ಪ್ರಾಗ್ದೇಹಸ್ಥೋಯ ದಾಹಂ ತವ ಚರಣ ಯುಗಾನ್ನಾಶ್ರಿತೋ ನಾರ್ಚಿತೋಽಹಂ ತೇನಾದ್ಯಾ ಕೀರ್ತಿವರ್ಗೇರ್ಜಠರಜದಹನೈರ್ಬಾದ್ಧ್ಯಮಾನೋ ಬಲಿಷ್ಠೈಃ । ಕ್ಷಿಪ್ತ್ವಾ ಜನ್ಮಾಂತರಾನ್ನಃ ಪುನರಿಹಭವಿತಾ ಕ್ವಾಶ್ರಯಃ ಕ್ವಾಪಿ ಸೇವಾ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 1 ॥ ಬಾಲ್ಯೇವಾಲಾಭಿಲಾಯೈರ್ಜಡಿತ ಜಡಮತಿರ್ಬಾಲಲೀಲಾ ಪ್ರಸಕ್ತೋ ನ ತ್ವಾಂ ಜಾನಾಮಿ ಮಾತಃ ಕಲಿಕಲುಷಹರಾ ಭೋಗಮೋಕ್ಷ ಪ್ರದಾತ್ರೀಂ । ನಾಚಾರೋ ನೈವ ಪೂಜಾ ನ ಚ ಯಜನ ಕಥಾ ನ ಸ್ಮೃತಿರ್ನೈವ ಸೇವಾ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 2 ॥ ಪ್ರಾಪ್ತೋಽಹಂ ಯೌವನಂ ಚೇದ್ವಿಷಧರ ಸದೃಶೈರಿಂದ್ರಿಯೈರ್ದೃಷ್ಟ ಗಾತ್ರೋ ನಷ್ಟ ಪ್ರಜ್ಞಃ ಪರಸ್ತ್ರೀ ಪರಧನ ಹರಣೇ ಸರ್ವದಾ ಸಾಭಿಲಾಷಃ । ತ್ವತ್ಪಾದಾಂಭೋಜಯುಗ್ಮಂ ಕ್ಷಣಮಪಿ ಮನಸಾ ನ ಸ್ಮೃತೋಽಹಂ ಕದಾಪಿ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 3 ॥ ಪ್ರೌಢೋ ಭಿಕ್ಷಾಭಿಲಾಷೀ ಸುತ ದುಹಿತೃ ಕಲತ್ರಾರ್ಥಮನ್ನಾದಿ ಚೇಷ್ಟ ಕ್ವ ಪ್ರಾಪ್ಸ್ಯೇ ಕುತ್ರಯಾಮೀ ತ್ವನುದಿನಮನಿಶಂ ಚಿಂತಯಾಮಗ್ನ ದೇಹಃ । ನೋತೇಧ್ಯಾನಂತ ಚಾಸ್ಥಾ ನ ಚ ಭಜನ ವಿಧಿನ್ನಾಮ ಸಂಕೀರ್ತನಂ ವಾ ಕ್ಷಂತವ್ಯೋಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 4 ॥ ವೃದ್ಧತ್ವೇ ಬುದ್ಧಿಹೀನಃ ಕೃಶ ವಿವಶತನುಃ ಶ್ವಾಸಕಾಸಾತಿಸಾರೈಃ ಕರ್ಣನಿಹೋಽಕ್ಷಿಹೀನಃ ಪ್ರಗಲಿತ ದಶನಃ ಕ್ಷುತ್ಪಿಪಾಸಾಭಿಭೂತಃ । ಪಶ್ಚಾತ್ತಾಪೇನದಗ್ಧೋ ಮರಣಮನುದಿನಂ ಧ್ಯೇಯ ಮಾತ್ರನ್ನಚಾನ್ಯತ್ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 5 ॥ ಕೃತ್ವಾಸ್ನಾನಂ ದಿನಾದೌ ಕ್ವಚಿದಪಿ ಸಲಿಲಂ ನೋಕೃತಂ ನೈವ ಪುಷ್ಪಂ ತೇ ನೈವೇದ್ಯಾದಿಕಂ ಚ ಕ್ವಚಿದಪಿ ನ ಕೃತಂ ನಾಪಿಭಾವೋ ನ ಭಕ್ತಿಃ । ನ ನ್ಯಾಸೋ ನೈವ ಪೂಜಾಂ ನ ಚ ಗುಣ ಕಥನಂ ನಾಪಿ ಚಾರ್ಚಾಕೃತಾ ತೇ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 6 ॥ ಜಾನಾಮಿ ತ್ವಾಂ ನ ಚಾಹಂ ಭವಭಯಹರಣೀಂ ಸರ್ವಸಿದ್ಧಿಪ್ರದಾತ್ರೀಂ ನಿತ್ಯಾನಂದೋದಯಾಢ್ಯಾಂ ತ್ರಿತಯ ಗುಣಮಯೀ ನಿತ್ಯಶುದ್ಧೋದಯಾಢ್ಯಾಂ । ಮಿಥ್ಯಾಕರ್ಮಾಭಿಲಾಷೈರನುದಿನಮಭಿತಃ ಪೀಡಿತೋ ದುಃಖ ಸಂಘೈಃ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 7 ॥ ಕಾಲಾಭ್ರಾಂ ಶ್ಯಾಮಾಲಾಂಗೀಂ ವಿಗಲಿತ ಚಿಕುರಾ ಖಡ್ಗಮುಂಡಾಭಿರಾಮಾಂ ತ್ರಾಸ ತ್ರಾಣೇಷ್ಟದಾತ್ರೀಂ ಕುಣಪಗಣಶಿರೋ ಮಾಲಿನೀಂ ದೀರ್ಘನೇತ್ರಾಂ । ಸಂಸಾರಸ್ಯೈಕಸಾರಾಂ ಭವಜನ ನ ಹರಾಂಭಾವಿತೋಭಾವನಾಭಿಃ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 8 ॥ ಬ್ರಹ್ಮಾ ವಿಷ್ಣುಸ್ತಥೇಶಃ ಪರಿಣಮತಿ ಸದಾ ತ್ವತ್ಪದಾಂಭೋಜ ಯುಕ್ತಂ ಭಾಗ್ಯಾಭಾವಾನ್ನ ಚಾಹಂ ಭವಜನನಿ ಭವತ್ಪಾದಯುಗ್ಮಂ ಭಜಾಮಿ । ನಿತ್ಯಂ ಲೋಭ ಪ್ರಲೋಭೈಃ ಕೃತವಿಶಮತಿಃ ಕಾಮುಕಸ್ತ್ವಾಂ ಪ್ರಯಾಷೇ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 9 ॥ ರಾಗದ್ವೇಷೈಃ ಪ್ರಮತ್ತಃ ಕಲುಷಯುತತನುಃ ಕಾಮನಾಭೋಗಲುಬ್ಧಃ ಕಾರ್ಯಾಕಾರ್ಯಾ ವಿಚಾರೀ ಕುಲಮತಿ ರಹಿತಃ ಕೌಲಸಂಘೈರ್ವಿಹೀನಃ । ಕ್ವ ಧ್ಯಾನಂ ತೇ ಕ್ವ ಚಾರ್ಚಾ ಕ್ವ ಮನುಜಪನನ್ನೈವ ಕಿಂಚಿತ್ ಕೃತೋಽಹಂ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 10 ॥ ರೋಗೀ ದುಃಖೀ ದರಿದ್ರಃ ಪರವಶಕೃಪಣಃ ಪಾಂಶುಲಃ ಪಾಪ ಚೇತಾ ನಿದ್ರಾಲಸ್ಯ ಪ್ರಸಕ್ತಾಃ ಸುಜಠರಭರಣೇ ವ್ಯಾಕುಲಃ ಕಲ್ಪಿತಾತ್ಮಾ । ಕಿಂ ತೇ ಪೂಜಾ ವಿಧಾನಂ ತ್ವಯಿ ಕ್ವಚನುಮತಿಃ ಕ್ವಾನುರಾಗಃ ಕ್ವಚಾಸ್ಥಾ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 11 ॥ ಮಿಥ್ಯಾ ವ್ಯಾಮೋಹ ರಾಗೈಃ ಪರಿವೃತಮನಸಃ ಕ್ಲೇಶಸಂಘಾನ್ವಿತಸ್ಯ ಕ್ಷುನ್ನಿದ್ರೌಘಾನ್ವಿತಸ್ಯ ಸ್ಮರಣ ವಿರಹಿಣಃ ಪಾಪಕರ್ಮ ಪ್ರವೃತ್ತೇಃ । ದಾರಿದ್ರ್ಯಸ್ಯ ಕ್ವ ಧರ್ಮಃ ಕ್ವ ಚ ಜನನಿರುಚಿಃ ಕ್ವ ಸ್ಥಿತಿಃ ಸಾಧುಸಂಘೈಃ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 12 ॥ ಮಾತಸ್ತಾತಸ್ಯದೇಹಾಜ್ಜನನಿ ಜಠರಗಃ ಸಂಸ್ಥಿತಸ್ತ್ವದ್ವಶೇಹನ್ ತ್ವಂ ಹರ್ತಾ ಕಾರಯಿತ್ರೀ ಕರಣ ಗುಣಮಯೀ ಕರ್ಮಹೇತು ಸ್ವರೂಪಾ । ತ್ವಂ ಬುದ್ಧಿಶ್ಚಿತ್ತ ಸಂಸ್ಥಾಪ್ಯಹಮತಿಭವತೀ ಸರ್ವಮೇತತ್ ಕ್ಷಮಸ್ವ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 13 ॥ ತ್ವಂ ಭೂಮಿಸ್ತ್ವಂ ಜಲಂ ಚ ತ್ವಮಸಿ ಹುತವಹಸ್ತ್ವಂ ಜಗದ್ವಾಯುರೂಪಾ ತ್ವಂ ಚಾಕಾಶಂ ಮನಶ್ಚ ಪ್ರಕೃತಿರಸಿ ಮಹತ್ಪೂರ್ವಿಕಾ ಪೂರ್ವಪೂರ್ವಾ । ಆತ್ಮಾ ತ್ವಂ ಚಾಽಸಿ ಮಾತಃ ಪರಮಸಿ ಭವತೀ ತ್ವತ್ಪರನ್ನೈವ ಕಿಂಚಿತ್ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 14 ॥ ತ್ವಂ ಕಾಲೀ ತ್ವಂ ಚ ತಾರಾ ತ್ವಮಸಿ ಗಿರಿಸುತಾ ಸುಂದರೀ ಭೈರವೀ ತ್ವಂ ತ್ವಂ ದುರ್ಗಾ ಛಿನ್ನಮಸ್ತಾ ತ್ವಮಸಿ ಚ ಭುವನಾ ತ್ವಂ ಹಿ ಲಕ್ಷ್ಮೀಃ ಶಿವಾ ತ್ವಂ । ಧೂಮಾ ಮಾತಂಗಿನೀ ತ್ವಂ ತ್ವಮಸಿ ಚ ಬಗಲಾ ಮಂಗಲಾದಿಸ್ತವಾಖ್ಯಾ ಕ್ಷಂತವ್ಯೋ ಮೇಽಪರಾಧಃ ಪ್ರಕಟಿತ ವದನೇ ಕಾಮರೂಪೇ ಕರಾಲೇ ॥ 15 ॥ ಸ್ತೋತ್ರೇಣಾನೇನ ದೇವೀಂ ಪರಿಣಮತಿ ಜನೋ ಯಃ ಸದಾಭಕ್ತಿಯುಕ್ತೋ ದುಷ್ಕೃತ್ಯಾದುರ್ಗ ಸಂಘಂ ಪರಿತರತಿ ಶತಂ ವಿಘ್ನತಾಂ ನಾಶಮೇತಿ । ನಾಧಿರ್ವ್ಯಾಧಿ ಕದಾಚಿದ್ಭವತಿ ಯದಿ ಪುನಃ ಸರ್ವದಾ ಸಾಽಪರಾಧಃ ಸರ್ವಂ ತತ್ ಕಾಮರೂಪೇ ತ್ರಿಭುವನಜನನಿ ಕ್ಷಾಮಯೇ ಪುತ್ರ ಬುದ್ಧ್ಯಾ ॥ 16 ॥ ಜ್ಞಾತಾ ವಕ್ತಾ ಕವೀಶೋ ಭವತಿ ಧನಪತಿರ್ದಾನಶೀಲೋ ದಯಾತ್ಮಾ ನಿಷ್ಪಾಪೀ ನಿಷ್ಕಲಂಕೀ ಕುಲಪತಿ ಕುಶಲಃ ಸತ್ಯವಾಗ್ಧಾರ್ಮಿಕಶ್ಚ । ನಿತ್ಯಾನಂದೋ ದಯಾಢ್ಯಃ ಪಶುಗಣವಿಮುಖಃ ಸತ್ಪಥಾ ಚಾರುಶೀಲಃ ಸಂಸಾರಾಬ್ಧಿಂ ಸುಕೇನ ಪ್ರತರತಿ ಗಿರಿಜಾ ಪಾದಯುಗ್ಮಾವಲಂಬಾತ್ ॥ 17 ॥ ಇತಿ ಶ್ರೀ ಕಾಲೀ ಅಪರಾಧ ಕ್ಷಮಾಪಣ ಸ್ತೋತ್ರಂ ॥