हैंహైHaindavamஹிહિં
📍
Font Size:
శ్యామలా కవచం
శ్రీ దేవ్యువాచ ।
సాధుసాధు మహాదేవ కథయస్వ మహేశ్వర ।
యేన సంపద్విధానేన సాధకానాం జయప్రదం ॥ 1 ॥
వినా జపం వినా హోమం వినా మంత్రం వినా నుతిం ।
యస్య స్మరణమాత్రేణ సాధకో ధరణీపతిః ॥ 2 ॥
శ్రీ భైరవ ఉవాచ ।
శృణు దేవి ప్రవక్ష్యామి మాతంగీకవచం పరం ।
గోపనీయం ప్రయత్నేన మౌనేన జపమాచరేత్ ॥ 3 ॥
మాతంగీకవచం దివ్యం సర్వరక్షాకరం నృణాం ।
కవిత్వం చ మహత్వం చ గజావాజిసుతాదయః ॥ 4 ॥
శుభదం సుఖదం నిత్యమణిమాదిప్రదాయకం ।
బ్రహ్మవిష్ణుమహేశానాం తేషామాద్యా మహేశ్వరీ ॥ 5 ॥
శ్లోకార్ధం శ్లోకమేకం వా యస్తు సమ్యక్పఠేన్నరః ।
తస్య హస్తే సదైవాస్తే రాజ్యలక్ష్మీర్న సంశయః ॥ 6 ॥
సాధకః శ్యామలాం ధ్యాయన్ కమలాసనసంస్థితః ।
యోనిముద్రాం కరే బధ్వా శక్తిధ్యానపరాయణః ॥ 7 ॥
కవచం తు పఠేద్యస్తు తస్య స్యుః సర్వసంపదః ।
పుత్రపౌత్రాదిసంపత్తిరంతే ముక్తిశ్చ శాశ్వతీ ॥ 8 ॥
బ్రహ్మరంధ్రం సదా పాయాచ్ఛ్యామలా మంత్రనాయికా ।
లలాటం రక్షతాం నిత్యం కదంబేశీ సదా మమ ॥ 9 ॥
భ్రువౌ పాయచ్చ సుముఖీ అవ్యాన్నేత్రే చ వైణికీ ।
వీణావతీ నాసికాం చ ముఖం రక్షతు మంత్రిణీ ॥ 10 ॥
సంగీతయోగినీ దంతాన్ అవ్యాదోష్ఠౌ శుకప్రియా ।
చుబుకం పాతు మే శ్యామా జిహ్వాం పాయాన్మహేశ్వరీ ॥ 11 ॥
కర్ణౌ దేవీ స్తనౌ కాలీ పాతు కాత్యాయనీ ముఖం ।
నీపప్రియా సదా రక్షేదుదరం మమ సర్వదా ॥ 12 ॥
ప్రియంకరీ ప్రియవ్యాపీ నాభిం రక్షతు ముద్రిణీ ।
స్కంధౌ రక్షతు శర్వాణీ భుజౌ మే పాతు మోహినీ ॥ 13 ॥
కటిం పాతు ప్రధానేశీ పాతు పాదౌ చ పుష్పిణీ ।
ఆపాదమస్తకం శ్యామా పూర్వే రక్షతు పుష్టిదా ॥ 14 ॥
ఉత్తరే త్రిపురా రక్షేద్విద్యా రక్షతు పశ్చిమే ।
విజయా దక్షిణే పాతు మేధా రక్షతు చానలే ॥ 15 ॥
ప్రాజ్ఞా రక్షతు నైరృత్యాం వాయవ్యాం శుభలక్షణా ।
ఈశాన్యాం రక్షతాద్దేవీ మాతంగీ శుభకారిణీ ॥ 16 ॥
ఊర్ధ్వం పాతు సదా దేవీ దేవానాం హితకారిణీ ।
పాతలే పాతు మాం నిత్యా వాసుకీ విశ్వరూపిణీ ॥ 17 ॥
అకారాదిక్షకారాంతమాతృకారూపధారిణీ ।
ఆపాదమస్తకం పాయాదష్టమాతృస్వరూపిణీ ॥ 18 ॥
అవర్గసంభవా బ్రాహ్మీ ముఖం రక్షతు సర్వదా ।
కవర్గస్థా తు మాహేశీ పాతు దక్షభుజం తథా ॥ 19 ॥
చవర్గస్థా తు కౌమారీ పాయాన్మే వామకం భుజం ।
దక్షపాదం సమాశ్రిత్య టవర్గం పాతు వైష్ణవీ ॥ 20 ॥
తవర్గజన్మా వారాహీ పాయాన్మే వామపాదకం ।
తథా పవర్గజేంద్రాణీ పార్శ్వాదీన్ పాతు సర్వదా ॥ 21 ॥
యవర్గస్థా తు చాముండా హృద్దోర్మూలే చ మే తథా ।
హృదాదిపాణిపాదాంతజఠరాననసంజ్ఞికం ॥ 22 ॥
చండికా చ శవర్గస్థా రక్షతాం మమ సర్వదా ।
విశుద్ధం కంఠమూలం తు రక్షతాత్షోడశస్వరాః ॥ 23 ॥
కకారాది ఠకారాంత ద్వాదశార్ణం హృదంబుజం ।
మణిపూరం డాధిఫాంత దశవర్ణస్వరూపిణీ ॥ 24 ॥
స్వాధిష్ఠానం తు షట్పత్రం బాదిలాంతస్వరూపిణీ ।
వాదిసాంతస్వరూపాఽవ్యాన్మూలాధారం చతుర్దలం ॥ 25 ॥
హంక్షార్ణమాజ్ఞా ద్విదలం భ్రువోర్మధ్యం సదావతు ।
అకారాదిక్షకారాంతమాతృకాబీజరూపిణి ॥ 26 ॥
మాతంగీ మాం సదా రక్షేదాపాదతలమస్తకం ।
ఇమం మంత్రం సముద్ధార్య ధారయేద్వామకే భుజే ॥ 27 ॥
కంఠే వా ధారయేద్యస్తు స వై దేవో మహేశ్వరః ।
తం దృష్ట్వా దేవతాః సర్వాః ప్రణమంతి సుదూరతః ॥ 28 ॥
తస్య తేజః ప్రభావేన సమ్యగ్గంతుం న శక్యతే ।
ఇంద్రాదీనాం లభేత్సత్యం భూపతిర్వశగో భవేత్ ॥ 29 ॥
వాక్సిద్ధిర్జాయతే తస్య అణిమాద్యష్టసిద్ధయః ।
అజ్ఞాత్వా కవచం దేవ్యాః శ్యామలాం యో జపేన్నరః ॥ 30 ॥
తస్యావశ్యం తు సా దేవీ యోగినీ భక్షయేత్తనుం ।
ఇహ లోకే సదా దుఃఖం అతో దుఃఖీ భవిష్యతి ॥ 31 ॥
జన్మకోటి సదా మూకో మంత్రసిద్ధిర్న విద్యతే ।
గురుపాదౌ నమస్కృత్య యథామంత్రం భవేత్సుధీః ॥ 32 ॥
తథా తు కవచం దేవ్యాః సఫలం గురుసేవయా ।
ఇహ లోకే నృపో భూత్వా పఠేన్ముక్తో భవిష్యతి ॥ 33 ॥
బోధయేత్పరశిష్యాయ దుర్జనాయ సురేశ్వరి ।
నిందకాయ కుశీలాయ శక్తిహింసాపరాయ చ ॥ 34 ॥
యో దదాతి న సిధ్యేత మాతంగీకవచం శుభం ।
న దేయం సర్వదా భద్రే ప్రాణైః కంఠగతైరపి ॥ 35 ॥
గోప్యాద్గోప్యతరం గోప్యం గుహ్యాద్గుహ్యతమం మహత్ ।
దద్యాద్గురుః సుశిష్యాయ గురుభక్తిపరాయ చ ।
శివే నష్టే గురుస్త్రాతా గురౌ నష్టే న కశ్చన ॥ 36 ॥
ఇతి శ్రీ శక్తితంత్రమహార్ణవే శ్రీ శ్యామలా కవచం ।
Recite with devotion and pure heart
Regular practice brings spiritual benefits