸಾಂ ॥ 31 ॥
ನೃಸಿಂಹಮಂತ್ರರಾಜೋಽಯಂ ಗಾರುಡೋಮಂತ್ರ ಉಚ್ಯತೇ ।
ಅಜ್ಞಾನತಮಸಾಂ ನೃಣಾಮಂಧವದ್ಭ್ರಾಂತಚಕ್ಷುಷಾಂ ॥ 32 ॥
ನೃಸಿಂಹಮಂತ್ರರಾಜೋಽಯಂ ಪ್ರಯಾಸಂ ಪರಿಕೀರ್ತಿತಃ ।
ತಾಪತ್ರಯಾಗ್ನಿ ದಗ್ಧಾನಾಂ ಛಾಯಾ ಸಂಶ್ರಯಮಿಚ್ಛತಾಂ ॥ 33 ॥
ನೃಸಿಂಹಮಂತ್ರರಾಜಶ್ಚ ಭಕ್ತಮಾನಸಪಂಜರಂ ।
ನೃಸಿಂಹೋ ಭಾಸ್ಕರೋ ಭೂತ್ವಾ ಪ್ರಕಾಶಯತಿ ಮಂದಿರಂ ॥ 34 ॥
ವೇದಾಂತವನಮಧ್ಯಸ್ಥಾ ಹರಿಣೀ ಮೃಗ ಇಷ್ಯತೇ ।
ನೃಸಿಂಹ ನೀಲಮೇಘಸ್ಯ ಸಂದರ್ಶನ ವಿಶೇಷತಃ ॥ 35 ॥
ಮಯೂರಾ ಭಕ್ತಿಮಂತಶ್ಚ ನೃತ್ಯಂತಿ ಪ್ರೀತಿಪೂರ್ವಕಂ ।
ಅನ್ಯತ್ರ ನಿರ್ಗತಾ ವಾಲಾ ಮಾತರಂ ಪರಿಲೋಕಯ ॥ 36 ॥
ಯಥಾ ಯಥಾ ಹಿ ತುಷ್ಯಂತೇ ನೃಸಿಂಹಸ್ಯಾವಲೋಕನಾತ್ ।
ಶ್ರೀಮನ್ನೃಸಿಂಹಪಾದಾಬ್ಜಂ ನತ್ವಾರಂಗಪ್ರವೇಶಿತಾ ॥ 37 ॥
ಮದೀಯ ಬುದ್ಧಿವನಿತಾ ನಟೀ ನೃತ್ಯತಿ ಸುಂದರೀ ।
ಶ್ರೀಮನ್ನೃಸಿಂಹಪಾದಾಬ್ಜ ಮಧುಪೀತ್ವಾ ಮದೋನ್ಮದಃ ॥ 38 ॥
ಮದೀಯಾ ಬುದ್ಧಿಮಾಲೋಕ್ಯ ಮೂಢಾ ನಿಂದಂತಿ ಮಾಧವಂ ।
ಶ್ರೀಮನ್ನೃಸಿಂಹಪಾದಾಬ್ಜರೇಣುಂ ವಿಧಿಸುಭಕ್ಷಣಂ ॥ 40 ॥
ಮದೀಯಚಿತ್ತಹಂಸೋಽಯಂ ಮನೋವಶ್ಯಂ ನ ಯಾತಿ ಮೇ ।
ಶ್ರೀನೃಸಿಂಹಃ ಪಿತಾ ಮಹ್ಯಂ ಮಾತಾ ಚ ನರಕೇಸರೀ ॥ 41 ॥
ವರ್ತತೇ ತಾಭುವೌ ನಿತ್ಯಂ ರೌವಹಂ ಪರಿಯಾಮಿ ವೈ ।
ಸತ್ಯಂ ಸತ್ಯಂ ಪುನಃ ಸತ್ಯಂ ನೃಸಿಂಹಃ ಶರಣಂ ಮಮ ॥ 42 ॥
ಅಹೋಭಾಗ್ಯಂ ಅಹೋಭಾಗ್ಯಂ ನಾರಸಿಂಹೋ ಗತಿರ್ಮಮ ।
ಶ್ರೀಮನ್ನೃಸಿಂಹಪಾದಾಬ್ಜದ್ವಂದ್ವಂ ಮೇ ಹೃದಯೇ ಸದಾ ॥ 43 ॥
ವರ್ತತಾಂ ವರ್ತತಾಂ ನಿತ್ಯಂ ದೃಢಭಕ್ತಿಂ ಪ್ರಯಚ್ಛ ಮೇ ।
ನೃಸಿಂಹ ತುಷ್ಟೋ ಭಕ್ತೋಽಯಂ ಭುಕ್ತಿಂ ಮುಕ್ತಿಂ ಪ್ರಯಚ್ಛತಿ ॥ 44 ॥
ನೃಸಿಂಹಹೃದಯಂ ಯಸ್ತು ಪಠೇನ್ನಿತ್ಯಂ ಸಮಾಹಿತಃ ।
ನೃಸಿಂಹತ್ವಂ ಸಮಾಪ್ನೋತಿ ನೃಸಿಂಹಃ ಸಂಪ್ರಸೀದತಿ ॥ 45 ॥
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ಮಂದವಾರೇ ವಿಷೇಶತಃ ।
ರಾಜದ್ವಾರೇ ಸಭಾಸ್ಥಾನೇ ಸರ್ವತ್ರ ವಿಜಯೀ ಭವೇತ್ ॥ 46 ॥
ಯಂ ಯಂ ಚಿಂತಯತೇ ಕಾಮಂ ತಂ ತಂ ಪ್ರಾಪ್ನೋತಿ ನಿಶ್ಚಿತಂ ।
ಇಹ ಲೋಕೇ ಶುಭಾನ್ ಕಾಮಾನ್ ಪರತ್ರ ಚ ಪರಾಂಗತಿಂ ॥ 47 ॥
ಇತಿ ಶ್ರೀ ಲಕ್ಷ್ಮೀನೃಸಿಂಹ ಹೃದಯ ಸ್ತೋತ್ರಂ ।
Recite with devotion and pure heart
Regular practice brings spiritual benefits