Meenakshi Pancha Ratna Stotram

udyadbhānusahasrakoṭisadṛśāṃ keyūrahārojjvalāṃ bimboṣṭhīṃ smitadantapaṅktirucirāṃ pītāmbarālaṅkṛtām । viṣṇubrahmasurendrasevitapadāṃ tattvasvarūpāṃ śivāṃ mīnākṣīṃ praṇato'smi santatamahaṃ kāruṇyavārānnidhim ॥ 1 ॥ muktāhāralasatkirīṭarucirāṃ pūrṇenduvaktraprabhāṃ śiñjannūpurakiṅkiṇīmaṇidharāṃ padmaprabhābhāsurām । sarvābhīṣṭaphalapradāṃ girisutāṃ vāṇīramāsevitāṃ mīnākṣīṃ praṇato'smi santatamahaṃ kāruṇyavārānnidhim ॥ 2 ॥ śrīvidyāṃ śivavāmabhāganilayāṃ hrīṅkāramantrojjvalāṃ śrīcakrāṅkitabindumadhyavasatiṃ śrīmatsabhānāyakīm । śrīmatṣaṇmukhavighnarājajananīṃ śrīmajjaganmohinīṃ mīnākṣīṃ praṇato'smi santatamahaṃ kāruṇyavārānnidhim ॥ 3 ॥ śrīmatsundaranāyikāṃ bhayaharāṃ jñānapradāṃ nirmalāṃ śyāmābhāṃ kamalāsanārcitapadāṃ nārāyaṇasyānujām । vīṇāveṇumṛdaṅgavādyarasikāṃ nānāvidhāmambikāṃ mīnākṣīṃ praṇato'smi santatamahaṃ kāruṇyavārānnidhim ॥ 4 ॥ nānāyogimunīndrahṛtsuvasatīṃ nānārthasiddhipradāṃ nānāpuṣpavirājitāṅghriyugalāṃ nārāyaṇenārcitām । nādabrahmamayīṃ parātparatarāṃ nānārthatatvātmikāṃ mīnākṣīṃ praṇato'smi santatamahaṃ kāruṇyavārānnidhim ॥ 5 ॥

Recite with devotion and pure heart

Regular practice brings spiritual benefits

More stotras of Devi: