हैंహైHaindavamஹிહિં
📍
Font Size:
லக்ஷ்மீ ந்ருʼஸிம்ʼஹ ஸஹஸ்ரநாம ஸ்தோத்ரம்
॥ பூர்வபீடி²கா ॥
மார்கண்டே³ய உவாச ।
ஏவம்ʼ யுத்³த⁴மபூ⁴த்³கோ⁴ரம்ʼ ரௌத்³ரம்ʼ தை³த்யப³லை꞉ ஸஹ ।
ந்ருʼஸிம்ʼஹஸ்யாங்க³ஸம்பூ⁴தைர்நாரஸிம்ʼஹைரனேகஶ꞉ ॥ 1 ॥
தை³த்யகோடிர்ஹதாஸ்தத்ர கேசித்³பீ⁴தா꞉ பலாயிதா꞉ ।
தம்ʼ த்³ருʼஷ்ட்வாதீவ ஸங்க்ருத்³தோ⁴ ஹிரண்யகஶிபு꞉ ஸ்வயம் ॥ 2 ॥
பூ⁴தபூர்வைரம்ருʼத்யுர்மே இதி ப்³ரஹ்மவரோத்³த⁴த꞉ ।
வவர்ஷ ஶரவர்ஷேண நாரஸிம்ʼஹோ ப்⁴ருʼஶம்ʼ ப³லீ ॥ 3 ॥
த்³வந்த்³வயுத்³த⁴மபூ⁴து³க்³ரம்ʼ தி³வ்யவர்ஷஸஹஸ்ரகம் ।
தை³த்யேந்த்³ரே ஸாஹஸம்ʼ த்³ருʼஷ்ட்வா தே³வாஶ்சேந்த்³ரபுரோக³மா꞉ ॥ 4 ॥
ஶ்ரேய꞉ கஸ்ய ப⁴வேத³த்ர இதி சிந்தாபரா ப⁴வன் ।
ததா³ க்ருத்³தோ⁴ ந்ருʼஸிம்ʼஹஸ்து தை³த்யேந்த்³ரப்ரஹிதான்யபி ॥ 5 ॥
விஷ்ணுசக்ரம்ʼ மஹாசக்ரம்ʼ காலசக்ரம்ʼ து வைஷ்ணவம் ।
ரௌத்³ரம்ʼ பாஶுபதம்ʼ ப்³ராஹ்மம்ʼ கௌபே³ரம்ʼ குலிஶாஸனம் ॥ 6 ॥
ஆக்³னேயம்ʼ வாருணம்ʼ ஸௌம்யம்ʼ மோஹனம்ʼ ஸௌரபார்வதம் ।
பா⁴ர்க³வாதி³ ப³ஹூன்யஸ்த்ராண்யப⁴க்ஷயத கோபன꞉ ॥ 7 ॥
ஸந்த்⁴யாகாலே ஸபா⁴த்³வாரே ஸ்வாங்கே நிக்ஷிப்ய பை⁴ரவ꞉ ।
தத꞉ க²ட்³க³த⁴ரம்ʼ தை³த்யம்ʼ ஜக்³ராஹ நரகேஸரீ ॥ 8 ॥
ஹிரண்யகஶிபோர்வக்ஷோ விதா³ர்யாதீவ ரோஷித꞉ ।
உத்³த்⁴ருʼத்ய சாந்த்ரமாலானி நகை²ர்வஜ்ரஸமப்ரபை⁴꞉ ॥ 9 ॥
மேனே க்ருʼதார்த²மாத்மானம்ʼ ஸர்வத꞉ பர்யவைக்ஷத ।
ஹர்ஷிதா தே³வதா꞉ ஸர்வா꞉ புஷ்பவ்ருʼஷ்டிமவாகிரன் ॥ 10 ॥
தே³வது³ந்து³ப⁴யோ நேது³ர்விமலாஶ்ச தி³ஶோ(அ)ப⁴வன் ।
நரஸிம்ʼஹமதீவோக்³ரம்ʼ விகீர்ணவத³னம்ʼ ப்⁴ருʼஶம் ॥ 11 ॥
லேலிஹானம்ʼ ச க³ர்ஜந்தம்ʼ காலானலஸமப்ரப⁴ம் ।
அதிரௌத்³ரம்ʼ மஹாகாயம்ʼ மஹாத³ம்ʼஷ்ட்ரம்ʼ மஹாருதம் ॥ 12 ॥
மஹாஸிம்ʼஹம்ʼ மஹாரூபம்ʼ த்³ருʼஷ்ட்வா ஸங்க்ஷுபி⁴தம்ʼ ஜக³த் ।
ஸர்வதே³வக³ணை꞉ ஸார்த²ம்ʼ தத்ராக³த்ய பிதாமஹ꞉ ॥ 13 ॥
ஆக³ந்துகைர்பூ⁴தபூர்வைர்வர்தமானைரனுத்தமை꞉ ।
கு³ணைர்நாமஸஹஸ்ரேண துஷ்டாவ ஶ்ருதிஸம்மதை꞉ ॥ 14 ॥
ஓம்ʼ நம꞉ ஶ்ரீமத்³தி³வ்யலக்ஷ்மீந்ருʼஸிம்ʼஹ ஸஹஸ்ரநாமஸ்தோத்ரமஹாமந்த்ரஸ்ய ப்³ரஹ்மா ருʼஷி꞉, ஶ்ரீலக்ஷ்மீந்ருʼஸிம்ʼஹோ தே³வதா, அனுஷ்டுப்ச²ந்த³꞉, ஶ்ரீந்ருʼஸிம்ʼஹ꞉ பரமாத்மா பீ³ஜம்ʼ, லக்ஷ்மீர்மாயா ஶக்தி꞉, ஜீவோ பீ³ஜம்ʼ, பு³த்³தி⁴꞉ ஶக்தி꞉, உதா³னவாயு꞉ பீ³ஜம்ʼ, ஸரஸ்வதீ ஶக்தி꞉, வ்யஞ்ஜனானி பீ³ஜானி, ஸ்வரா꞉ ஶக்தய꞉, ஓம்ʼ க்ஷ்ரௌம்ʼ ஹ்ரீம்ʼ இதி பீ³ஜானி, ஓம்ʼ ஶ்ரீம்ʼ
அம்ʼ ஆம்ʼ இதி ஶக்தய꞉, விகீர்ணநக²த³ம்ʼஷ்ட்ராயுதா⁴யேதி கீலகம்ʼ, அகாராதி³தி போ³த⁴கம்ʼ, ஶ்ரீலக்ஷ்மீந்ருʼஸிம்ʼஹ ப்ரஸாத³ஸித்³த்⁴யர்தே² ஶ்ரீலக்ஷ்மீந்ருʼஸிம்ʼஹ ஸஹஸ்ரநாமஸ்தோத்ர மந்த்ரஜபே விநியோக³꞉ ।
ந்யாஸ꞉ –
ஓம்ʼ ஶ்ரீலக்ஷ்மீந்ருʼஸிம்ʼஹாய நம꞉ – அங்கு³ஷ்டா²ப்⁴யாம்ʼ நம꞉ ।
ஓம்ʼ வஜ்ரநகா²ய நம꞉ – தர்ஜனீப்⁴யாம்ʼ நம꞉ ।
ஓம்ʼ மஹாருத்³ராய நம꞉ – மத்⁴யமாப்⁴யாம்ʼ நம꞉ ।
ஓம்ʼ ஸர்வதோமுகா²ய நம꞉ – அநாமிகாப்⁴யாம்ʼ நம꞉ ।
ஓம்ʼ விகடாஸ்யாய நம꞉ – கநிஷ்டி²காப்⁴யாம்ʼ நம꞉ ।
ஓம்ʼ வீராய நம꞉ – கரதலகரப்ருʼஷ்டா²ப்⁴யாம்ʼ நம꞉ ।
ஏவம்ʼ ஹ்ருʼத³யாதி³ந்யாஸ꞉ ।
தி³க்³ப³ந்த⁴꞉ –
ஓம்ʼ ஐந்த்³ரீம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ ஆக்³னேயீம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ யாம்யாம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ நைர்ருʼதிம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ வாருணீம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ வாயவீம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ கௌபே³ரீம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ ஈஶானீம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ ஊர்த்⁴வாம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ அத⁴ஸ்தாத்³தி³ஶம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
ஓம்ʼ அந்தரிக்ஷாம்ʼ தி³ஶம்ʼ ஸுத³ர்ஶனேன ப³த்⁴நாமி நமஶ்சக்ராய ஸ்வாஹா ।
அத² த்⁴யானம் ।
ஸத்யஜ்ஞானஸுக²ஸ்வரூபமமலம்ʼ க்ஷீராப்³தி⁴மத்⁴யே ஸ்தி²தம்ʼ
யோகா³ரூட⁴மதிப்ரஸன்னவத³னம்ʼ பூ⁴ஷாஸஹஸ்ரோஜ்வலம் ।
த்ர்யக்ஷம்ʼ சக்ரபினாகஸாப⁴யகரான் பி³ப்⁴ராணமர்கச்ச²விம்ʼ
ச²த்ரீபூ⁴தப²ணீந்த்³ரமிந்து³த⁴வலம்ʼ லக்ஷ்மீந்ருʼஸிம்ʼஹம்ʼ ப⁴ஜே ॥ 1 ॥
உபாஸ்மஹே ந்ருʼஸிம்ʼஹாக்²யம்ʼ ப்³ரஹ்ம வேதா³ந்தகோ³சரம் ।
பூ⁴யோலாலிதஸம்ʼஸாரச்சே²த³ஹேதும்ʼ ஜக³த்³கு³ரும் ॥ 2 ॥
॥ அத² ஸ்தோத்ரம் ॥
ப்³ரஹ்மோவாச ।
ஓம்ʼ ஹ்ரீம்ʼ ஶ்ரீம்ʼ ஐம்ʼ க்ஷ்ரௌம் ॥
ஓம்ʼ நமோ நாரஸிம்ʼஹாய வஜ்ரத³ம்ʼஷ்ட்ராய வஜ்ரிணே ।
வஜ்ரதே³ஹாய வஜ்ராய நமோ வஜ்ரநகா²ய ச ॥ 1 ॥
வாஸுதே³வாய வந்த்³யாய வரதா³ய வராத்மனே ।
வரதா³ப⁴யஹஸ்தாய வராய வரரூபிணே ॥ 2 ॥
வரேண்யாய வரிஷ்டா²ய ஶ்ரீவராய நமோ நம꞉ ।
ப்ரஹ்லாத³வரதா³யைவ ப்ரத்யக்ஷவரதா³ய ச ॥ 3 ॥
பராத்பரபரேஶாய பவித்ராய பினாகினே ।
பாவனாய ப்ரஸன்னாய பாஶினே பாபஹாரிணே ॥ 4 ॥
புருஷ்டுதாய புண்யாய புருஹூதாய தே நம꞉ ।
தத்புருஷாய தத்²யாய புராணபுருஷாய ச ॥ 5 ॥
புரோத⁴ஸே பூர்வஜாய புஷ்கராக்ஷாய தே நம꞉ ।
புஷ்பஹாஸாய ஹாஸாய மஹாஹாஸாய ஶார்ங்கி³ணே ॥ 6 ॥
ஸிம்ʼஹாய ஸிம்ʼஹராஜாய ஜக³த்³வஶ்யாய தே நம꞉ ।
அட்டஹாஸாய ரோஷாய ஜலவாஸாய தே நம꞉ ॥ 7 ॥
பூ⁴தாவாஸாய பா⁴ஸாய ஶ்ரீநிவாஸாய க²ட்³கி³னே ।
க²ட்³க³ஜிஹ்வாய ஸிம்ʼஹாய க²ட்³க³வாஸாய தே நம꞉ ॥ 8 ॥
நமோ மூலாதி⁴வாஸாய த⁴ர்மவாஸாய த⁴ன்வினே ।
த⁴னஞ்ஜயாய த⁴ந்யாய நமோ ம்ருʼத்யுஞ்ஜயாய ச ॥ 9 ॥
ஶுப⁴ஞ்ஜயாய ஸூத்ராய நம꞉ ஶத்ருஞ்ஜயாய ச ।
நிரஞ்ஜனாய நீராய நிர்கு³ணாய கு³ணாய ச ॥ 10 ॥
நிஷ்ப்ரபஞ்சாய நிர்வாணப்ரதா³ய நிபி³டா³ய ச ।
நிராலம்பா³ய நீலாய நிஷ்கலாய கலாய ச ॥ 11 ॥
நிமேஷாய நிப³ந்தா⁴ய நிமேஷக³மனாய ச ।
நிர்த்³வந்த்³வாய நிராஶாய நிஶ்சயாய நிராய ச ॥ 12 ॥
நிர்மலாய நிப³ந்தா⁴ய நிர்மோஹாய நிராக்ருʼதே ।
நமோ நித்யாய ஸத்யாய ஸத்கர்மநிரதாய ச ॥ 13 ॥
ஸத்யத்⁴வஜாய முஞ்ஜாய முஞ்ஜகேஶாய கேஶினே ।
ஹரீஶாய ச ஶேஷாய கு³டா³கேஶாய வை நம꞉ ॥ 14 ॥
ஸுகேஶாயோர்த்⁴வகேஶாய கேஶிஸம்ʼஹாரகாய ச ।
ஜலேஶாய ஸ்த²லேஶாய பத்³மேஶாயோக்³ரரூபிணே ॥ 15 ॥
குஶேஶயாய கூலாய கேஶவாய நமோ நம꞉ ।
ஸூக்திகர்ணாய ஸூக்தாய ரக்தஜிஹ்வாய ராகி³ணே ॥ 16 ॥
தீ³ப்தரூபாய தீ³ப்தாய ப்ரதீ³ப்தாய ப்ரலோபி⁴னே ।
ப்ரச்சி²ன்னாய ப்ரபோ³தா⁴ய ப்ரப⁴வே விப⁴வே நம꞉ ॥ 17 ॥
ப்ரப⁴ஞ்ஜனாய பாந்தா²ய ப்ரமாயாப்ரமிதாய ச ।
ப்ரகாஶாய ப்ரதாபாய ப்ரஜ்வலாயோஜ்ஜ்வலாய ச ॥ 18 ॥
ஜ்வாலாமாலாஸ்வரூபாய ஜ்வலஜ்ஜிஹ்வாய ஜ்வாலினே ।
மஹோஜ்ஜ்வலாய காலாய காலமூர்தித⁴ராய ச ॥ 19 ॥
காலாந்தகாய கல்பாய கலனாய க்ருʼதே நம꞉ ।
காலசக்ராய ஶக்ராய வஷட்சக்ராய சக்ரிணே ॥ 20 ॥
அக்ரூராய க்ருʼதாந்தாய விக்ரமாய க்ரமாய ச ।
க்ருʼத்தினே க்ருʼத்திவாஸாய க்ருʼதக்⁴னாய க்ருʼதாத்மனே ॥ 21 ॥
ஸங்க்ரமாய ச க்ருத்³தா⁴ய க்ராந்தலோகத்ரயாய ச ।
அரூபாய ஸ்வரூபாய ஹரயே பரமாத்மனே ॥ 22 ॥
அஜயாயாதி³தே³வாய அக்ஷயாய க்ஷயாய ச ।
அகோ⁴ராய ஸுகோ⁴ராய கோ⁴ரகோ⁴ரதராய ச ॥ 23 ॥
நமோ(அ)ஸ்த்வகோ⁴ரவீர்யாய லஸத்³கோ⁴ராய தே நம꞉ ।
கோ⁴ராத்⁴யக்ஷாய த³க்ஷாய த³க்ஷிணா(ஆ)ர்யாய ஶம்ப⁴வே ॥ 24 ॥
அமோகா⁴ய கு³ணௌகா⁴ய அனகா⁴யா(அ)க⁴ஹாரிணே ।
மேக⁴நாதா³ய நாதா³ய துப்⁴யம்ʼ மேகா⁴த்மனே நம꞉ ॥ 25 ॥
மேக⁴வாஹனரூபாய மேக⁴ஶ்யாமாய மாலினே ।
வ்யாலயஜ்ஞோபவீதாய வ்யாக்⁴ரதே³ஹாய வை நம꞉ ॥ 26 ॥
வ்யாக்⁴ரபாதா³ய ச வ்யாக்⁴ரகர்மிணே வ்யாபகாய ச ।
விகடாஸ்யாய வீராய விஷ்டரஶ்ரவஸே நம꞉ ॥ 27 ॥
விகீர்ணநக²த³ம்ʼஷ்ட்ராய நக²த³ம்ʼஷ்ட்ராயுதா⁴ய ச ।
விஷ்வக்ஸேனாய ஸேனாய விஹ்வலாய ப³லாய ச ॥ 28 ॥
விரூபாக்ஷாய வீராய விஶேஷாக்ஷாய ஸாக்ஷிணே ।
வீதஶோகாய விஸ்தீர்ணவத³னாய நமோ நம꞉ ॥ 29 ॥
விதா⁴னாய விதே⁴யாய விஜயாய ஜயாய ச ।
விபு³தா⁴ய விபா⁴வாய நமோ விஶ்வம்ப⁴ராய ச ॥ 30 ॥
வீதராகா³ய விப்ராய விடங்கநயனாய ச ।
விபுலாய வினீதாய விஶ்வயோனே நமோ நம꞉ ॥ 31 ॥
விட³ம்ப³னாய வித்தாய விஶ்ருதாய வியோனயே । [சித³ம்ப³ராய]
விஹ்வலாய விவாதா³ய நமோ வ்யாஹ்ருʼதயே நம꞉ ॥ 32 ॥
விலாஸாய விகல்பாய மஹாகல்பாய தே நம꞉ ।
ப³ஹுகல்பாய கல்பாய கல்பாதீதாய ஶில்பினே ॥ 33 ॥
கல்பனாய ஸ்வரூபாய ப²ணிதல்பாய வை நம꞉ ।
தடித்ப்ரபா⁴ய தார்க்ஷ்யாய தருணாய தரஸ்வினே ॥ 34 ॥
தபனாய தரக்ஷாய தாபத்ரயஹராய ச ।
தாரகாய தமோக்⁴னாய தத்த்வாய ச தபஸ்வினே ॥ 35 ॥
தக்ஷகாய தனுத்ராய தடினே தரலாய ச ।
ஶதரூபாய ஶாந்தாய ஶததா⁴ராய தே நம꞉ ॥ 36 ॥
ஶதபத்ராயதாக்ஷாய ஸ்தி²தயே ஶதமூர்தயே ।
ஶதக்ரதுஸ்வரூபாய ஶாஶ்வதாய ஶதாத்மனே ॥ 37 ॥
நம꞉ ஸஹஸ்ரஶிரஸே ஸஹஸ்ரவத³னாய ச ।
ஸஹஸ்ராக்ஷாய தே³வாய தி³ஶஶ்ரோத்ராய தே நம꞉ ॥ 38 ॥
நம꞉ ஸஹஸ்ரஜிஹ்வாய மஹாஜிஹ்வாய தே நம꞉ ।
ஸஹஸ்ரநாமதே⁴யாய ஸஹஸ்ராக்ஷித⁴ராய ச ॥ 39 ॥
ஸஹஸ்ரபா³ஹவே துப்⁴யம்ʼ ஸஹஸ்ரசரணாய ச ।
ஸஹஸ்ரார்கப்ரகாஶாய ஸஹஸ்ராயுத⁴தா⁴ரிணே ॥ 40 ॥
நம꞉ ஸ்தூ²லாய ஸூக்ஷ்மாய ஸுஸூக்ஷ்மாய நமோ நம꞉ ।
ஸுக்ஷுண்ணாய ஸுபி⁴க்ஷாய ஸுராத்⁴யக்ஷாய ஶௌரிணே ॥ 41 ॥
த⁴ர்மாத்⁴யக்ஷாய த⁴ர்மாய லோகாத்⁴யக்ஷாய வை நம꞉ ।
ப்ரஜாத்⁴யக்ஷாய ஶிக்ஷாய விபக்ஷக்ஷயமூர்தயே ॥ 42 ॥
காலாத்⁴யக்ஷாய தீக்ஷ்ணாய மூலாத்⁴யக்ஷாய தே நம꞉ ।
அதோ⁴க்ஷஜாய மித்ராய ஸுமித்ரவருணாய ச ॥ 43 ॥
ஶத்ருக்⁴னாய அவிக்⁴னாய விக்⁴னகோடிஹராய ச ।
ரக்ஷோக்⁴னாய தமோக்⁴னாய பூ⁴தக்⁴னாய நமோ நம꞉ ॥ 44 ॥
பூ⁴தபாலாய பூ⁴தாய பூ⁴தாவாஸாய பூ⁴தினே ।
பூ⁴தவேதாலகா⁴தாய பூ⁴தாதி⁴பதயே நம꞉ ॥ 45 ॥
பூ⁴தக்³ரஹவிநாஶாய பூ⁴தஸம்யமதே நம꞉ ।
மஹாபூ⁴தாய ப்⁴ருʼக³வே ஸர்வபூ⁴தாத்மனே நம꞉ ॥ 46 ॥
ஸர்வாரிஷ்டவிநாஶாய ஸர்வஸம்பத்கராய ச ।
ஸர்வாதா⁴ராய ஶர்வாய ஸர்வார்திஹரயே நம꞉ ॥ 47 ॥
ஸர்வது³꞉க²ப்ரஶாந்தாய ஸர்வஸௌபா⁴க்³யதா³யினே ।
ஸர்வஜ்ஞாயாப்யனந்தாய ஸர்வஶக்தித⁴ராய ச ॥ 48 ॥
ஸர்வைஶ்வர்யப்ரதா³த்ரே ச ஸர்வகார்யவிதா⁴யினே ।
ஸர்வஜ்வரவிநாஶாய ஸர்வரோகா³பஹாரிணே ॥ 49 ॥
ஸர்வாபி⁴சாரஹந்த்ரே ச ஸர்வைஶ்வர்யவிதா⁴யினே ।
பிங்கா³க்ஷாயைகஶ்ருʼங்கா³ய த்³விஶ்ருʼங்கா³ய மரீசயே ॥ 50 ॥
ப³ஹுஶ்ருʼங்கா³ய லிங்கா³ய மஹாஶ்ருʼங்கா³ய தே நம꞉ ।
மாங்க³ல்யாய மனோஜ்ஞாய மந்தவ்யாய மஹாத்மனே ॥ 51 ॥
மஹாதே³வாய தே³வாய மாதுலிங்க³த⁴ராய ச ।
மஹாமாயாப்ரஸூதாய ப்ரஸ்துதாய ச மாயினே ॥ 52 ॥
அனந்தானந்தரூபாய மாயினே ஜலஶாயினே ।
மஹோத³ராய மந்தா³ய மத³தா³ய மதா³ய ச ॥ 53 ॥
மது⁴கைடப⁴ஹந்த்ரே ச மாத⁴வாய முராரயே ।
மஹாவீர்யாய தை⁴ர்யாய சித்ரவீர்யாய தே நம꞉ ॥ 54 ॥
சித்ரகூர்மாய சித்ராய நமஸ்தே சித்ரபா⁴னவே ।
மாயாதீதாய மாயாய மஹாவீராய தே நம꞉ ॥ 55 ॥
மஹாதேஜாய பீ³ஜாய தேஜோதா⁴ம்னே ச பீ³ஜினே ।
தேஜோமயந்ருʼஸிம்ʼஹாய நமஸ்தே சித்ரபா⁴னவே ॥ 56 ॥
மஹாத³ம்ʼஷ்ட்ராய துஷ்டாய நம꞉ புஷ்டிகராய ச ।
ஶிபிவிஷ்டாய ஹ்ருʼஷ்டாய புஷ்டாய பரமேஷ்டி²னே ॥ 57 ॥
விஶிஷ்டாய ச ஶிஷ்டாய க³ரிஷ்டா²யேஷ்டதா³யினே ।
நமோ ஜ்யேஷ்டா²ய ஶ்ரேஷ்டா²ய துஷ்டாயாமிததேஜஸே ॥ 58 ॥
அஷ்டாங்க³ன்யஸ்தரூபாய ஸர்வது³ஷ்டாந்தகாய ச ।
வைகுண்டா²ய விகுண்டா²ய கேஶிகண்டா²ய தே நம꞉ ॥ 59 ॥
கண்டீ²ரவாய லுண்டா²ய நிஶ்ஶடா²ய ஹடா²ய ச ।
ஸத்வோத்³ரிக்தாய ருத்³ராய ருʼக்³யஜுஸ்ஸாமகா³ய ச ॥ 60 ॥
ருʼதுத்⁴வஜாய வஜ்ராய மந்த்ரராஜாய மந்த்ரிணே ।
த்ரிநேத்ராய த்ரிவர்கா³ய த்ரிதா⁴ம்னே ச த்ரிஶூலினே ॥ 61 ॥
த்ரிகாலஜ்ஞானரூபாய த்ரிதே³ஹாய த்ரிதா⁴த்மனே ।
நமஸ்த்ரிமூர்திவித்³யாய த்ரிதத்த்வஜ்ஞானினே நம꞉ ॥ 62 ॥
அக்ஷோப்⁴யாயாநிருத்³தா⁴ய அப்ரமேயாய பா⁴னவே ।
அம்ருʼதாய அனந்தாய அமிதாயாமிதௌஜஸே ॥ 63 ॥
அபம்ருʼத்யுவிநாஶாய அபஸ்மாரவிகா⁴தினே ।
அன்னதா³யான்னரூபாய அன்னாயான்னபு⁴ஜே நம꞉ ॥ 64 ॥
நாத்³யாய நிரவத்³யாய வித்³யாயாத்³பு⁴தகர்மணே ।
ஸத்³யோஜாதாய ஸங்கா⁴ய வைத்³யுதாய நமோ நம꞉ ॥ 65 ॥
அத்⁴வாதீதாய ஸத்த்வாய வாக³தீதாய வாக்³மினே ।
வாகீ³ஶ்வராய கோ³பாய கோ³ஹிதாய க³வாம்ʼ பதே ॥ 66 ॥
க³ந்த⁴ர்வாய க³பீ⁴ராய க³ர்ஜிதாயோர்ஜிதாய ச ।
பர்ஜந்யாய ப்ரபு³த்³தா⁴ய ப்ரதா⁴னபுருஷாய ச ॥ 67 ॥
பத்³மாபா⁴ய ஸுநாபா⁴ய பத்³மநாபா⁴ய மானினே ।
பத்³மநேத்ராய பத்³மாய பத்³மாயா꞉ பதயே நம꞉ ॥ 68 ॥
பத்³மோத³ராய பூதாய பத்³மகல்போத்³ப⁴வாய ச ।
நமோ ஹ்ருʼத்பத்³மவாஸாய பூ⁴பத்³மோத்³த⁴ரணாய ச ॥ 69 ॥
ஶப்³த³ப்³ரஹ்மஸ்வரூபாய ப்³ரஹ்மரூபத⁴ராய ச ।
ப்³ரஹ்மணே ப்³ரஹ்மரூபாய பத்³மநேத்ராய தே நம꞉ ॥ 70 ॥
ப்³ரஹ்மதா³ய ப்³ராஹ்மணாய ப்³ரஹ்மப்³ரஹ்மாத்மனே நம꞉ ।
ஸுப்³ரஹ்மண்யாய தே³வாய ப்³ரஹ்மண்யாய த்ரிவேதி³னே ॥ 71 ॥
பரப்³ரஹ்மஸ்வரூபாய பஞ்சப்³ரஹ்மாத்மனே நம꞉ ।
நமஸ்தே ப்³ரஹ்மஶிரஸே ததா²(அ)ஶ்வஶிரஸே நம꞉ ॥ 72 ॥
அத²ர்வஶிரஸே நித்யமஶனிப்ரமிதாய ச ।
நமஸ்தே தீக்ஷ்ணத³ம்ʼஷ்ட்ராய லோலாய லலிதாய ச ॥ 73 ॥
லாவண்யாய லவித்ராய நமஸ்தே பா⁴ஸகாய ச ।
லக்ஷணஜ்ஞாய லக்ஷாய லக்ஷணாய நமோ நம꞉ ॥ 74 ॥
லஸத்³தீ³ப்தாய லிப்தாய விஷ்ணவே ப்ரப⁴விஷ்ணவே ।
வ்ருʼஷ்ணிமூலாய க்ருʼஷ்ணாய ஶ்ரீமஹாவிஷ்ணவே நம꞉ ॥ 75 ॥
பஶ்யாமி த்வாம்ʼ மஹாஸிம்ʼஹம்ʼ ஹாரிணம்ʼ வனமாலினம் ।
கிரீடினம்ʼ குண்ட³லினம்ʼ ஸர்வாங்க³ம்ʼ ஸர்வதோமுக²ம் ॥ 76 ॥
ஸர்வத꞉ பாணிபாதோ³ர꞉ ஸர்வதோ(அ)க்ஷிஶிரோமுக²ம் ।
ஸர்வேஶ்வரம்ʼ ஸதா³துஷ்டம்ʼ ஸமர்த²ம்ʼ ஸமரப்ரியம் ॥ 77 ॥
ப³ஹுயோஜனவிஸ்தீர்ணம்ʼ ப³ஹுயோஜனமாயதம் ।
ப³ஹுயோஜனஹஸ்தாங்க்⁴ரிம்ʼ ப³ஹுயோஜனநாஸிகம் ॥ 78 ॥
மஹாரூபம்ʼ மஹாவக்த்ரம்ʼ மஹாத³ம்ʼஷ்ட்ரம்ʼ மஹாபு⁴ஜம் ।
மஹாநாத³ம்ʼ மஹாரௌத்³ரம்ʼ மஹாகாயம்ʼ மஹாப³லம் ॥ 79 ॥
ஆநாபே⁴ர்ப்³ரஹ்மணோ ரூபமாக³லாத்³வைஷ்ணவம்ʼ ததா² ।
ஆஶீர்ஷாத்³ருத்³ரமீஶானம்ʼ தத³க்³ரே ஸர்வத꞉ ஶிவம் ॥ 80 ॥
நமோ(அ)ஸ்து நாராயணநாரஸிம்ʼஹ
நமோ(அ)ஸ்து நாராயணவீரஸிம்ʼஹ ।
நமோ(அ)ஸ்து நாராயணக்ரூரஸிம்ʼஹ
நமோ(அ)ஸ்து நாராயணதி³வ்யஸிம்ʼஹ ॥ 81 ॥
நமோ(அ)ஸ்து நாராயணவ்யாக்⁴ரஸிம்ʼஹ
நமோ(அ)ஸ்து நாராயணபுச்ச²ஸிம்ʼஹ ।
நமோ(அ)ஸ்து நாராயணபூர்ணஸிம்ʼஹ
நமோ(அ)ஸ்து நாராயணரௌத்³ரஸிம்ʼஹ ॥ 82 ॥
நமோ நமோ பீ⁴ஷணப⁴த்³ரஸிம்ʼஹ
நமோ நமோ விஹ்வலநேத்ரஸிம்ʼஹ ।
நமோ நமோ ப்³ருʼம்ʼஹிதபூ⁴தஸிம்ʼஹ
நமோ நமோ நிர்மலசித்ரஸிம்ʼஹ ॥ 83 ॥
நமோ நமோ நிர்ஜிதகாலஸிம்ʼஹ
நமோ நம꞉ கல்பிதகல்பஸிம்ʼஹ ।
நமோ நமோ காமத³காமஸிம்ʼஹ
நமோ நமஸ்தே பு⁴வனைகஸிம்ʼஹ ॥ 84 ॥
த்³யாவாப்ருʼதி²வ்யோரித³மந்தரம்ʼ ஹி
வ்யாப்தம்ʼ த்வயைகேன தி³ஶஶ்ச ஸர்வா꞉ ।
த்³ருʼஷ்ட்வாத்³பு⁴தம்ʼ ரூபமுக்³ரம்ʼ தவேத³ம்ʼ
லோகத்ரயம்ʼ ப்ரவ்யதி²தம்ʼ மஹாத்மன் ॥ 85 ॥
அமீ ஹித்வா ஸுரஸங்கா⁴ விஶந்தி
கேசித்³பீ⁴தா꞉ ப்ராஞ்ஜலயோ க்³ருʼணந்தி ।
ஸ்வஸ்தீத்யுக்த்வா முனய꞉ ஸித்³த⁴ஸங்கா⁴꞉
ஸ்துவந்தி த்வாம்ʼ ஸ்துதிபி⁴꞉ புஷ்கலாபி⁴꞉ ॥ 86 ॥
ருத்³ராதி³த்யாவஸவோ யே ச ஸாத்⁴யா
விஶ்வேதே³வா மருதஶ்சோஷ்மபாஶ்ச ।
க³ந்த⁴ர்வயக்ஷாஸுரஸித்³த⁴ஸங்கா⁴
வீக்ஷந்தி த்வாம்ʼ விஸ்மிதாஶ்சைவ ஸர்வே ॥ 87 ॥
லேலிஹ்யஸே க்³ரஸமான꞉ ஸமந்தா-
-ல்லோகான் ஸமக்³ரான்வத³னைர்ஜ்வலத்³பி⁴꞉ ।
தேஜோபி⁴ராபூர்ய ஜக³த்ஸமக்³ரம்ʼ
பா⁴ஸஸ்தவோக்³ரா꞉ ப்ரதபந்தி விஷ்ணோ ॥ 88 ॥
ப⁴விஷ்ணுஸ்த்வம்ʼ ஸஹிஷ்ணுஸ்த்வம்ʼ ப்⁴ராஜிஷ்ணுர்ஜிஷ்ணுரேவ ச ।
ப்ருʼதி²வீமந்தரிக்ஷம்ʼ த்வம்ʼ பர்வதாரண்யமேவ ச ॥ 89 ॥
கலாகாஷ்டா²விலிப்தஸ்த்வம்ʼ முஹூர்தப்ரஹராதி³கம் ।
அஹோராத்ரம்ʼ த்ரிஸந்த்⁴யா ச பக்ஷமாஸர்துவத்ஸரா꞉ ॥ 90 ॥
யுகா³தி³ர்யுக³பே⁴த³ஸ்த்வம்ʼ ஸம்யுகோ³ யுக³ஸந்த⁴ய꞉ ।
நித்யம்ʼ நைமித்திகம்ʼ தை³னம்ʼ மஹாப்ரலயமேவ ச ॥ 91 ॥
கரணம்ʼ காரணம்ʼ கர்தா ப⁴ர்தா ஹர்தா த்வமீஶ்வர꞉ ।
ஸத்கர்தா ஸத்க்ருʼதிர்கோ³ப்தா ஸச்சிதா³னந்த³விக்³ரஹ꞉ ॥ 92 ॥
ப்ராணஸ்த்வம்ʼ ப்ராணினாம்ʼ ப்ரத்யகா³த்மா த்வம்ʼ ஸர்வதே³ஹினாம் ।
ஸுஜ்யோதிஸ்த்வம்ʼ பரஞ்ஜ்யோதிராத்மஜ்யோதி꞉ ஸனாதன꞉ ॥ 93 ॥
ஜ்யோதிர்லோகஸ்வரூபஸ்த்வம்ʼ ஜ்ஞோ ஜ்யோதிர்ஜ்யோதிஷாம்ʼ பதி꞉ । [ஜ்யோதிர்ஜ்ஞோ]
ஸ்வாஹாகார꞉ ஸ்வதா⁴காரோ வஷட்கார꞉ க்ருʼபாகர꞉ ॥ 94 ॥
ஹந்தகாரோ நிராகாரோ வேகா³காரஶ்ச ஶங்கர꞉ ।
அகாராதி³ஹகாராந்த ஓங்காரோ லோககாரக꞉ ॥ 95 ॥
ஏகாத்மா த்வமனேகாத்மா சதுராத்மா சதுர்பு⁴ஜ꞉ ।
சதுர்மூர்திஶ்சதுர்த³ம்ʼஷ்ட்ரஶ்சதுர்வேத³மயோத்தம꞉ ॥ 96 ॥
லோகப்ரியோ லோககு³ருர்லோகேஶோ லோகநாயக꞉ ।
லோகஸாக்ஷீ லோகபதிர்லோகாத்மா லோகலோசன꞉ ॥ 97 ॥
லோகாதா⁴ரோ ப்³ருʼஹல்லோகோ லோகாலோகமயோ விபு⁴꞉ ।
லோககர்தா விஶ்வகர்தா க்ருʼதாவர்த꞉ க்ருʼதாக³ம꞉ ॥ 98 ॥
அநாதி³ஸ்த்வமனந்தஸ்த்வமபூ⁴தோ பூ⁴தவிக்³ரஹ꞉ ।
ஸ்துதி꞉ ஸ்துத்ய꞉ ஸ்தவப்ரீத꞉ ஸ்தோதா நேதா நியாமக꞉ ॥ 99 ॥
த்வம்ʼ க³திஸ்த்வம்ʼ மதிர்மஹ்யம்ʼ பிதா மாதா கு³ரு꞉ ஸகா² ।
ஸுஹ்ருʼத³ஶ்சாத்மரூபஸ்த்வம்ʼ த்வாம்ʼ வினா நாஸ்தி மே க³தி꞉ ॥ 100 ॥
நமஸ்தே மந்த்ரரூபாய அஸ்த்ரரூபாய தே நம꞉ ।
ப³ஹுரூபாய ரூபாய பஞ்சரூபத⁴ராய ச ॥ 101 ॥
ப⁴த்³ரரூபாய ரூடா⁴ய யோக³ரூபாய யோகி³னே ।
ஸமரூபாய யோகா³ய யோக³பீட²ஸ்தி²தாய ச ॥ 102 ॥
யோக³க³ம்யாய ஸௌம்யாய த்⁴யானக³ம்யாய த்⁴யாயினே ।
த்⁴யேயக³ம்யாய தா⁴ம்னே ச தா⁴மாதி⁴பதயே நம꞉ ॥ 103 ॥
த⁴ராத⁴ராய த⁴ர்மாய தா⁴ரணாபி⁴ரதாய ச ।
நமோ தா⁴த்ரே ச ஸந்தா⁴த்ரே விதா⁴த்ரே ச த⁴ராய ச ॥ 104 ॥
தா³மோத³ராய தா³ந்தாய தா³னவாந்தகராய ச ।
நம꞉ ஸம்ʼஸாரவைத்³யாய பே⁴ஷஜாய நமோ நம꞉ ॥ 105 ॥
ஸீரத்⁴வஜாய ஶீதாய வாதாயாப்ரமிதாய ச ।
ஸாரஸ்வதாய ஸம்ʼஸாரநாஶனாயாக்ஷமாலினே ॥ 106 ॥
அஸிசர்மத⁴ராயைவ ஷட்கர்மநிரதாய ச ।
விகர்மாய ஸுகர்மாய பரகர்மவிதா⁴யினே ॥ 107 ॥
ஸுஶர்மணே மன்மதா²ய நமோ வர்மாய வர்மிணே ।
கரிசர்மவஸானாய கராலவத³னாய ச ॥ 108 ॥
கவயே பத்³மக³ர்பா⁴ய பூ⁴தக³ர்ப⁴ க்⁴ருʼணாநிதே⁴ ।
ப்³ரஹ்மக³ர்பா⁴ய க³ர்பா⁴ய ப்³ருʼஹத்³க³ர்பா⁴ய தூ⁴ர்ஜடே ॥ 109 ॥
நமஸ்தே விஶ்வக³ர்பா⁴ய ஶ்ரீக³ர்பா⁴ய ஜிதாரயே ।
நமோ ஹிரண்யக³ர்பா⁴ய ஹிரண்யகவசாய ச ॥ 110 ॥
ஹிரண்யவர்ணதே³ஹாய ஹிரண்யாக்ஷவிநாஶினே ।
ஹிரண்யகஶிபோர்ஹந்த்ரே ஹிரண்யநயனாய ச ॥ 111 ॥
ஹிரண்யரேதஸே துப்⁴யம்ʼ ஹிரண்யவத³னாய ச ।
நமோ ஹிரண்யஶ்ருʼங்கா³ய நி꞉ஶ்ருʼங்கா³ய ச ஶ்ருʼங்கி³ணே ॥ 112 ॥
பை⁴ரவாய ஸுகேஶாய பீ⁴ஷணாயாந்த்ரமாலினே ।
சண்டா³ய ருண்ட³மாலாய நமோ த³ண்ட³த⁴ராய ச ॥ 113 ॥
அக²ண்ட³தத்த்வரூபாய கமண்ட³லுத⁴ராய ச ।
நமஸ்தே க²ண்ட³ஸிம்ʼஹாய ஸத்யஸிம்ʼஹாய தே நம꞉ ॥ 114 ॥
நமஸ்தே ஶ்வேதஸிம்ʼஹாய பீதஸிம்ʼஹாய தே நம꞉ ।
நீலஸிம்ʼஹாய நீலாய ரக்தஸிம்ʼஹாய தே நம꞉ ॥ 115 ॥
நமோ ஹாரித்³ரஸிம்ʼஹாய தூ⁴ம்ரஸிம்ʼஹாய தே நம꞉ ।
மூலஸிம்ʼஹாய மூலாய ப்³ருʼஹத்ஸிம்ʼஹாய தே நம꞉ ॥ 116 ॥
பாதாலஸ்தி²தஸிம்ʼஹாய நம꞉ பர்வதவாஸினே ।
நமோ ஜலஸ்த²ஸிம்ʼஹாய அந்தரிக்ஷஸ்தி²தாய ச ॥ 117 ॥
காலாக்³நிருத்³ரஸிம்ʼஹாய சண்ட³ஸிம்ʼஹாய தே நம꞉ ।
அனந்தஸிம்ʼஹஸிம்ʼஹாய அனந்தக³தயே நம꞉ ॥ 118 ॥
நமோ விசித்ரஸிம்ʼஹாய ப³ஹுஸிம்ʼஹஸ்வரூபிணே ।
அப⁴யங்கரஸிம்ʼஹாய நரஸிம்ʼஹாய தே நம꞉ ॥ 119 ॥
நமோ(அ)ஸ்து ஸிம்ʼஹராஜாய நாரஸிம்ʼஹாய தே நம꞉ ।
ஸப்தாப்³தி⁴மேக²லாயைவ ஸத்யஸத்யஸ்வரூபிணே ॥ 120 ॥
ஸப்தலோகாந்தரஸ்தா²ய ஸப்தஸ்வரமயாய ச ।
ஸப்தார்சீரூபத³ம்ʼஷ்ட்ராய ஸப்தாஶ்வரத²ரூபிணே ॥ 121 ॥
ஸப்தவாயுஸ்வரூபாய ஸப்தச்ச²ந்தோ³மயாய ச ।
ஸ்வச்சா²ய ஸ்வச்ச²ரூபாய ஸ்வச்ச²ந்தா³ய ச தே நம꞉ ॥ 122 ॥
ஶ்ரீவத்ஸாய ஸுவேஷாய ஶ்ருதயே ஶ்ருதிமூர்தயே ।
ஶுசிஶ்ரவாய ஶூராய ஸுப்ரபா⁴ய ஸுத⁴ன்வினே ॥ 123 ॥
ஶுப்⁴ராய ஸுரநாதா²ய ஸுப்ரபா⁴ய ஶுபா⁴ய ச ।
ஸுத³ர்ஶனாய ஸூக்ஷ்மாய நிருக்தாய நமோ நம꞉ ॥ 124 ॥
ஸுப்ரபா⁴ய ஸ்வபா⁴வாய ப⁴வாய விப⁴வாய ச ।
ஸுஶாகா²ய விஶாகா²ய ஸுமுகா²ய முகா²ய ச ॥ 125 ॥
ஸுநகா²ய ஸுத³ம்ʼஷ்ட்ராய ஸுரதா²ய ஸுதா⁴ய ச ।
ஸாங்க்²யாய ஸுரமுக்²யாய ப்ரக்²யாதாய ப்ரபா⁴ய ச ॥ 126 ॥
நம꞉ க²ட்வாங்க³ஹஸ்தாய கே²டமுத்³க³ரபாணயே ।
க²கே³ந்த்³ராய ம்ருʼகே³ந்த்³ராய நாகே³ந்த்³ராய த்³ருʼடா⁴ய ச ॥ 127 ॥
நாக³கேயூரஹாராய நாகே³ந்த்³ராயாக⁴மர்தி³னே ।
நதீ³வாஸாய நக்³னாய நானாரூபத⁴ராய ச ॥ 128 ॥
நாகே³ஶ்வராய நாகா³ய நமிதாய நராய ச ।
நாகா³ந்தகரதா²யைவ நரநாராயணாய ச ॥ 129 ॥
நமோ மத்ஸ்யஸ்வரூபாய கச்ச²பாய நமோ நம꞉ ।
நமோ யஜ்ஞவராஹாய நரஸிம்ʼஹாய தே நம꞉ ॥ 130 ॥
விக்ரமாக்ராந்தலோகாய வாமனாய மஹௌஜஸே ।
நமோ பா⁴ர்க³வராமாய ராவணாந்தகராய ச ॥ 131 ॥
நமஸ்தே ப³லராமாய கம்ʼஸப்ரத்⁴வம்ʼஸகாரிணே ।
பு³த்³தா⁴ய பு³த்³த⁴ரூபாய தீக்ஷ்ணரூபாய கல்கினே ॥ 132 ॥
ஆத்ரேயாயாக்³னிநேத்ராய கபிலாய த்³விஜாய ச ।
க்ஷேத்ராய பஶுபாலாய பஶுவக்த்ராய தே நம꞉ ॥ 133 ॥
க்³ருʼஹஸ்தா²ய வனஸ்தா²ய யதயே ப்³ரஹ்மசாரிணே ।
ஸ்வர்கா³பவர்க³தா³த்ரே ச தத்³போ⁴க்த்ரே ச முமுக்ஷவே ॥ 134 ॥
ஶாலக்³ராமநிவாஸாய க்ஷீராப்³தி⁴ஶயனாய ச ।
ஶ்ரீஶைலாத்³ரிநிவாஸாய ஶிலாவாஸாய தே நம꞉ ॥ 135 ॥
யோகி³ஹ்ருʼத்பத்³மவாஸாய மஹாஹாஸாய தே நம꞉ ।
கு³ஹாவாஸாய கு³ஹ்யாய கு³ப்தாய கு³ரவே நம꞉ ॥ 136 ॥
நமோ மூலாதி⁴வாஸாய நீலவஸ்த்ரத⁴ராய ச ।
பீதவஸ்த்ராய ஶஸ்த்ராய ரக்தவஸ்த்ரத⁴ராய ச ॥ 137 ॥
ரக்தமாலாவிபூ⁴ஷாய ரக்தக³ந்தா⁴னுலேபினே ।
து⁴ரந்த⁴ராய தூ⁴ர்தாய து³ர்த⁴ராய த⁴ராய ச ॥ 138 ॥
து³ர்மதா³ய து³ரந்தாய து³ர்த⁴ராய நமோ நம꞉ ।
து³ர்நிரீக்ஷ்யாய நிஷ்டா²ய து³ர்த³ர்ஶாய த்³ருமாய ச ॥ 139 ॥
து³ர்பே⁴தா³ய து³ராஶாய து³ர்லபா⁴ய நமோ நம꞉ ।
த்³ருʼப்தாய த்³ருʼப்தவக்த்ராய அத்³ருʼப்தநயனாய ச ॥ 140 ॥
உன்மத்தாய ப்ரமத்தாய நமோ தை³த்யாரயே நம꞉ ।
ரஸஜ்ஞாய ரஸேஶாய ஆரக்தரஸனாய ச ॥ 141 ॥
பத்²யாய பரிதோஷாய ரத்²யாய ரஸிகாய ச ।
ஊர்த்⁴வகேஶோர்த்⁴வரூபாய நமஸ்தே சோர்த்⁴வரேதஸே ॥ 142 ॥
ஊர்த்⁴வஸிம்ʼஹாய ஸிம்ʼஹாய நமஸ்தே சோர்த்⁴வபா³ஹவே ।
பரப்ரத்⁴வம்ʼஸகாயைவ ஶங்க²சக்ரத⁴ராய ச ॥ 143 ॥
க³தா³பத்³மத⁴ராயைவ பஞ்சபா³ணத⁴ராய ச ।
காமேஶ்வராய காமாய காமபாலாய காமினே ॥ 144 ॥
நம꞉ காமவிஹாராய காமரூபத⁴ராய ச ।
ஸோமஸூர்யாக்³னிநேத்ராய ஸோமபாய நமோ நம꞉ ॥ 145 ॥
நம꞉ ஸோமாய வாமாய வாமதே³வாய தே நம꞉ ।
ஸாமஸ்வனாய ஸௌம்யாய ப⁴க்திக³ம்யாய வை நம꞉ ॥ 146 ॥
கூஷ்மாண்ட³க³ணநாதா²ய ஸர்வஶ்ரேயஸ்கராய ச ।
பீ⁴ஷ்மாய பீ⁴ஷதா³யைவ பீ⁴மவிக்ரமணாய ச ॥ 147 ॥
ம்ருʼக³க்³ரீவாய ஜீவாய ஜிதாயாஜிதகாரிணே ।
ஜடினே ஜாமத³க்³ந்யாய நமஸ்தே ஜாதவேத³ஸே ॥ 148 ॥
ஜபாகுஸுமவர்ணாய ஜப்யாய ஜபிதாய ச ।
ஜராயுஜாயாண்ட³ஜாய ஸ்வேத³ஜாயோத்³பி⁴ஜாய ச ॥ 149 ॥
ஜனார்த³னாய ராமாய ஜாஹ்னவீஜனகாய ச ।
ஜராஜன்மாதி³தூ³ராய ப்ரத்³யும்னாய ப்ரமோதி³னே ॥ 150 ॥
ஜிஹ்வாரௌத்³ராய ருத்³ராய வீரப⁴த்³ராய தே நம꞉ ।
சித்³ரூபாய ஸமுத்³ராய கத்³ருத்³ராய ப்ரசேதஸே ॥ 151 ॥
இந்த்³ரியாயேந்த்³ரியஜ்ஞாய நமோ(அ)ஸ்த்விந்த்³ரானுஜாய ச ।
அதீந்த்³ரியாய ஸாராய இந்தி³ராபதயே நம꞉ ॥ 152 ॥
ஈஶானாய ச ஈட்³யாய ஈஶிதாய இனாய ச ।
வ்யோமாத்மனே ச வ்யோம்னே ச நமஸ்தே வ்யோமகேஶினே ॥ 153 ॥
வ்யோமாதா⁴ராய ச வ்யோமவக்த்ராயாஸுரகா⁴தினே ।
நமஸ்தே வ்யோமத³ம்ʼஷ்ட்ராய வ்யோமவாஸாய தே நம꞉ ॥ 154 ॥
ஸுகுமாராய ராமாய ஶுபா⁴சாராய வை நம꞉ ।
விஶ்வாய விஶ்வரூபாய நமோ விஶ்வாத்மகாய ச ॥ 155 ॥
ஜ்ஞானாத்மகாய ஜ்ஞானாய விஶ்வேஶாய பராத்மனே ।
ஏகாத்மனே நமஸ்துப்⁴யம்ʼ நமஸ்தே த்³வாத³ஶாத்மனே ॥ 156 ॥
சதுர்விம்ʼஶதிரூபாய பஞ்சவிம்ʼஶதிமூர்தயே ।
ஷட்³விம்ʼஶகாத்மனே நித்யம்ʼ ஸப்தவிம்ʼஶதிகாத்மனே ॥ 157 ॥
த⁴ர்மார்த²காமமோக்ஷாய விரக்தாய நமோ நம꞉ ।
பா⁴வஶுத்³தா⁴ய ஸித்³தா⁴ய ஸாத்⁴யாய ஶரபா⁴ய ச ॥ 158 ॥
ப்ரபோ³தா⁴ய ஸுபோ³தா⁴ய நமோ பு³த்³தி⁴ப்ரியாய ச ।
ஸ்னிக்³தா⁴ய ச வித³க்³தா⁴ய முக்³தா⁴ய முனயே நம꞉ ॥ 159 ॥
ப்ரியம்ʼவதா³ய ஶ்ரவ்யாய ஸ்ருக்ஸ்ருவாய ஶ்ரிதாய ச ।
க்³ருʼஹேஶாய மஹேஶாய ப்³ரஹ்மேஶாய நமோ நம꞉ ॥ 160 ॥
ஶ்ரீத⁴ராய ஸுதீர்தா²ய ஹயக்³ரீவாய தே நம꞉ ।
உக்³ராய உக்³ரவேகா³ய உக்³ரகர்மரதாய ச ॥ 161 ॥
உக்³ரநேத்ராய வ்யக்³ராய ஸமக்³ரகு³ணஶாலினே ।
பா³லக்³ரஹவிநாஶாய பிஶாசக்³ரஹகா⁴தினே ॥ 162 ॥
து³ஷ்டக்³ரஹனிஹந்த்ரே ச நிக்³ரஹானுக்³ரஹாய ச ।
வ்ருʼஷத்⁴வஜாய வ்ருʼஷ்ண்யாய வ்ருʼஷாய வ்ருʼஷபா⁴ய ச ॥ 163 ॥
உக்³ரஶ்ரவாய ஶாந்தாய நம꞉ ஶ்ருதித⁴ராய ச ।
நமஸ்தே தே³வதே³வேஶ நமஸ்தே மது⁴ஸூத³ன ॥ 164 ॥
நமஸ்தே புண்ட³ரீகாக்ஷ நமஸ்தே து³ரிதக்ஷய ।
நமஸ்தே கருணாஸிந்தோ⁴ நமஸ்தே ஸமிதிஞ்ஜய ॥ 165 ॥
நமஸ்தே நரஸிம்ʼஹாய நமஸ்தே க³ருட³த்⁴வஜ ।
யஜ்ஞநேத்ர நமஸ்தே(அ)ஸ்து காலத்⁴வஜ ஜயத்⁴வஜ ॥ 166 ॥
அக்³னிநேத்ர நமஸ்தே(அ)ஸ்து நமஸ்தே ஹ்யமரப்ரிய ।
மஹாநேத்ர நமஸ்தே(அ)ஸ்து நமஸ்தே ப⁴க்தவத்ஸல ॥ 167 ॥
த⁴ர்மநேத்ர நமஸ்தே(அ)ஸ்து நமஸ்தே கருணாகர ।
புண்யநேத்ர நமஸ்தே(அ)ஸ்து நமஸ்தே(அ)பீ⁴ஷ்டதா³யக ॥ 168 ॥
நமோ நமஸ்தே ஜயஸிம்ʼஹரூப
நமோ நமஸ்தே நரஸிம்ʼஹரூப ।
நமோ நமஸ்தே ரணஸிம்ʼஹரூப
நமோ நமஸ்தே நரஸிம்ʼஹரூப ॥ 169 ॥
உத்³த்⁴ருʼத்ய க³ர்விதம்ʼ தை³த்யம்ʼ நிஹத்யாஜௌ ஸுரத்³விஷம் ।
தே³வகார்யம்ʼ மஹத்க்ருʼத்வா க³ர்ஜஸே ஸ்வாத்மதேஜஸா ॥ 170 ॥
அதிரௌத்³ரமித³ம்ʼ ரூபம்ʼ து³ஸ்ஸஹம்ʼ து³ரதிக்ரமம் ।
த்³ருʼஷ்ட்வா து ஶங்கிதா꞉ ஸர்வா தே³வதாஸ்த்வாமுபாக³தா꞉ ॥ 171 ॥
ஏதான்பஶ்ய மஹேஶானம்ʼ ப்³ரஹ்மாணம்ʼ மாம்ʼ ஶசீபதிம் ।
தி³க்பாலான் த்³வாத³ஶாதி³த்யான் ருத்³ரானுரக³ராக்ஷஸான் ॥ 172 ॥
ஸர்வான் ருʼஷிக³ணான் ஸப்தமாத்ருʼர்கௌ³ரீம்ʼ ஸரஸ்வதீம் ।
லக்ஷ்மீம்ʼ நதீ³ஶ்ச தீர்தா²னி ரதிம்ʼ பூ⁴தக³ணான்யபி ॥ 173 ॥
ப்ரஸீத³ த்வம்ʼ மஹாஸிம்ʼஹ உக்³ரபா⁴வமிமம்ʼ த்யஜ ।
ப்ரக்ருʼதிஸ்தோ² ப⁴வ த்வம்ʼ ஹி ஶாந்திபா⁴வம்ʼ ச தா⁴ரய ॥ 174 ॥
இத்யுக்த்வா த³ண்ட³வத்³பூ⁴மௌ பபாத ஸ பிதாமஹ꞉ ।
ப்ரஸீத³ த்வம்ʼ ப்ரஸீத³ த்வம்ʼ ப்ரஸீதே³தி புன꞉ புன꞉ ॥ 175 ॥
மார்கண்டே³ய உவாச ।
த்³ருʼஷ்ட்வா து தே³வதா꞉ ஸர்வா꞉ ஶ்ருத்வா தாம்ʼ ப்³ரஹ்மணோ கி³ரம் ।
ஸ்தோத்ரேணாபி ச ஸம்ʼஹ்ருʼஷ்ட꞉ ஸௌம்யபா⁴வமதா⁴ரயத் ॥ 176 ॥
அப்³ரவீந்நாரஸிம்ʼஹஸ்து வீக்ஷ்ய ஸர்வான் ஸுரோத்தமான் ।
ஸந்த்ரஸ்தான் ப⁴யஸம்ʼவிக்³னான் ஶரணம்ʼ ஸமுபாக³தான் ॥ 177 ॥
ஶ்ரீந்ருʼஸிம்ʼஹ உவாச ।
போ⁴ போ⁴ தே³வவரா꞉ ஸர்வே பிதாமஹபுரோக³மா꞉ ।
ஶ்ருʼணுத்⁴வம்ʼ மம வாக்யம்ʼ ச ப⁴வந்து விக³தஜ்வரா꞉ ॥ 178 ॥
யத்³தி⁴தம்ʼ ப⁴வதாம்ʼ நூனம்ʼ தத்கரிஷ்யாமி ஸாம்ப்ரதம் ।
ஏவம்ʼ நாமஸஹஸ்ரம்ʼ மே த்ரிஸந்த்⁴யம்ʼ ய꞉ படே²த் ஶுசி꞉ ॥ 179 ॥
ஶ்ருʼணோதி வா ஶ்ராவயதி பூஜாந்தே ப⁴க்திஸம்யுத꞉ ।
ஸர்வான் காமானவாப்னோதி ஜீவேச்ச ஶரதா³ம்ʼ ஶதம் ॥ 180 ॥
யோ நாமபி⁴ர்ந்ருʼஸிம்ʼஹாத்³யைரர்சயேத்க்ரமஶோ மம ।
ஸர்வதீர்தே²ஷு யத்புண்யம்ʼ ஸர்வதீர்தே²ஷு யத்ப²லம் ॥ 181 ॥
ஸர்வபூஜாஸு யத்ப்ரோக்தம்ʼ தத்ஸர்வம்ʼ லப⁴தே ப்⁴ருʼஶம் ।
ஜாதிஸ்மரத்வம்ʼ லப⁴தே ப்³ரஹ்மஜ்ஞானம்ʼ ஸனாதனம் ॥ 182 ॥
ஸர்வபாபவிநிர்முக்த꞉ தத்³விஷ்ணோ꞉ பரமம்ʼ பத³ம் ।
மந்நாமகவசம்ʼ ப³த்⁴வா விசரேத்³விக³தஜ்வர꞉ ॥ 183 ॥
பூ⁴தபே⁴தாலகூஷ்மாண்ட³ பிஶாசப்³ரஹ்மராக்ஷஸா꞉ ।
ஶாகினீடா³கினீஜ்யேஷ்டா² நீலீ பா³லக்³ரஹாதி³கா꞉ ॥ 184 ॥
து³ஷ்டக்³ரஹாஶ்ச நஶ்யந்தி யக்ஷராக்ஷஸபன்னகா³꞉ ।
யே ச ஸந்த்⁴யாக்³ரஹா꞉ ஸர்வே சாண்டா³லக்³ரஹஸஞ்ஜ்ஞிகா꞉ ॥ 185 ॥
நிஶாசரக்³ரஹா꞉ ஸர்வே ப்ரணஶ்யந்தி ச தூ³ரத꞉ ।
குக்ஷிரோக³ம்ʼ ச ஹ்ருʼத்³ரோக³ம்ʼ ஶூலாபஸ்மாரமேவ ச ॥ 186 ॥
ஐகாஹிகம்ʼ த்³வ்யாஹிகம்ʼ ச சாதுர்தி²கமத² ஜ்வரம் ।
ஆத⁴யோ வ்யாத⁴ய꞉ ஸர்வே ரோகா³ ரோகா³தி⁴தே³வதா꞉ ॥ 187 ॥
ஶீக்⁴ரம்ʼ நஶ்யந்தி தே ஸர்வே ந்ருʼஸிம்ʼஹஸ்மரணாத் ஸுரா꞉ ।
ராஜானோ தா³ஸதாம்ʼ யாந்தி ஶத்ரவோ யாந்தி மித்ரதாம் ॥ 188 ॥
ஜலானி ஸ்த²லதாம்ʼ யாந்தி வஹ்னயோ யாந்தி ஶீததாம் ।
விஷாண்யப்யம்ருʼதா யாந்தி ந்ருʼஸிம்ʼஹஸ்மரணாத்ஸுரா꞉ ॥ 189 ॥
ராஜ்யகாமோ லபே⁴த்³ராஜ்யம்ʼ த⁴னகாமோ லபே⁴த்³த⁴னம் ।
வித்³யாகாமோ லபே⁴த்³வித்³யாம்ʼ ப³த்³தோ⁴ முச்யேத ப³ந்த⁴னாத் ॥ 190 ॥
வ்யாலவ்யாக்⁴ரப⁴யம்ʼ நாஸ்தி சோரஸர்பாதி³கம்ʼ ததா² ।
அனுகூலா ப⁴வேத்³பா⁴ர்யா லோகைஶ்ச ப்ரதிபூஜ்யதே ॥ 191 ॥
ஸுபுத்ரம்ʼ த⁴னதா⁴ன்யம்ʼ ச ப⁴வந்தி விக³தஜ்வரா꞉ ।
ஏதத்ஸர்வம்ʼ ஸமாப்னோதி ந்ருʼஸிம்ʼஹஸ்ய ப்ரஸாத³த꞉ ॥ 192 ॥
ஜலஸந்தரணே சைவ பர்வதாரண்யமேவ ச ।
வனே(அ)பி விசிரன்மர்த்யோ து³ர்க³மே விஷமே பதி² ॥ 193 ॥
பி³லப்ரவேஶனே சாபி நாரஸிம்ʼஹம்ʼ ந விஸ்மரேத் ।
ப்³ரஹ்மக்⁴னஶ்ச பஶுக்⁴னஶ்ச ப்⁴ரூணஹா கு³ருதல்பக³꞉ ॥ 194 ॥
முச்யதே ஸர்வபாபேப்⁴ய꞉ க்ருʼதக்⁴ன꞉ ஸ்த்ரீவிகா⁴தக꞉ ।
வேதா³னாம்ʼ தூ³ஷகஶ்சாபி மாதாபித்ருʼவினிந்த³க꞉ ॥ 195 ॥
அஸத்யஸ்து தேதா² யஜ்ஞனிந்த³கோ லோகனிந்த³க꞉ ।
ஸ்ம்ருʼத்வா ஸக்ருʼந்ந்ருʼஸிம்ʼஹம்ʼ து முச்யதே ஸர்வகில்பி³ஷை꞉ ॥ 196 ॥
ப³ஹுனாத்ர கிமுக்தேன ஸ்ம்ருʼத்வா மாம்ʼ ஶுத்³த⁴மானஸ꞉ ।
யத்ர யத்ர சரேன்மர்த்யோ ந்ருʼஸிம்ʼஹஸ்தத்ர ரக்ஷதி ॥ 197 ॥
க³ச்ச²ன் திஷ்ட²ன் ஸ்வபன் பு⁴ஞ்ஜன் ஜாக்³ரன்னபி ஹஸன்னபி ।
ந்ருʼஸிம்ʼஹேதி ந்ருʼஸிம்ʼஹேதி ந்ருʼஸிம்ʼஹேதி ஸதா³ ஸ்மரன் ॥ 198 ॥
புமான்ன லிப்யதே பாபைர்பு⁴க்திம்ʼ முக்திம்ʼ ச விந்த³தி ।
நாரீ ஸுப⁴க³தாமேதி ஸௌபா⁴க்³யம்ʼ ச ஸ்வரூபதாம் ॥ 199 ॥
ப⁴ர்து꞉ ப்ரியத்வம்ʼ லப⁴தே ந வைத⁴வ்யம்ʼ ச விந்த³தி ।
ந ஸபத்னீம்ʼ ச ஜன்மாந்தே ஸம்யக் ஜ்ஞானீ ப⁴வேத்³விஜ꞉ ॥ 200 ॥
பூ⁴மிப்ரத³க்ஷிணான்மர்த்யோ யத்ப²லம்ʼ லப⁴தே சிராத் ।
தத்ப²லம்ʼ லப⁴தே நாரஸிம்ʼஹமூர்திப்ரத³க்ஷிணாத் ॥ 201 ॥
மார்கண்டே³ய உவாச ।
இத்யுக்த்வா தே³வதே³வேஶோ லக்ஷ்மீமாலிங்க்³ய லீலயா ।
ப்ரஹ்லாத³ஸ்யாபி⁴ஷேகம்ʼ து ப்³ரஹ்மணே சோபதி³ஷ்டவான் ॥ 202 ॥
ஶ்ரீஶைலஸ்ய ப்ரஸாதே³ து லோகானாம்ʼ ச ஹிதாய வை ।
ஸ்வரூபம்ʼ ஸ்தா²பயாமாஸ ப்ரக்ருʼதிஸ்தோ²(அ)ப⁴வத்ததா³ ॥ 203 ॥
ப்³ரஹ்மாபி தை³த்யராஜானம்ʼ ப்ரஹ்லாத³மப்⁴யஷேசயத் ।
தை³வதை꞉ ஸஹ ஸுப்ரீதோ ஹ்யாத்மலோகம்ʼ யயௌ ஸ்வயம் ॥ 204 ॥
ஹிரண்யகஶிபோர்பீ⁴த்யா ப்ரபலாய்ய ஶசீபதி꞉ ।
ஸ்வர்க³ராஜ்யபரிப்⁴ரஷ்டோ யுகா³நாமேகவிம்ʼஶதிம் ॥ 205 ॥
ந்ருʼஸிம்ʼஹேன ஹதே தை³த்யே ஸ்வர்க³லோகமவாப ஸ꞉ ।
தி³க்பாலாஶ்ச ஸுஸம்ப்ராப்த꞉ ஸ்வஸ்வஸ்தா²னமனுத்தமம் ॥ 206 ॥
த⁴ர்மே மதி꞉ ஸமஸ்தானாம்ʼ ப்ரஜாநாமப⁴வத்ததா³ ।
ஏவம்ʼ நாமஸஹஸ்ரம்ʼ மே ப்³ரஹ்மணா நிர்மிதம்ʼ புரா ॥ 207 ॥
புத்ரானத்⁴யாபயாமாஸ ஸனகாதீ³ன்மஹாமதி꞉ ।
ஊசுஸ்தே ச தத꞉ ஸர்வலோகானாம்ʼ ஹிதகாம்யயா ॥ 208 ॥
தே³வதா ருʼஷய꞉ ஸித்³தா⁴ யக்ஷவித்³யாத⁴ரோரகா³꞉ ।
க³ந்த⁴ர்வாஶ்ச மனுஷ்யாஶ்ச இஹாமுத்ரப²லைஷிண꞉ ॥ 209 ॥
யஸ்ய ஸ்தோத்ரஸ்ய பாடா²த்³தி⁴ விஶுத்³த⁴மனஸோ(அ)ப⁴வன் ।
ஸனத்குமார꞉ ஸம்ப்ராப்தோ பா⁴ரத்³வாஜோ மஹாமதி꞉ ॥ 210 ॥
தஸ்மாதா³ங்கி³ரஸ꞉ ப்ராப்தஸ்தஸ்மாத்ப்ராப்தோ மஹாக்ரது꞉ ।
ஜக்³ராஹ பா⁴ர்க³வஸ்தஸ்மாத³க்³னிமித்ராய ஸோ(அ)ப்³ரவீத் ॥ 211।
ஜைகீ³ஷவ்யாய ஸ ப்ராஹ ஸோ(அ)ப்³ரவீச்ச்யவனாய ச ।
தஸ்மா உவாச ஶாண்டி³ல்யோ க³ர்கா³ய ப்ராஹ வை முனி꞉ ॥ 212 ॥
க்ரதுஞ்ஜயாய ஸ ப்ராஹ ஜதுகர்ண்யாய ஸம்யமீ ।
விஷ்ணுவ்ருʼத்³தா⁴ய ஸோ(அ)ப்யாஹ ஸோ(அ)பி போ³தா⁴யனாய ச ॥ 213 ॥
க்ரமாத்ஸ விஷ்ணவே ப்ராஹ ஸ ப்ராஹோத்³தா⁴மகுக்ஷயே ।
ஸிம்ʼஹதேஜாஶ்ச தஸ்மாச்ச ஶ்ரீப்ரியாய த³தௌ³ ச ந꞉ ॥ 214 ॥ [ஸ꞉]
உபதி³ஷ்டோ(அ)ஸ்மி தேனாஹமித³ம்ʼ நாமஸஹஸ்ரகம் ।
தத்ப்ரஸாதா³த³ம்ருʼத்யுர்மே யஸ்மாத்கஸ்மாத்³ப⁴யம்ʼ ந ஹி ॥ 215 ॥
மயா ச கதி²தம்ʼ நாரஸிம்ʼஹஸ்தோத்ரமித³ம்ʼ தவ ।
த்வம்ʼ ஹி நித்யம்ʼ ஶுசிர்பூ⁴த்வா தமாராத⁴ய ஶாஶ்வதம் ॥ 216 ॥
ஸர்வபூ⁴தாஶ்ரயம்ʼ தே³வம்ʼ ந்ருʼஸிம்ʼஹம்ʼ ப⁴க்தவத்ஸலம் ।
பூஜயித்வா ஸ்தவம்ʼ ஜப்த்வா ஹுத்வா நிஶ்சலமானஸ꞉ ॥ 217 ॥
ப்ராப்யஸே மஹதீம்ʼ ஸித்³தி⁴ம்ʼ ஸர்வான் காமான்வரோத்தமான் ।
அயமேவ பரோத⁴ர்மஸ்த்வித³மேவ பரம்ʼ தப꞉ ॥ 218 ॥
இத³மேவ பரம்ʼ ஜ்ஞானமித³மேவ மஹத்³வ்ரதம் ।
அயமேவ ஸதா³சாரஸ்த்வயமேவ ஸதா³ மக²꞉ ॥ 219 ॥
இத³மேவ த்ரயோ வேதா³꞉ ஸச்சா²ஸ்த்ராண்யாக³மானி ச ।
ந்ருʼஸிம்ʼஹமந்த்ராத³ன்யச்ச வைதி³கம்ʼ து ந வித்³யதே ॥ 220 ॥
யதி³ஹாஸ்தி தத³ன்யத்ர யன்னேஹாஸ்தி ந தத்க்வசித் ।
கதி²தம்ʼ தே ந்ருʼஸிம்ʼஹஸ்ய சரிதம்ʼ பாபநாஶனம் ॥ 221 ॥
ஸர்வமந்த்ரமயம்ʼ தாபத்ரயோபஶமனம்ʼ பரம் ।
ஸர்வார்த²ஸாத⁴னம்ʼ தி³வ்யம்ʼ கிம்ʼ பூ⁴ய꞉ ஶ்ரோதுமிச்ச²ஸி ॥ 222 ॥
இதி ஶ்ரீ லக்ஷ்மீந்ருʼஸிம்ʼஹ ஸஹஸ்ரநாம ஸ்தோத்ரம் ॥
Recite with devotion and pure heart
Regular practice brings spiritual benefits