हैंహైHaindavamஹிહિં
📍
Font Size:
Ganga Stotram
devi! sureśvari! bhagavati! gaṃge tribhuvanatāriṇi taralataraṃge ।
śaṃkaramaulivihāriṇi vimale mama matirāstāṃ tava padakamale ॥ 1 ॥
bhāgīrathisukhadāyini mātastava jalamahimā nigame khyātaḥ ।
nāhaṃ jāne tava mahimānaṃ pāhi kṛpāmayi māmajñānam ॥ 2 ॥
haripadapādyataraṃgiṇi gaṃge himavidhumuktādhavalataraṃge ।
dūrīkuru mama duṣkṛtibhāraṃ kuru kṛpayā bhavasāgarapāram ॥ 3 ॥
tava jalamamalaṃ yena nipītaṃ paramapadaṃ khalu tena gṛhītam ।
mātargaṃge tvayi yo bhaktaḥ kila taṃ draṣṭuṃ na yamaḥ śaktaḥ ॥ 4 ॥
patitoddhāriṇi jāhnavi gaṃge khaṃḍita girivaramaṃḍita bhaṃge ।
bhīṣmajanani he munivarakanye patitanivāriṇi tribhuvana dhanye ॥ 5 ॥
kalpalatāmiva phaladāṃ loke praṇamati yastvāṃ na patati śoke ।
pārāvāravihāriṇi gaṃge vimukhayuvati kṛtataralāpāṃge ॥ 6 ॥
tava cenmātaḥ srotaḥ snātaḥ punarapi jaṭhare sopi na jātaḥ ।
narakanivāriṇi jāhnavi gaṃge kaluṣavināśini mahimottuṃge ॥ 7 ॥
punarasadaṃge puṇyataraṃge jaya jaya jāhnavi karuṇāpāṃge ।
iṃdramukuṭamaṇirājitacaraṇe sukhade śubhade bhṛtyaśaraṇye ॥ 8 ॥
rogaṃ śokaṃ tāpaṃ pāpaṃ hara me bhagavati kumatikalāpam ।
tribhuvanasāre vasudhāhāre tvamasi gatirmama khalu saṃsāre ॥ 9 ॥
alakānaṃde paramānaṃde kuru karuṇāmayi kātaravaṃdye ।
tava taṭanikaṭe yasya nivāsaḥ khalu vaikuṃṭhe tasya nivāsaḥ ॥ 10 ॥
varamiha nīre kamaṭho mīnaḥ kiṃ vā tīre śaraṭaḥ kṣīṇaḥ ।
athavāśvapaco malino dīnastava na hi dūre nṛpatikulīnaḥ ॥ 11 ॥
bho bhuvaneśvari puṇye dhanye devi dravamayi munivarakanye ।
gaṃgāstavamimamamalaṃ nityaṃ paṭhati naro yaḥ sa jayati satyam ॥ 12 ॥
yeṣāṃ hṛdaye gaṃgā bhaktisteṣāṃ bhavati sadā sukhamuktiḥ ।
madhurākaṃtā paṃjhaṭikābhiḥ paramānaṃdakalitalalitābhiḥ ॥ 13 ॥
gaṃgāstotramidaṃ bhavasāraṃ vāṃchitaphaladaṃ vimalaṃ sāram ।
śaṃkarasevaka śaṃkara racitaṃ paṭhati sukhīḥ tava iti ca samāptaḥ ॥ 14 ॥
Recite with devotion and pure heart
Regular practice brings spiritual benefits