സങ്കട നാശന ഗണേശ സ്തോത്രം

നാരദ ഉവാച –

പ്രണമ്യ ശിരസാ ദേവം ഗൗരീപുത്രം വിനായകം ।

ഭക്താവാസം സ്മരേന്നിത്യമായുഷ്കാമാർഥസിദ്ധയേ ॥ 1 ॥

പ്രഥമം വക്രതുണ്ഡം ച ഏകദന്തം ദ്വിതീയകം ।

തൃതീയം കൃഷ്ണപിംഗാക്ഷം ഗജവക്ത്രം ചതുർഥകം ॥ 2 ॥

ലംബോദരം പഞ്ചമം ച ഷഷ്ഠം വികടമേവ ച ।

സപ്തമം വിഘ്നരാജം ച ധൂമ്രവർണം തഥാഷ്ടമം ॥ 3 ॥

നവമം ഭാലചന്ദ്രം ച ദശമം തു വിനായകം ।

ഏകാദശം ഗണപതിം ദ്വാദശം തു ഗജാനനം ॥ 4 ॥

ദ്വാദശൈതാനി നാമാനി ത്രിസന്ധ്യം യഃ പഠേന്നരഃ ।

ന ച വിഘ്നഭയം തസ്യ സർവസിദ്ധികരം പരം ॥ 5 ॥

വിദ്യാർഥീ ലഭതേ വിദ്യാം ധനാർഥീ ലഭതേ ധനം ।

പുത്രാർഥീ ലഭതേ പുത്രാന്മോക്ഷാർഥീ ലഭതേ ഗതിം ॥ 6 ॥

ജപേദ്ഗണപതിസ്തോത്രം ഷഡ്ഭിർമാസൈഃ ഫലം ലഭേത് ।

സംവത്സരേണ സിദ്ധിം ച ലഭതേ നാത്ര സംശയഃ ॥ 7 ॥

അഷ്ടഭ്യോ ബ്രാഹ്മണേഭ്യശ്ച ലിഖിത്വാ യഃ സമർപയേത് ।

തസ്യ വിദ്യാ ഭവേത്സർവാ ഗണേശസ്യ പ്രസാദതഃ ॥ 8 ॥

Recite with devotion and pure heart

Regular practice brings spiritual benefits