हैंహైHaindavamஹிહિં
📍
Font Size:
శ్రీ గాయత్రీ భుజంగ స్తోత్రం
ఉషఃకాలగమ్యాముదాత్త స్వరూపాం
అకారప్రవిష్టాముదారాంగభూషాం ।
అజేశాది వంద్యామజార్చాంగభాజాం
అనౌపమ్యరూపాం భజామ్యాదిసంధ్యాం ॥ 1 ॥
సదా హంసయానాం స్ఫురద్రత్నవస్త్రాం
వరాభీతిహస్తాం ఖగామ్నాయరూపాం ।
స్ఫురత్స్వాధికామక్షమాలాం చ కుంభం
దధనామహం భావయే పూర్వసంధ్యాం ॥ 2 ॥
ప్రవాల ప్రకృష్టాంగ భూషోజ్జ్వలంతీం
కిరీటోల్లసద్రత్నరాజప్రభాతాం ।
విశాలోరుభాసాం కుచాశ్లేషహారాం
భజే బాలకాం బ్రహ్మవిద్యాం వినోదాం ॥ 3 ॥
స్ఫురచ్చంద్రకాంతాం శరచ్చంద్రవక్త్రాం
మహాచంద్రకాంతాద్రి పీనస్తనాఢ్యాం ।
త్రిశూలాక్షహస్తాం త్రినేత్రస్య పత్నీం
వృషారూఢపాదాం భజే మధ్యసంధ్యాం ॥ 4 ॥
షడాధారరూపాం షడాధారగమ్యాం
షడధ్వాతిశుద్ధాం యజుర్వేదరూపాం ।
హిమాద్రేః సుతాం కుందదంతావభాసాం
మహేశార్ధదేహాం భజే మధ్యసంధ్యాం ॥ 5 ॥
సుషుమ్నాంతరస్థాం సుధాసేవ్యమానా-
-ముకారాంతరస్థాం ద్వితీయస్వరూపాం ।
సహస్రార్కరశ్మి ప్రభాసత్రినేత్రాం
సదా యౌవనాఢ్యాం భజే మధ్యసంధ్యాం ॥ 6 ॥
సదాసామగానాం ప్రియాం శ్యామలాంగీం
అకారాంతరస్థాం కరోల్లాసిచక్రాం ।
గదాపద్మహస్తాం ధ్వనత్పాంచజన్యాం
ఖగేశోపవిష్టాం భజేమాస్తసంధ్యాం ॥ 7 ॥
ప్రగల్భస్వరూపాం స్ఫురత్కంకణాఢ్యాం
అహంలంబమానస్తనప్రాంతహారం ।
మహానీలరత్నప్రభాకుండలాభ్యాం
స్ఫురత్స్మేరవక్త్రాం భజే తుర్యసంధ్యాం ॥ 8 ॥
సదాతత్త్వమస్యాది వాక్యైకగమ్యాం
మహామోక్షమార్గైక పాథేయరూపాం ।
మహాసిద్ధవిద్యాధరైః సేవ్యమానాం
భజేఽహం భవోత్తారణీం తుర్యసంధ్యాం ॥ 9 ॥
హృదంభోజమధ్యే పరామ్నాయమీడే
సుఖాసీనసద్రాజహంసాం మనోజ్ఞాం ।
సదా హేమభాసాం త్రయీవిద్యమధ్యాం
భజామ స్తువామో వదామ స్మరామః ॥ 10 ॥
సదా తత్పదైస్తూయమానాం సవిత్రీం
వరేణ్యాం మహాభర్గరూపాం త్రినేత్రాం ।
సదా దేవదేవాది దేవస్య పత్నీం
అహం ధీమహీత్యాది పాదైక జుష్టాం ॥ 11 ॥
అనాథం దరిద్రం దురాచారయుక్తం
శఠం స్థూలబుద్ధిం పరం ధర్మహీనం ।
త్రిసంధ్యాం జపధ్యానహీనం మహేశీం
పరం చింతయామి ప్రసీద త్వమేవ ॥ 12 ॥
ఇతీదం భుజంగం పఠేద్యస్తు భక్త్యా
సమాధాయ చిత్తే సదా శ్రీభవానీం ।
త్రిసంధ్యస్వరూపాం త్రిలోకైకవంద్యాం
స ముక్తో భవేత్సర్వపాపైరజస్రం ॥ 13 ॥
ఇతి శ్రీ గాయత్రీ భుజంగ స్తోత్రం ।
Recite with devotion and pure heart
Regular practice brings spiritual benefits