हैंహైHaindavamஹிહિં
📍
Font Size:
ಶ್ಯಾಮಲಾ ಸ್ತೋತ್ರಂ
ಜಯ ಮಾತರ್ವಿಶಾಲಾಕ್ಷಿ ಜಯ ಸಂಗೀತಮಾತೃಕೇ ।
ಜಯ ಮಾತಂಗಿ ಚಂಡಾಲಿ ಗೃಹೀತಮಧುಪಾತ್ರಕೇ ॥ 1 ॥
ನಮಸ್ತೇಽಸ್ತು ಮಹಾದೇವಿ ನಮೋ ಭಗವತೀಶ್ವರಿ ।
ನಮಸ್ತೇಽಸ್ತು ಜಗನ್ಮಾತರ್ಜಯ ಶಂಕರವಲ್ಲಭೇ ॥ 2 ॥
ಜಯ ತ್ವಂ ಶ್ಯಾಮಲೇ ದೇವಿ ಶುಕಶ್ಯಾಮೇ ನಮೋಽಸ್ತು ತೇ ।
ಮಹಾಶ್ಯಾಮೇ ಮಹಾರಾಮೇ ಜಯ ಸರ್ವಮನೋಹರೇ ॥ 3 ॥
ಜಯ ನೀಲೋತ್ಪಲಪ್ರಖ್ಯೇ ಜಯ ಸರ್ವವಶಂಕರಿ ।
ಜಯ ತ್ವಜಾತ್ವಸಂಸ್ತುತ್ಯೇ ಲಘುಶ್ಯಾಮೇ ನಮೋಽಸ್ತು ತೇ ॥ 4 ॥
ನಮೋ ನಮಸ್ತೇ ರಕ್ತಾಕ್ಷಿ ಜಯ ತ್ವಂ ಮದಶಾಲಿನಿ ।
ಜಯ ಮಾತರ್ಮಹಾಲಕ್ಷ್ಮಿ ವಾಗೀಶ್ವರಿ ನಮೋಽಸ್ತು ತೇ ॥ 5 ॥
ನಮ ಇಂದ್ರಾದಿಸಂಸ್ತುತ್ಯೇ ನಮೋ ಬ್ರಹ್ಮಾದಿಪೂಜಿತೇ ।
ನಮೋ ಮರಕತಪ್ರಖ್ಯೇ ಶಂಖಕುಂಡಲಶೋಭಿತೇ ॥ 6 ॥
ಜಯ ತ್ವಂ ಜಗದೀಶಾನಿ ಲೋಕಮೋಹಿನಿ ತೇ ನಮಃ ।
ನಮಸ್ತೇಽಸ್ತು ಮಹಾಕೃಷ್ಣೇ ನಮೋ ವಿಶ್ವೇಶವಲ್ಲಭೇ ॥ 7 ॥
ಮಹೇಶ್ವರಿ ನಮಸ್ತೇಽಸ್ತು ನೀಲಾಂಬರಸಮನ್ವಿತೇ ।
ನಮಃ ಕಲ್ಯಾಣಿ ಕೃಷ್ಣಾಂಗಿ ನಮಸ್ತೇ ಪರಮೇಶ್ವರಿ ॥ 8 ॥
ಮಹಾದೇವಪ್ರಿಯಕರಿ ನಮಃ ಸರ್ವವಶಂಕರಿ ।
ಮಹಾಸೌಭಾಗ್ಯದೇ ನೄಣಾಂ ಕದಂಬವನವಾಸಿನಿ ॥ 9 ॥
ಜಯ ಸಂಗೀತರಸಿಕೇ ವೀಣಾಹಸ್ತೇ ನಮೋಽಸ್ತು ತೇ ।
ಜನಮೋಹಿನಿ ವಂದೇ ತ್ವಾಂ ಬ್ರಹ್ಮವಿಷ್ಣುಶಿವಾತ್ಮಿಕೇ ॥ 10 ॥
ವಾಗ್ವಾದಿನಿ ನಮಸ್ತುಭ್ಯಂ ಸರ್ವವಿದ್ಯಾಪ್ರದೇ ನಮಃ ।
ನಮಸ್ತೇ ಕುಲದೇವೇಶಿ ನಮೋ ನಾರೀವಶಂಕರಿ ॥ 11 ॥
ಅಣಿಮಾದಿಗುಣಾಧಾರೇ ಜಯ ನೀಲಾದ್ರಿಸನ್ನಿಭೇ ।
ಶಂಖಪದ್ಮಾದಿಸಮ್ಯುಕ್ತೇ ಸಿದ್ಧಿದೇ ತ್ವಾಂ ಭಜಾಮ್ಯಹಂ ॥ 12 ॥
ಜಯ ತ್ವಂ ವರಭೂಷಾಂಗಿ ವರಾಂಗೀಂ ತ್ವಾಂ ಭಜಾಮ್ಯಹಂ ।
ದೇವೀಂ ವಂದೇ ಯೋಗಿವಂದ್ಯೇ ಜಯ ಲೋಕವಶಂಕರಿ ॥ 13 ॥
ಸರ್ವಾಲಂಕಾರಸಮ್ಯುಕ್ತೇ ನಮಸ್ತುಭ್ಯಂ ನಿಧೀಶ್ವರಿ ।
ಸರ್ಗಪಾಲನಸಂಹಾರಹೇತುಭೂತೇ ಸನಾತನಿ ॥ 14 ॥
ಜಯ ಮಾತಂಗತನಯೇ ಜಯ ನೀಲೋತ್ಪಲಪ್ರಭೇ ।
ಭಜೇ ಶಕ್ರಾದಿವಂದ್ಯೇ ತ್ವಾಂ ಜಯ ತ್ವಂ ಭುವನೇಶ್ವರಿ ॥ 15 ॥
ಜಯ ತ್ವಂ ಸರ್ವಭಕ್ತಾನಾಂ ಸಕಲಾಭೀಷ್ಟದಾಯಿನಿ ।
ಜಯ ತ್ವಂ ಸರ್ವಭದ್ರಾಂಗೀ ಭಕ್ತಾಽಶುಭವಿನಾಶಿನಿ ॥ 16 ॥
ಮಹಾವಿದ್ಯೇ ನಮಸ್ತುಭ್ಯಂ ಸಿದ್ಧಲಕ್ಷ್ಮಿ ನಮೋಽಸ್ತು ತೇ ।
ಬ್ರಹ್ಮವಿಷ್ಣುಶಿವಸ್ತುತ್ಯೇ ಭಕ್ತಾನಾಂ ಸರ್ವಕಾಮದೇ ॥ 17 ॥
ಮಾತಂಗೀಶ್ವರವಂದ್ಯೇ ತ್ವಾಂ ಪ್ರಸೀದ ಮಮ ಸರ್ವದಾ ।
ಇತ್ಯೇತಚ್ಛ್ಯಾಮಲಾಸ್ತೋತ್ರಂ ಸರ್ವಕಾಮಸಮೃದ್ಧಿದಂ ॥ 18 ॥
ಶುದ್ಧಾತ್ಮಾ ಪ್ರಜಪೇದ್ಯಸ್ತು ನಿತ್ಯಮೇಕಾಗ್ರಮಾನಸಃ ।
ಸ ಲಭೇತ್ಸಕಲಾನ್ಕಾಮಾನ್ ವಶೀಕುರ್ಯಾಜ್ಜಗತ್ತ್ರಯಂ ॥ 19 ॥
ಶೀಘ್ರಂ ದಾಸಾ ಭವಂತ್ಯಸ್ಯ ದೇವಾ ಯೋಗೀಶ್ವರಾದಯಃ ।
ರಂಭೋರ್ವಶ್ಯಾದ್ಯಪ್ಸರಸಾಮವ್ಯಯೋ ಮದನೋ ಭವೇತ್ ॥ 20 ॥
ನೃಪಾಶ್ಚ ಮರ್ತ್ಯಾಃ ಸರ್ವೇಽಸ್ಯ ಸದಾ ದಾಸಾ ಭವಂತಿ ಹಿ ।
ಲಭೇದಷ್ಟಗುಣೈಶ್ವರ್ಯಂ ದಾರಿದ್ರ್ಯೇಣ ವಿಮುಚ್ಯತೇ ॥ 21 ॥
ಶಂಖಾದಿ ನಿಧಯೋ ದ್ವಾರ್ಸ್ಥಾಃ ಸಾನ್ನಿಧ್ಯಂ ಪರ್ಯುಪಾಸತೇ ।
ವ್ಯಾಚಷ್ಟೇ ಸರ್ವಶಾಸ್ತ್ರಾಣಿ ಸರ್ವವಿದ್ಯಾನಿಧಿರ್ಭವೇತ್ ॥ 22 ॥
ವಿಮುಕ್ತಃ ಸಕಲಾಪದ್ಭಿಃ ಲಭೇತ್ಸಂಪತ್ತಿಮುತ್ತಮಾಂ ।
ಮಹಾಪಾಪೋಪಪಾಪೌಘೈಃ ಸಶೀಘ್ರಂ ಮುಚ್ಯತೇ ನರಃ ॥ 23 ॥
ಜಾತಿಸ್ಮರತ್ವಮಾಪ್ನೋತಿ ಬ್ರಹ್ಮಜ್ಞಾನಮನುತ್ತಮಂ ।
ಸದಾಶಿವತ್ವಮಾಪ್ನೋತಿ ಸೋಂತೇ ನಾತ್ರ ವಿಚಾರಣಾ ॥ 24 ॥
ಇತಿ ಶ್ರೀ ಶ್ಯಾಮಲಾ ಸ್ತೋತ್ರಂ ।
Recite with devotion and pure heart
Regular practice brings spiritual benefits