हैंహైHaindavamஹிહિં
📍
Font Size:
മഹാഗണപതി മന്ത്രവിഗ്രഹ കവചം
ഓം അസ്യ ശ്രീമഹാഗണപതി മന്ത്രവിഗ്രഹ കവചസ്യ ।
ശ്രീശിവ ഋഷിഃ ।
ദേവീഗായത്രീ ഛന്ദഃ ।
ശ്രീ മഹാഗണപതിർദേവതാ ।
ഓം ശ്രീം ഹ്രീം ക്ലീം ഗ്ലൗം ഗം ബീജാനി ।
ഗണപതയേ വരവരദേതി ശക്തിഃ ।
സർവജനം മേ വശമാനയ സ്വാഹാ കീലകം ।
ശ്രീ മഹാഗണപതിപ്രസാദസിദ്ധ്യർഥേ ജപേ വിനിയോഗഃ ।
കരന്യാസഃ –
ഓം ശ്രീം ഹ്രീം ക്ലീം – അംഗുഷ്ഠാഭ്യാം നമഃ ।
ഗ്ലൗം ഗം ഗണപതയേ – തർജനീഭ്യാം നമഃ ।
വരവരദ – മധ്യമാഭ്യാം നമഃ ।
സർവജനം മേ – അനാമികാഭ്യാം നമഃ ।
വശമാനയ – കനിഷ്ഠികാഭ്യാം നമഃ ।
സ്വാഹാ – കരതല കരപൃഷ്ഠാഭ്യാം നമഃ ।
ന്യാസഃ –
ഓം ശ്രീം ഹ്രീം ക്ലീം – ഹൃദയായ നമഃ ।
ഗ്ലൗം ഗം ഗണപതയേ – ശിരസേ സ്വാഹാ ।
വരവരദ – ശിഖായൈ വഷട് ।
സർവജനം മേ – കവചായ ഹും ।
വശമാനയ – നേത്രത്രയായ വൗഷട് ।
സ്വാഹാ – അസ്ത്രായ ഫട് ।
ധ്യാനം –
ബീജാപൂരഗദേക്ഷുകാർമുക ഋജാ ചക്രാബ്ജപാശോത്പല
വ്രീഹ്യഗ്രസ്വവിഷാണരത്നകലശപ്രോദ്യത്കരാംഭോരുഹഃ ।
ധ്യേയോ വല്ലഭയാ സപദ്മകരയാ ശ്ലിഷ്ടോജ്വലദ്ഭൂഷയാ
വിശ്വോത്പത്തിവിപത്തിസംസ്ഥിതികരോ വിഘ്നേശ ഇഷ്ടാർഥദഃ ।
ഇതി ധ്യാത്വാ । ലം ഇത്യാദി മാനസോപചാരൈഃ സമ്പൂജ്യ കവചം പഠേത് ।
ഓങ്കാരോ മേ ശിരഃ പാതു ശ്രീങ്കാരഃ പാതു ഫാലകം ।
ഹ്രീം ബീജം മേ ലലാടേഽവ്യാത് ക്ലീം ബീജം ഭ്രൂയുഗം മമ ॥ 1 ॥
ഗ്ലൗം ബീജം നേത്രയോഃ പാതു ഗം ബീജം പാതു നാസികാം ।
ഗം ബീജം മുഖപദ്മേഽവ്യാദ്മഹാസിദ്ധിഫലപ്രദം ॥ 2 ॥
ണകാരോ ദന്തയോഃ പാതു പകാരോ ലംബികാം മമ ।
തകാരഃ പാതു മേ താല്വോര്യേകാര ഓഷ്ഠയോർമമ ॥ 3 ॥
വകാരഃ കണ്ഠദേശേഽവ്യാദ്രകാരശ്ചോപകണ്ഠകേ ।
ദ്വിതീയസ്തു വകാരോ മേ ഹൃദയം പാതു സർവദാ ॥ 4 ॥
രകാരസ്തു ദ്വിതീയോ വൈ ഉഭൗ പാർശ്വൗ സദാ മമ ।
ദകാര ഉദരേ പാതു സകാരോ നാഭിമണ്ഡലേ ॥ 5 ॥
ര്വകാരഃ പാതു മേ ലിംഗം ജകാരഃ പാതു ഗുഹ്യകേ ।
നകാരഃ പാതു മേ ജംഘേ മേകാരോ ജാനുനോർദ്വയോഃ ॥ 6 ॥
വകാരഃ പാതു മേ ഗുൽഫൗ ശകാരഃ പാദയോർദ്വയോഃ ।
മാകാരസ്തു സദാ പാതു ദക്ഷപാദാംഗുലീഷു ച ॥ 7 ॥
നകാരസ്തു സദാ പാതു വാമപാദാംഗുലീഷു ച ।
യകാരോ മേ സദാ പാതു ദക്ഷപാദതലേ തഥാ ॥ 8 ॥
സ്വാകാരോ ബ്രഹ്മരൂപാഖ്യോ വാമപാദതലേ തഥാ ।
ഹാകാരഃ സർവദാ പാതു സർവാംഗേ ഗണപഃ പ്രഭുഃ ॥ 9 ॥
പൂർവേ മാം പാതു ശ്രീരുദ്രഃ ശ്രീം ഹ്രീം ക്ലീം ഫട് കലാധരഃ ।
ആഗ്നേയ്യാം മേ സദാ പാതു ഹ്രീം ശ്രീം ക്ലീം ലോകമോഹനഃ ॥ 10 ॥
ദക്ഷിണേ ശ്രീയമഃ പാതു ക്രീം ഹ്രം ഐം ഹ്രീം ഹ്സ്രൗം നമഃ ।
നൈരൃത്യേ നിരൃതിഃ പാതു ആം ഹ്രീം ക്രോം ക്രോം നമോ നമഃ ॥ 11 ॥
പശ്ചിമേ വരുണഃ പാതു ശ്രീം ഹ്രീം ക്ലീം ഫട് ഹ്സ്രൗം നമഃ ।
വായുർമേ പാതു വായവ്യേ ഹ്രൂം ഹ്രീം ശ്രീം ഹ്സ്ഫ്രേം നമോ നമഃ ॥ 12 ॥
ഉത്തരേ ധനദഃ പാതു ശ്രീം ഹ്രീം ശ്രീം ഹ്രീം ധനേശ്വരഃ ।
ഈശാന്യേ പാതു മാം ദേവോ ഹ്രൗം ഹ്രീം ജൂം സഃ സദാശിവഃ ॥ 13 ॥
പ്രപന്നപാരിജാതായ സ്വാഹാ മാം പാതു ഈശ്വരഃ ।
ഊർധ്വം മേ സർവദാ പാതു ഗം ഗ്ലൗം ക്ലീം ഹ്സ്രൗം നമോ നമഃ ॥ 14 ॥
അനന്തായ നമഃ സ്വാഹാ അധസ്താദ്ദിശി രക്ഷതു ।
പൂർവേ മാം ഗണപഃ പാതു ദക്ഷിണേ ക്ഷേത്രപാലകഃ ॥ 15 ॥
പശ്ചിമേ പാതു മാം ദുർഗാ ഐം ഹ്രീം ക്ലീം ചണ്ഡികാ ശിവാ ।
ഉത്തരേ വടുകഃ പാതു ഹ്രീം വം വം വടുകഃ ശിവഃ ॥ 16 ॥
സ്വാഹാ സർവാർഥസിദ്ധേശ്ച ദായകോ വിശ്വനായകഃ ।
പുനഃ പൂർവേ ച മാം പാതു ശ്രീമാനസിതഭൈരവഃ ॥ 17 ॥
ആഗ്നേയ്യാം പാതു നോ ഹ്രീം ഹ്രീം ഹ്രും ക്രോം ക്രോം രുരുഭൈരവഃ ।
ദക്ഷിണേ പാതു മാം ക്രൗം ക്രോം ഹ്രൈം ഹ്രൈം മേ ചണ്ഡഭൈരവഃ ॥ 18 ॥
നൈരൃത്യേ പാതു മാം ഹ്രീം ഹ്രൂം ഹ്രൗം ഹ്രൗം ഹ്രീം ഹ്സ്രൈം നമോ നമഃ ।
സ്വാഹാ മേ സർവഭൂതാത്മാ പാതു മാം ക്രോധഭൈരവഃ ॥ 19 ॥
പശ്ചിമേ ഈശ്വരഃ പാതു ക്രീം ക്ലീം ഉന്മത്തഭൈരവഃ ।
വായവ്യേ പാതു മാം ഹ്രീം ക്ലീം കപാലീ കമലേക്ഷണഃ ॥ 20 ॥
ഉത്തരേ പാതു മാം ദേവോ ഹ്രീം ഹ്രീം ഭീഷണഭൈരവഃ ।
ഈശാന്യേ പാതു മാം ദേവഃ ക്ലീം ഹ്രീം സംഹാരഭൈരവഃ ॥ 21 ॥
ഊർധ്വം മേ പാതു ദേവേശഃ ശ്രീസമ്മോഹനഭൈരവഃ ।
അധസ്താദ്വടുകഃ പാതു സർവതഃ കാലഭൈരവഃ ॥ 22 ॥
ഇതീദം കവചം ദിവ്യം ബ്രഹ്മവിദ്യാകലേവരം ।
ഗോപനീയം പ്രയത്നേന യദീച്ഛേദാത്മനഃ സുഖം ॥ 23 ॥
ജനനീജാരവദ്ഗോപ്യാ വിദ്യൈഷേത്യാഗമാ ജഗുഃ ।
അഷ്ടമ്യാം ച ചതുർദശ്യാം സങ്ക്രാന്തൗ ഗ്രഹണേഷ്വപി ॥ 24 ॥
ഭൗമേഽവശ്യം പഠേദ്ധീരോ മോഹയത്യഖിലം ജഗത് ।
ഏകാവൃത്യാ ഭവേദ്വിദ്യാ ദ്വിരാവൃത്യാ ധനം ലഭേത് ॥ 25 ॥
ത്രിരാവൃത്യാ രാജവശ്യം തുര്യാവൃത്യാഽഖിലാഃ പ്രജാഃ ।
പഞ്ചാവൃത്യാ ഗ്രാമവശ്യം ഷഡാവൃത്യാ ച മന്ത്രിണഃ ॥ 26 ॥
സപ്താവൃത്യാ സഭാവശ്യാ അഷ്ടാവൃത്യാ ഭുവഃ ശ്രിയം ।
നവാവൃത്യാ ച നാരീണാം സർവാകർഷണകാരകം ॥ 27 ॥
ദശാവൃത്തീഃ പഠേന്നിത്യം ഷണ്മാസാഭ്യാസയോഗതഃ ।
ദേവതാ വശമായാതി കിം പുനർമാനവാ ഭുവി ॥ 28 ॥
കവചസ്യ ച ദിവ്യസ്യ സഹസ്രാവർതനാന്നരഃ ।
ദേവതാദർശനം സദ്യോ നാത്രകാര്യാ വിചാരണാ ॥ 29 ॥
അർധരാത്രേ സമുത്ഥായ ചതുർഥ്യാം ഭൃഗുവാസരേ ।
രക്തമാലാംബരധരോ രക്തഗന്ധാനുലേപനഃ ॥ 30 ॥
സാവധാനേന മനസാ പഠേദേകോത്തരം ശതം ।
സ്വപ്നേ മൂർതിമയം ദേവം പശ്യത്യേവ ന സംശയഃ ॥ 31 ॥
ഇദം കവചമജ്ഞാത്വാ ഗണേശം ഭജതേ നരഃ ।
കോടിലക്ഷം പ്രജപ്ത്വാപി ന മന്ത്രം സിദ്ധിദോ ഭവേത് ॥ 32 ॥
പുഷ്പാഞ്ജല്യഷ്ടകം ദത്വാ മൂലേനൈവ സകൃത് പഠേത് ।
അപിവർഷസഹസ്രാണാം പൂജായാഃ ഫലമാപ്നുയാത് ॥ 33 ॥
ഭൂർജേ ലിഖിത്വാ സ്വർണസ്താം ഗുടികാം ധാരയേദ്യദി ।
കണ്ഠേ വാ ദക്ഷിണേ ബാഹൗ സകുര്യാദ്ദാസവജ്ജഗത് ॥ 34 ॥
ന ദേയം പരശിഷ്യേഭ്യോ ദേയം ശിഷ്യേഭ്യ ഏവ ച ।
അഭക്തേഭ്യോപി പുത്രേഭ്യോ ദത്വാ നരകമാപ്നുയാത് ॥ 35 ॥
ഗണേശഭക്തിയുക്തായ സാധവേ ച പ്രയത്നതഃ ।
ദാതവ്യം തേന വിഘ്നേശഃ സുപ്രസന്നോ ഭവിഷ്യതി ॥ 36 ॥
ഇതി ശ്രീദേവീരഹസ്യേ ശ്രീമഹാഗണപതി മന്ത്രവിഗ്രഹകവചം സമ്പൂർണം ।
Recite with devotion and pure heart
Regular practice brings spiritual benefits