हैंహైHaindavamஹிહિં
📍
Font Size:
കാലികാ അർഗല സ്തോത്രം
അസ്യ ശ്രീ കാലികാർഗല സ്തോത്രസ്യ ഭൈരവ ഋഷിരനുഷ്ടുപ് ഛന്ദഃ ശ്രീകാലികാ ദേവതാ മമ സർവസിദ്ധിസാധനേ വിനിയോഗഃ ।
ഓം നമസ്തേ കാലികേ ദേവി ആദ്യബീജത്രയ പ്രിയേ ।
വശമാനയ മേ നിത്യം സർവേഷാം പ്രാണിനാം സദാ ॥ 1 ॥
കൂർചയുഗ്മം ലലാടേ ച സ്ഥാതു മേ ശവവാഹിനാ ।
സർവസൗഭാഗ്യസിദ്ധിം ച ദേഹി ദക്ഷിണ കാലികേ ॥ 2 ॥
ഭുവനേശ്വരി ബീജയുഗ്മം ഭ്രൂയുഗേ മുണ്ഡമാലിനീ ।
കന്ദർപരൂപം മേ ദേഹി മഹാകാലസ്യ ഗേഹിനി ॥ 3 ॥
ദക്ഷിണേ കാലികേ നിത്യേ പിതൃകാനനവാസിനി ।
നേത്രയുഗ്മം ച മേ ദേഹി ജ്യോതിരാലേപനം മഹത് ॥ 4 ॥
ശ്രവണേ ച പുനർലജ്ജാബീജയുഗ്മം മനോഹരം ।
മഹാശ്രുതിധരത്വം ച മേ ദേഹി മുക്ത കുന്തലേ ॥ 5 ॥
ഹ്രീം ഹ്രീം ബീജദ്വയം ദേവി പാതു നാസാപുടേ മമ ।
ദേഹി നാനാവിധി മഹ്യം സുഗന്ധിം ത്വം ദിഗംബരേ ॥ 6 ॥
പുനസ്ത്രിബീജപ്രഥമം ദന്തോഷ്ഠരസനാദികം ।
ഗദ്യപദ്യമയീം വാജീം കാവ്യശാസ്ത്രാദ്യലങ്കൃതാം ॥ 7 ॥
അഷ്ടാദശപുരാണാനാം സ്മൃതീനാം ഘോരചണ്ഡികേ ।
കവിതാ സിദ്ധിലഹരീം മമ ജിഹ്വാം നിവേശയ ॥ 8 ॥
വഹ്നിജായാ മഹാദേവി ഘണ്ടികായാം സ്ഥിരാ ഭവ ।
ദേഹി മേ പരമേശാനി ബുദ്ധിസിദ്ധിരസായകം ॥ 9 ॥
തുര്യാക്ഷരീ ചിത്സ്വരൂപാ കാലികാ മന്ത്രസിദ്ധിദാ ।
സാ ച തിഷ്ഠതു ഹൃത്പദ്മേ ഹൃദയാനന്ദരൂപിണീ ॥ 10 ॥
ഷഡക്ഷരീ മഹാകാലീ ചണ്ഡകാലീ ശുചിസ്മിതാ ।
രക്താസിനീ ഘോരദംഷ്ട്രാ ഭുജയുഗ്മേ സദാഽവതു ॥ 11 ॥
സപ്താക്ഷരീ മഹാകാലീ മഹാകാലരതോദ്യതാ ।
സ്തനയുഗ്മേ സൂര്യകർണോ നരമുണ്ഡസുകുന്തലാ ॥ 12 ॥
തിഷ്ഠ സ്വജഠരേ ദേവി അഷ്ടാക്ഷരീ ശുഭപ്രദാ ।
പുത്രപൗത്രകലത്രാദി സുഹൃന്മിത്രാണി ദേഹി മേ ॥ 13 ॥
ദശാക്ഷരീ മഹാകാലീ മഹാകാലപ്രിയാ സദാ ।
നാഭൗ തിഷ്ഠതു കല്യാണീ ശ്മശാനാലയവാസിനീ ॥ 14 ॥
ചതുർദശാർണവാ യാ ച ജയകാലീ സുലോചനാ ।
ലിംഗമധ്യേ ച തിഷ്ഠസ്വ രേതസ്വിനീ മമാംഗകേ ॥ 15 ॥
ഗുഹ്യമധ്യേ ഗുഹ്യകാലീ മമ തിഷ്ഠ കുലാംഗനേ ।
സർവാംഗേ ഭദ്രകാലീ ച തിഷ്ഠ മേ പരമാത്മികേ ॥ 16 ॥
കാലി പാദയുഗേ തിഷ്ഠ മമ സർവമുഖേ ശിവേ ।
കപാലിനീ ച യാ ശക്തിഃ ഖഡ്ഗമുണ്ഡധരാ ശിവാ ॥ 17 ॥
പാദദ്വയാംഗുലിഷ്വംഗേ തിഷ്ഠ സ്വപാപനാശിനി ।
കുല്ലാദേവീ മുക്തകേശീ രോമകൂപേഷു വൈ മമ ॥ 18 ॥
തിഷ്ഠതു ഉത്തമാംഗേ ച കുരുകുല്ലാ മഹേശ്വരീ ।
വിരോധിനീ വിരോധേ ച മമ തിഷ്ഠതു ശങ്കരീ ॥ 19 ॥
വിപ്രചിത്തേ മഹേശാനി മുണ്ഡധാരിണി തിഷ്ഠ മാം ।
മാർഗേ ദുർമാർഗഗമനേ ഉഗ്രാ തിഷ്ഠതു സർവദാ ॥ 20 ॥
പ്രഭാദിക്ഷു വിദിക്ഷു മാം ദീപ്താം ദീപ്തം കരോതു മാം ।
നീലാശക്തിശ്ച പാതാലേ ഘനാ ചാകാശമണ്ഡലേ ॥ 21 ॥
പാതു ശക്തിർബലാകാ മേ ഭുവം മേ ഭുവനേശ്വരീ ।
മാത്രാ മമ കുലേ പാതു മുദ്രാ തിഷ്ഠതു മന്ദിരേ ॥ 22 ॥
മിതാ മേ യോഗിനീ യാ ച തഥാ മിത്രകുലപ്രദാ ।
സാ മേ തിഷ്ഠതു ദേവേശി പൃഥിവ്യാം ദൈത്യദാരിണീ ॥ 23 ॥
ബ്രാഹ്മീ ബ്രഹ്മകുലേ തിഷ്ഠ മമ സർവാർഥദായിനീ ।
നാരായണീ വിഷ്ണുമായാ മോക്ഷദ്വാരേ ച തിഷ്ഠ മേ ॥ 24 ॥
മാഹേശ്വരീ വൃഷാരൂഢാ കാശികാപുരവാസിനീ ।
ശിവതാം ദേഹി ചാമുണ്ഡേ പുത്രപൗത്രാദി ചാനഘേ ॥ 25 ॥
കൗമാരീ ച കുമാരാണാം രക്ഷാർഥം തിഷ്ഠ മേ സദാ ।
അപരാജിതാ വിശ്വരൂപാ ജയേ തിഷ്ഠ സ്വഭാവിനീ ॥ 26 ॥
വാരാഹീ വേദരൂപാ ച സാമവേദപരായണാ ।
നാരസിംഹീ നൃസിംഹസ്യ വക്ഷഃസ്ഥലനിവാസിനീ ॥ 27 ॥
സാ മേ തിഷ്ഠതു ദേവേശി പൃഥിവ്യാം ദൈത്യദാരിണീ ।
സർവേഷാം സ്ഥാവരാദീനാം ജംഗമാനാം സുരേശ്വരീ ॥ 28 ॥
സ്വേദജോദ്ഭിജാണ്ഡജാനാം ചരാണാം ച ഭയാദികം ।
വിനാശ്യാപ്യഭിമതിം ച ദേഹി ദക്ഷിണ കാലികേ ॥ 29 ॥
യ ഇദം ചാർഗലം ദേവി യഃ പഠേത്കാലികാർചനേ ।
സർവസിദ്ധിമവാപ്നോതി ഖേചരോ ജായതേ തു സഃ ॥ 30 ॥
ഇതി ശ്രീ കാലീ അർഗല സ്തോത്രം ।
Recite with devotion and pure heart
Regular practice brings spiritual benefits