हैंహైHaindavamஹிહિં
📍
Font Size:
കാലി സഹസ്രനാമ സ്തോത്രം
ശ്രീ ശിവ ഉവാച –
കഥിതോഽയം മഹാമന്ത്രഃ സർവമന്ത്രോത്തമോത്തമഃ ।
യാമാസാദ്യ മയാ പ്രാപ്തമൈശ്വര്യപദമുത്തമം ॥ 1 ॥
സംയുക്തഃ പരയാ ഭക്ത്യാ യഥോക്ത വിധിനാ ഭവാൻ ।
കുരുതാമർചനം ദേവ്യാസ്ത്രൈലോക്യവിജിഗീഷയാ ॥ 2 ॥
ശ്രീപരശുരാമ ഉവാച –
പ്രസന്നോ യദി മേ ദേവ പരമേശ പുരാതന ।
രഹസ്യം പരമം ദേവ്യാഃ കൃപയാ കഥയ പ്രഭോ ॥ 3 ॥
വിനാർചനം വിനാ ഹോമം വിനാ ന്യാസം വിനാ ബലിം ।
വിനാ ഗന്ധം വിനാ പുഷ്പം വിനാ നിത്യോദിതാം ക്രിയാം ॥ 4 ॥
പ്രാണായാമം വിനാ ധ്യാനം വിനാ ഭൂതവിശോധനം ।
വിനാ ദാനം വിനാ ജാപം യേന കാലീ പ്രസീദതി ॥ 5 ॥
ശ്രീ ശിവ ഉവാച –
പൃഷ്ടം ത്വയോത്തമം പ്രാജ്ഞ ഭൃഗുവംശ സമുദ്ഭവ ।
ഭക്താനാമപി ഭക്തോഽസി ത്വമേവ സാധയിഷ്യസി ॥ 6 ॥
ദേവീം ദാനവകോടിഘ്നീം ലീലയാ രുധിരപ്രിയാം ।
സദാ സ്തോത്രപ്രിയാമുഗ്രാം കാമകൗതുകലാലസാം ॥ 7 ॥
സർവദാഽഽനന്ദഹൃദയാമാസവോത്സവ മാനസാം ।
മാധ്വീക മത്സ്യമാംസാനുരാഗിണീം വൈഷ്ണവീം പരാം ॥ 8 ॥
ശ്മശാനവാസിനീം പ്രേതഗണനൃത്യമഹോത്സവാം ।
യോഗപ്രഭാവാം യോഗേശീം യോഗീന്ദ്രഹൃദയസ്ഥിതാം ॥ 9 ॥
താമുഗ്രകാലികാം രാമ പ്രസീദയിതുമർഹസി ।
തസ്യാഃ സ്തോത്രം പരം പുണ്യം സ്വയം കാല്യാ പ്രകാശിതം ॥ 10 ॥
തവ തത് കഥയിഷ്യാമി ശ്രുത്വാ വത്സാവധാരയ ।
ഗോപനീയം പ്രയത്നേന പഠനീയം പരാത്പരം ॥ 11 ॥
യസ്യൈകകാലപഠനാത് സർവേ വിഘ്നാഃ സമാകുലാഃ ।
നശ്യന്തി ദഹനേ ദീപ്തേ പതംഗാ ഇവ സർവതഃ ॥ 12 ॥
ഗദ്യപദ്യമയീ വാണീ തസ്യ ഗംഗാപ്രവാഹവത് ।
തസ്യ ദർശനമാത്രേണ വാദിനോ നിഷ്പ്രഭാം ഗതാഃ ॥ 13 ॥
തസ്യ ഹസ്തേ സദൈവാസ്തി സർവസിദ്ധിർന സംശയഃ ।
രാജാനോഽപി ച ദാസത്വം ഭജന്തേ കിം പരേ ജനാഃ ॥ 14 ॥
നിശീഥേ മുക്തകേശസ്തു നഗ്നഃ ശക്തിസമാഹിതഃ ।
മനസാ ചിന്തയേത് കാലീം മഹാകാലേന ചാലിതാം ॥ 15 ॥
പഠേത് സഹസ്രനാമാഖ്യം സ്തോത്രം മോക്ഷസ്യ സാധനം ।
പ്രസന്നാ കാലികാ തസ്യ പുത്രത്വേനാനുകമ്പതേ ॥ 16 ॥
യഥാ ബ്രഹ്മമൃതൈർബ്രഹ്മകുസുമൈഃ പൂജിതാ പരാ ।
പ്രസീദതി തഥാനേന സ്തുതാ കാലീ പ്രസീദതി ॥ 17 ॥
വിനിയോഗഃ –
അസ്യ ശ്രീ ദക്ഷിണകാലികാ സഹസ്രനാമ സ്തോത്രസ്യ മഹാകാലഭൈരവ ഋഷിഃ അനുഷ്ടുപ് ഛന്ദഃ ശ്മശാനകാലീ ദേവതാ ധർമാർഥകാമമോക്ഷാർഥേ പാഠേ വിനിയോഗഃ ।
ധ്യാനം –
ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം
ചതുർഭുജാം ഖഡ്ഗമുണ്ഡവരാഭയകരാം ശിവാം ।
മുണ്ഡമാലാധരാം ദേവീം ലലാജ്ജിഹ്വാം ദിഗംബരാം
ഏവം സഞ്ചിന്തയേത്കാലീം ശ്മശാനാലയവാസിനീം ॥
സ്തോത്രം –
ശ്മശാനകാലികാ കാലീ ഭദ്രകാലീ കപാലിനീ ।
ഗുഹ്യകാലീ മഹാകാലീ കുരുകുല്ലാ വിരോധിനീ ॥ 1 ॥
കാലികാ കാലരാത്രിശ്ച മഹാകാലനിതംബിനീ ।
കാലഭൈരവഭാര്യാ ച കുലവർത്മപ്രകാശിനീ ॥ 2 ॥
കാമദാ കാമിനീ കന്യാ കമനീയസ്വരൂപിണീ ।
കസ്തൂരീരസലിപ്താംഗീ കുഞ്ജരേശ്വരഗാമിനീ ॥ 3 ॥
കകാരവർണസർവാംഗീ കാമിനീ കാമസുന്ദരീ ।
കാമാർതാ കാമരൂപാ ച കാമധേനുഃ കലാവതീ ॥ 4 ॥
കാന്താ കാമസ്വരൂപാ ച കാമാഖ്യാ കുലകാമിനീ ।
കുലീനാ കുലവത്യംബാ ദുർഗാ ദുർഗതിനാശിനീ ॥ 5 ॥
കൗമാരീ കലജാ കൃഷ്ണാ കൃഷ്ണദേഹാ കൃശോദരീ ।
കൃശാംഗീ കുലിശാംഗീ ച ക്രീങ്കാരീ കമലാ കലാ ॥ 6 ॥
കരാലാസ്യാ കരാലീ ച കുലകാന്താഽപരാജിതാ ।
ഉഗ്രാ ഉഗ്രപ്രഭാ ദീപ്താ വിപ്രചിത്താ മഹാബലാ ॥ 7 ॥
നീലാ ഘനാ മേഘനാദാ മാത്രാ മുദ്രാ മിതാമിതാ ।
ബ്രാഹ്മീ നാരായണീ ഭദ്രാ സുഭദ്രാ ഭക്തവത്സലാ ॥ 8 ॥
മാഹേശ്വരീ ച ചാമുണ്ഡാ വാരാഹീ നാരസിംഹികാ ।
വജ്രാംഗീ വജ്രകങ്കാലീ നൃമുണ്ഡസ്രഗ്വിണീ ശിവാ ॥ 9 ॥
മാലിനീ നരമുണ്ഡാലീ ഗലദ്രക്തവിഭൂഷണാ ।
രക്തചന്ദനസിക്താംഗീ സിന്ദൂരാരുണമസ്തകാ ॥ 10 ॥
ഘോരരൂപാ ഘോരദംഷ്ട്രാ ഘോരാഘോരതരാ ശുഭാ ।
മഹാദംഷ്ട്രാ മഹാമായാ സുദതീ യുഗദന്തുരാ ॥ 11 ॥
സുലോചനാ വിരൂപാക്ഷീ വിശാലാക്ഷീ ത്രിലോചനാ ।
ശാരദേന്ദുപ്രസന്നാസ്യാ സ്ഫുരത്സ്മേരാംബുജേക്ഷണാ ॥ 12 ॥
അട്ടഹാസപ്രഫുല്ലാസ്യാ സ്മേരവക്ത്രാ സുഭാഷിണീ ।
പ്രഫുല്ലപദ്മവദനാ സ്മിതാസ്യാ പ്രിയഭാഷിണീ ॥ 13 ॥
കോടരാക്ഷീ കുലശ്രേഷ്ഠാ മഹതീ ബഹുഭാഷിണീ ।
സുമതിഃ കുമതിശ്ചണ്ഡാ ചണ്ഡമുണ്ഡാതിവേഗിനീ ॥ 14 ॥
സുകേശീ മുക്തകേശീ ച ദീർഘകേശീ മഹാകചാ ।
പ്രേതദേഹാകർണപൂരാ പ്രേതപാണിസുമേഖലാ ॥ 15 ॥
പ്രേതാസനാ പ്രിയപ്രേതാ പുണ്യദാ കുലപണ്ഡിതാ ।
പുണ്യാലയാ പുണ്യദേഹാ പുണ്യശ്ലോകാ ച പാവനീ ॥ 16 ॥
പൂതാ പവിത്രാ പരമാ പരാ പുണ്യവിഭൂഷണാ ।
പുണ്യനാമ്നീ ഭീതിഹരാ വരദാ ഖഡ്ഗപാണിനീ ॥ 17 ॥
നൃമുണ്ഡഹസ്താ ശാന്താ ച ഛിന്നമസ്താ സുനാസികാ ।
ദക്ഷിണാ ശ്യാമലാ ശ്യാമാ ശാന്താ പീനോന്നതസ്തനീ ॥ 18 ॥
ദിഗംബരാ ഘോരരാവാ സൃക്കാന്തരക്തവാഹിനീ ।
ഘോരരാവാ ശിവാസംഗാ നിഃസംഗാ മദനാതുരാ ॥ 19 ॥
മത്താ പ്രമത്താ മദനാ സുധാസിന്ധുനിവാസിനീ ।
അതിമത്താ മഹാമത്താ സർവാകർഷണകാരിണീ ॥ 20 ॥
ഗീതപ്രിയാ വാദ്യരതാ പ്രേതനൃത്യപരായണാ ।
ചതുർഭുജാ ദശഭുജാ അഷ്ടാദശഭുജാ തഥാ ॥ 21 ॥
കാത്യായനീ ജഗന്മാതാ ജഗതീ പരമേശ്വരീ ।
ജഗദ്ബന്ധുർജഗദ്ധാത്രീ ജഗദാനന്ദകാരിണീ ॥ 22 ॥
ജഗജ്ജീവവതീ ഹൈമവതീ മായാ മഹാലയാ ।
നാഗയജ്ഞോപവീതാംഗീ നാഗിനീ നാഗശായിനീ ॥ 23 ॥
നാഗകന്യാ ദേവകന്യാ ഗാന്ധാരീ കിന്നരീ സുരീ ।
മോഹരാത്രീ മഹാരാത്രീ ദാരുണാമാസുരാസുരീ ॥ 24 ॥
വിദ്യാധരീ വസുമതീ യക്ഷിണീ യോഗിനീ ജരാ ।
രാക്ഷസീ ഡാകിനീ വേദമയീ വേദവിഭൂഷണാ ॥ 25 ॥
ശ്രുതിസ്മൃതിമഹാവിദ്യാ ഗുഹ്യവിദ്യാ പുരാതനീ ।
ചിന്ത്യാഽചിന്ത്യാ സ്വധാ സ്വാഹാ നിദ്രാ തന്ദ്രാ ച പാർവതീ ॥ 26 ॥
അപർണാ നിശ്ചലാ ലോലാ സർവവിദ്യാ തപസ്വിനീ ।
ഗംഗാ കാശീ ശചീ സീതാ സതീ സത്യപരായണാ ॥ 27 ॥
നീതിഃ സുനീതിഃ സുരുചിസ്തുഷ്ടിഃ പുഷ്ടിർധൃതിഃ ക്ഷമാ ।
വാണീ ബുദ്ധിർമഹാലക്ഷ്മീ ലക്ഷ്മീർനീലസരസ്വതീ ॥ 28 ॥
സ്രോതസ്വതീ സ്രോതവതീ മാതംഗീ വിജയാ ജയാ ।
നദീ സിന്ധുഃ സർവമയീ താരാ ശൂന്യനിവാസിനീ ॥ 29 ॥
ശുദ്ധാ തരംഗിണീ മേധാ ലാകിനീ ബഹുരൂപിണീ ।
സദാനന്ദമയീ സത്യാ സർവാനന്ദസ്വരൂപിണീ ॥ 30 ॥
സുനന്ദാ നന്ദിനീ സ്തുത്യാ സ്തവനീയാ സ്വഭാവിനീ ।
രങ്കിണീ ടങ്കിണീ ചിത്രാ വിചിത്രാ ചിത്രരൂപിണീ ॥ 31 ॥
പദ്മാ പദ്മാലയാ പദ്മസുഖീ പദ്മവിഭൂഷണാ ।
ശാകിനീ ഹാകിനീ ക്ഷാന്താ രാകിണീ രുധിരപ്രിയാ ॥ 32 ॥
ഭ്രാന്തിർഭവാനീ രുദ്രാണീ മൃഡാനീ ശത്രുമർദിനീ ।
ഉപേന്ദ്രാണീ മഹേശാനീ ജ്യോത്സ്നാ ചേന്ദ്രസ്വരൂപിണീ ॥ 33 ॥
സൂര്യാത്മികാ രുദ്രപത്നീ രൗദ്രീ സ്ത്രീ പ്രകൃതിഃ പുമാൻ ।
ശക്തിഃ സൂക്തിർമതിമതീ ഭുക്തിർമുക്തിഃ പതിവ്രതാ ॥ 34 ॥
സർവേശ്വരീ സർവമാതാ ശർവാണീ ഹരവല്ലഭാ ।
സർവജ്ഞാ സിദ്ധിദാ സിദ്ധാ ഭാവ്യാ ഭവ്യാ ഭയാപഹാ ॥ 35 ॥
കർത്രീ ഹർത്രീ പാലയിത്രീ ശർവരീ താമസീ ദയാ ।
തമിസ്രാ യാമിനീസ്ഥാ ച സ്ഥിരാ ധീരാ തപസ്വിനീ ॥ 36 ॥
ചാർവംഗീ ചഞ്ചലാ ലോലജിഹ്വാ ചാരുചരിത്രിണീ ।
ത്രപാ ത്രപാവതീ ലജ്ജാ നിർലജ്ജാ ഹ്രീം രജോവതീ ॥ 37 ॥
സത്ത്വവതീ ധർമനിഷ്ഠാ ശ്രേഷ്ഠാ നിഷ്ഠുരവാദിനീ ।
ഗരിഷ്ഠാ ദുഷ്ടസംഹർത്രീ വിശിഷ്ടാ ശ്രേയസീ ഘൃണാ ॥ 38 ॥
ഭീമാ ഭയാനകാ ഭീമനാദിനീ ഭീഃ പ്രഭാവതീ ।
വാഗീശ്വരീ ശ്രീര്യമുനാ യജ്ഞകർത്രീ യജുഃപ്രിയാ ॥ 39 ॥
ഋക്സാമാഥർവനിലയാ രാഗിണീ ശോഭനസ്വരാ ।
കലകണ്ഠീ കംബുകണ്ഠീ വേണുവീണാപരായണാ ॥ 40 ॥
വംശിനീ വൈഷ്ണവീ സ്വച്ഛാ ധാത്രീ ത്രിജഗദീശ്വരീ ।
മധുമതീ കുണ്ഡലിനീ ഋദ്ധിഃ സിദ്ധിഃ ശുചിസ്മിതാ ॥ 41 ॥
രംഭോർവശീ രതീ രാമാ രോഹിണീ രേവതീ രമാ ।
ശംഖിനീ ചക്രിണീ കൃഷ്ണാ ഗദിനീ പദ്മിനീ തഥാ ॥ 42 ॥
ശൂലിനീ പരിഘാസ്ത്രാ ച പാശിനീ ശാർങ്ഗപാണിനീ ।
പിനാകധാരിണീ ധൂമ്രാ ശരഭീ വനമാലിനീ ॥ 43 ॥
വജ്രിണീ സമരപ്രീതാ വേഗിനീ രണപണ്ഡിതാ ।
ജടിനീ ബിംബിനീ നീലാ ലാവണ്യാംബുധിചന്ദ്രികാ ॥ 44 ॥
ബലിപ്രിയാ സദാപൂജ്യാ പൂർണാ ദൈത്യേന്ദ്രമാഥിനീ ।
മഹിഷാസുരസംഹന്ത്രീ വാസിനീ രക്തദന്തികാ ॥ 45 ॥
രക്തപാ രുധിരാക്താംഗീ രക്തഖർപരഹസ്തിനീ ।
രക്തപ്രിയാ മാംസരുചിർവാസവാസക്തമാനസാ ॥ 46 ॥
ഗലച്ഛോണിതമുണ്ഡാലികണ്ഠമാലാവിഭൂഷണാ ।
ശവാസനാ ചിതാന്തസ്ഥാ മാഹേശീ വൃഷവാഹിനീ ॥ 47 ॥
വ്യാഘ്രത്വഗംബരാ ചീനചേലിനീ സിംഹവാഹിനീ ।
വാമദേവീ മഹാദേവീ ഗൗരീ സർവജ്ഞഭാവിനീ ॥ 48 ॥
ബാലികാ തരുണീ വൃദ്ധാ വൃദ്ധമാതാ ജരാതുരാ ।
സുഭ്രുർവിലാസിനീ ബ്രഹ്മവാദിനീ ബ്രാഹ്മണീ മഹീ ॥ 49 ॥
സ്വപ്നവതീ ചിത്രലേഖാ ലോപാമുദ്രാ സുരേശ്വരീ ।
അമോഘാഽരുന്ധതീ തീക്ഷ്ണാ ഭോഗവത്യനുവാദിനീ ॥ 50 ॥
മന്ദാകിനീ മന്ദഹാസാ ജ്വാലാമുഖ്യസുരാന്തകാ ।
മാനദാ മാനിനീ മാന്യാ മാനനീയാ മദോദ്ധതാ ॥ 51 ॥
മദിരാ മദിരാന്മാദാ മേധ്യാ നവ്യാ പ്രസാദിനീ ।
സുമധ്യാഽനന്തഗുണിനീ സർവലോകോത്തമോത്തമാ ॥ 52 ॥
ജയദാ ജിത്വരാ ജൈത്രീ ജയശ്രീർജയശാലിനീ ।
സുഖദാ ശുഭദാ സത്യാ സഭാസങ്ക്ഷോഭകാരിണീ ॥ 53 ॥
ശിവദൂതീ ഭൂതിമതീ വിഭൂതിർഭീഷണാനനാ ।
കൗമാരീ കുലജാ കുന്തീ കുലസ്ത്രീ കുലപാലികാ ॥ 54 ॥
കീർതിര്യശസ്വിനീ ഭൂഷാ ഭൂഷ്യാ ഭൂതപതിപ്രിയാ ।
സഗുണാ നിർഗുണാ ധൃഷ്ടാ നിഷ്ഠാ കാഷ്ഠാ പ്രതിഷ്ഠിതാ ॥ 55 ॥
ധനിഷ്ഠാ ധനദാ ധന്യാ വസുധാ സ്വപ്രകാശിനീ ।
ഉർവീ ഗുർവീ ഗുരുശ്രേഷ്ഠാ സഗുണാ ത്രിഗുണാത്മികാ ॥ 56 ॥
മഹാകുലീനാ നിഷ്കാമാ സകാമാ കാമജീവനാ ।
കാമദേവകലാ രാമാഽഭിരാമാ ശിവനർതകീ ॥ 57 ॥
ചിന്താമണിഃ കല്പലതാ ജാഗ്രതീ ദീനവത്സലാ ।
കാർതികീ കീർതികാ കൃത്യാ അയോധ്യാ വിഷമാ സമാ ॥ 58 ॥
സുമന്ത്രാ മന്ത്രിണീ ഘൂർണാ ഹ്ലാദിനീ ക്ലേശനാശിനീ ।
ത്രൈലോക്യജനനീ ഹൃഷ്ടാ നിർമാംസാ മനോരൂപിണീ ॥ 59 ॥
തഡാഗനിമ്നജഠരാ ശുഷ്കമാംസാസ്ഥിമാലിനീ ।
അവന്തീ മഥുരാ മായാ ത്രൈലോക്യപാവനീശ്വരീ ॥ 60 ॥
വ്യക്താഽവ്യക്താഽനേകമൂർതിഃ ശർവരീ ഭീമനാദിനീ ।
ക്ഷേമങ്കരീ ശങ്കരീ ച സർവസമ്മോഹകാരിണീ ॥ 61 ॥
ഊർധ്വതേജസ്വിനീ ക്ലിന്നാ മഹാതേജസ്വിനീ തഥാ ।
അദ്വൈതാ ഭോഗിനീ പൂജ്യാ യുവതീ സർവമംഗലാ ॥ 62 ॥
സർവപ്രിയങ്കരീ ഭോഗ്യാ ധരണീ പിശിതാശനാ ।
ഭയങ്കരീ പാപഹരാ നിഷ്കലങ്കാ വശങ്കരീ ॥ 63 ॥
ആശാ തൃഷ്ണാ ചന്ദ്രകലാ നിദ്രാന്യാ വായുവേഗിനീ ।
സഹസ്രസൂര്യസങ്കാശാ ചന്ദ്രകോടിസമപ്രഭാ ॥ 64 ॥
വഹ്നിമണ്ഡലസംസ്ഥാ ച സർവതത്ത്വപ്രതിഷ്ഠിതാ ।
സർവാചാരവതീ സർവദേവകന്യാധിദേവതാ ॥ 65 ॥
ദക്ഷകന്യാ ദക്ഷയജ്ഞനാശിനീ ദുർഗതാരികാ ।
ഇജ്യാ പൂജ്യാ വിഭാ ഭൂതിഃ സത്കീർതിർബ്രഹ്മരൂപിണീ ॥ 66 ॥
രംഭോരുശ്ചതുരാ രാകാ ജയന്തീ കരുണാ കുഹുഃ ।
മനസ്വിനീ ദേവമാതാ യശസ്യാ ബ്രഹ്മചാരിണീ ॥ 67 ॥
ഋദ്ധിദാ വൃദ്ധിദാ വൃദ്ധിഃ സർവാദ്യാ സർവദായിനീ ।
ആധാരരൂപിണീ ധ്യേയാ മൂലാധാരനിവാസിനീ ॥ 68 ॥
അജ്ഞാ പ്രജ്ഞാ പൂർണമനാശ്ചന്ദ്രമുഖ്യനുകൂലിനീ ।
വാവദൂകാ നിമ്നനാഭിഃ സത്യാ സന്ധ്യാ ദൃഢവ്രതാ ॥ 69 ॥
ആന്വീക്ഷികീ ദണ്ഡനീതിസ്ത്രയീ ത്രിദിവസുന്ദരീ ।
ജ്വലിനീ ജ്വാലിനീ ശൈലതനയാ വിന്ധ്യവാസിനീ ॥ 70 ॥
അമേയാ ഖേചരീ ധൈര്യാ തുരീയാ വിമലാഽഽതുരാ ।
പ്രഗൽഭാ വാരുണീ ഛായാ ശശിനീ വിസ്ഫുലിംഗിനീ ॥ 71 ॥
ഭുക്തിഃ സിദ്ധിഃ സദാപ്രാപ്തിഃ പ്രാകാമ്യാ മഹിമാഽണിമാ ।
ഇച്ഛാസിദ്ധിർവിസിദ്ധാ ച വശിത്വോർധ്വനിവാസിനീ ॥ 72 ॥
ലഘിമാ ചൈവ ഗായത്രീ സാവിത്രീ ഭുവനേശ്വരീ ।
മനോഹരാ ചിതാ ദിവ്യാ ദേവ്യുദാരാ മനോരമാ ॥ 73 ॥
പിംഗലാ കപിലാ ജിഹ്വാരസജ്ഞാ രസികാ രസാ ।
സുഷുമ്നേഡാ ഭോഗവതീ ഗാന്ധാരീ നരകാന്തകാ ॥ 74 ॥
പാഞ്ചാലീ രുക്മിണീ രാധാരാധ്യാ ഭീമാധിരാധികാ ।
അമൃതാ തുലസീ വൃന്ദാ കൈടഭീ കപടേശ്വരീ ॥ 75 ॥
ഉഗ്രചണ്ഡേശ്വരീ വീരാ ജനനീ വീരസുന്ദരീ ।
ഉഗ്രതാരാ യശോദാഖ്യാ ദൈവകീ ദേവമാനിതാ ॥ 76 ॥
നിരഞ്ജനാ ചിത്രദേവീ ക്രോധിനീ കുലദീപികാ ।
കുലവാഗീശ്വരീ വാണീ മാതൃകാ ദ്രാവിണീ ദ്രവാ ॥ 77 ॥
യോഗേശ്വരീ മഹാമാരീ ഭ്രാമരീ ബിന്ദുരൂപിണീ ।
ദൂതീ പ്രാണേശ്വരീ ഗുപ്താ ബഹുലാ ചമരീ പ്രഭാ ॥ 78 ॥
കുബ്ജികാ ജ്ഞാനിനീ ജ്യേഷ്ഠാ ഭുശുണ്ഡീ പ്രകടാ തിഥിഃ ।
ദ്രവിണീ ഗോപനീ മായാ കാമബീജേശ്വരീ ക്രിയാ ॥ 79 ॥
ശാംഭവീ കേകരാ മേനാ മൂഷലാസ്ത്രാ തിലോത്തമാ ।
അമേയവിക്രമാ ക്രൂരാ സമ്പത്ശാലാ ത്രിലോചനാ ॥ 80 ॥
സ്വസ്തിർഹവ്യവഹാ പ്രീതിരുഷ്മാ ധൂമ്രാർചിരംഗദാ ।
തപിനീ താപിനീ വിശ്വാ ഭോഗദാ ധാരിണീ ധരാ ॥ 81 ॥
ത്രിഖണ്ഡാ ബോധിനീ വശ്യാ സകലാ ശബ്ദരൂപിണീ ।
ബീജരൂപാ മഹാമുദ്രാ യോഗിനീ യോനിരൂപിണീ ॥ 82 ॥
അനംഗകുസുമാഽനംഗമേഖലാഽനംഗരൂപിണീ ।
വജ്രേശ്വരീ ച ജയിനീ സർവദ്വന്ദ്വക്ഷയങ്കരീ ॥ 83 ॥
ഷഡംഗയുവതീ യോഗയുക്താ ജ്വാലാംശുമാലിനീ ।
ദുരാശയാ ദുരാധാരാ ദുർജയാ ദുർഗരൂപിണീ ॥ 84 ॥
ദുരന്താ ദുഷ്കൃതിഹരാ ദുർധ്യേയാ ദുരതിക്രമാ ।
ഹംസേശ്വരീ ത്രികോണസ്ഥാ ശാകംഭര്യനുകമ്പിനീ ॥ 85 ॥
ത്രികോണനിലയാ നിത്യാ പരമാമൃതരഞ്ജിതാ ।
മഹാവിദ്യേശ്വരീ ശ്വേതാ ഭേരുണ്ഡാ കുലസുന്ദരീ ॥ 86 ॥
ത്വരിതാ ഭക്തിസംസക്താ ഭക്തവശ്യാ സനാതനീ ।
ഭക്താനന്ദമയീ ഭക്തഭാവികാ ഭക്തശങ്കരീ ॥ 87 ॥
സർവസൗന്ദര്യനിലയാ സർവസൗഭാഗ്യശാലിനീ ।
സർവസംഭോഗഭവനാ സർവസൗഖ്യനിരൂപിണീ ॥ 88 ॥
കുമാരീപൂജനരതാ കുമാരീവ്രതചാരിണീ ।
കുമാരീഭക്തിസുഖിനീ കുമാരീരൂപധാരിണീ ॥ 89 ॥
കുമാരീപൂജകപ്രീതാ കുമാരീപ്രീതിദാ പ്രിയാ ।
കുമാരീസേവകാസംഗാ കുമാരീസേവകാലയാ ॥ 90 ॥
ആനന്ദഭൈരവീ ബാലഭൈരവീ ബടുഭൈരവീ ।
ശ്മശാനഭൈരവീ കാലഭൈരവീ പുരഭൈരവീ ॥ 91 ॥
മഹാഭൈരവപത്നീ ച പരമാനന്ദഭൈരവീ ।
സുധാനന്ദഭൈരവീ ച ഉന്മാദാനന്ദഭൈരവീ ॥ 92 ॥
മുക്താനന്ദഭൈരവീ ച തഥാ തരുണഭൈരവീ ।
ജ്ഞാനാനന്ദഭൈരവീ ച അമൃതാനന്ദഭൈരവീ ॥ 93 ॥
മഹാഭയങ്കരീ തീവ്രാ തീവ്രവേഗാ തപസ്വിനീ ।
ത്രിപുരാ പരമേശാനീ സുന്ദരീ പുരസുന്ദരീ ॥ 94 ॥
ത്രിപുരേശീ പഞ്ചദശീ പഞ്ചമീ പുരവാസിനീ ।
മഹാസപ്തദശീ ചൈവ ഷോഡശീ ത്രിപുരേശ്വരീ ॥ 95 ॥
മഹാങ്കുശസ്വരൂപാ ച മഹാചക്രേശ്വരീ തഥാ ।
നവചക്രേശ്വരീ ചക്രേശ്വരീ ത്രിപുരമാലിനീ ॥ 96 ॥
രാജരാജേശ്വരീ ധീരാ മഹാത്രിപുരസുന്ദരീ ।
സിന്ദൂരപൂരരുചിരാ ശ്രീമത്ത്രിപുരസുന്ദരീ ॥ 97 ॥
സർവാംഗസുന്ദരീ രക്താരക്തവസ്ത്രോത്തരീയിണീ ।
ജവായാവകസിന്ദൂരരക്തചന്ദനധാരിണീ ॥ 98 ॥
ജവായാവകസിന്ദൂരരക്തചന്ദനരൂപധൃക് ।
ചാമരീ ബാലകുടിലനിർമലാ ശ്യാമകേശിനീ ॥ 99 ॥
വജ്രമൗക്തികരത്നാഢ്യാ കിരീടമുകുടോജ്ജ്വലാ ।
രത്നകുണ്ഡലസംയുക്തസ്ഫുരദ്ഗണ്ഡമനോരമാ ॥ 100 ॥
കുഞ്ജരേശ്വരകുംഭോത്ഥമുക്താരഞ്ജിതനാസികാ ।
മുക്താവിദ്രുമമാണിക്യഹാരാഢ്യസ്തനമണ്ഡലാ ॥ 101 ॥
സൂര്യകാന്തേന്ദുകാന്താഢ്യസ്പർശാശ്മകണ്ഠഭൂഷണാ ।
ബീജപൂരസ്ഫുരദ്ബീജദന്തപങ്ക്തിരനുത്തമാ ॥ 102 ॥
കാമകോദണ്ഡകാഭുഗ്നഭ്രൂകടാക്ഷപ്രവർഷിണീ ।
മാതംഗകുംഭവക്ഷോജാ ലസത്കോകനദേക്ഷണാ ॥ 103 ॥
മനോജ്ഞശഷ്കുലീകർണാ ഹംസീഗതിവിഡംബിനീ ।
പദ്മരാഗാംഗദജ്യോതിർദോശ്ചതുഷ്കപ്രകാശിനീ ॥ 104 ॥
നാനാമണിപരിസ്ഫൂർജച്ഛുദ്ധകാഞ്ചനകങ്കണാ ।
നാഗേന്ദ്രദന്തനിർമാണവലയാങ്കിതപാണിനീ ॥ 105 ॥
അംഗുരീയകചിത്രാംഗീ വിചിത്രക്ഷുദ്രഘണ്ടികാ ।
പട്ടാംബരപരീധാനാ കലമഞ്ജീരശിഞ്ജിനീ ॥ 106 ॥
കർപൂരാഗരുകസ്തൂരീകുങ്കുമദ്രവലേപിതാ ।
വിചിത്രരത്നപൃഥിവീകല്പശാഖിതലസ്ഥിതാ ॥ 107 ॥
രത്നദ്വീപസ്ഫുരദ്രത്നസിംഹാസനവിലാസിനീ ।
ഷട്ചക്രഭേദനകരീ പരമാനന്ദരൂപിണീ ॥ 108 ॥
സഹസ്രദലപദ്മാന്തശ്ചന്ദ്രമണ്ഡലവർതിനീ ।
ബ്രഹ്മരൂപാ ശിവക്രോഡാ നാനാസുഖവിലാസിനീ ॥ 109 ॥
ഹരവിഷ്ണുവിരിഞ്ചീന്ദ്രഗ്രഹനായകസേവിതാ ।
ശിവാ ശൈവാ ച രുദ്രാണീ തഥൈവ ശിവവാദിനീ ॥ 110 ॥
മാതംഗിനീ ശ്രീമതീ ച തഥൈവാനംഗമേഖലാ ।
ഡാകിനീ യോഗിനീ ചൈവ തഥോപയോഗിനീ മതാ ॥ 111 ॥
മാഹേശ്വരീ വൈഷ്ണവീ ച ഭ്രാമരീ ശിവരൂപിണീ ।
അലംബുഷാ വേഗവതീ ക്രോധരൂപാ സുമേഖലാ ॥ 112 ॥
ഗാന്ധാരീ ഹസ്തജിഹ്വാ ച ഇഡാ ചൈവ ശുഭങ്കരീ ।
പിംഗലാ ബ്രഹ്മദൂതീ ച സുഷുമ്നാ ചൈവ ഗന്ധിനീ ॥ 113 ॥
ആത്മയോനിർബ്രഹ്മയോനിർജഗദ്യോനിരയോനിജാ ।
ഭഗരൂപാ ഭഗസ്ഥാത്രീ ഭഗിനീ ഭഗരൂപിണീ ॥ 114 ॥
ഭഗാത്മികാ ഭഗാധാരരൂപിണീ ഭഗമാലിനീ ।
ലിംഗാഖ്യാ ചൈവ ലിംഗേശീ ത്രിപുരാ ഭൈരവീ തഥാ ॥ 115 ॥
ലിംഗഗീതിഃ സുഗീതിശ്ച ലിംഗസ്ഥാ ലിംഗരൂപധൃക് ।
ലിംഗമാനാ ലിംഗഭവാ ലിംഗലിംഗാ ച പാർവതീ ॥ 116 ॥
ഭഗവതീ കൗശികീ ച പ്രേമാ ചൈവ പ്രിയംവദാ ।
ഗൃധ്രരൂപാ ശിവാരൂപാ ചക്രിണീ ചക്രരൂപധൃക് ॥ 117 ॥
ലിംഗാഭിധായിനീ ലിംഗപ്രിയാ ലിംഗനിവാസിനീ ।
ലിംഗസ്ഥാ ലിംഗനീ ലിംഗരൂപിണീ ലിംഗസുന്ദരീ ॥ 118 ॥
ലിംഗഗീതിർമഹാപ്രീതാ ഭഗഗീതിർമഹാസുഖാ ।
ലിംഗനാമസദാനന്ദാ ഭഗനാമസദാഗതിഃ ॥ 119 ॥
ലിംഗമാലാകണ്ഠഭൂഷാ ഭഗമാലാവിഭൂഷണാ ।
ഭഗലിംഗാമൃതപ്രീതാ ഭഗലിംഗസ്വരൂപിണീ ॥ 120 ॥
ഭഗലിംഗസ്യ രൂപാ ച ഭഗലിംഗസുഖാവഹാ ।
സ്വയംഭൂകുസുമപ്രീതാ സ്വയംഭൂകുസുമാർചിതാ ॥ 121 ॥
സ്വയംഭൂകുസുമപ്രാണാ സ്വയംഭൂപുഷ്പതർപിതാ ।
സ്വയംഭൂപുഷ്പഘടിതാ സ്വയംഭൂപുഷ്പധാരിണീ ॥ 122 ॥
സ്വയംഭൂപുഷ്പതിലകാ സ്വയംഭൂപുഷ്പചർചിതാ ।
സ്വയംഭൂപുഷ്പനിരതാ സ്വയംഭൂകുസുമഗ്രഹാ ॥ 123 ॥
സ്വയംഭൂപുഷ്പയജ്ഞാംശാ സ്വയംഭൂകുസുമാത്മികാ ।
സ്വയംഭൂപുഷ്പനിചിതാ സ്വയംഭൂകുസുമപ്രിയാ ॥ 124 ॥
സ്വയംഭൂകുസുമാദാനലാലസോന്മത്തമാനസാ ।
സ്വയംഭൂകുസുമാനന്ദലഹരീസ്നിഗ്ധദേഹിനീ ॥ 125 ॥
സ്വയംഭൂകുസുമാധാരാ സ്വയംഭൂകുസുമാകുലാ ।
സ്വയംഭൂപുഷ്പനിലയാ സ്വയംഭൂപുഷ്പവാസിനീ ॥ 126 ॥
സ്വയംഭൂകുസുമസ്നിഗ്ധാ സ്വയംഭൂകുസുമാത്മികാ ।
സ്വയംഭൂപുഷ്പകരിണീ സ്വയംഭൂപുഷ്പവാണികാ ॥ 127 ॥
സ്വയംഭൂകുസുമധ്യാനാ സ്വയംഭൂകുസുമപ്രഭാ ।
സ്വയംഭൂകുസുമജ്ഞാനാ സ്വയംഭൂപുഷ്പഭാഗിനീ ॥ 128 ॥
സ്വയംഭൂകുസുമോല്ലാസാ സ്വയംഭൂപുഷ്പവർഷിണീ ।
സ്വയംഭൂകുസുമോത്സാഹാ സ്വയംഭൂപുഷ്പരൂപിണീ ॥ 129 ॥
സ്വയംഭൂകുസുമോന്മാദാ സ്വയംഭൂപുഷ്പസുന്ദരീ ।
സ്വയംഭൂകുസുമാരാധ്യാ സ്വയംഭൂകുസുമോദ്ഭവാ ॥ 130 ॥
സ്വയംഭൂകുസുമാവ്യഗ്രാ സ്വയംഭൂപുഷ്പപൂർണിതാ ।
സ്വയംഭൂപൂജകപ്രാജ്ഞാ സ്വയംഭൂഹോതൃമാതൃകാ ॥ 131 ॥
സ്വയംഭൂദാതൃരക്ഷിത്രീ സ്വയംഭൂരക്തതാരികാ ।
സ്വയംഭൂപൂജകഗ്രസ്താ സ്വയംഭൂപൂജകപ്രിയാ ॥ 132 ॥
സ്വയംഭൂവന്ദകാധാരാ സ്വയംഭൂനിന്ദകാന്തകാ ।
സ്വയംഭൂപ്രദസർവസ്വാ സ്വയംഭൂപ്രദപുത്രിണീ ॥ 133 ॥
സ്വയംഭൂപ്രദസസ്മേരാ സ്വയംഭൂതശരീരിണീ ।
സർവകാലോദ്ഭവപ്രീതാ സർവകാലോദ്ഭവാത്മികാ ॥ 134 ॥
സർവകാലോദ്ഭവോദ്ഭാവാ സർവകാലോദ്ഭവോദ്ഭവാ ।
കുണ്ഡപുഷ്പസദാപ്രീതാ കുണ്ഡപുഷ്പസദാരതിഃ ॥ 135 ॥
കുണ്ഡഗോലോദ്ഭവപ്രാണാ കുണ്ഡഗോലോദ്ഭവാത്മികാ ।
സ്വയംഭൂർവാ ശിവാ ധാത്രീ പാവനീ ലോകപാവനീ ॥ 136 ॥
കീർതിര്യശസ്വിനീ മേധാ വിമേധാ ശുക്രസുന്ദരീ ।
അശ്വിനീ കൃത്തികാ പുഷ്യാ തേജസ്കാ ചന്ദ്രമണ്ഡലാ ॥ 137 ॥
സൂക്ഷ്മാഽസൂക്ഷ്മാ ബലാകാ ച വരദാ ഭയനാശിനീ ।
വരദാഽഭയദാ ചൈവ മുക്തിബന്ധവിനാശിനീ ॥ 138 ॥
കാമുകാ കാമദാ കാന്താ കാമാഖ്യാ കുലസുന്ദരീ ।
ദുഃഖദാ സുഖദാ മോക്ഷാ മോക്ഷദാർഥപ്രകാശിനീ ॥ 139 ॥
ദുഷ്ടാദുഷ്ടമതിശ്ചൈവ സർവകാര്യവിനാശിനീ ।
ശുക്രാധാരാ ശുക്രരൂപാ ശുക്രസിന്ധുനിവാസിനീ ॥ 140 ॥
ശുക്രാലയാ ശുക്രഭോഗാ ശുക്രപൂജാസദാരതിഃ ।
ശുക്രപൂജ്യാ ശുക്രഹോമസന്തുഷ്ടാ ശുക്രവത്സലാ ॥ 141 ॥
ശുക്രമൂർതിഃ ശുക്രദേഹാ ശുക്രപൂജകപുത്രിണീ ।
ശുക്രസ്ഥാ ശുക്രിണീ ശുക്രസംസ്പൃഹാ ശുക്രസുന്ദരീ ॥ 142 ॥
ശുക്രസ്നാതാ ശുക്രകരീ ശുക്രസേവ്യാഽതിശുക്രിണീ ।
മഹാശുക്രാ ശുക്രഭവാ ശുക്രവൃഷ്ടിവിധായിനീ ॥ 143 ॥
ശുക്രാഭിധേയാ ശുക്രാർഹാ ശുക്രവന്ദകവന്ദിതാ ।
ശുക്രാനന്ദകരീ ശുക്രസദാനന്ദാഭിധായികാ ॥ 144 ॥
ശുക്രോത്സവാ സദാശുക്രപൂർണാ ശുക്രമനോരമാ ।
ശുക്രപൂജകസർവസ്വാ ശുക്രനിന്ദകനാശിനീ ॥ 145 ॥
ശുക്രാത്മികാ ശുക്രസംവത് ശുക്രാകർഷണകാരിണീ ।
ശാരദാ സാധകപ്രാണാ സാധകാസക്തമാനസാ ॥ 146 ॥
സാധകോത്തമസർവസ്വാ സാധകാഭക്തരക്തപാ ।
സാധകാനന്ദസന്തോഷാ സാധകാനന്ദകാരിണീ ॥ 147 ॥
ആത്മവിദ്യാ ബ്രഹ്മവിദ്യാ പരബ്രഹ്മസ്വരൂപിണീ ।
ത്രികൂടസ്ഥാ പഞ്ചകൂടാ സർവകൂടശരീരിണീ ॥ 148 ॥
സർവവർണമയീ വർണജപമാലാവിധായിനീ ।
ഇതി ശ്രീകാലികാനാമസഹസ്രം ശിവഭാഷിതം ॥ 149 ॥
ഗുഹ്യാദ്ഗുഹ്യതരം സാക്ഷാന്മഹാപാതകനാശനം ।
പൂജാകാലേ നിശീഥേ ച സന്ധ്യയോരുഭയോരപി ॥ 150 ॥
ലഭതേ ഗാണപത്യം സ യഃ പഠേത് സാധകോത്തമഃ ।
യഃ പഠേത് പാഠയേദ്വാപി ശൃണോതി ശ്രാവയേദപി ॥ 151 ॥
സർവപാപവിനിർമുക്തഃ സ യാതി കാലികാപുരം ।
ശ്രദ്ധയാഽശ്രദ്ധയാ വാപി യഃ കശ്ചിന്മാനവഃ സ്മരേത് ॥ 152 ॥
ദുർഗം ദുർഗശതം തീർത്വാ സ യാതി പരമാംഗതിം ।
വന്ധ്യാ വാ കാകവന്ധ്യാ വാ മൃതവത്സാ ച യാംഗനാ ॥ 153 ॥
ശ്രുത്വാ സ്തോത്രമിദം പുത്രാൻ ലഭതേ ചിരജീവിനഃ ।
യം യം കാമയതേ കാമം പഠൻ സ്തോത്രമനുത്തമം ।
ദേവീപാദപ്രസാദേന തത്തദാപ്നോതി നിശ്ചിതം ॥ 154 ॥
ഇതി ശ്രീ കാലി സഹസ്രനാമ സ്തോത്രം ।
Recite with devotion and pure heart
Regular practice brings spiritual benefits