Trailokya Mohana Ganapati Kavacham

namastasmai gaṇeśāya sarvavighnavināśine । kāryārambheṣu sarveṣu pūjyate yaḥ surairapi ॥ 1 ॥ śrīmanmahāgaṇapateḥ kavacasya ṛṣiḥ śivaḥ । gaṇapatirdevatā ca gāyatrī chandaḥ eva ca । dharmārthakāmamokṣeṣu viniyogaḥ prakīrtitaḥ । śaktiḥ svāhā glaiṃ bījaṃ viniyogasya kīrtitaḥ ॥ atha nyāsaḥ – oṃ śrīṃ hrīṃ klīṃ aṅguṣṭhābhyāṃ namaḥ । glauṃ gaṃ gaṇapataye tarjanībhyāṃ namaḥ । varavarada madhyamābhyāṃ namaḥ । sarvajanaṃ me anāmikābhyāṃ namaḥ । vaśamānaya kaniṣṭhikābhyāṃ namaḥ । svāhā karatalakarapṛṣṭhābhyāṃ namaḥ । evaṃ hṛdayādi nyāsaḥ ॥ dhyānam – hastīndrānanaminducūḍamaruṇacchāyaṃ trinetraṃ rasā- -dāśliṣṭaṃ priyayā sapadmakarayā svāṅkasthayā santatam । bījāpūragadādhanustriśikhayuk cakrābjapāśotpala vrīhyagrasvaviṣāṇaratnakalaśān hastairvahantaṃ bhaje । kavacaṃ – oṃ brahmabījaṃ śiraḥ pātu kevalaṃ muktidāyakam । śrīṃ bījamakṣiṇī pātu sarvasiddhisamarpakam ॥ 1 ॥ hṛllekhā śrotrayoḥ pātu sarvaśatruvināśinī । kāmabījaṃ kapolau ca sarvaduṣṭanivāraṇam ॥ 2 ॥ glauṃ gaṃ ca gaṇapataye vācaṃ pātu vināyakaḥ । varabījaṃ tathā jihvāṃ varadaṃ hastayostathā ॥ 3 ॥ sarvajanaṃ me ca bāhudvayaṃ kaṇṭhaṃ gaṇeśvaraḥ । vaśaṃ me pātu hṛdayaṃ pātu siddhīśvarastathā ॥ 4 ॥ nābhiṃ ānaya me pātu sarvasiddhivināyakaḥ । jaṅghayorgulphayoḥ svāhā sarvāṅgaṃ vighnanāyakaḥ ॥ 5 ॥ gaṇapatistvagrataḥ pātu gaṇeśaḥ pṛṣṭhatastathā । dakṣiṇe siddhidaḥ pātu vāme viśvārtihārakaḥ ॥ 6 ॥ durjayo rakṣatu prācyāmāgneyyāṃ gaṇapastathā । dakṣiṇasyāṃ girijajo nairṛtyāṃ śambhunandanaḥ ॥ 7 ॥ pratīcyāṃ sthāṇujaḥ pātu vāyavyāmākhuvāhanaḥ । kauberyāmīśvaraḥ pātu īśānyāmīśvarātmajaḥ ॥ 8 ॥ adho gaṇapatiḥ pātu ūrdhaṃ pātu vināyakaḥ । etābhyo daśadigbhyastu pātu nityaṃ gaṇeśvaraḥ ॥ 9 ॥ itīdaṃ kathitaṃ devi brahmavidyākalevaram । trailokyamohanaṃ nāma kavacaṃ brahmarūpakam ॥ 10 ॥ iti śrīmahāgaṇapati trailokyamohanakavacaṃ sampūrṇam ।

Recite with devotion and pure heart

Regular practice brings spiritual benefits

More stotras of Ganapati: