ಕಾಳೀ ತಾಂಡವ ಸ್ತೋತ್ರಂ

ಹುಂಹುಂಕಾರೇ ಶವಾರೂಢೇ ನೀಲನೀರಜಲೋಚನೇ ।

ತ್ರೈಲೋಕ್ಯೈಕಮುಖೇ ದಿವ್ಯೇ ಕಾಲಿಕಾಯೈ ನಮೋಽಸ್ತು ತೇ ॥ 1 ॥

ಪ್ರತ್ಯಾಲೀಢಪದೇ ಘೋರೇ ಮುಂಡಮಾಲಾಪ್ರಲಂಬಿತೇ ।

ಖರ್ವೇ ಲಂಬೋದರೇ ಭೀಮೇ ಕಾಲಿಕಾಯೈ ನಮೋಽಸ್ತು ತೇ ॥ 2 ॥

ನವಯೌವನಸಂಪನ್ನೇ ಗಜಕುಂಭೋಪಮಸ್ತನೀ ।

ವಾಗೀಶ್ವರೀ ಶಿವೇ ಶಾಂತೇ ಕಾಲಿಕಾಯೈ ನಮೋಽಸ್ತು ತೇ ॥ 3 ॥

ಲೋಲಜಿಹ್ವೇ ಹರಾಲೋಕೇ ನೇತ್ರತ್ರಯವಿಭೂಷಿತೇ ।

ಘೋರಹಾಸ್ಯತ್ಕಟಾ ಕಾರೇ ಕಾಲಿಕಾಯೈ ನಮೋಽಸ್ತು ತೇ ॥ 4 ॥

ವ್ಯಾಘ್ರಚರ್ಮಾಂಬರಧರೇ ಖಡ್ಗಕರ್ತೃಕರೇ ಧರೇ ।

ಕಪಾಲೇಂದೀವರೇ ವಾಮೇ ಕಾಲಿಕಾಯೈ ನಮೋಽಸ್ತು ತೇ ॥ 5 ॥

ನೀಲೋತ್ಪಲಜಟಾಭಾರೇ ಸಿಂಧೂರೇಂದುಮುಖೋದರೇ ।

ಸ್ಫುರದ್ವಕ್ತ್ರೋಷ್ಟದಶನೇ ಕಾಲಿಕಾಯೈ ನಮೋಽಸ್ತು ತೇ ॥ 6 ॥

ಪ್ರಲಯಾನಲಧೂಮ್ರಾಭೇ ಚಂದ್ರಸೂರ್ಯಾಗ್ನಿಲೋಚನೇ ।

ಶೈಲವಾಸೇ ಶುಭೇ ಮಾತಃ ಕಾಲಿಕಾಯೈ ನಮೋಽಸ್ತು ತೇ ॥ 7 ॥

ಬ್ರಹ್ಮಶಂಭುಜಲೌಘೇ ಚ ಶವಮಧ್ಯೇ ಪ್ರಸಂಸ್ಥಿತೇ ।

ಪ್ರೇತಕೋಟಿಸಮಾಯುಕ್ತೇ ಕಾಲಿಕಾಯೈ ನಮೋಽಸ್ತು ತೇ ॥ 8 ॥

ಕೃಪಾಮಯಿ ಹರೇ ಮಾತಃ ಸರ್ವಾಶಾಪರಿಪುರಿತೇ ।

ವರದೇ ಭೋಗದೇ ಮೋಕ್ಷೇ ಕಾಲಿಕಾಯೈ ನಮೋಽಸ್ತು ತೇ ॥ 9 ॥

ಇತ್ಯುತ್ತರತಂತ್ರಾರ್ಗತಂ ಶ್ರೀ ಕಾಲೀ ತಾಂಡವ ಸ್ತೋತ್ರಂ ।

Recite with devotion and pure heart

Regular practice brings spiritual benefits