हैंహైHaindavamஹிહિં
📍
Font Size:
മഹാകാലീ സ്തോത്രം
ധ്യാനം
ശവാരൂഢാം മഹാഭീമാം ഘോരദംഷ്ട്രാം വരപ്രദാം
ഹാസ്യയുക്താം ത്രിണേത്രാഞ്ച കപാല കർത്രികാ കരാം ।
മുക്തകേശീം ലലജ്ജിഹ്വാം പിബന്തീം രുധിരം മുഹുഃ
ചതുർബാഹുയുതാം ദേവീം വരാഭയകരാം സ്മരേത് ॥
ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം
ചതുർഭുജാം ഖഡ്ഗമുണ്ഡവരാഭയകരാം ശിവാം ।
മുണ്ഡമാലാധരാം ദേവീം ലലജ്ജിഹ്വാം ദിഗംബരാം
ഏവം സഞ്ചിന്തയേത്കാലീം ശ്മശനാലയവാസിനീം ॥
സ്തോത്രം
വിശ്വേശ്വരീം ജഗദ്ധാത്രീം സ്ഥിതിസംഹാരകാരിണീം ।
നിദ്രാം ഭഗവതീം വിഷ്ണോരതുലാം തേജസഃ പ്രഭാം ॥ 1 ॥
ത്വം സ്വാഹാ ത്വം സ്വധാ ത്വം ഹി വഷട്കാരഃ സ്വരാത്മികാ ।
സുധാ ത്വമക്ഷരേ നിത്യേ ത്രിധാ മാത്രാത്മികാ സ്ഥിതാ ॥ 2 ॥
അർഥമാത്രാസ്ഥിതാ നിത്യാ യാനുച്ചാര്യാ വിശേഷതഃ ।
ത്വമേവ സന്ധ്യാ സാവിത്രീ ത്വം ദേവീ ജനനീ പരാ ॥ 3 ॥
ത്വയൈതദ്ധാര്യതേ വിശ്വം ത്വയൈതദ്സൃജ്യതേ ജഗത് ।
ത്വയൈതത്പാല്യതേ ദേവി ത്വമത്സ്യന്തേ ച സർവദാ ॥ 4 ॥
വിസൃഷ്ടൗ സൃഷ്ടിരൂപാ ത്വം സ്ഥിതിരൂപാ ച പാലനേ ।
തഥാ സംഹൃതിരൂപാന്തേ ജഗതോഽസ്യ ജഗന്മയേ ॥ 5 ॥
മഹാവിദ്യാ മഹാമായാ മഹാമേധാ മഹാസ്മൃതിഃ ।
മഹാമോഹാ ച ഭവതീ മഹാദേവീ മഹേശ്വരീ ॥ 6 ॥
പ്രകൃതിസ്ത്വം ച സർവസ്യ ഗുണത്രയവിഭാവിനീ ।
കാലരാത്രിർമഹാരാത്രിർമോഹരാത്രിശ്ച ദാരുണാ ॥ 7 ॥
ത്വം ശ്രീസ്ത്വമീശ്വരീ ത്വം ഹ്രീസ്ത്വം ബുദ്ധിർബോധലക്ഷണാ ।
ലജ്ജാ പുഷ്ടിസ്തഥാ തുഷ്ടിസ്ത്വം ശാന്തിഃ ക്ഷാന്തിരേവ ച ॥ 8 ॥
ഖഡ്ഗിനീ ശൂലിനീ ഘോരാ ഗദിനീ ചക്രിണീ തഥാ ।
ശംഖിനീ ചാപിനീ ബാണഭുശുണ്ഡീപരിഘായുധാ ॥ 9 ॥
സൗമ്യാ സൗമ്യതരാശേഷാ സൗമ്യേഭ്യസ്ത്വതിസുന്ദരീ ।
പരാപരാണാം പരമാ ത്വമേവ പരമേശ്വരീ ॥ 10 ॥
യച്ച കിഞ്ചിത് ക്വചിദ്വസ്തു സദസദ്വാഖിലാത്മികേ ।
തസ്യ സർവസ്യ യാ ശക്തിഃ സാ ത്വം കിം സ്തൂയസേ തദാ ॥ 11 ॥
യയാ ത്വയാ ജഗത്സ്രഷ്ടാ ജഗത്പാത്യത്തി യോ ജഗത് ।
സോഽപി നിദ്രാവശം നീതഃ കസ്ത്വാം സ്തോതുമിഹേശ്വരഃ ॥ 12 ॥
വിഷ്ണുഃ ശരീരഗ്രഹണമഹമീശാന ഏവ ച ।
കാരിതാസ്തേ യതോഽതസ്ത്വാം കഃ സ്തോതും ശക്തിമാൻ ഭവേത് ॥ 13 ॥
സാ ത്വമിത്ഥം പ്രഭാവൈഃ സ്വൈരുദാരൈർദേവി സംസ്തുതാ ।
മോഹയൈതൗ ദുരാധർഷാവസുരൗ മധുകൈടഭൗ ॥ 14 ॥
പ്രബോധം ച ജഗത്സ്വാമീ നീയതാമച്യുതോ ലഘു ।
ബോധശ്ച ക്രിയതാമസ്യ ഹന്തുമേതൗ മഹാസുരൗ ॥ 15 ॥
ഇതി ശ്രീ മഹാ കാലീ സ്തോത്രം ।
Recite with devotion and pure heart
Regular practice brings spiritual benefits