हैंహైHaindavamஹிહિં
📍
Font Size:
மஹா த்ரிபுர ஸுந்த³ரீ ஹ்ருʼத³யம்
வந்தே³ ஸிந்தூ³ரவர்ணாப⁴ம்ʼ வாமோருன்யஸ்தவல்லப⁴ம் ।
இக்ஷுவாரிதி⁴மத்⁴யஸ்த²மிப⁴ராஜமுக²ம்ʼ மஹ꞉ ॥ 1 ॥
க³ம்பீ⁴ரலஹரீஜாலக³ண்டூ³ஷிததி³க³ந்தர꞉ ।
அவ்யான்மாமம்ருʼதாம்போ⁴தி⁴ரனர்க⁴மணிஸம்யுத꞉ ॥ 2 ॥
மத்⁴யே தஸ்ய மனோஹாரி மது⁴பாரவமேது³ரம் ।
ப்ரஸூனவிக³லன்மாத்⁴வீப்ரவாஹபரிபூரிதம் ॥ 3 ॥
கின்னரீகா³னமேத³ஸ்வி க்ரீடா³கந்த³ரத³ந்துரம் ।
காஞ்சனத்³ருமதூ⁴லீபி⁴꞉ கல்பிதாவாலவத்³த்³ருமம் ॥ 4 ॥
முக்³த⁴கோகிலனிக்வாணமுக²ரீக்ருʼததி³ங்முக²ம் ।
மந்தா³ரதருஸந்தானமஞ்ஜரீபுஞ்ஜபிஞ்ஜரம் ॥ 5 ॥
நாஸானாடி³ந்த⁴மஸ்மேரனமேருஸுமஸௌரப⁴ம் ।
ஆவ்ருʼந்தஹஸிதாம்போ⁴ஜதீ³வ்யத்³விப்⁴ரமதீ³ர்கி⁴கம் ॥ 6 ॥
மந்த³ரக்தஶுகீத³ஷ்டமாதுலுங்க³ப²லான்விதம் ।
ஸவித⁴ஸ்யந்த³மாநாப்⁴ரஸரித்கல்லோலவேல்லிதம் ॥ 7 ॥
ப்ரஸூனபாம்ʼஸுஸௌரப்⁴யபஶ்யதோஹரமாருதம் ।
வகுலப்ரஸவாகீர்ணம்ʼ வந்தே³ நந்த³னகானனம் ॥ 8 ॥
தன்மத்⁴யே நீபகாந்தாரம்ʼ தரணிஸ்தம்ப⁴காரணம் ।
மது⁴பாலிவிமர்தா³லிகலக்வாணகரம்பி³தம் ॥ 9 ॥
கோமலஶ்வஶனாதூ⁴தகோரகோத்³க³ததூ⁴லிபி⁴꞉ ।
ஸிந்தூ³ரிதனபோ⁴மார்க³ம்ʼ சிந்திதம்ʼ ஸித்³த⁴வந்தி³பி⁴꞉ ॥ 10 ॥
மத்⁴யே தஸ்ய மருன்மார்க³லம்பி³மாணிக்யதோரணம் ।
ஶாணோல்லிகி²தவைதூ³ர்யக்லுப்தஸாலஸமாகுலம் ॥ 11 ॥
மாணிக்யஸ்தம்ப⁴படலீமயூக²வ்யாப்ததி³க்தடம் ।
பஞ்சவிம்ʼஶதிஸாலாட்⁴யாம்ʼ நமாமி நக³ரோத்தமம் ॥ 12 ॥
தத்ர சிந்தாமணிக்³ருʼஹம்ʼ தடி³த்கோடிஸமுஜ்ஜ்வலம் ।
நீலோத்பலஸமாகீர்ணநிர்யூஹஶதஸங்குலம் ॥ 13 ॥
ஸோமகாந்தமணிக்லுப்தஸோபானோத்³பா⁴ஸிவேதி³கம் ।
சந்த்³ரஶாலாசரத்கேதுஸமாலீட⁴னபோ⁴ந்தரம் ॥ 14 ॥
கா³ருத்மதமணீக்லுப்தமண்ட³பவ்யூஹமண்டி³தம் ।
நித்யஸேவாபராமர்த்யனிபி³ட³த்³வாரஶோபி⁴தம் ॥ 15 ॥
அதி⁴ஷ்டி²தம்ʼ த்³வாரபாலைரஸிதோமரபாணிபி⁴꞉ ।
நமாமி நாகநாரீணாம்ʼ ஸாந்த்³ரஸங்கீ³தமேது³ரம் ॥ 16 ॥
தன்மத்⁴யே தருணார்காப⁴ம்ʼ தப்தகாஞ்சனநிர்மிதம் ।
ஶக்ராதி³மத்³த்³வாரபாலை꞉ ஸந்ததம்ʼ பரிவேஷ்டிதம் ॥ 17 ॥
சதுஷ்ஷஷ்டிமஹாவித்³யாகலாபி⁴ரபி⁴ஸம்ʼவ்ருʼதம் ।
ரக்ஷிதம்ʼ யோகி³னீப்³ருʼந்தை³ ரத்னஸிம்ʼஹாஸனம்ʼ ப⁴ஜே ॥ 18 ॥
மத்⁴யே தஸ்ய மருத்ஸேவ்யம்ʼ சதுர்த்³வாரஸமுஜ்ஜ்வலம் ।
சதுரஸ்ரத்ரிரேகா²ட்⁴யாம்ʼ சாருத்ரிவலயான்விதம் ॥ 19 ॥
கலாத³லஸமாயுக்தம்ʼ கனத³ஷ்டத³லான்விதம் ।
சதுர்த³ஶாரஸஹிதம்ʼ த³ஶாரத்³விதயான்விதம் ॥ 20 ॥
அஷ்டகோணயுதம்ʼ தி³வ்யமக்³னிகோணவிராஜிதம் ।
யோகி³பி⁴꞉ பூஜிதம்ʼ யோகி³யோகி³னீக³ணஸேவிதம் ॥ 21 ॥
ஸர்வது³꞉க²ப்ரஶமனம்ʼ ஸர்வவ்யாதி⁴விநாஶனம் ।
விஷஜ்வரஹரம்ʼ புண்யம்ʼ விவிதா⁴பத்³விதா³ரணம் ॥ 22 ॥
ஸர்வதா³ரித்³ர்யஶமனம்ʼ ஸர்வபூ⁴பாலமோஹனம் ।
ஆஶாபி⁴பூரகம்ʼ தி³வ்யமர்சகாநாமஹர்நிஶம் ॥ 23 ॥
அஷ்டாத³ஶஸுமர்மாட்⁴யம்ʼ சதுர்விம்ʼஶதிஸந்தி⁴னம் ।
ஶ்ரீமத்³பி³ந்து³க்³ருʼஹோபேதம்ʼ ஶ்ரீசக்ரம்ʼ ப்ரணமாம்யஹம் ॥ 24 ॥
தத்ரைவ பை³ந்த³வஸ்தா²னே தருணாதி³த்யஸன்னிப⁴ம் ।
பாஶாங்குஶத⁴னுர்பா³ணபரிஷ்க்ருʼதகராம்பு³ஜம் ॥ 25 ॥
பூர்ணேந்து³பி³ம்ப³வத³னம்ʼ பு²ல்லபங்கஜலோசனம் ।
குஸுமாயுத⁴ஶ்ருʼங்கா³ரகோத³ண்ட³குடிலப்⁴ருவம் ॥ 26 ॥
சாருசந்த்³ரகலோபேதம்ʼ சந்த³நாகு³ருரூஷிதம் ।
மந்த³ஸ்மிதமதூ⁴காலிகிஞ்ஜல்கிதமுகா²ம்பு³ஜம் ॥ 27 ॥
பாடீரதிலகோத்³பா⁴ஸிபா²லஸ்த²லமனோஹரம் ।
அனேககோடிகந்த³ர்பலாவண்யமருணாத⁴ரம் ॥ 28 ॥
தபனீயாம்ʼஶுகத⁴ரம்ʼ தாருண்யஶ்ரீநிஷேவிதம் ।
காமேஶ்வரமஹம்ʼ வந்தே³ காமிதார்த²ப்ரத³ம்ʼ ந்ருʼணாம் ॥ 29 ॥
தஸ்யாங்கமத்⁴யமாஸீனாம்ʼ தப்தஹாடகஸன்னிபா⁴ம் ।
மாணிக்யமுகுடச்சா²யாமண்ட³லாருணதி³ங்முகா²ம் ॥ 30 ॥
கலவேணீகனத்பு²ல்லகஹ்லாரகுஸுமோஜ்ஜ்வலாம் ।
உடு³ராஜக்ருʼதோத்தம்ʼஸாமுத்பலஶ்யாமலாலகாம் ॥ 31 ॥
சதுர்தீ²சந்த்³ரஸச்சா²த்ரபா²லரேகா²பரிஷ்க்ருʼதாம் ।
கஸ்தூரீதிலகாரூட⁴கமனீயலலந்திகாம் ॥ 32 ॥
ப்⁴ரூலதாஶ்ரீபராபூ⁴தபுஷ்பாயுத⁴ஶராஸனாம் ।
நாலீகத³லதா³யாத³நயனத்ரயஶோபி⁴தாம் ॥ 33 ॥
கருணாரஸஸம்பூர்ணகடாக்ஷஹஸிதோஜ்ஜ்வலாம் ।
ப⁴வ்யமுக்தாமணிசாருனாஸாமௌக்திகவேஷ்டிதாம் ॥ 34 ॥
கபோலயுக³லீந்ருʼத்யகர்ணதாடங்கஶோபி⁴தாம் ।
மாணிக்யவாலீயுக³லீமயூகா²ருணதி³ங்முகா²ம் ॥ 35 ॥
பரிபக்வஸுபி³ம்பா³பா⁴பாடலாத⁴ரபல்லவாம் ।
மஞ்ஜுலாத⁴ரபர்வஸ்த²மந்த³ஸ்மிதமனோஹராம் ॥ 36 ॥
த்³விக²ண்ட³த்³விஜராஜாப⁴க³ண்ட³த்³விதயமண்டி³தாம் ।
த³ரபு²ல்லலஸத்³க³ண்ட³த⁴வலாபூரிதானனாம் ॥ 37 ॥
பசேலிமேந்து³ஸுஷமாபாடச்சரமுக²ப்ரபா⁴ம் ।
கந்த⁴ராகாந்திஹஸிதகம்பு³பி³ம்போ³கட³ம்ப³ராம் ॥ 38 ॥
கஸ்தூரீகர்த³மாஶ்யாமகந்த⁴ராமூலகந்த³ராம் ।
வாமாம்ʼஸஶிக²ரோபாந்தவ்யாலம்பி³க⁴னவேணிகாம் ॥ 39 ॥
ம்ருʼணாலகாண்ட³தா³யாத³ம்ருʼது³பா³ஹுசதுஷ்டயாம் ।
மணிகேயூரயுக³லீமயூகா²ருணவிக்³ரஹாம் ॥ 40 ॥
கரமூலலஸத்³ரத்னகங்கணக்வாணபேஶலாம் ।
கரகாந்திஸமாதூ⁴தகல்பானோகஹபல்லவாம் ॥ 41 ॥
பத்³மராகோ³ர்மிகாஶ்ரேணிபா⁴ஸுராங்கு³லிபாலிகாம் ।
புண்ட்³ரகோத³ண்ட³புஷ்பாஸ்த்ரபாஶாங்குஶலஸத்கராம் ॥ 42 ॥
தப்தகாஞ்சனகும்பா⁴ப⁴ஸ்தனமண்ட³லமண்டி³தாம் ।
க⁴னஸ்தனதடீக்லுப்தகாஶ்மீரக்ஷோத³பாடலாம் ॥ 43 ॥
கூலங்கஷகுசஸ்பா²ரதாரஹாரவிராஜிதாம் ।
சாருகௌஸும்ப⁴கூர்பாஸச்ச²ன்னவக்ஷோஜமண்ட³லாம் ॥ 44 ॥
நவநீலக⁴னஶ்யாமரோமராஜிவிராஜிதாம் ।
லாவண்யஸாக³ராவர்தனிப⁴நாபி⁴விபூ⁴ஷிதாம் ॥ 45 ॥
டி³ம்ப⁴முஷ்டிதலக்³ராஹ்யமத்⁴யயஷ்டிமனோஹராம் ।
நிதம்ப³மண்ட³லாபோ⁴க³னிக்வணன்மணிமேக²லாம் ॥ 46 ॥
ஸந்த்⁴யாருணக்ஷௌமபடீஸஞ்ச²ன்னஜக⁴னஸ்த²லாம் ।
க⁴னோருகாந்திஹஸிதகத³லீகாண்ட³விப்⁴ரமாம் ॥ 47 ॥
ஜானுஸம்புடகத்³வந்த்³வஜிதமாணிக்யத³ர்பணாம் ।
ஜங்கா⁴யுக³லஸௌந்த³ர்யவிஜிதானங்க³காஹலாம் ॥ 48 ॥
ப்ரபத³ச்சா²யஸந்தானஜிதப்ராசீனகச்ச²பாம் ।
நீரஜாஸனகோடீரனிக்⁴ருʼஷ்டசரணாம்பு³ஜாம் ॥ 49 ॥
பாத³ஶோபா⁴பராபூ⁴தபாகாரிதருபல்லவாம் ।
சரணாம்போ⁴ஜஶிஞ்ஜானமணிமஞ்ஜீரமஞ்ஜுலாம் ॥ 50 ॥
விபு³தே⁴ந்த்³ரவதூ⁴த்ஸங்க³வின்யஸ்தபத³பல்லவாம் ।
பார்ஶ்வஸ்த²பா⁴ரதீலக்ஷ்மீபாணிசாமரவீஜிதாம் ॥ 51 ॥
புரதோ நாகநாரீணாம்ʼ பஶ்யந்தீம்ʼ ந்ருʼத்தமத்³பு⁴தம் ।
ப்⁴ரூலதாஞ்சலஸம்பூ⁴தபுஷ்பாயுத⁴பரம்பராம் ॥ 52 ॥
ப்ரத்யக்³ரயௌவனோன்மத்தபரிபு²ல்லவிலோசனாம் ।
தாம்ரோஷ்டீ²ம்ʼ தரலாபாங்கீ³ம்ʼ ஸுனாஸாம்ʼ ஸுந்த³ரஸ்மிதாம் ॥ 53 ॥
சதுரர்த²த்⁴ருவோதா³ராம்ʼ சாம்பேயோத்³க³ந்தி⁴குந்தலாம் ।
மது⁴ஸ்னபிதம்ருʼத்³வீகமது⁴ராலாபபேஶலாம் ॥ 54 ॥
ஶிவாம்ʼ ஷோட³ஶவார்ஷீகாம்ʼ ஶிவாங்கதலவாஸினீம் ।
சின்மயீம்ʼ ஹ்ருʼத³யாம்போ⁴ஜே சிந்தயேஜ்ஜாபகோத்தம꞉ ॥ 55 ॥
இதி த்ரிபுரஸுந்த³ர்யா ஹ்ருʼத³யம்ʼ ஸர்வகாமத³ம் ।
ஸர்வதா³ரித்³ர்யஶமனம்ʼ ஸர்வஸம்பத்ப்ரத³ம்ʼ ந்ருʼணாம் ॥ 56 ॥
தாபஜ்வரார்திஶமனம்ʼ தருணீஜநமோஹனம் ।
மஹாவிஷஹரம்ʼ புண்யம்ʼ மாங்க³ல்யகரமத்³பு⁴தம் ॥ 57 ॥
அபம்ருʼத்யுஹரம்ʼ தி³வ்யமாயுஷ்யஶ்ரீகரம்ʼ பரம் ।
அபவர்கை³கநிலயமவனீபாலவஶ்யத³ம் ॥ 58 ॥
பட²தி த்⁴யானரத்னம்ʼ ய꞉ ப்ராத꞉ ஸாயமதந்த்³ரித꞉ ।
ந விஷாதை³꞉ ஸ ச புமான் ப்ராப்னோதி பு⁴வனத்ரயம் ॥ 59 ॥
இதி ஶ்ரீமஹாத்ரிபுரஸுந்த³ரீஹ்ருʼத³யம்ʼ ஸம்பூர்ணம் ।
Recite with devotion and pure heart
Regular practice brings spiritual benefits