हैंహైHaindavamஹிહિં
📍
Font Size:
ತ್ರಿಪುರ ಭೈರವೀ ಸ್ತೋತ್ರಂ
ಶ್ರೀ ಭೈರವ ಉವಾಚ-
ಬ್ರಹ್ಮಾದಯಸ್ಸ್ತುತಿ ಶತೈರಪಿ ಸೂಕ್ಷ್ಮರೂಪಂ
ಜಾನಂತಿನೈವ ಜಗದಾದಿಮನಾದಿಮೂರ್ತಿಂ ।
ತಸ್ಮಾದಮೂಂ ಕುಚನತಾಂ ನವಕುಂಕುಮಾಸ್ಯಾಂ
ಸ್ಥೂಲಾಂ ಸ್ತುವೇ ಸಕಲವಾಙ್ಮಯಮಾತೃಭೂತಾಂ ॥ 1 ॥
ಸದ್ಯಸ್ಸಮುದ್ಯತ ಸಹಸ್ರ ದಿವಾಕರಾಭಾಂ
ವಿದ್ಯಾಕ್ಷಸೂತ್ರವರದಾಭಯಚಿಹ್ನಹಸ್ತಾಂ ।
ನೇತ್ರೋತ್ಪಲೈಸ್ತ್ರಿಭಿರಲಂಕೃತವಕ್ತ್ರಪದ್ಮಾಂ
ತ್ವಾಂ ತಾರಹಾರರುಚಿರಾಂ ತ್ರಿಪುರಾಂ ಭಜಾಮಃ ॥ 2 ॥
ಸಿಂದೂರಪೂರರುಚಿರಾಂ ಕುಚಭಾರನಮ್ರಾಂ
ಜನ್ಮಾಂತರೇಷು ಕೃತಪುಣ್ಯ ಫಲೈಕಗಮ್ಯಾಂ ।
ಅನ್ಯೋನ್ಯ ಭೇದಕಲಹಾಕುಲಮಾನಭೇದೈ-
-ರ್ಜಾನಂತಿಕಿಂಜಡಧಿಯ ಸ್ತವರೂಪಮನ್ಯೇ ॥ 3 ॥
ಸ್ಥೂಲಾಂ ವದಂತಿ ಮುನಯಃ ಶ್ರುತಯೋ ಗೃಣಂತಿ
ಸೂಕ್ಷ್ಮಾಂ ವದಂತಿ ವಚಸಾಮಧಿವಾಸಮನ್ಯೇ ।
ತ್ವಾಂಮೂಲಮಾಹುರಪರೇ ಜಗತಾಂಭವಾನಿ
ಮನ್ಯಾಮಹೇ ವಯಮಪಾರಕೃಪಾಂಬುರಾಶಿಂ ॥ 4 ॥
ಚಂದ್ರಾವತಂಸ ಕಲಿತಾಂ ಶರದಿಂದುಶುಭ್ರಾಂ
ಪಂಚಾಶದಕ್ಷರಮಯೀಂ ಹೃದಿಭಾವಯಂತೀ ।
ತ್ವಾಂ ಪುಸ್ತಕಂಜಪಪಟೀಮಮೃತಾಢ್ಯ ಕುಂಭಾಂ
ವ್ಯಾಖ್ಯಾಂಚ ಹಸ್ತಕಮಲೈರ್ದಧತೀಂ ತ್ರಿನೇತ್ರಾಂ ॥ 5 ॥
ಶಂಭುಸ್ತ್ವಮದ್ರಿತನಯಾ ಕಲಿತಾರ್ಧಭಾಗೋ
ವಿಷ್ಣುಸ್ತ್ವಮಂಬ ಕಮಲಾಪರಿಣದ್ಧದೇಹಃ ।
ಪದ್ಮೋದ್ಭವಸ್ತ್ವಮಸಿ ವಾಗಧಿವಾಸಭೂಮಿ-
ರೇಷಾಂ ಕ್ರಿಯಾಶ್ಚ ಜಗತಿ ತ್ರಿಪುರೇತ್ವಮೇವ ॥ 6 ॥
ಆಶ್ರಿತ್ಯವಾಗ್ಭವ ಭವಾಮ್ಶ್ಚತುರಃ ಪರಾದೀನ್-
ಭಾವಾನ್ಪದಾತ್ತು ವಿಹಿತಾನ್ಸಮುದಾರಯಂತೀಂ ।
ಕಾಲಾದಿಭಿಶ್ಚ ಕರಣೈಃ ಪರದೇವತಾಂ ತ್ವಾಂ
ಸಂವಿನ್ಮಯೀಂಹೃದಿಕದಾಪಿ ನವಿಸ್ಮರಾಮಿ ॥ 7 ॥
ಆಕುಂಚ್ಯ ವಾಯುಮಭಿಜಿತ್ಯಚ ವೈರಿಷಟ್ಕಂ
ಆಲೋಕ್ಯನಿಶ್ಚಲಧಿಯಾ ನಿಜನಾಸಿಕಾಗ್ರಾಂ ।
ಧ್ಯಾಯಂತಿ ಮೂರ್ಧ್ನಿ ಕಲಿತೇಂದುಕಲಾವತಂಸಂ
ತ್ವದ್ರೂಪಮಂಬ ಕೃತಿನಸ್ತರುಣಾರ್ಕಮಿತ್ರಂ ॥ 8 ॥
ತ್ವಂ ಪ್ರಾಪ್ಯಮನ್ಮಥರಿಪೋರ್ವಪುರರ್ಧಭಾಗಂ
ಸೃಷ್ಟಿಂಕರೋಷಿ ಜಗತಾಮಿತಿ ವೇದವಾದಃ ।
ಸತ್ಯಂತದದ್ರಿತನಯೇ ಜಗದೇಕಮಾತಃ
ನೋಚೇದ ಶೇಷಜಗತಃ ಸ್ಥಿತಿರೇವನಸ್ಯಾತ್ ॥ 9 ॥
ಪೂಜಾಂವಿಧಾಯಕುಸುಮೈಃ ಸುರಪಾದಪಾನಾಂ
ಪೀಠೇತವಾಂಬ ಕನಕಾಚಲ ಕಂದರೇಷು ।
ಗಾಯಂತಿಸಿದ್ಧವನಿತಾಸ್ಸಹಕಿನ್ನರೀಭಿ-
ರಾಸ್ವಾದಿತಾಮೃತರಸಾರುಣಪದ್ಮನೇತ್ರಾಃ ॥ 10 ॥
ವಿದ್ಯುದ್ವಿಲಾಸ ವಪುಷಃ ಶ್ರಿಯಮಾವಹಂತೀಂ
ಯಾಂತೀಮುಮಾಂಸ್ವಭವನಾಚ್ಛಿವರಾಜಧಾನೀಂ ।
ಸೌಂದರ್ಯಮಾರ್ಗಕಮಲಾನಿಚಕಾ ಸಯಂತೀಂ
ದೇವೀಂಭಜೇತ ಪರಮಾಮೃತ ಸಿಕ್ತಗಾತ್ರಾಂ ॥ 11 ॥
ಆನಂದಜನ್ಮಭವನಂ ಭವನಂ ಶ್ರುತೀನಾಂ
ಚೈತನ್ಯಮಾತ್ರ ತನುಮಂಬತವಾಶ್ರಯಾಮಿ ।
ಬ್ರಹ್ಮೇಶವಿಷ್ಣುಭಿರುಪಾಸಿತಪಾದಪದ್ಮಂ
ಸೌಭಾಗ್ಯಜನ್ಮವಸತಿಂ ತ್ರಿಪುರೇಯಥಾವತ್ ॥ 12 ॥
ಸರ್ವಾರ್ಥಭಾವಿಭುವನಂ ಸೃಜತೀಂದುರೂಪಾ
ಯಾತದ್ಬಿಭರ್ತಿ ಪುನರರ್ಕ ತನುಸ್ಸ್ವಶಕ್ತ್ಯಾ ।
ಬ್ರಹ್ಮಾತ್ಮಿಕಾಹರತಿತಂ ಸಕಲಮ್ಯುಗಾಂತೇ
ತಾಂ ಶಾರದಾಂ ಮನಸಿ ಜಾತು ನ ವಿಸ್ಮರಾಮಿ ॥ 13 ॥
ನಾರಾಯಣೀತಿ ನರಕಾರ್ಣವತಾರಿಣೀತಿ
ಗೌರೀತಿ ಖೇದಶಮನೀತಿ ಸರಸ್ವತೀತಿ ।
ಜ್ಞಾನಪ್ರದೇತಿ ನಯನತ್ರಯಭೂಷಿತೇತಿ
ತ್ವಾಮದ್ರಿರಾಜತನಯೇ ವಿಬುಧಾ ಪದಂತಿ ॥ 14 ॥
ಯೇಸ್ತುವಂತಿಜಗನ್ಮಾತಃ ಶ್ಲೋಕೈರ್ದ್ವಾದಶಭಿಃಕ್ರಮಾತ್ ।
ತ್ವಾಮನು ಪಾಪ್ರ್ಯವಾಕ್ಸಿದ್ಧಿಂ ಪ್ರಾಪ್ನುಯುಸ್ತೇ ಪರಾಮ್ಶ್ರಿಯಂ ॥ 15 ॥
ಇತಿತೇ ಕಥಿತಂ ದೇವಿ ಪಂಚಾಂಗಂ ಭೈರವೀಮಯಂ ।
ಗುಹ್ಯಾದ್ಗೋಪ್ಯತಮಂಗೋಪ್ಯಂ ಗೋಪನೀಯಂ ಸ್ವಯೋನಿವತ್ ॥ 16 ॥
ಇತಿ ಶ್ರೀ ರುದ್ರಯಾಮಲೇ ಉಮಾಮಹೇಶ್ವರ ಸಂವಾದೇ ಪಂಚಾಂಗಖಂಡ ನಿರೂಪಣೇ ಶ್ರೀಭೈರವೀಸ್ತೋತ್ರಂ ।
Recite with devotion and pure heart
Regular practice brings spiritual benefits