हैंహైHaindavamஹிહિં
📍
Font Size:
ത്രിപുര ഭൈരവീ സ്തോത്രം
ശ്രീ ഭൈരവ ഉവാച-
ബ്രഹ്മാദയസ്സ്തുതി ശതൈരപി സൂക്ഷ്മരൂപം
ജാനന്തിനൈവ ജഗദാദിമനാദിമൂർതിം ।
തസ്മാദമൂം കുചനതാം നവകുങ്കുമാസ്യാം
സ്ഥൂലാം സ്തുവേ സകലവാങ്മയമാതൃഭൂതാം ॥ 1 ॥
സദ്യസ്സമുദ്യത സഹസ്ര ദിവാകരാഭാം
വിദ്യാക്ഷസൂത്രവരദാഭയചിഹ്നഹസ്താം ।
നേത്രോത്പലൈസ്ത്രിഭിരലങ്കൃതവക്ത്രപദ്മാം
ത്വാം താരഹാരരുചിരാം ത്രിപുരാം ഭജാമഃ ॥ 2 ॥
സിന്ദൂരപൂരരുചിരാം കുചഭാരനമ്രാം
ജന്മാന്തരേഷു കൃതപുണ്യ ഫലൈകഗമ്യാം ।
അന്യോന്യ ഭേദകലഹാകുലമാനഭേദൈ-
-ര്ജാനന്തികിഞ്ജഡധിയ സ്തവരൂപമന്യേ ॥ 3 ॥
സ്ഥൂലാം വദന്തി മുനയഃ ശ്രുതയോ ഗൃണന്തി
സൂക്ഷ്മാം വദന്തി വചസാമധിവാസമന്യേ ।
ത്വാംമൂലമാഹുരപരേ ജഗതാംഭവാനി
മന്യാമഹേ വയമപാരകൃപാംബുരാശിം ॥ 4 ॥
ചന്ദ്രാവതംസ കലിതാം ശരദിന്ദുശുഭ്രാം
പഞ്ചാശദക്ഷരമയീം ഹൃദിഭാവയന്തീ ।
ത്വാം പുസ്തകഞ്ജപപടീമമൃതാഢ്യ കുംഭാം
വ്യാഖ്യാഞ്ച ഹസ്തകമലൈർദധതീം ത്രിനേത്രാം ॥ 5 ॥
ശംഭുസ്ത്വമദ്രിതനയാ കലിതാർധഭാഗോ
വിഷ്ണുസ്ത്വമംബ കമലാപരിണദ്ധദേഹഃ ।
പദ്മോദ്ഭവസ്ത്വമസി വാഗധിവാസഭൂമി-
രേഷാം ക്രിയാശ്ച ജഗതി ത്രിപുരേത്വമേവ ॥ 6 ॥
ആശ്രിത്യവാഗ്ഭവ ഭവാമ്ശ്ചതുരഃ പരാദീൻ-
ഭാവാൻപദാത്തു വിഹിതാൻസമുദാരയന്തീം ।
കാലാദിഭിശ്ച കരണൈഃ പരദേവതാം ത്വാം
സംവിന്മയീംഹൃദികദാപി നവിസ്മരാമി ॥ 7 ॥
ആകുഞ്ച്യ വായുമഭിജിത്യച വൈരിഷട്കം
ആലോക്യനിശ്ചലധിയാ നിജനാസികാഗ്രാം ।
ധ്യായന്തി മൂർധ്നി കലിതേന്ദുകലാവതംസം
ത്വദ്രൂപമംബ കൃതിനസ്തരുണാർകമിത്രം ॥ 8 ॥
ത്വം പ്രാപ്യമന്മഥരിപോർവപുരർധഭാഗം
സൃഷ്ടിങ്കരോഷി ജഗതാമിതി വേദവാദഃ ।
സത്യന്തദദ്രിതനയേ ജഗദേകമാതഃ
നോചേദ ശേഷജഗതഃ സ്ഥിതിരേവനസ്യാത് ॥ 9 ॥
പൂജാംവിധായകുസുമൈഃ സുരപാദപാനാം
പീഠേതവാംബ കനകാചല കന്ദരേഷു ।
ഗായന്തിസിദ്ധവനിതാസ്സഹകിന്നരീഭി-
രാസ്വാദിതാമൃതരസാരുണപദ്മനേത്രാഃ ॥ 10 ॥
വിദ്യുദ്വിലാസ വപുഷഃ ശ്രിയമാവഹന്തീം
യാന്തീമുമാംസ്വഭവനാച്ഛിവരാജധാനീം ।
സൗന്ദര്യമാർഗകമലാനിചകാ സയന്തീം
ദേവീംഭജേത പരമാമൃത സിക്തഗാത്രാം ॥ 11 ॥
ആനന്ദജന്മഭവനം ഭവനം ശ്രുതീനാം
ചൈതന്യമാത്ര തനുമംബതവാശ്രയാമി ।
ബ്രഹ്മേശവിഷ്ണുഭിരുപാസിതപാദപദ്മം
സൗഭാഗ്യജന്മവസതിം ത്രിപുരേയഥാവത് ॥ 12 ॥
സർവാർഥഭാവിഭുവനം സൃജതീന്ദുരൂപാ
യാതദ്ബിഭർതി പുനരർക തനുസ്സ്വശക്ത്യാ ।
ബ്രഹ്മാത്മികാഹരതിതം സകലമ്യുഗാന്തേ
താം ശാരദാം മനസി ജാതു ന വിസ്മരാമി ॥ 13 ॥
നാരായണീതി നരകാർണവതാരിണീതി
ഗൗരീതി ഖേദശമനീതി സരസ്വതീതി ।
ജ്ഞാനപ്രദേതി നയനത്രയഭൂഷിതേതി
ത്വാമദ്രിരാജതനയേ വിബുധാ പദന്തി ॥ 14 ॥
യേസ്തുവന്തിജഗന്മാതഃ ശ്ലോകൈർദ്വാദശഭിഃക്രമാത് ।
ത്വാമനു പാപ്ര്യവാക്സിദ്ധിം പ്രാപ്നുയുസ്തേ പരാമ്ശ്രിയം ॥ 15 ॥
ഇതിതേ കഥിതം ദേവി പഞ്ചാംഗം ഭൈരവീമയം ।
ഗുഹ്യാദ്ഗോപ്യതമംഗോപ്യം ഗോപനീയം സ്വയോനിവത് ॥ 16 ॥
ഇതി ശ്രീ രുദ്രയാമലേ ഉമാമഹേശ്വര സംവാദേ പഞ്ചാംഗഖണ്ഡ നിരൂപണേ ശ്രീഭൈരവീസ്തോത്രം ।
Recite with devotion and pure heart
Regular practice brings spiritual benefits