ஶ்ரீ ஶிவ உவாச । கதி²தோ(அ)யம்ʼ மஹாமந்த்ர꞉ ஸர்வமந்த்ரோத்தமோத்தம꞉ । யாமாஸாத்³ய மயா ப்ராப்தமைஶ்வர்யபத³முத்தமம் ॥ 1 ॥ ஸம்ʼயுக்த꞉ பரயா ப⁴க்த்யா யதோ²க்த விதி⁴னா ப⁴வான் । குருதாமர்சனம்ʼ தே³வ்யாஸ்த்ரைலோக்யவிஜிகீ³ஷயா ॥ 2 ॥ ஶ்ரீபரஶுராம உவாச । ப்ரஸன்னோ யதி³ மே தே³வ பரமேஶ புராதன । ரஹஸ்யம்ʼ பரமம்ʼ தே³வ்யா꞉ க்ருʼபயா கத²ய ப்ரபோ⁴ ॥ 3 ॥ வினார்சனம்ʼ வினா ஹோமம்ʼ வினா ந்யாஸம்ʼ வினா ப³லிம் । வினா க³ந்த⁴ம்ʼ வினா புஷ்பம்ʼ வினா நித்யோதி³தாம்ʼ க்ரியாம் ॥ 4 ॥ ப்ராணாயாமம்ʼ வினா த்⁴யானம்ʼ வினா பூ⁴தவிஶோத⁴னம் । வினா தா³னம்ʼ வினா ஜாபம்ʼ யேன காலீ ப்ரஸீத³தி ॥ 5 ॥ ஶ்ரீ ஶிவ உவாச । ப்ருʼஷ்டம்ʼ த்வயோத்தமம்ʼ ப்ராஜ்ஞ ப்⁴ருʼகு³வம்ʼஶ ஸமுத்³ப⁴வ । ப⁴க்தாநாமபி ப⁴க்தோ(அ)ஸி த்வமேவ ஸாத⁴யிஷ்யஸி ॥ 6 ॥ தே³வீம்ʼ தா³னவகோடிக்⁴னீம்ʼ லீலயா ருதி⁴ரப்ரியாம் । ஸதா³ ஸ்தோத்ரப்ரியாமுக்³ராம்ʼ காமகௌதுகலாலஸாம் ॥ 7 ॥ ஸர்வதா³(ஆ)நந்த³ஹ்ருʼத³யாமாஸவோத்ஸவ மானஸாம் । மாத்⁴வீக மத்ஸ்யமாம்ʼஸானுராகி³ணீம்ʼ வைஷ்ணவீம்ʼ பராம் ॥ 8 ॥ ஶ்மஶானவாஸினீம்ʼ ப்ரேதக³ணந்ருʼத்யமஹோத்ஸவாம் । யோக³ப்ரபா⁴வாம்ʼ யோகே³ஶீம்ʼ யோகீ³ந்த்³ரஹ்ருʼத³யஸ்தி²தாம் ॥ 9 ॥ தாமுக்³ரகாலிகாம்ʼ ராம ப்ரஸீத³யிதுமர்ஹஸி । தஸ்யா꞉ ஸ்தோத்ரம்ʼ பரம்ʼ புண்யம்ʼ ஸ்வயம்ʼ கால்யா ப்ரகாஶிதம் ॥ 10 ॥ தவ தத் கத²யிஷ்யாமி ஶ்ருத்வா வத்ஸாவதா⁴ரய । கோ³பனீயம்ʼ ப்ரயத்னேன பட²னீயம்ʼ பராத்பரம் ॥ 11 ॥ யஸ்யைககாலபட²னாத் ஸர்வே விக்⁴னா꞉ ஸமாகுலா꞉ । நஶ்யந்தி த³ஹனே தீ³ப்தே பதங்கா³ இவ ஸர்வத꞉ ॥ 12 ॥ க³த்³யபத்³யமயீ வாணீ தஸ்ய க³ங்கா³ப்ரவாஹவத் । தஸ்ய த³ர்ஶனமாத்ரேண வாதி³னோ நிஷ்ப்ரபா⁴ம்ʼ க³தா꞉ ॥ 13 ॥ தஸ்ய ஹஸ்தே ஸதை³வாஸ்தி ஸர்வஸித்³தி⁴ர்ன ஸம்ʼஶய꞉ । ராஜானோ(அ)பி ச தா³ஸத்வம்ʼ ப⁴ஜந்தே கிம்ʼ பரே ஜனா꞉ ॥ 14 ॥ நிஶீதே² முக்தகேஶஸ்து நக்³ன꞉ ஶக்திஸமாஹித꞉ । மனஸா சிந்தயேத் காலீம்ʼ மஹாகாலேன சாலிதாம் ॥ 15 ॥ படே²த் ஸஹஸ்ரநாமாக்²யம்ʼ ஸ்தோத்ரம்ʼ மோக்ஷஸ்ய ஸாத⁴னம் । ப்ரஸன்னா காலிகா தஸ்ய புத்ரத்வேனானுகம்பதே ॥ 16 ॥ யதா² ப்³ரஹ்மம்ருʼதைர்ப்³ரஹ்மகுஸுமை꞉ பூஜிதா பரா । ப்ரஸீத³தி ததா²னேன ஸ்துதா காலீ ப்ரஸீத³தி ॥ 17 ॥ விநியோக³꞉ – அஸ்ய ஶ்ரீ த³க்ஷிணகாலிகா ஸஹஸ்ரநாம ஸ்தோத்ரஸ்ய மஹாகாலபை⁴ரவ ருʼஷி꞉ அனுஷ்டுப் ச²ந்த³꞉ ஶ்மஶானகாலீ தே³வதா த⁴ர்மார்த²காமமோக்ஷார்தே² பாடே² விநியோக³꞉ । த்⁴யானம் – ஶவாரூடா⁴ம்ʼ மஹாபீ⁴மாம்ʼ கோ⁴ரத³ம்ʼஷ்ட்ராம்ʼ ஹஸன்முகீ²ம்ʼ சதுர்பு⁴ஜாம்ʼ க²ட்³க³முண்ட³வராப⁴யகராம்ʼ ஶிவாம் । முண்ட³மாலாத⁴ராம்ʼ தே³வீம்ʼ லலாஜ்ஜிஹ்வாம்ʼ தி³க³ம்ப³ராம்ʼ ஏவம்ʼ ஸஞ்சிந்தயேத்காலீம்ʼ ஶ்மஶானாலயவாஸினீம் ॥ ஸ்தோத்ரம் – ஶ்மஶானகாலிகா காலீ ப⁴த்³ரகாலீ கபாலினீ । கு³ஹ்யகாலீ மஹாகாலீ குருகுல்லா விரோதி⁴னீ ॥ 1 ॥ காலிகா காலராத்ரிஶ்ச மஹாகாலநிதம்பி³னீ । காலபை⁴ரவபா⁴ர்யா ச குலவர்த்மப்ரகாஶினீ ॥ 2 ॥ காமதா³ காமினீ கன்யா கமனீயஸ்வரூபிணீ । கஸ்தூரீரஸலிப்தாங்கீ³ குஞ்ஜரேஶ்வரகா³மினீ ॥ 3 ॥ ககாரவர்ணஸர்வாங்கீ³ காமினீ காமஸுந்த³ரீ । காமார்தா காமரூபா ச காமதே⁴னு꞉ கலாவதீ ॥ 4 ॥ காந்தா காமஸ்வரூபா ச காமாக்²யா குலகாமினீ । குலீனா குலவத்யம்பா³ து³ர்கா³ து³ர்க³திநாஶினீ ॥ 5 ॥ கௌமாரீ கலஜா க்ருʼஷ்ணா க்ருʼஷ்ணதே³ஹா க்ருʼஶோத³ரீ । க்ருʼஶாங்கீ³ குலிஶாங்கீ³ ச க்ரீங்காரீ கமலா கலா ॥ 6 ॥ கராலாஸ்யா கராலீ ச குலகாந்தா(அ)பராஜிதா । உக்³ரா உக்³ரப்ரபா⁴ தீ³ப்தா விப்ரசித்தா மஹாப³லா ॥ 7 ॥ நீலா க⁴னா மேக⁴நாதா³ மாத்ரா முத்³ரா மிதாமிதா । ப்³ராஹ்மீ நாராயணீ ப⁴த்³ரா ஸுப⁴த்³ரா ப⁴க்தவத்ஸலா ॥ 8 ॥ மாஹேஶ்வரீ ச சாமுண்டா³ வாராஹீ நாரஸிம்ʼஹிகா । வஜ்ராங்கீ³ வஜ்ரகங்காலீ ந்ருʼமுண்ட³ஸ்ரக்³விணீ ஶிவா ॥ 9 ॥ மாலினீ நரமுண்டா³லீ க³லத்³ரக்தவிபூ⁴ஷணா । ரக்தசந்த³னஸிக்தாங்கீ³ ஸிந்தூ³ராருணமஸ்தகா ॥ 10 ॥ கோ⁴ரரூபா கோ⁴ரத³ம்ʼஷ்ட்ரா கோ⁴ராகோ⁴ரதரா ஶுபா⁴ । மஹாத³ம்ʼஷ்ட்ரா மஹாமாயா ஸுத³தீ யுக³த³ந்துரா ॥ 11 ॥ ஸுலோசனா விரூபாக்ஷீ விஶாலாக்ஷீ த்ரிலோசனா । ஶாரதே³ந்து³ப்ரஸன்னாஸ்யா ஸ்பு²ரத்ஸ்மேராம்பு³ஜேக்ஷணா ॥ 12 ॥ அட்டஹாஸப்ரபு²ல்லாஸ்யா ஸ்மேரவக்த்ரா ஸுபா⁴ஷிணீ । ப்ரபு²ல்லபத்³மவத³னா ஸ்மிதாஸ்யா ப்ரியபா⁴ஷிணீ ॥ 13 ॥ கோடராக்ஷீ குலஶ்ரேஷ்டா² மஹதீ ப³ஹுபா⁴ஷிணீ । ஸுமதி꞉ குமதிஶ்சண்டா³ சண்ட³முண்டா³திவேகி³னீ ॥ 14 ॥ ஸுகேஶீ முக்தகேஶீ ச தீ³ர்க⁴கேஶீ மஹாகசா । ப்ரேததே³ஹாகர்ணபூரா ப்ரேதபாணிஸுமேக²லா ॥ 15 ॥ ப்ரேதாஸனா ப்ரியப்ரேதா புண்யதா³ குலபண்டி³தா । புண்யாலயா புண்யதே³ஹா புண்யஶ்லோகா ச பாவனீ ॥ 16 ॥ பூதா பவித்ரா பரமா பரா புண்யவிபூ⁴ஷணா । புண்யநாம்னீ பீ⁴திஹரா வரதா³ க²ட்³க³பாணினீ ॥ 17 ॥ ந்ருʼமுண்ட³ஹஸ்தா ஶாந்தா ச சி²ந்நமஸ்தா ஸுநாஸிகா । த³க்ஷிணா ஶ்யாமலா ஶ்யாமா ஶாந்தா பீனோன்னதஸ்தனீ ॥ 18 ॥ தி³க³ம்ப³ரா கோ⁴ரராவா ஸ்ருʼக்காந்தரக்தவாஹினீ । கோ⁴ரராவா ஶிவாஸங்கா³ நி꞉ஸங்கா³ மத³னாதுரா ॥ 19 ॥ மத்தா ப்ரமத்தா மத³னா ஸுதா⁴ஸிந்து⁴நிவாஸினீ । அதிமத்தா மஹாமத்தா ஸர்வாகர்ஷணகாரிணீ ॥ 20 ॥ கீ³தப்ரியா வாத்³யரதா ப்ரேதந்ருʼத்யபராயணா । சதுர்பு⁴ஜா த³ஶபு⁴ஜா அஷ்டாத³ஶபு⁴ஜா ததா² ॥ 21 ॥ காத்யாயனீ ஜக³ன்மாதா ஜக³தீ பரமேஶ்வரீ । ஜக³த்³ப³ந்து⁴ர்ஜக³த்³தா⁴த்ரீ ஜக³தா³னந்த³காரிணீ ॥ 22 ॥ ஜக³ஜ்ஜீவவதீ ஹைமவதீ மாயா மஹாலயா । நாக³யஜ்ஞோபவீதாங்கீ³ நாகி³னீ நாக³ஶாயினீ ॥ 23 ॥ நாக³கன்யா தே³வகன்யா கா³ந்தா⁴ரீ கின்னரீ ஸுரீ । மோஹராத்ரீ மஹாராத்ரீ தா³ருணாமாஸுராஸுரீ ॥ 24 ॥ வித்³யாத⁴ரீ வஸுமதீ யக்ஷிணீ யோகி³னீ ஜரா । ராக்ஷஸீ டா³கினீ வேத³மயீ வேத³விபூ⁴ஷணா ॥ 25 ॥ ஶ்ருதிஸ்ம்ருʼதிமஹாவித்³யா கு³ஹ்யவித்³யா புராதனீ । சிந்த்யா(அ)சிந்த்யா ஸ்வதா⁴ ஸ்வாஹா நித்³ரா தந்த்³ரா ச பார்வதீ ॥ 26 ॥ அபர்ணா நிஶ்சலா லோலா ஸர்வவித்³யா தபஸ்வினீ । க³ங்கா³ காஶீ ஶசீ ஸீதா ஸதீ ஸத்யபராயணா ॥ 27 ॥ நீதி꞉ ஸுநீதி꞉ ஸுருசிஸ்துஷ்டி꞉ புஷ்டிர்த்⁴ருʼதி꞉ க்ஷமா । வாணீ பு³த்³தி⁴ர்மஹாலக்ஷ்மீ லக்ஷ்மீர்நீலஸரஸ்வதீ ॥ 28 ॥ ஸ்ரோதஸ்வதீ ஸ்ரோதவதீ மாதங்கீ³ விஜயா ஜயா । நதீ³ ஸிந்து⁴꞉ ஸர்வமயீ தாரா ஶூன்யநிவாஸினீ ॥ 29 ॥ ஶுத்³தா⁴ தரங்கி³ணீ மேதா⁴ லாகினீ ப³ஹுரூபிணீ । ஸதா³னந்த³மயீ ஸத்யா ஸர்வானந்த³ஸ்வரூபிணீ ॥ 30 ॥ ஸுனந்தா³ நந்தி³னீ ஸ்துத்யா ஸ்தவனீயா ஸ்வபா⁴வினீ । ரங்கிணீ டங்கிணீ சித்ரா விசித்ரா சித்ரரூபிணீ ॥ 31 ॥ பத்³மா பத்³மாலயா பத்³மஸுகீ² பத்³மவிபூ⁴ஷணா । ஶாகினீ ஹாகினீ க்ஷாந்தா ராகிணீ ருதி⁴ரப்ரியா ॥ 32 ॥ ப்⁴ராந்திர்ப⁴வானீ ருத்³ராணீ ம்ருʼடா³னீ ஶத்ருமர்தி³னீ । உபேந்த்³ராணீ மஹேஶானீ ஜ்யோத்ஸ்னா சேந்த்³ரஸ்வரூபிணீ ॥ 33 ॥ ஸூர்யாத்மிகா ருத்³ரபத்னீ ரௌத்³ரீ ஸ்த்ரீ ப்ரக்ருʼதி꞉ புமான் । ஶக்தி꞉ ஸூக்திர்மதிமதீ பு⁴க்திர்முக்தி꞉ பதிவ்ரதா ॥ 34 ॥ ஸர்வேஶ்வரீ ஸர்வமாதா ஶர்வாணீ ஹரவல்லபா⁴ । ஸர்வஜ்ஞா ஸித்³தி⁴தா³ ஸித்³தா⁴ பா⁴வ்யா ப⁴வ்யா ப⁴யாபஹா ॥ 35 ॥ கர்த்ரீ ஹர்த்ரீ பாலயித்ரீ ஶர்வரீ தாமஸீ த³யா । தமிஸ்ரா யாமினீஸ்தா² ச ஸ்தி²ரா தீ⁴ரா தபஸ்வினீ ॥ 36 ॥ சார்வங்கீ³ சஞ்சலா லோலஜிஹ்வா சாருசரித்ரிணீ । த்ரபா த்ரபாவதீ லஜ்ஜா நிர்லஜ்ஜா ஹ்ரீம்ʼ ரஜோவதீ ॥ 37 ॥ ஸத்த்வவதீ த⁴ர்மநிஷ்டா² ஶ்ரேஷ்டா² நிஷ்டு²ரவாதி³னீ । க³ரிஷ்டா² து³ஷ்டஸம்ʼஹர்த்ரீ விஶிஷ்டா ஶ்ரேயஸீ க்⁴ருʼணா ॥ 38 ॥ பீ⁴மா ப⁴யானகா பீ⁴மநாதி³னீ பீ⁴꞉ ப்ரபா⁴வதீ । வாகீ³ஶ்வரீ ஶ்ரீர்யமுனா யஜ்ஞகர்த்ரீ யஜு꞉ப்ரியா ॥ 39 ॥ ருʼக்ஸாமாத²ர்வநிலயா ராகி³ணீ ஶோப⁴னஸ்வரா । கலகண்டீ² கம்பு³கண்டீ² வேணுவீணாபராயணா ॥ 40 ॥ வம்ʼஶினீ வைஷ்ணவீ ஸ்வச்சா² தா⁴த்ரீ த்ரிஜக³தீ³ஶ்வரீ । மது⁴மதீ குண்ட³லினீ ருʼத்³தி⁴꞉ ஸித்³தி⁴꞉ ஶுசிஸ்மிதா ॥ 41 ॥ ரம்போ⁴ர்வஶீ ரதீ ராமா ரோஹிணீ ரேவதீ ரமா । ஶங்கி²னீ சக்ரிணீ க்ருʼஷ்ணா க³தி³னீ பத்³மினீ ததா² ॥ 42 ॥ ஶூலினீ பரிகா⁴ஸ்த்ரா ச பாஶினீ ஶார்ங்க³பாணினீ । பினாகதா⁴ரிணீ தூ⁴ம்ரா ஶரபீ⁴ வனமாலினீ ॥ 43 ॥ வஜ்ரிணீ ஸமரப்ரீதா வேகி³னீ ரணபண்டி³தா । ஜடினீ பி³ம்பி³னீ நீலா லாவண்யாம்பு³தி⁴சந்த்³ரிகா ॥ 44 ॥ ப³லிப்ரியா ஸதா³பூஜ்யா பூர்ணா தை³த்யேந்த்³ரமாதி²னீ । மஹிஷாஸுரஸம்ʼஹந்த்ரீ வாஸினீ ரக்தத³ந்திகா ॥ 45 ॥ ரக்தபா ருதி⁴ராக்தாங்கீ³ ரக்தக²ர்பரஹஸ்தினீ । ரக்தப்ரியா மாம்ʼஸருசிர்வாஸவாஸக்தமானஸா ॥ 46 ॥ க³லச்சோ²ணிதமுண்டா³லிகண்ட²மாலாவிபூ⁴ஷணா । ஶவாஸனா சிதாந்தஸ்தா² மாஹேஶீ வ்ருʼஷவாஹினீ ॥ 47 ॥ வ்யாக்⁴ரத்வக³ம்ப³ரா சீனசேலினீ ஸிம்ʼஹவாஹினீ । வாமதே³வீ மஹாதே³வீ கௌ³ரீ ஸர்வஜ்ஞபா⁴வினீ ॥ 48 ॥ பா³லிகா தருணீ வ்ருʼத்³தா⁴ வ்ருʼத்³த⁴மாதா ஜராதுரா । ஸுப்⁴ருர்விலாஸினீ ப்³ரஹ்மவாதி³னீ ப்³ராஹ்மணீ மஹீ ॥ 49 ॥ ஸ்வப்னவதீ சித்ரலேகா² லோபாமுத்³ரா ஸுரேஶ்வரீ । அமோகா⁴(அ)ருந்த⁴தீ தீக்ஷ்ணா போ⁴க³வத்யனுவாதி³னீ ॥ 50 ॥ மந்தா³கினீ மந்த³ஹாஸா ஜ்வாலாமுக்²யஸுராந்தகா । மானதா³ மானினீ மான்யா மானனீயா மதோ³த்³த⁴தா ॥ 51 ॥ மதி³ரா மதி³ரான்மாதா³ மேத்⁴யா நவ்யா ப்ரஸாதி³னீ । ஸுமத்⁴யா(அ)னந்தகு³ணினீ ஸர்வலோகோத்தமோத்தமா ॥ 52 ॥ ஜயதா³ ஜித்வரா ஜைத்ரீ ஜயஶ்ரீர்ஜயஶாலினீ । ஸுக²தா³ ஶுப⁴தா³ ஸத்யா ஸபா⁴ஸங்க்ஷோப⁴காரிணீ ॥ 53 ॥ ஶிவதூ³தீ பூ⁴திமதீ விபூ⁴திர்பீ⁴ஷணானனா । கௌமாரீ குலஜா குந்தீ குலஸ்த்ரீ குலபாலிகா ॥ 54 ॥ கீர்திர்யஶஸ்வினீ பூ⁴ஷா பூ⁴ஷ்யா பூ⁴தபதிப்ரியா । ஸகு³ணா நிர்கு³ணா த்⁴ருʼஷ்டா நிஷ்டா² காஷ்டா² ப்ரதிஷ்டி²தா ॥ 55 ॥ த⁴நிஷ்டா² த⁴னதா³ த⁴ன்யா வஸுதா⁴ ஸ்வப்ரகாஶினீ । உர்வீ கு³ர்வீ கு³ருஶ்ரேஷ்டா² ஸகு³ணா த்ரிகு³ணாத்மிகா ॥ 56 ॥ மஹாகுலீனா நிஷ்காமா ஸகாமா காமஜீவனா । காமதே³வகலா ராமா(அ)பி⁴ராமா ஶிவனர்தகீ ॥ 57 ॥ சிந்தாமணி꞉ கல்பலதா ஜாக்³ரதீ தீ³னவத்ஸலா । கார்திகீ கீர்திகா க்ருʼத்யா அயோத்⁴யா விஷமா ஸமா ॥ 58 ॥ ஸுமந்த்ரா மந்த்ரிணீ கூ⁴ர்ணா ஹ்லாதி³னீ க்லேஶநாஶினீ । த்ரைலோக்யஜனனீ ஹ்ருʼஷ்டா நிர்மாம்ʼஸா மனோரூபிணீ ॥ 59 ॥ தடா³க³னிம்னஜட²ரா ஶுஷ்கமாம்ʼஸாஸ்தி²மாலினீ । அவந்தீ மது²ரா மாயா த்ரைலோக்யபாவனீஶ்வரீ ॥ 60 ॥ வ்யக்தா(அ)வ்யக்தா(அ)னேகமூர்தி꞉ ஶர்வரீ பீ⁴மநாதி³னீ । க்ஷேமங்கரீ ஶங்கரீ ச ஸர்வஸம்மோஹகாரிணீ ॥ 61 ॥ ஊர்த்⁴வதேஜஸ்வினீ க்லின்னா மஹாதேஜஸ்வினீ ததா² । அத்³வைதா போ⁴கி³னீ பூஜ்யா யுவதீ ஸர்வமங்க³லா ॥ 62 ॥ ஸர்வப்ரியங்கரீ போ⁴க்³யா த⁴ரணீ பிஶிதாஶனா । ப⁴யங்கரீ பாபஹரா நிஷ்கலங்கா வஶங்கரீ ॥ 63 ॥ ஆஶா த்ருʼஷ்ணா சந்த்³ரகலா நித்³ரான்யா வாயுவேகி³னீ । ஸஹஸ்ரஸூர்யஸங்காஶா சந்த்³ரகோடிஸமப்ரபா⁴ ॥ 64 ॥ வஹ்னிமண்ட³லஸம்ʼஸ்தா² ச ஸர்வதத்த்வப்ரதிஷ்டி²தா । ஸர்வாசாரவதீ ஸர்வதே³வகன்யாதி⁴தே³வதா ॥ 65 ॥ த³க்ஷகன்யா த³க்ஷயஜ்ஞநாஶினீ து³ர்க³தாரிகா । இஜ்யா பூஜ்யா விபா⁴ பூ⁴தி꞉ ஸத்கீர்திர்ப்³ரஹ்மரூபிணீ ॥ 66 ॥ ரம்போ⁴ருஶ்சதுரா ராகா ஜயந்தீ கருணா குஹு꞉ । மனஸ்வினீ தே³வமாதா யஶஸ்யா ப்³ரஹ்மசாரிணீ ॥ 67 ॥ ருʼத்³தி⁴தா³ வ்ருʼத்³தி⁴தா³ வ்ருʼத்³தி⁴꞉ ஸர்வாத்³யா ஸர்வதா³யினீ । ஆதா⁴ரரூபிணீ த்⁴யேயா மூலாதா⁴ரநிவாஸினீ ॥ 68 ॥ அஜ்ஞா ப்ரஜ்ஞா பூர்ணமநாஶ்சந்த்³ரமுக்²யனுகூலினீ । வாவதூ³கா நிம்னநாபி⁴꞉ ஸத்யா ஸந்த்⁴யா த்³ருʼட⁴வ்ரதா ॥ 69 ॥ ஆன்வீக்ஷிகீ த³ண்ட³நீதிஸ்த்ரயீ த்ரிதி³வஸுந்த³ரீ । ஜ்வலினீ ஜ்வாலினீ ஶைலதனயா விந்த்⁴யவாஸினீ ॥ 70 ॥ அமேயா கே²சரீ தை⁴ர்யா துரீயா விமலா(ஆ)துரா । ப்ரக³ல்பா⁴ வாருணீ சா²யா ஶஶினீ விஸ்பு²லிங்கி³னீ ॥ 71 ॥ பு⁴க்தி꞉ ஸித்³தி⁴꞉ ஸதா³ப்ராப்தி꞉ ப்ராகாம்யா மஹிமா(அ)ணிமா । இச்சா²ஸித்³தி⁴ர்விஸித்³தா⁴ ச வஶித்வோர்த்⁴வநிவாஸினீ ॥ 72 ॥ லகி⁴மா சைவ கா³யத்ரீ ஸாவித்ரீ பு⁴வனேஶ்வரீ । மனோஹரா சிதா தி³வ்யா தே³வ்யுதா³ரா மனோரமா ॥ 73 ॥ பிங்க³லா கபிலா ஜிஹ்வாரஸஜ்ஞா ரஸிகா ரஸா । ஸுஷும்னேடா³ போ⁴க³வதீ கா³ந்தா⁴ரீ நரகாந்தகா ॥ 74 ॥ பாஞ்சாலீ ருக்மிணீ ராதா⁴ராத்⁴யா பீ⁴மாதி⁴ராதி⁴கா । அம்ருʼதா துலஸீ வ்ருʼந்தா³ கைடபீ⁴ கபடேஶ்வரீ ॥ 75 ॥ உக்³ரசண்டே³ஶ்வரீ வீரா ஜனனீ வீரஸுந்த³ரீ । உக்³ரதாரா யஶோதா³க்²யா தை³வகீ தே³வமானிதா ॥ 76 ॥ நிரஞ்ஜனா சித்ரதே³வீ க்ரோதி⁴னீ குலதீ³பிகா । குலவாகீ³ஶ்வரீ வாணீ மாத்ருʼகா த்³ராவிணீ த்³ரவா ॥ 77 ॥ யோகே³ஶ்வரீ மஹாமாரீ ப்⁴ராமரீ பி³ந்து³ரூபிணீ । தூ³தீ ப்ராணேஶ்வரீ கு³ப்தா ப³ஹுலா சமரீ ப்ரபா⁴ ॥ 78 ॥ குப்³ஜிகா ஜ்ஞானினீ ஜ்யேஷ்டா² பு⁴ஶுண்டீ³ ப்ரகடா திதி²꞉ । த்³ரவிணீ கோ³பனீ மாயா காமபீ³ஜேஶ்வரீ க்ரியா ॥ 79 ॥ ஶாம்ப⁴வீ கேகரா மேனா மூஷலாஸ்த்ரா திலோத்தமா । அமேயவிக்ரமா க்ரூரா ஸம்பத்ஶாலா த்ரிலோசனா ॥ 80 ॥ ஸ்வஸ்திர்ஹவ்யவஹா ப்ரீதிருஷ்மா தூ⁴ம்ரார்சிரங்க³தா³ । தபினீ தாபினீ விஶ்வா போ⁴க³தா³ தா⁴ரிணீ த⁴ரா ॥ 81 ॥ த்ரிக²ண்டா³ போ³தி⁴னீ வஶ்யா ஸகலா ஶப்³த³ரூபிணீ । பீ³ஜரூபா மஹாமுத்³ரா யோகி³னீ யோநிரூபிணீ ॥ 82 ॥ அனங்க³குஸுமா(அ)னங்க³மேக²லா(அ)னங்க³ரூபிணீ । வஜ்ரேஶ்வரீ ச ஜயினீ ஸர்வத்³வந்த்³வக்ஷயங்கரீ ॥ 83 ॥ ஷட³ங்க³யுவதீ யோக³யுக்தா ஜ்வாலாம்ʼஶுமாலினீ । து³ராஶயா து³ராதா⁴ரா து³ர்ஜயா து³ர்க³ரூபிணீ ॥ 84 ॥ து³ரந்தா து³ஷ்க்ருʼதிஹரா து³ர்த்⁴யேயா து³ரதிக்ரமா । ஹம்ʼஸேஶ்வரீ த்ரிகோணஸ்தா² ஶாகம்ப⁴ர்யனுகம்பினீ ॥ 85 ॥ த்ரிகோணநிலயா நித்யா பரமாம்ருʼதரஞ்ஜிதா । மஹாவித்³யேஶ்வரீ ஶ்வேதா பே⁴ருண்டா³ குலஸுந்த³ரீ ॥ 86 ॥ த்வரிதா ப⁴க்திஸம்ʼஸக்தா ப⁴க்தவஶ்யா ஸனாதனீ । ப⁴க்தானந்த³மயீ ப⁴க்தபா⁴விகா ப⁴க்தஶங்கரீ ॥ 87 ॥ ஸர்வஸௌந்த³ர்யநிலயா ஸர்வஸௌபா⁴க்³யஶாலினீ । ஸர்வஸம்போ⁴க³ப⁴வனா ஸர்வஸௌக்²யநிரூபிணீ ॥ 88 ॥ குமாரீபூஜனரதா குமாரீவ்ரதசாரிணீ । குமாரீப⁴க்திஸுகி²னீ குமாரீரூபதா⁴ரிணீ ॥ 89 ॥ குமாரீபூஜகப்ரீதா குமாரீப்ரீதிதா³ ப்ரியா । குமாரீஸேவகாஸங்கா³ குமாரீஸேவகாலயா ॥ 90 ॥ ஆனந்த³பை⁴ரவீ பா³லபை⁴ரவீ ப³டுபை⁴ரவீ । ஶ்மஶானபை⁴ரவீ காலபை⁴ரவீ புரபை⁴ரவீ ॥ 91 ॥ மஹாபை⁴ரவபத்னீ ச பரமானந்த³பை⁴ரவீ । ஸுதா⁴னந்த³பை⁴ரவீ ச உன்மாதா³னந்த³பை⁴ரவீ ॥ 92 ॥ முக்தானந்த³பை⁴ரவீ ச ததா² தருணபை⁴ரவீ । ஜ்ஞானானந்த³பை⁴ரவீ ச அம்ருʼதானந்த³பை⁴ரவீ ॥ 93 ॥ மஹாப⁴யங்கரீ தீவ்ரா தீவ்ரவேகா³ தபஸ்வினீ । த்ரிபுரா பரமேஶானீ ஸுந்த³ரீ புரஸுந்த³ரீ ॥ 94 ॥ த்ரிபுரேஶீ பஞ்சத³ஶீ பஞ்சமீ புரவாஸினீ । மஹாஸப்தத³ஶீ சைவ ஷோட³ஶீ த்ரிபுரேஶ்வரீ ॥ 95 ॥ மஹாங்குஶஸ்வரூபா ச மஹாசக்ரேஶ்வரீ ததா² । நவசக்ரேஶ்வரீ சக்ரேஶ்வரீ த்ரிபுரமாலினீ ॥ 96 ॥ ராஜராஜேஶ்வரீ தீ⁴ரா மஹாத்ரிபுரஸுந்த³ரீ । ஸிந்தூ³ரபூரருசிரா ஶ்ரீமத்த்ரிபுரஸுந்த³ரீ ॥ 97 ॥ ஸர்வாங்க³ஸுந்த³ரீ ரக்தாரக்தவஸ்த்ரோத்தரீயிணீ । ஜவாயாவகஸிந்தூ³ரரக்தசந்த³னதா⁴ரிணீ ॥ 98 ॥ ஜவாயாவகஸிந்தூ³ரரக்தசந்த³னரூபத்⁴ருʼக் । சாமரீ பா³லகுடிலநிர்மலா ஶ்யாமகேஶினீ ॥ 99 ॥ வஜ்ரமௌக்திகரத்னாட்⁴யா கிரீடமுகுடோஜ்ஜ்வலா । ரத்னகுண்ட³லஸம்ʼயுக்தஸ்பு²ரத்³க³ண்ட³மனோரமா ॥ 100 ॥ குஞ்ஜரேஶ்வரகும்போ⁴த்த²முக்தாரஞ்ஜிதநாஸிகா । முக்தாவித்³ருமமாணிக்யஹாராட்⁴யஸ்தனமண்ட³லா ॥ 101 ॥ ஸூர்யகாந்தேந்து³காந்தாட்⁴யஸ்பர்ஶாஶ்மகண்ட²பூ⁴ஷணா । பீ³ஜபூரஸ்பு²ரத்³பீ³ஜத³ந்தபங்க்திரனுத்தமா ॥ 102 ॥ காமகோத³ண்ட³காபு⁴க்³னப்⁴ரூகடாக்ஷப்ரவர்ஷிணீ । மாதங்க³கும்ப⁴வக்ஷோஜா லஸத்கோகனதே³க்ஷணா ॥ 103 ॥ மனோஜ்ஞஶஷ்குலீகர்ணா ஹம்ʼஸீக³திவிட³ம்பி³னீ । பத்³மராகா³ங்க³த³ஜ்யோதிர்தோ³ஶ்சதுஷ்கப்ரகாஶினீ ॥ 104 ॥ நாநாமணிபரிஸ்பூ²ர்ஜச்சு²த்³த⁴காஞ்சனகங்கணா । நாகே³ந்த்³ரத³ந்தநிர்மாணவலயாங்கிதபாணினீ ॥ 105 ॥ அங்கு³ரீயகசித்ராங்கீ³ விசித்ரக்ஷுத்³ரக⁴ண்டிகா । பட்டாம்ப³ரபரீதா⁴னா கலமஞ்ஜீரஶிஞ்ஜினீ ॥ 106 ॥ கர்பூராக³ருகஸ்தூரீகுங்குமத்³ரவலேபிதா । விசித்ரரத்னப்ருʼதி²வீகல்பஶாகி²தலஸ்தி²தா ॥ 107 ॥ ரத்னத்³வீபஸ்பு²ரத்³ரத்னஸிம்ʼஹாஸனவிலாஸினீ । ஷட்சக்ரபே⁴த³னகரீ பரமானந்த³ரூபிணீ ॥ 108 ॥ ஸஹஸ்ரத³லபத்³மாந்தஶ்சந்த்³ரமண்ட³லவர்தினீ । ப்³ரஹ்மரூபா ஶிவக்ரோடா³ நானாஸுக²விலாஸினீ ॥ 109 ॥ ஹரவிஷ்ணுவிரிஞ்சீந்த்³ரக்³ரஹநாயகஸேவிதா । ஶிவா ஶைவா ச ருத்³ராணீ ததை²வ ஶிவவாதி³னீ ॥ 110 ॥ மாதங்கி³னீ ஶ்ரீமதீ ச ததை²வானங்க³மேக²லா । டா³கினீ யோகி³னீ சைவ ததோ²பயோகி³னீ மதா ॥ 111 ॥ மாஹேஶ்வரீ வைஷ்ணவீ ச ப்⁴ராமரீ ஶிவரூபிணீ । அலம்பு³ஷா வேக³வதீ க்ரோத⁴ரூபா ஸுமேக²லா ॥ 112 ॥ கா³ந்தா⁴ரீ ஹஸ்தஜிஹ்வா ச இடா³ சைவ ஶுப⁴ங்கரீ । பிங்க³லா ப்³ரஹ்மதூ³தீ ச ஸுஷும்னா சைவ க³ந்தி⁴னீ ॥ 113 ॥ ஆத்மயோநிர்ப்³ரஹ்மயோநிர்ஜக³த்³யோநிரயோநிஜா । ப⁴க³ரூபா ப⁴க³ஸ்தா²த்ரீ ப⁴கி³னீ ப⁴க³ரூபிணீ ॥ 114 ॥ ப⁴கா³த்மிகா ப⁴கா³தா⁴ரரூபிணீ ப⁴க³மாலினீ । லிங்கா³க்²யா சைவ லிங்கே³ஶீ த்ரிபுரா பை⁴ரவீ ததா² ॥ 115 ॥ லிங்க³கீ³தி꞉ ஸுகீ³திஶ்ச லிங்க³ஸ்தா² லிங்க³ரூபத்⁴ருʼக் । லிங்க³மானா லிங்க³ப⁴வா லிங்க³லிங்கா³ ச பார்வதீ ॥ 116 ॥ ப⁴க³வதீ கௌஶிகீ ச ப்ரேமா சைவ ப்ரியம்ʼவதா³ । க்³ருʼத்⁴ரரூபா ஶிவாரூபா சக்ரிணீ சக்ரரூபத்⁴ருʼக் ॥ 117 ॥ லிங்கா³பி⁴தா⁴யினீ லிங்க³ப்ரியா லிங்க³நிவாஸினீ । லிங்க³ஸ்தா² லிங்க³னீ லிங்க³ரூபிணீ லிங்க³ஸுந்த³ரீ ॥ 118 ॥ லிங்க³கீ³திர்மஹாப்ரீதா ப⁴க³கீ³திர்மஹாஸுகா² । லிங்க³நாமஸதா³னந்தா³ ப⁴க³நாமஸதா³க³தி꞉ ॥ 119 ॥ லிங்க³மாலாகண்ட²பூ⁴ஷா ப⁴க³மாலாவிபூ⁴ஷணா । ப⁴க³லிங்கா³ம்ருʼதப்ரீதா ப⁴க³லிங்க³ஸ்வரூபிணீ ॥ 120 ॥ ப⁴க³லிங்க³ஸ்ய ரூபா ச ப⁴க³லிங்க³ஸுகா²வஹா । ஸ்வயம்பூ⁴குஸுமப்ரீதா ஸ்வயம்பூ⁴குஸுமார்சிதா ॥ 121 ॥ ஸ்வயம்பூ⁴குஸுமப்ராணா ஸ்வயம்பூ⁴புஷ்பதர்பிதா । ஸ்வயம்பூ⁴புஷ்பக⁴டிதா ஸ்வயம்பூ⁴புஷ்பதா⁴ரிணீ ॥ 122 ॥ ஸ்வயம்பூ⁴புஷ்பதிலகா ஸ்வயம்பூ⁴புஷ்பசர்சிதா । ஸ்வயம்பூ⁴புஷ்பநிரதா ஸ்வயம்பூ⁴குஸுமக்³ரஹா ॥ 123 ॥ ஸ்வயம்பூ⁴புஷ்பயஜ்ஞாம்ʼஶா ஸ்வயம்பூ⁴குஸுமாத்மிகா । ஸ்வயம்பூ⁴புஷ்பனிசிதா ஸ்வயம்பூ⁴குஸுமப்ரியா ॥ 124 ॥ ஸ்வயம்பூ⁴குஸுமாதா³னலாலஸோன்மத்தமானஸா । ஸ்வயம்பூ⁴குஸுமானந்த³லஹரீஸ்னிக்³த⁴தே³ஹினீ ॥ 125 ॥ ஸ்வயம்பூ⁴குஸுமாதா⁴ரா ஸ்வயம்பூ⁴குஸுமாகுலா । ஸ்வயம்பூ⁴புஷ்பநிலயா ஸ்வயம்பூ⁴புஷ்பவாஸினீ ॥ 126 ॥ ஸ்வயம்பூ⁴குஸுமஸ்னிக்³தா⁴ ஸ்வயம்பூ⁴குஸுமாத்மிகா । ஸ்வயம்பூ⁴புஷ்பகரிணீ ஸ்வயம்பூ⁴புஷ்பவாணிகா ॥ 127 ॥ ஸ்வயம்பூ⁴குஸுமத்⁴யானா ஸ்வயம்பூ⁴குஸுமப்ரபா⁴ । ஸ்வயம்பூ⁴குஸுமஜ்ஞானா ஸ்வயம்பூ⁴புஷ்பபா⁴கி³னீ ॥ 128 ॥ ஸ்வயம்பூ⁴குஸுமோல்லாஸா ஸ்வயம்பூ⁴புஷ்பவர்ஷிணீ । ஸ்வயம்பூ⁴குஸுமோத்ஸாஹா ஸ்வயம்பூ⁴புஷ்பரூபிணீ ॥ 129 ॥ ஸ்வயம்பூ⁴குஸுமோன்மாதா³ ஸ்வயம்பூ⁴புஷ்பஸுந்த³ரீ । ஸ்வயம்பூ⁴குஸுமாராத்⁴யா ஸ்வயம்பூ⁴குஸுமோத்³ப⁴வா ॥ 130 ॥ ஸ்வயம்பூ⁴குஸுமாவ்யக்³ரா ஸ்வயம்பூ⁴புஷ்பபூர்ணிதா । ஸ்வயம்பூ⁴பூஜகப்ராஜ்ஞா ஸ்வயம்பூ⁴ஹோத்ருʼமாத்ருʼகா ॥ 131 ॥ ஸ்வயம்பூ⁴தா³த்ருʼரக்ஷித்ரீ ஸ்வயம்பூ⁴ரக்ததாரிகா । ஸ்வயம்பூ⁴பூஜகக்³ரஸ்தா ஸ்வயம்பூ⁴பூஜகப்ரியா ॥ 132 ॥ ஸ்வயம்பூ⁴வந்த³காதா⁴ரா ஸ்வயம்பூ⁴னிந்த³காந்தகா । ஸ்வயம்பூ⁴ப்ரத³ஸர்வஸ்வா ஸ்வயம்பூ⁴ப்ரத³புத்ரிணீ ॥ 133 ॥ ஸ்வயம்பூ⁴ப்ரத³ஸஸ்மேரா ஸ்வயம்பூ⁴தஶரீரிணீ । ஸர்வகாலோத்³ப⁴வப்ரீதா ஸர்வகாலோத்³ப⁴வாத்மிகா ॥ 134 ॥ ஸர்வகாலோத்³ப⁴வோத்³பா⁴வா ஸர்வகாலோத்³ப⁴வோத்³ப⁴வா । குண்ட³புஷ்பஸதா³ப்ரீதா குண்ட³புஷ்பஸதா³ரதி꞉ ॥ 135 ॥ குண்ட³கோ³லோத்³ப⁴வப்ராணா குண்ட³கோ³லோத்³ப⁴வாத்மிகா । ஸ்வயம்பூ⁴ர்வா ஶிவா தா⁴த்ரீ பாவனீ லோகபாவனீ ॥ 136 ॥ கீர்திர்யஶஸ்வினீ மேதா⁴ விமேதா⁴ ஶுக்ரஸுந்த³ரீ । அஶ்வினீ க்ருʼத்திகா புஷ்யா தேஜஸ்கா சந்த்³ரமண்ட³லா ॥ 137 ॥ ஸூக்ஷ்மா(அ)ஸூக்ஷ்மா ப³லாகா ச வரதா³ ப⁴யநாஶினீ । வரதா³(அ)ப⁴யதா³ சைவ முக்திப³ந்த⁴விநாஶினீ ॥ 138 ॥ காமுகா காமதா³ காந்தா காமாக்²யா குலஸுந்த³ரீ । து³꞉க²தா³ ஸுக²தா³ மோக்ஷா மோக்ஷதா³ர்த²ப்ரகாஶினீ ॥ 139 ॥ து³ஷ்டாது³ஷ்டமதிஶ்சைவ ஸர்வகார்யவிநாஶினீ । ஶுக்ராதா⁴ரா ஶுக்ரரூபா ஶுக்ரஸிந்து⁴நிவாஸினீ ॥ 140 ॥ ஶுக்ராலயா ஶுக்ரபோ⁴கா³ ஶுக்ரபூஜாஸதா³ரதி꞉ । ஶுக்ரபூஜ்யா ஶுக்ரஹோமஸந்துஷ்டா ஶுக்ரவத்ஸலா ॥ 141 ॥ ஶுக்ரமூர்தி꞉ ஶுக்ரதே³ஹா ஶுக்ரபூஜகபுத்ரிணீ । ஶுக்ரஸ்தா² ஶுக்ரிணீ ஶுக்ரஸம்ʼஸ்ப்ருʼஹா ஶுக்ரஸுந்த³ரீ ॥ 142 ॥ ஶுக்ரஸ்னாதா ஶுக்ரகரீ ஶுக்ரஸேவ்யா(அ)திஶுக்ரிணீ । மஹாஶுக்ரா ஶுக்ரப⁴வா ஶுக்ரவ்ருʼஷ்டிவிதா⁴யினீ ॥ 143 ॥ ஶுக்ராபி⁴தே⁴யா ஶுக்ரார்ஹா ஶுக்ரவந்த³கவந்தி³தா । ஶுக்ரானந்த³கரீ ஶுக்ரஸதா³னந்தா³பி⁴தா⁴யிகா ॥ 144 ॥ ஶுக்ரோத்ஸவா ஸதா³ஶுக்ரபூர்ணா ஶுக்ரமனோரமா । ஶுக்ரபூஜகஸர்வஸ்வா ஶுக்ரனிந்த³கநாஶினீ ॥ 145 ॥ ஶுக்ராத்மிகா ஶுக்ரஸம்ʼவத் ஶுக்ராகர்ஷணகாரிணீ । ஶாரதா³ ஸாத⁴கப்ராணா ஸாத⁴காஸக்தமானஸா ॥ 146 ॥ ஸாத⁴கோத்தமஸர்வஸ்வா ஸாத⁴காப⁴க்தரக்தபா । ஸாத⁴கானந்த³ஸந்தோஷா ஸாத⁴கானந்த³காரிணீ ॥ 147 ॥ ஆத்மவித்³யா ப்³ரஹ்மவித்³யா பரப்³ரஹ்மஸ்வரூபிணீ । த்ரிகூடஸ்தா² பஞ்சகூடா ஸர்வகூடஶரீரிணீ ॥ 148 ॥ ஸர்வவர்ணமயீ வர்ணஜபமாலாவிதா⁴யினீ । இதி ஶ்ரீகாலிகாநாமஸஹஸ்ரம்ʼ ஶிவபா⁴ஷிதம் ॥ 149 ॥ கு³ஹ்யாத்³கு³ஹ்யதரம்ʼ ஸாக்ஷான்மஹாபாதகநாஶனம் । பூஜாகாலே நிஶீதே² ச ஸந்த்⁴யயோருப⁴யோரபி ॥ 150 ॥ லப⁴தே கா³ணபத்யம்ʼ ஸ ய꞉ படே²த் ஸாத⁴கோத்தம꞉ । ய꞉ படே²த் பாட²யேத்³வாபி ஶ்ருʼணோதி ஶ்ராவயேத³பி ॥ 151 ॥ ஸர்வபாபவிநிர்முக்த꞉ ஸ யாதி காலிகாபுரம் । ஶ்ரத்³த⁴யா(அ)ஶ்ரத்³த⁴யா வாபி ய꞉ கஶ்சின்மானவ꞉ ஸ்மரேத் ॥ 152 ॥ து³ர்க³ம்ʼ து³ர்க³ஶதம்ʼ தீர்த்வா ஸ யாதி பரமாங்க³திம் । வந்த்⁴யா வா காகவந்த்⁴யா வா ம்ருʼதவத்ஸா ச யாங்க³னா ॥ 153 ॥ ஶ்ருத்வா ஸ்தோத்ரமித³ம்ʼ புத்ரான் லப⁴தே சிரஜீவின꞉ । யம்ʼ யம்ʼ காமயதே காமம்ʼ பட²ன் ஸ்தோத்ரமனுத்தமம் । தே³வீபாத³ப்ரஸாதே³ன தத்ததா³ப்னோதி நிஶ்சிதம் ॥ 154 ॥ இதி ஶ்ரீ காலிகாகுலஸர்வஸ்வே ஹரபரஶுராமஸம்ʼவாதே³ ஶ்ரீ காலிகா ஸஹஸ்ரநாம ஸ்தோத்ரம் ।