ರಾಧಾ ಕೃಪಾ ಕಟಾಕ್ಷ ಸ್ತೋತ್ರಂ

ಮುನೀಂದ್ರ–ವೃಂದ–ವಂದಿತೇ ತ್ರಿಲೋಕ–ಶೋಕ–ಹಾರಿಣಿ ಪ್ರಸನ್ನ-ವಕ್ತ್ರ-ಪಣ್ಕಜೇ ನಿಕುಂಜ-ಭೂ-ವಿಲಾಸಿನಿ ವ್ರಜೇಂದ್ರ–ಭಾನು–ನಂದಿನಿ ವ್ರಜೇಂದ್ರ–ಸೂನು–ಸಂಗತೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 1 ॥ ಅಶೋಕ–ವೃಕ್ಷ–ವಲ್ಲರೀ ವಿತಾನ–ಮಂಡಪ–ಸ್ಥಿತೇ ಪ್ರವಾಲಬಾಲ–ಪಲ್ಲವ ಪ್ರಭಾರುಣಾಂಘ್ರಿ–ಕೋಮಲೇ । ವರಾಭಯಸ್ಫುರತ್ಕರೇ ಪ್ರಭೂತಸಂಪದಾಲಯೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 2 ॥ ಅನಂಗ-ರಣ್ಗ ಮಂಗಲ-ಪ್ರಸಂಗ-ಭಂಗುರ-ಭ್ರುವಾಂ ಸವಿಭ್ರಮಂ ಸಸಂಭ್ರಮಂ ದೃಗಂತ–ಬಾಣಪಾತನೈಃ । ನಿರಂತರಂ ವಶೀಕೃತಪ್ರತೀತನಂದನಂದನೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 3 ॥ ತಡಿತ್–ಸುವರ್ಣ–ಚಂಪಕ –ಪ್ರದೀಪ್ತ–ಗೌರ–ವಿಗ್ರಹೇ ಮುಖ–ಪ್ರಭಾ–ಪರಾಸ್ತ–ಕೋಟಿ–ಶಾರದೇಂದುಮಂಡಲೇ । ವಿಚಿತ್ರ-ಚಿತ್ರ ಸಂಚರಚ್ಚಕೋರ-ಶಾವ-ಲೋಚನೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 4 ॥ ಮದೋನ್ಮದಾತಿ–ಯೌವನೇ ಪ್ರಮೋದ–ಮಾನ–ಮಂಡಿತೇ ಪ್ರಿಯಾನುರಾಗ–ರಂಜಿತೇ ಕಲಾ–ವಿಲಾಸ – ಪಂಡಿತೇ । ಅನನ್ಯಧನ್ಯ–ಕುಂಜರಾಜ್ಯ–ಕಾಮಕೇಲಿ–ಕೋವಿದೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 5 ॥ ಅಶೇಷ–ಹಾವಭಾವ–ಧೀರಹೀರಹಾರ–ಭೂಷಿತೇ ಪ್ರಭೂತಶಾತಕುಂಭ–ಕುಂಭಕುಂಭಿ–ಕುಂಭಸುಸ್ತನಿ । ಪ್ರಶಸ್ತಮಂದ–ಹಾಸ್ಯಚೂರ್ಣ ಪೂರ್ಣಸೌಖ್ಯ –ಸಾಗರೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 6 ॥ ಮೃಣಾಲ-ವಾಲ-ವಲ್ಲರೀ ತರಂಗ-ರಂಗ-ದೋರ್ಲತೇ ಲತಾಗ್ರ–ಲಾಸ್ಯ–ಲೋಲ–ನೀಲ–ಲೋಚನಾವಲೋಕನೇ । ಲಲಲ್ಲುಲನ್ಮಿಲನ್ಮನೋಜ್ಞ–ಮುಗ್ಧ–ಮೋಹಿನಾಶ್ರಿತೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 7 ॥ ಸುವರ್ಣಮಲಿಕಾಂಚಿತ –ತ್ರಿರೇಖ–ಕಂಬು–ಕಂಠಗೇ ತ್ರಿಸೂತ್ರ–ಮಂಗಲೀ-ಗುಣ–ತ್ರಿರತ್ನ-ದೀಪ್ತಿ–ದೀಧಿತೇ । ಸಲೋಲ–ನೀಲಕುಂತಲ–ಪ್ರಸೂನ–ಗುಚ್ಛ–ಗುಂಫಿತೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 8 ॥ ನಿತಂಬ–ಬಿಂಬ–ಲಂಬಮಾನ–ಪುಷ್ಪಮೇಖಲಾಗುಣೇ ಪ್ರಶಸ್ತರತ್ನ-ಕಿಂಕಿಣೀ-ಕಲಾಪ-ಮಧ್ಯ ಮಂಜುಲೇ । ಕರೀಂದ್ರ–ಶುಂಡದಂಡಿಕಾ–ವರೋಹಸೌಭಗೋರುಕೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 9 ॥ ಅನೇಕ–ಮಂತ್ರನಾದ–ಮಂಜು ನೂಪುರಾರವ–ಸ್ಖಲತ್ ಸಮಾಜ–ರಾಜಹಂಸ–ವಂಶ–ನಿಕ್ವಣಾತಿ–ಗೌರವೇ । ವಿಲೋಲಹೇಮ–ವಲ್ಲರೀ–ವಿಡಂಬಿಚಾರು–ಚಂಕ್ರಮೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 10 ॥ ಅನಂತ–ಕೋಟಿ–ವಿಷ್ಣುಲೋಕ–ನಮ್ರ–ಪದ್ಮಜಾರ್ಚಿತೇ ಹಿಮಾದ್ರಿಜಾ–ಪುಲೋಮಜಾ–ವಿರಿಂಚಜಾ-ವರಪ್ರದೇ । ಅಪಾರ–ಸಿದ್ಧಿ–ಋದ್ಧಿ–ದಿಗ್ಧ–ಸತ್ಪದಾಂಗುಲೀ-ನಖೇ ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಂ ॥ 11 ॥ ಮಖೇಶ್ವರಿ ಕ್ರಿಯೇಶ್ವರಿ ಸ್ವಧೇಶ್ವರಿ ಸುರೇಶ್ವರಿ ತ್ರಿವೇದ–ಭಾರತೀಶ್ವರಿ ಪ್ರಮಾಣ–ಶಾಸನೇಶ್ವರಿ । ರಮೇಶ್ವರಿ ಕ್ಷಮೇಶ್ವರಿ ಪ್ರಮೋದ–ಕಾನನೇಶ್ವರಿ ವ್ರಜೇಶ್ವರಿ ವ್ರಜಾಧಿಪೇ ಶ್ರೀರಾಧಿಕೇ ನಮೋಸ್ತುತೇ ॥ 12 ॥ ಇತೀ ಮಮದ್ಭುತಂ-ಸ್ತವಂ ನಿಶಮ್ಯ ಭಾನುನಂದಿನೀ ಕರೋತು ಸಂತತಂ ಜನಂ ಕೃಪಾಕಟಾಕ್ಷ-ಭಾಜನಂ । ಭವೇತ್ತದೈವ ಸಂಚಿತ ತ್ರಿರೂಪ–ಕರ್ಮ ನಾಶನಂ ಲಭೇತ್ತದಾ ವ್ರಜೇಂದ್ರ–ಸೂನು–ಮಂಡಲ–ಪ್ರವೇಶನಂ ॥ 13 ॥ ರಾಕಾಯಾಂ ಚ ಸಿತಾಷ್ಟಮ್ಯಾಂ ದಶಮ್ಯಾಂ ಚ ವಿಶುದ್ಧಧೀಃ । ಏಕಾದಶ್ಯಾಂ ತ್ರಯೋದಶ್ಯಾಂ ಯಃ ಪಠೇತ್ಸಾಧಕಃ ಸುಧೀಃ ॥ 14 ॥ ಯಂ ಯಂ ಕಾಮಯತೇ ಕಾಮಂ ತಂ ತಮಾಪ್ನೋತಿ ಸಾಧಕಃ । ರಾಧಾಕೃಪಾಕಟಾಕ್ಷೇಣ ಭಕ್ತಿಃಸ್ಯಾತ್ ಪ್ರೇಮಲಕ್ಷಣಾ ॥ 15 ॥ ಊರುದಘ್ನೇ ನಾಭಿದಘ್ನೇ ಹೃದ್ದಘ್ನೇ ಕಂಠದಘ್ನಕೇ । ರಾಧಾಕುಂಡಜಲೇ ಸ್ಥಿತಾ ಯಃ ಪಠೇತ್ ಸಾಧಕಃ ಶತಂ ॥ 16 ॥ ತಸ್ಯ ಸರ್ವಾರ್ಥ ಸಿದ್ಧಿಃ ಸ್ಯಾದ್ ವಾಕ್ಸಾಮರ್ಥ್ಯಂ ತಥಾ ಲಭೇತ್ । ಐಶ್ವರ್ಯಂ ಚ ಲಭೇತ್ ಸಾಕ್ಷಾದ್ದೃಶಾ ಪಶ್ಯತಿ ರಾಧಿಕಾಂ ॥ 17 ॥ ತೇನ ಸ ತತ್ಕ್ಷಣಾದೇವ ತುಷ್ಟಾ ದತ್ತೇ ಮಹಾವರಂ । ಯೇನ ಪಶ್ಯತಿ ನೇತ್ರಾಭ್ಯಾಂ ತತ್ ಪ್ರಿಯಂ ಶ್ಯಾಮಸುಂದರಂ ॥ 18 ॥ ನಿತ್ಯಲೀಲಾ–ಪ್ರವೇಶಂ ಚ ದದಾತಿ ಶ್ರೀ-ವ್ರಜಾಧಿಪಃ । ಅತಃ ಪರತರಂ ಪ್ರಾರ್ಥ್ಯಂ ವೈಷ್ಣವಸ್ಯ ನ ವಿದ್ಯತೇ ॥ 19 ॥ ॥ ಇತಿ ಶ್ರೀ ರಾಧಾ ಕೃಪಾ ಕಟಾಕ್ಷ ಸ್ತೋತ್ರಂ ಸಂಪೂರ್ಣಂ ॥

Recite with devotion and pure heart

Regular practice brings spiritual benefits