ಶ್ಯಾಮಲಾ ಪಂಚಾಶತ್ಸ್ವರ ವರ್ಣಮಾಲಿಕಾ ಸ್ತೋತ್ರಂ

ವಂದೇಽಹಂ ವನಜೇಕ್ಷಣಾಂ ವಸುಮತೀಂ ವಾಗ್ದೇವಿ ತಾಂ ವೈಷ್ಣವೀಂ

ಶಬ್ದಬ್ರಹ್ಮಮಯೀಂ ಶಶಾಂಕವದನಾಂ ಶಾತೋದರೀಂ ಶಾಂಕರೀಂ ।

ಷಡ್ಬೀಜಾಂ ಸಶಿವಾಂ ಸಮಂಚಿತಪದಾಮಾಧಾರಚಕ್ರೇಸ್ಥಿತಾಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 1 ॥

ಬಾಲಾಂ ಭಾಸ್ಕರಭಾಸಮಪ್ರಭಯುತಾಂ ಭೀಮೇಶ್ವರೀಂ ಭಾರತೀಂ

ಮಾಣಿಕ್ಯಾಂಚಿತಹಾರಿಣೀಮಭಯದಾಂ ಯೋನಿಸ್ಥಿತೇಯಂ ಪದಾಂ ।

ಹ್ರಾಂ ಹ್ರಾಂ ಹ್ರೀಂ ಕಮಯೀಂ ರಜಸ್ತಮಹರೀಂ ಲಂಬೀಜಮೋಂಕಾರಿಣೀಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 2 ॥

ಡಂ ಢಂ ಣಂ ತ ಥಮಕ್ಷರೀಂ ತವ ಕಲಾಂತಾದ್ಯಾಕೃತೀತುರ್ಯಗಾಂ

ದಂ ಧಂ ನಂ ನವಕೋಟಿಮೂರ್ತಿಸಹಿತಾಂ ನಾದಂ ಸಬಿಂದೂಕಲಾಂ ।

ಪಂ ಫಂ ಮಂತ್ರಫಲಪ್ರದಾಂ ಪ್ರತಿಪದಾಂ ನಾಭೌ ಸಚಕ್ರೇಸ್ಥಿತಾಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 3 ॥

ಕಂ ಖಂ ಗಂ ಘ ಮಯೀಂ ಗಜಾಸ್ಯಜನನೀಂ ಗಾನಪ್ರಿಯಾಮಾಗಮೀಂ

ಚಂ ಛಂ ಜಂ ಝಂ ಝಣ ಕ್ವಣಿ ಘಣು ಘಿಣೂ ಝಂಕಾರಪಾದಾಂ ರಮಾಂ ।

ಞಂ ಟಂ ಠಂ ಹೃದಯೇ ಸ್ಥಿತಾಂ ಕಿಣಿಕಿಣೀ ನಾದೌ ಕರೌ ಕಂಕಣಾಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 4 ॥

ಅಂ ಆಂ ಇಂ ಇಮಯೀಂ ಇಹೈವ ಸುಖದಾಮೀಕಾರ ಉ ಊಪಮಾಂ

ಋಂ ೠಂ ಲುಂ ಸಹವರ್ಣಪೀಠನಿಲಯೇ ಲೂಂಕಾರ ಏಂ ಐಂ ಸದಾ ।

ಓಂ ಔಂ ಅನ್ನಮಯೇ ಅಃ ಸ್ತವನುತಾಮಾನಂದಮಾನಂದಿನೀಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 5 ॥

ಹಂ ಕ್ಷಂ ಬ್ರಹ್ಮಮಯೀಂ ದ್ವಿಪತ್ರಕಮಲಾಂ ಭ್ರೂಮಧ್ಯಪೀಠೇಸ್ಥಿತಾಂ

ಇಡಾಪಿಂಗಲಮಧ್ಯದೇಶಗಮನಾಮಿಷ್ಟಾರ್ಥಸಂದಾಯಿನೀಂ ।

ಆರೋಹಪ್ರತಿರೋಹಯಂತ್ರಭರಿತಾಂ ಸಾಕ್ಷಾತ್ಸುಷುಮ್ನಾ ಕಲಾಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 6 ॥

ಬ್ರಹ್ಮೇಶಾದಿ ಸಮಸ್ತ ಮೌನಿಋಷಿಭಿರ್ದೇವೈಃ ಸದಾ ಧ್ಯಾಯಿನೀಂ

ಬ್ರಹ್ಮಸ್ಥಾನನಿವೇಶಿನೀಂ ತವ ಕಲಾಂ ತಾರಂ ಸಹಸ್ರಾಂಶಕೇ ।

ಖವ್ಯಂ ಖವ್ಯಮಯೀಂ ಖಗೇಶವಿನುತಾಂ ಖಂ ರೂಪಿಮೋಂಕಾರಿಣೀಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 7 ॥

ಚಕ್ರಾಣ್ಯೇ ಸತು ಸಪ್ತಮಂತರಗತೇ ವರ್ಣಾತ್ಮಿಕೇ ತಾಂ ಶ್ರಿಯಂ

ನಾದಂ ಬಿಂದುಕಲಾಮಯೀಂಶ್ಚರಹಿತೇ ನಿಃಶಬ್ದ ನಿರ್ವ್ಯಾಪಕೇ ।

ನಿರ್ವ್ಯಕ್ತಾಂ ಚ ನಿರಂಜನೀಂ ನಿರವಯಾಂ ಶ್ರೀಯಂತ್ರಮಾತ್ರಾಂ ಪರಾಂ

ಚಿದ್ರೂಪಾಂ ಸಕಲೇಪ್ಸಿತಾರ್ಥವರದಾಂ ಬಾಲಾಂ ಭಜೇ ಶ್ಯಾಮಲಾಂ ॥ 8 ॥

ಬಾಲಾಮಾಲಮನೋಹರಾಂ ಪ್ರತಿದಿನಂ ವಾಂಛಂತಿ ವಾಚ್ಯಂ ಪಠೇತ್

ವೇದೇ ಶಾಸ್ತ್ರ ವಿವಾದಕಾಲಸಮಯೇ ಸ್ಥಿತ್ವಾ ಸಭಾಮಧ್ಯಮೇ ।

ಪಂಚಾಶತ್ಸ್ವರವರ್ಣಮಾಲಿಕಮಿಯಾಂ ಜಿಹ್ವಾಗ್ರ ಸಂಸ್ಥಾ ಪಠೇ-

-ದ್ಧರ್ಮಾರ್ಥಾಖಿಲಕಾಮವಿಕ್ಷಿತಕೃಪಾಃ ಸಿಧ್ಯಂತಿ ಮೋಕ್ಷಂ ತಥಾ ॥ 9 ॥

ಇತಿ ಶ್ರೀ ಶ್ಯಾಮಲಾ ಪಂಚಾಶತ್ಸ್ವರ ವರ್ಣ ಮಾಲಿಕಾ ಸ್ತೋತ್ರಂ ।

Recite with devotion and pure heart

Regular practice brings spiritual benefits