हैंహైHaindavamஹிહિં
📍
Font Size:
ತಾರಾ ಹೃದಯಂ
ಶ್ರೀ ಶಿವ ಉವಾಚ ।
ಶೃಣು ಪಾರ್ವತಿ ಭದ್ರಂ ತೇ ಲೋಕಾನಾಂ ಹಿತಕಾರಕಂ ।
ಕಥ್ಯತೇ ಸರ್ವದಾ ಗೋಪ್ಯಂ ತಾರಾಹೃದಯಮುತ್ತಮಂ ॥ 1 ॥
ಶ್ರೀ ಪಾರ್ವತ್ಯುವಾಚ ।
ಸ್ತೋತ್ರಂ ಕಥಂ ಸಮುತ್ಪನ್ನಂ ಕೃತಂ ಕೇನ ಪುರಾ ಪ್ರಭೋ ।
ಕಥ್ಯತಾಂ ಸರ್ವವೃತ್ತಾಂತಂ ಕೃಪಾಂ ಕೃತ್ವಾ ಮಮೋಪರಿ ॥ 2 ॥
ಶ್ರೀ ಶಿವ ಉವಾಚ ।
ರಣೇದೇವಾಸುರೇ ಪೂರ್ವಂ ಕೃತಮಿಂದ್ರೇಣ ಸುಪ್ರಿಯೇ ।
ದುಷ್ಟಶತ್ರುವಿನಾಶಾರ್ಥಂ ಬಲ ವೃದ್ಧಿ ಯಶಸ್ಕರಂ ॥ 3 ॥
ಓಂ ಅಸ್ಯ ಶ್ರೀಮದುಗ್ರತಾರಾ ಹೃದಯ ಸ್ತೋತ್ರ ಮಂತ್ರಸ್ಯ – ಶ್ರೀ ಭೈರವ ಋಷಿಃ – ಅನುಷ್ಟುಪ್ಛಂದಃ – ಶ್ರೀಮದುಗ್ರತಾರಾದೇವತಾ – ಸ್ತ್ರೀಂ ಬೀಜಂ – ಹೂಮ್ಶಕ್ತಿಃ – ನಮಃ ಕೀಲಕಂ – ಸಕಲಶತ್ರುವಿನಾಶಾರ್ಥೇ ಜಪೇ ವಿನಿಯೋಗಃ ।
ಕರನ್ಯಾಸಃ –
ಓಂ ಸ್ತ್ರೀಂ ಅಂಗುಷ್ಠಾಭ್ಯಾಂ ನಮಃ ।
ಓಂ ಹ್ರೀಂ ತರ್ಜನೀಭ್ಯಾಂ ನಮಃ ।
ಓಂ ಹೂಂ ಮಧ್ಯಮಾಭ್ಯ಼ಾಂ ನಮಃ ।
ಓಂ ತ್ರೀಂ ಅನಾಮಿಕಾಭ್ಯಾಂ ನಮಃ ।
ಓಂ ಐಂ ಕನಿಷ್ಠಕಾಭ್ಯ಼ಾಂ ನಮಃ ।
ಓಂ ಹಂಸಃ ಕರತಲಕರಪೃಷ್ಠಾಭ್ಯಾಂ ನಮಃ ।
ಅಂಗನ್ಯಾಸಃ –
ಓಂ ಸ್ತ್ರೀಂ ಹೃದಯಾಯ ನಮಃ ।
ಓಂ ಹ್ರೀಂ ಶಿರಸೇ ಸ್ವಾಹಾ ।
ಓಂ ಹೂಂ ಶಿಖಾಯೈ ವಷಟ್ ।
ಓಂ ತ್ರೀಂ ಕವಚಾಯ ಹುಂ ।
ಓಂ ಐಂ ನೇತ್ರತ್ರಯಾಯ ವೌಷಟ್ ।
ಓಂ ಹಂಸಃ ಅಸ್ತ್ರಾಯಫಟ್ ।
ಧ್ಯಾನಂ ।
ಧ್ಯಾಯೇತ್ಕೋಟಿದಿವಾಕರದ್ಯುತಿನಿಭಾಂ ಬಾಲೇಂದುಯುಕ್ಛೇಖರಾಂ
ರಕ್ತಾಂಗೀಂ ವಿಕಟಾಂ ಸುರಕ್ತವಸನಾಂ ಪೂರ್ಣೇಂದುಬಿಂಬಾನನಾಂ ।
ಪಾಶಂಖಡ್ಗಮಹಾಂಕುಶಾದಿ ದಧತೀಂ ದೋರ್ಭಿಶ್ಚತುರ್ಭಿರ್ಯುತಾಂ
ನಾನಾಭೂಷಣಭೂಷಿತಾಂ ಭಗವತೀಂ ತಾರಾಂ ಜಗತ್ತಾರಿಣೀಂ ॥ 4 ॥
ಏವಂ ಧ್ಯಾತ್ವಾ ಶುಭಾಂ ತಾರಾಂ ತತಸ್ತು ಹೃದಯಂ ಪಠೇತ್ ।
ತಾರಿಣೀ ತತ್ತ್ವನಿಷ್ಠಾನಾಂ ಸರ್ವತತ್ತ್ವಪ್ರಕಾಶಿಕಾ ॥ 5 ॥
ರಾಮಾಭಿನ್ನಾಪದಾಶಕ್ತಿಶ್ಶತ್ರುನಾಶಂ ಕರೋತು ಮೇ ।
ಸರ್ವದಾಶತ್ರುಸಂರಂಭೇ ತಾರಾ ಮೇ ಕುರುತಾಂ ಜಯಂ ॥ 6 ॥
ಸ್ತ್ರೀಂ ತ್ರೀಂ ಸ್ವರೂಪಿಣೀ ದೇವೀ ತ್ರಿಷು ಲೋಕೇಷು ವಿಶ್ರುತಾ ।
ತವ ಸ್ನೇಹಾನ್ಮಯಾಖ್ಯಾತಂ ನ ಪಶೂನಾಂ ಪ್ರಕಾಶಯೇತ್ ॥ 7 ॥
ಶೃಣು ದೇವಿ ತವಸ್ನೇಹಾತ್ತಾರಾನಾಮಾನಿ ತತ್ವತಃ ।
ವರ್ಣಯಿಷ್ಯಾಮಿ ಗುಪ್ತಾನಿ ದುರ್ಲಭಾನಿ ಜಗತ್ತ್ರಯೇ ॥ 8 ॥
ತಾರಿಣೀ ತರಲಾ ತಾರಾ ತ್ರಿರೂಪಾ ತರಣೀಪ್ರಭಾ ।
ತತ್ತ್ವರೂಪಾ ಮಹಾಸಾಧ್ವೀ ಸರ್ವಸಜ್ಜನಪಾಲಿಕಾ ॥ 9 ॥
ರಮಣೀಯಾ ರಜೋರೂಪಾ ಜಗತ್ಸೃಷ್ಟಿಕರೀ ಪರಾ ।
ತಮೋರೂಪಾ ಮಹಾಮಾಯಾ ಘೋರಾರಾವಾ ಭಯಾನಕಾ ॥ 10 ॥
ಕಾಲರೂಪಾ ಕಾಲಿಕಾಖ್ಯಾ ಜಗದ್ವಿಧ್ವಂಸಕಾರಿಣೀ ।
ತತ್ತ್ವಜ್ಞಾನಾ ಪರಾನಂತಾ ತತ್ತ್ವಜ್ಞಾನಪ್ರದಾಽನಘಾ ॥ 11 ॥
ರಕ್ತಾಂಗೀ ರಕ್ತವಸ್ತ್ರಾ ಚ ರಕ್ತಮಾಲಾಸುಶೋಭಿತಾ ।
ಸಿದ್ಧಿಲಕ್ಷ್ಮೀಶ್ಚ ಬ್ರಹ್ಮಾಣಿ ಮಹಾಕಾಲೀ ಮಹಾಲಯಾ ॥ 12 ॥
ನಾಮಾನ್ಯೇತಾನಿ ಯೇ ಮರ್ತ್ಯಾಸ್ಸರ್ವದೈಕಾಗ್ರಮಾನಸಾಃ ।
ಪ್ರಪಠಂತಿ ಪ್ರಿಯೇ ತೇಷಾಂ ಕಿಂಕರತ್ವಂ ಕರೋಮ್ಯಹಂ ॥ 13 ॥
ತಾರಾಂ ತಾರಪರಾಂದೇವೀಂ ತಾರಕೇಶ್ವರಪೂಜಿತಾಂ ।
ತಾರಿಣೀಂ ಭವಪಾಥೋಧೇರುಗ್ರತಾರಾಂ ಭಜಾಮ್ಯಹಂ ॥ 14 ॥
ಸ್ತ್ರೀಂ ಹ್ರೀಂ ಹೂಂ ತ್ರೀಂ ಫಣ್ಮಂತ್ರೇಣ ಜಲಂ ಜಪ್ತ್ವಾಽಭಿಷೇಚಯೇತ್ ।
ಸರ್ವರೋಗಾಃ ಪ್ರಣಶ್ಯಂತಿ ಸತ್ಯಂ ಸತ್ಯಂ ವದಾಮ್ಯಹಂ ॥ 15 ॥
ತ್ರೀಂ ಸ್ವಾಹಾಂತೈರ್ಮಹಾಮಂತ್ರೈಶ್ಚಂದನಂ ಸಾಧಯೇತ್ತತಃ ।
ತಿಲಕಂ ಕುರುತೇ ಪ್ರಾಜ್ಞೋ ಲೋಕೋವಶ್ಯೋಭವೇತ್ಪ್ರಿಯೇ ॥ 16 ॥
ಸ್ತ್ರೀಂ ಹ್ರೀಂ ತ್ರೀಂ ಸ್ವಾಹಾ ಮಂತ್ರೇಣ ಶ್ಮಶಾನಂ ಭಸ್ಮ ಮಂತ್ರಯೇತ್ ।
ಶತ್ರೋರ್ಗೃಹೇ ಪ್ರತಿಕ್ಷಿಪ್ತೇ ಶತ್ರೋರ್ಮೃತ್ಯುರ್ಭವಿಷ್ಯತಿ ॥ 17 ॥
ಹ್ರೀಂ ಹೂಂ ಸ್ತ್ರೀಂ ಫಡಂತಮಂತ್ರೈಃ ಪುಷ್ಪಂ ಸಮ್ಶೋಧ್ಯಸಪ್ತಧಾ ।
ಉಚ್ಚಾಟನಂ ಕರೋತ್ಯಾಶು ರಿಪೂಣಾಂ ನೈವ ಸಮ್ಶಯಃ ॥ 18 ॥
ಸ್ತ್ರೀಂ ತ್ರೀಂ ಹ್ರೀಂ ಮಂತ್ರವರ್ಯೇಣ ಅಕ್ಷತಾಶ್ಚಾಭಿ ಮಂತ್ರಿತಾಃ ।
ತತ್ಪ್ರತಿಕ್ಷೇಪಮಾತ್ರೇಣ ಶೀಘ್ರಮಾಯಾತಿ ಮಾನಿನೀ ॥ 19 ॥
ಹಂಸಃ ಓಂ ಹ್ರೀಂ ಸ್ತ್ರೀಂ ಹೂಂ ಹಂಸಃ ।
ಇತಿ ಮಂತ್ರೇಣ ಜಪ್ತೇನ ಶೋಧಿತಂ ಕಜ್ಜಲಂ ಪ್ರಿಯೇ ।
ತಸ್ಯೈವ ತಿಲಕಂ ಕೃತ್ವಾ ಜಗನ್ಮೋಹಂ ಸ ವಶಂ ನಯೇತ್ ॥ 20 ॥
ತಾರಾಯಾ ಹೃದಯಂ ದೇವಿ ಸರ್ವಪಾಪಪ್ರಣಾಶನಂ ।
ರಾಜಪೇಯಾದಿ ಯಜ್ಞಾನಾಂ ಕೋಟಿ ಕೋಟಿ ಗುಣೋತ್ತರಂ ॥ 21 ॥
ಗಂಗಾದಿ ಸರ್ವತೀರ್ಥಾನಾಂ ಫಲಂ ಕೋಟಿಗುಣಂ ಸ್ಮೃತಂ ।
ಮಹಾದುಃಖೇ ಮಹಾರೋಗೇ ಸಂಕಟೇ ಪ್ರಾಣಸಮ್ಶಯೇ ॥ 22 ॥
ಮಹಾಭಯೇ ಮಹಾಘೋರೇ ಪಠೇತ್ ಸ್ತೋತ್ರಂ ಮಹೋತ್ತಮಂ ।
ಸತ್ಯಂ ಸತ್ಯಂ ಮಯೋಕ್ತಂತೇ ಪಾರ್ವತಿ ಪ್ರಾಣವಲ್ಲಭೇ ॥ 23 ॥
ಗೋಪನೀಯಂ ಪ್ರಯತ್ನೇನ ನ ಪ್ರಕಾಶ್ಯಮಿದಂ ಕ್ವಚಿತ್ ॥ 24 ॥
ಇತಿ ಶ್ರೀ ಭೈರವೀತಂತ್ರೇ ಶಿವಪಾರ್ವತೀ ಸಂವಾದೇ ಶ್ರೀಮದುಗ್ರತಾರಾಹೃದಯಂ ।
Recite with devotion and pure heart
Regular practice brings spiritual benefits