हैंహైHaindavamஹிહિં
📍
Font Size:
ത്രിപുര ഭൈരവീ ഹൃദയം
മേരൗ ഗിരിവരേഗൗരീ ശിവധ്യാനപരായണാ ।
പാർവതീ പരിപപ്രച്ഛ പരാനുഗ്രഹവാഞ്ഛയാ ॥ 1 ॥
ശ്രീപാർവത്യുവാച-
ഭഗവംസ്ത്വന്മുഖാംഭോജാച്ഛ്രുതാ ധർമാ അനേകശഃ ।
പുനശ്ശ്രോതും സമിച്ഛാമി ഭൈരവീസ്തോത്രമുത്തമം ॥ 2 ॥
ശ്രീശങ്കര ഉവാച-
ശൃണു ദേവി പ്രവക്ഷ്യാമി ഭൈരവീ ഹൃദയാഹ്വയം ।
സ്തോത്രം തു പരമം പുണ്യം സർവകല്യാണകാരകം ॥ 3 ॥
യസ്യ ശ്രവണമാത്രേണ സർവാഭീഷ്ടം ഭവേദ്ധ്രുവം ।
വിനാ ധ്യാനാദിനാ വാഽപി ഭൈരവീ പരിതുഷ്യതി ॥ 4 ॥
ഓം അസ്യ ശ്രീഭൈരവീഹൃദയമന്ത്രസ്യ ദക്ഷിണാമൂർതിഃ ഋഷിഃ പംങ്ക്തിശ്ഛന്ദഃ – ഭയവിധ്വംസിനീ ഭൈരവീദേവതാ – ഹകാരോ ബീജം – രീം ശക്തിഃ – രൈഃ കീലകം സർവഭയവിധ്വംസനാർഥേ ജപേ വിനിയോഗഃ ॥
അഥ കരന്യാസഃ ।
ഓം ഹ്രീം അംഗുഷ്ഠാഭ്യാം നമഃ ।
ഓം ശ്രീം തർജനീഭ്യാം നമഃ ।
ഓം ഐം മധ്യമാഭ്യാം നമഃ ।
ഓം ഹ്രീം അനാമികാഭ്യാം നമഃ ।
ഓം ശ്രീം കനിഷ്ഠികാഭ്യാം നമഃ ।
ഓം ഐം കരതലകരപൃഷ്ഠാഭ്യാം നമഃ ॥
അഥാംഗന്യാസഃ ।
ഓം ഹ്രീം ഹൃദയായ നമഃ ।
ഓം ശ്രീം ശിരസേ സ്വാഹാ ।
ഓം ഐം ശിഖായൈ വഷട് ।
ഓം ഹ്രീം കവചായ ഹും ।
ഓം ശ്രീം നേത്രത്രയായ വൗഷട് ।
ഓം ഐം അസ്ത്രായ ഫട് ।
ധ്യാനം ।
ദേവൈർധ്യേയാം ത്രിനേത്രാമസുരഭടഘനാരണ്യഘോരാഗ്നി രൂപാം
രൗദ്രീം രക്താംബരാഢ്യാം രതി ഘടഘടിതോ രോജയുഗ്മോഗ്രരൂപാം ।
ചന്ദ്രാർധഭ്രാജി ഭവ്യാഭരണ കരലസദ്ബാലബിംബാം ഭവാനീം
സിന്ദൂരാപൂരിതാംഗീം ത്രിഭുവനജനനീം ഭൈരവീം ഭാവയാമി ॥ 1 ॥
പഞ്ചചാമരവൃത്തം –
ഭവഭ്രമത്സമസ്തഭൂത വേദമാർഗദായിനീം
ദുരന്തദുഃഖദാരിണീം സുരദ്രുഹാം
ഭവപ്രദാം ഭവാന്ധകാരഭേദന പ്രഭാകരാം
മിതപ്രഭാം ഭവച്ഛിദാം ഭജാമി ഭൈരവീം സദാ ॥ 2 ॥
ഉരഃ പ്രലംബിതാഹിമാല്യചന്ദ്രബാലഭൂഷണാം
നവാംബുദപ്രഭാം സരോജചാരുലോചനത്രയാം
സുപർവബൃന്ദവന്ദിതാം സുരാപദന്തകാരകാം
ഭവാനുഭാവഭാവിനീം ഭജാമി ഭൈരവീം സദാ ॥ 3 ॥
അഖണ്ഡഭൂമി മണ്ഡലൈക ഭാരധീരധാരിണീം
സുഭക്തിഭാവിതാത്മനാം വിഭൂതിഭവ്യദായിനീം
ഭവപ്രപഞ്ചകാരിണീം വിഹാരിണീം ഭവാംബുധൗ
ഭവസ്യഹൃദയഭാവിനീം ഭജാമി ബൈരവീം സദാ ॥ 4 ॥
ശരച്ചമത്കൃതാർധ ചന്ദ്രചന്ദ്രികാവിരോധിക
പ്രഭാവതീ മുഖാബ്ജ മഞ്ജുമാധുരീ മിലദ്ഗിരാം
ഭുജംഗമാലയാ നൃമുണ്ഡമാലയാ ച മണ്ഡിതാം
സുഭക്തിമുക്തിഭൂതിദാം ഭജാമി ഭൈരവീം സദാ ॥ 5 ॥
സുധാമ്ശുസൂര്യവഹ്നി ലോചനത്രയാന്വിതാനനാം
നരാന്തകാന്തക പ്രഭൂതി സർവദത്തദക്ഷിണാം
സമുണ്ഡചണ്ഡഖണ്ഡന പ്രചണ്ഡചന്ദ്രഹാസിനീം
തമോമതിപ്രകാശിനീം ഭജാമി ഭൈരവീം സദാ ॥ 6 ॥
ത്രിശൂലിനീം ത്രിപുണ്ഡ്രിനീം ത്രിഖണ്ഡിനീം ത്രിദണ്ഡിനീം
ഗുണത്രയാതിരിക്തമപ്യചിന്ത്യചിത്സ്വരൂപിണീം
സവാസവാഽദിതേയവൈരി ബൃന്ദവമ്ശഭേദിനീം
ഭവപ്രഭാവഭാവിനീം ഭജാമി ഭൈരവീം സദാ ॥ 7 ॥
സുദീപ്തകോടിബാലഭാനുമണ്ഡലപ്രഭാംഗഭാം
ദിഗന്തദാരിതാന്ധകാര ഭൂരിപുഞ്ജപദ്ധതിം
ദ്വിജന്മനിത്യധർമനീതിവൃദ്ധിലഗ്നമാനസാം
സരോജരോചിരാനനാം ഭജാമി ഭൈരവീം സദാ ॥ 8 ॥
ചലത്സുവർണകുണ്ഡല പ്രഭോല്ലസത്കപോലരുക്
സമാകുലാനനാംബുജസ്ഥശുഭ്രകീര നാസികാം
സചന്ദ്രഭാലഭൈരവാസ്യ ദർശന സ്പൃഹച്ചകോര-
നീലകഞ്ജദർശനാം ഭജാമി ഭൈരവീം സദാ ॥ 9 ॥
ഇദംഹൃദാഖ്യസംഗതസ്തവം പഠന്തിയേഽനിശം
പഠന്തി തേ കദാപിനാന്ധകൂപരൂപവദ്ഭവേ
ഭവന്തി ച പ്രഭൂതഭക്തി മുക്തിരൂപ ഉജ്ജ്വലാഃ
സ്തുതാ പ്രസീദതി പ്രമോദമാനസാ ച ഭൈരവീ ॥ 10 ॥
യശോജഗത്യജസ്രമുജ്ജ്വലഞ്ജയത്യലംസമോ
ന തസ്യ ജായതേ പരാജയോഽഞ്ജസാ ജഗത്ത്രയേ
സദാ സ്തുതിം ശുഭാമിമാം പഠത്യനന്യമാനസോ
ഭവന്തി തസ്യ സമ്പദോഽപി സന്തതം സുഖപ്രദാഃ ॥ 11 ॥
ജപപൂജാദികാസ്സർവാഃ സ്തോത്രപാഠാദികാശ്ച യാഃ
ഭൈരവീഹൃദയസ്യാസ്യ കലാന്നാർഹന്തി ഷോഡശീം ॥ 12 ॥
കിമത്ര ബഹിനോക്തേന ശൃണു ദേവി മഹേശ്വരി
നാതഃ പരതരം കിഞ്ചിത് പുണ്യമസ്തി ജഗത്ത്രയേ ॥ 13 ॥
ഇതി ശ്രീ ഭൈരവകുലസർവസ്വേ ശ്രീഭൈരവീഹൃദയസ്തോത്രം ॥
Recite with devotion and pure heart
Regular practice brings spiritual benefits