हैंహైHaindavamஹிહિં
📍
Font Size:
മാതംഗീ കവചം
ശ്രീപാർവത്യുവാച ।
ദേവദേവ മഹാദേവ സൃഷ്ടിസംഹാരകാരക ।
മാതംഗ്യാഃ കവചം ബ്രൂഹി യദി സ്നേഹോഽസ്തി തേ മയി ॥ 1 ॥
ശിവ ഉവാച ।
അത്യന്തഗോപനം ഗുഹ്യം കവചം സർവകാമദം ।
തവ പ്രീത്യാ മയാഽഽഖ്യാതം നാന്യേഷു കഥ്യതേ ശുഭേ ॥ 2 ॥
ശപഥം കുരു മേ ദേവി യദി കിഞ്ചിത്പ്രകാശസേ ।
അനയാ സദൃശീ വിദ്യാ ന ഭൂതാ ന ഭവിഷ്യതി ॥ 3 ॥
ധ്യാനം ।
ശവാസനാം രക്തവസ്ത്രാം യുവതീം സർവസിദ്ധിദാം ।
ഏവം ധ്യാത്വാ മഹാദേവീം പഠേത്കവചമുത്തമം ॥ 4 ॥
കവചം ।
ഉച്ഛിഷ്ടം രക്ഷതു ശിരഃ ശിഖാം ചണ്ഡാലിനീ തതഃ ।
സുമുഖീ കവചം രക്ഷേദ്ദേവീ രക്ഷതു ചക്ഷുഷീ ॥ 5 ॥
മഹാപിശാചിനീ പായാന്നാസികാം ഹ്രീം സദാഽവതു ।
ഠഃ പാതു കണ്ഠദേശം മേ ഠഃ പാതു ഹൃദയം തഥാ ॥ 6 ॥
ഠോ ഭുജൗ ബാഹുമൂലേ ച സദാ രക്ഷതു ചണ്ഡികാ ।
ഐം ച രക്ഷതു പാദൗ മേ സൗഃ കുക്ഷിം സർവതഃ ശിവാ ॥ 7 ॥
ഐം ഹ്രീം കടിദേശം ച ആം ഹ്രീം സന്ധിഷു സർവദാ ।
ജ്യേഷ്ഠമാതംഗ്യംഗുലീർമേ അംഗുല്യഗ്രേ നമാമി ച ॥ 8 ॥
ഉച്ഛിഷ്ടചാണ്ഡാലി മാം പാതു ത്രൈലോക്യസ്യ വശങ്കരീ ।
ശിവേ സ്വാഹാ ശരീരം മേ സർവസൗഭാഗ്യദായിനീ ॥ 9 ॥
ഉച്ഛിഷ്ടചാണ്ഡാലി മാതംഗി സർവവശങ്കരി നമഃ ।
സ്വാഹാ സ്തനദ്വയം പാതു സർവശത്രുവിനാശിനീ ॥ 10 ॥
അത്യന്തഗോപനം ദേവി ദേവൈരപി സുദുർലഭം ।
ഭ്രഷ്ടേഭ്യഃ സാധകേഭ്യോഽപി ദ്രഷ്ടവ്യം ന കദാചന ॥ 11 ॥
ദത്തേന സിദ്ധിഹാനിഃ സ്യാത്സർവഥാ ന പ്രകാശ്യതാം ।
ഉച്ഛിഷ്ടേന ബലിം ദത്വാ ശനൗ വാ മംഗലേ നിശി ॥ 12 ॥
രജസ്വലാഭഗം സ്പൃഷ്ട്വാ ജപേന്മന്ത്രം ച സാധകഃ ।
രജസ്വലായാ വസ്ത്രേണ ഹോമം കുര്യാത്സദാ സുധീഃ ॥ 13 ॥
സിദ്ധവിദ്യാ ഇതോ നാസ്തി നിയമോ നാസ്തി കശ്ചന ।
അഷ്ടസഹസ്രം ജപേന്മന്ത്രം ദശാംശം ഹവനാദികം ॥ 14 ॥
ഭൂർജപത്രേ ലിഖിത്വാ ച രക്തസൂത്രേണ വേഷ്ടയേത് ।
പ്രാണപ്രതിഷ്ഠാമന്ത്രേണ ജീവന്യാസം സമാചരേത് ॥ 15 ॥
സ്വർണമധ്യേ തു സംസ്ഥാപ്യ ധാരയേദ്ദക്ഷിണേ കരേ ।
സർവസിദ്ധിർഭവേത്തസ്യ അചിരാത്പുത്രവാൻഭവേത് ॥ 16 ॥
സ്ത്രീഭിർവാമകരേ ധാര്യം ബഹുപുത്രാ ഭവേത്തദാ ।
വന്ധ്യാ വാ കാകവന്ധ്യാ വാ മൃതവത്സാ ച സാംഗനാ ॥ 17 ॥
ജീവദ്വത്സാ ഭവേത്സാപി സമൃദ്ധിർഭവതി ധ്രുവം ।
ശക്തിപൂജാം സദാ കുര്യാച്ഛിവാബലിം പ്രദാപയേത് ॥ 18 ॥
ഇദം കവചമജ്ഞാത്വാ മാതംഗീ യോ ജപേത്സദാ ।
തസ്യ സിദ്ധിർന ഭവതി പുരശ്ചരണലക്ഷതഃ ॥ 19 ॥
ഇതി ശ്രീ രുദ്രയാമലതന്ത്രേ മാതംഗീ സുമുഖീ കവചം ।
Recite with devotion and pure heart
Regular practice brings spiritual benefits