Dhumavathi Hridayam

oṃ asya śrī dhūmāvatīhṛdayastotra mahāmantrasya-pippalādaṛṣiḥ- anuṣṭupchandaḥ- śrī dhūmāvatī devatā- dhūṃ bījaṃ- hrīṃ śaktiḥ- klīṃ kīlakaṃ -sarvaśatru saṃhārārthe jape viniyogaḥ karanyāsaḥ – oṃ dhāṃ aṅguṣṭhābhyāṃ namaḥ । oṃ dhīṃ tarjanībhyāṃ namaḥ । oṃ dhūṃ madhyamābhẏāṃ namaḥ । oṃ dhaiṃ anāmikābhyāṃ namaḥ । oṃ dhauṃ kaniṣṭhakābhẏāṃ namaḥ । oṃ dhaḥ karatalakarapṛṣṭhābhyāṃ namaḥ । aṅganyāsaḥ – oṃ dhāṃ hṛdayāya namaḥ । oṃ dhīṃ śirase svāhā । oṃ dhūṃ śikhāyai vaṣaṭ । oṃ dhaiṃ kavacāya huṃ । oṃ dhauṃ netratrayāya vauṣaṭ । oṃ dhaḥ astrāya phaṭ । dhyānam । dhūmrābhāṃ dhūmravastrāṃ prakaṭitadaśanāṃ muktabālāmbarāḍhyāṃ । kākāṅkasyandanasthāṃ dhavalakarayugāṃ śūrpahastātirūkṣām । kaṅkāṅkṣutkṣānta dehaṃ muhurati kuṭilāṃ vāridābhāṃ vicitrāṃ । dhyāyeddhūmāvatīṃ kuṭilitanayanāṃ bhītidāṃ bhīṣaṇāsyām ॥ 1 ॥ kalpādau yā kālikādyā'cīkalanmadhukaiṭabhau । kalpānte trijagatsarvaṃ bhaje dhūmāvatīmaham ॥ 2 ॥ guṇāgārā gamyaguṇā yā guṇāguṇavardhinī । gītāvedārthatattvajñaiḥ bhaje dhūmāvatīmaham ॥ 3 ॥ khaṭvāṅgadhāriṇī kharvakhaṇḍinī khalarakṣasāṃ । dhāriṇī kheṭakasyāpi bhaje dhūmāvatīmaham ॥ 4 ॥ ghūrṇa ghūrṇakarāghorā ghūrṇitākṣī ghanasvanā । ghātinī ghātakānāṃ yā bhaje dhūmāvatīmaham ॥ 5 ॥ carvantīmastikhaṇḍānāṃ caṇḍamuṇḍavidāriṇīṃ । caṇḍāṭṭahāsinīṃ devīṃ bhaje dhūmāvatīmaham ॥ 6 ॥ chinnagrīvāṃ kṣatāñchannāṃ chinnamastāsvarūpiṇīṃ । chedinīṃ duṣṭasaṅghānāṃ bhaje dhūmāvatīmaham ॥ 7 ॥ jātāyā yācitādevairasurāṇāṃ vighātinīṃ । jalpantīṃ bahugarjantīṃ bhajetāṃ dhūmrarūpiṇīm ॥ 8 ॥ jhaṅkārakāriṇīṃ jhuñjhā jhañjhamājhamavādinīṃ । jhaṭityākarṣiṇīṃ devīṃ bhaje dhūmāvatīmaham ॥ 9 ॥ hetipaṭaṅkārasamyuktān dhanuṣṭaṅkārakāriṇīṃ । ghorāghanaghaṭāṭopāṃ vande dhūmāvatīmaham ॥ 10 ॥ ṭhaṇṭhaṇṭhaṇṭhaṃ manuprītāṃ ṭhaḥṭhaḥmantrasvarūpiṇīṃ । ṭhamakāhvagatiprītāṃ bhaje dhūmāvatīmaham ॥ 11 ॥ ḍamarū ḍiṇḍimārāvāṃ ḍākinīgaṇamaṇḍitāṃ । ḍākinībhogasantuṣṭāṃ bhaje dhūmāvatīmaham ॥ 12 ॥ ḍhakkānādenasantuṣṭāṃ ḍhakkāvādanasiddhidāṃ । ḍhakkāvādacalaccittāṃ bhaje dhūmāvatīmaham ॥ 13 ॥ tatvavārtā priyaprāṇāṃ bhavapāthodhitāriṇīṃ । tārasvarūpiṇīṃ tārāṃ bhaje dhūmāvatīmaham ॥ 14 ॥ thānthīnthūnthemantrarūpāṃ thainthothanthaḥsvarūpiṇīṃ । thakāravarṇasarvasvāṃ bhaje dhūmāvatīmaham ॥ 15 ॥ durgāsvarūpiṇīdevīṃ duṣṭadānavadāriṇīṃ । devadaityakṛtadhvaṃsāṃ vande dhūmāvatīmaham ॥ 16 ॥ dhvāntākārāndhakadhvaṃsāṃ muktadhammilladhāriṇīṃ । dhūmadhārāprabhāṃ dhīrāṃ bhaje dhūmāvatīmaham ॥ 17 ॥ nartakīnaṭanaprītāṃ nāṭyakarmavivardhinīṃ । nārasiṃhīṃ narārādhyāṃ n_oṃi dhūmāvatīmaham ॥ 18 ॥ pārvatīpatisampūjyāṃ parvatoparivāsinīṃ । padmārūpāṃ padmapūjyāṃ n_oṃi dhūmāvatīmaham ॥ 19 ॥ phūtkārasahitaśvāsāṃ phaṭmantraphaladāyinīṃ । phetkārigaṇasaṃsevyāṃ seve dhūmāvatīmaham ॥ 20 ॥ balipūjyāṃ balārādhyāṃ bagalārūpiṇīṃ varāṃ । brahmādivanditāṃ vidyāṃ vande dhūmāvatīmaham ॥ 21 ॥ bhavyarūpāṃ bhavārādhyāṃ bhuvaneśīsvarūpiṇīṃ । bhaktabhavyapradāṃ devīṃ bhaje dhūmāvatīmaham ॥ 22 ॥ māyāṃ madhumatīṃ mānyāṃ makaradhvajamānitāṃ । matsyamāṃsamadāsvādāṃ manye dhūmāvatīmaham ॥ 23 ॥ yogayajñaprasannāsyāṃ yoginīparisevitāṃ । yaśodāṃ yajñaphaladāṃ yajeddhūmāvatīmaham ॥ 24 ॥ rāmārādhyapadadvandvāṃ rāvaṇadhvaṃsakāriṇīṃ । rameśaramaṇīpūjyāmahaṃ dhūmāvatīṃ śraye ॥ 25 ॥ lakṣalīlākalālakṣyāṃ lokavandyapadāmbujāṃ । lambitāṃ bījakośāḍhyāṃ vande dhūmāvatīmaham ॥ 26 ॥ bakapūjyapadāṃbhojāṃ bakadhyānaparāyaṇāṃ । bālāntīkārisandhyeyāṃ vande dhūmāvatīmaham ॥ 27 ॥ śaṅkarīṃ śaṅkaraprāṇāṃ saṅkaṭadhvaṃsakāriṇīṃ । śatrusaṃhāriṇīṃ śuddhāṃ śraye dhūmāvatīmaham ॥ 28 ॥ ṣaḍānanārisaṃhantrīṃ ṣoḍaśīrūpadhāriṇīṃ । ṣaḍrasāsvādinīṃ s_oṃyāṃ neve dhūmāvatīmaham ॥ 29 ॥ surasevitapādābjāṃ surasaukhyapradāyinīṃ । sundarīgaṇasaṃsevyāṃ seve dhūmāvatīmaham ॥ 30 ॥ herambajananīṃ yogyāṃ hāsyalāsyavihāriṇīṃ । hāriṇīṃ śatrusaṅghānāṃ seve dhūmāvatīmaham ॥ 31 ॥ kṣīrodatīrasaṃvāsāṃ kṣīrapānapraharṣitāṃ । kṣaṇadeśejyapādābjāṃ seve dhūmāvatīmaham ॥ 32 ॥ catustrimśadvarṇakānāṃ prativarṇādināmabhiḥ । kṛtaṃ tu hṛdayastotraṃ dhūmāvatyāssusiddhidam ॥ 33 ॥ ya idaṃ paṭhati stotraṃ pavitraṃ pāpanāśanaṃ । sa prāpnoti parāṃ siddhaṃ dhūmāvatyāḥ prasādataḥ ॥ 34 ॥ paṭhannekāgracittoyo yadyadicchati mānavaḥ । tatsarvaṃ samavāpnoti satyaṃ satyaṃ vadāmyaham ॥ 35 ॥ iti dhūmāvatīhṛdayam ।

Recite with devotion and pure heart

Regular practice brings spiritual benefits

More stotras of Devi: