ഹൈന്ദവം
हैंహై
ഹൈന്ദവം
ஹிહિં📍
Font Size:
കമലാ കവചം
ഈശ്വര ഉവാച ।
അഥ വക്ഷ്യേ മഹേശാനി കവചം സർവകാമദം ।
യസ്യ വിജ്ഞാനമാത്രേണ ഭവേത്സാക്ഷാത്സദാശിവഃ ॥ 1 ॥
നാർചനം തസ്യ ദേവേശി മന്ത്രമാത്രം ജപേന്നരഃ ।
സ ഭവേത്പാർവതീപുത്രഃ സർവശാസ്ത്രേഷു പാരഗഃ ।
വിദ്യാർഥിനാ സദാ സേവ്യാ വിശേഷേ വിഷ്ണുവല്ലഭാ ॥ 2 ॥
അസ്യാശ്ചതുരക്ഷരിവിഷ്ണുവനിതാരൂപായാഃ കവചസ്യ ശ്രീഭഗവാൻ ശിവ ഋഷിരനുഷ്ടുപ്ഛന്ദോ, വാഗ്ഭവീ ദേവതാ, വാഗ്ഭവം ബീജം, ലജ്ജാ ശക്തിഃ, രമാ കീലകം, കാമബീജാത്മകം കവചം, മമ സുപാണ്ഡിത്യ കവിത്വ സർവസിദ്ധിസമൃദ്ധയേ ജപേ വിനിയോഗഃ ॥
അഥ കവചം ।
ഐങ്കാരീ മസ്തകേ പാതു വാഗ്ഭവീ സർവസിദ്ധിദാ ।
ഹ്രീം പാതു ചക്ഷുഷോർമധ്യേ ചക്ഷുര്യുഗ്മേ ച ശാങ്കരീ ॥ 1 ॥
ജിഹ്വായാം മുഖവൃത്തേ ച കർണയോർഗണ്ഡയോർനസി ।
ഓഷ്ഠാധരേ ദന്തപങ്ക്തൗ താലുമൂലേ ഹനൗ പുനഃ ॥ 2 ॥
പാതു മാം വിഷ്ണുവനിതാ ലക്ഷ്മീഃ ശ്രീവർണരൂപിണീ ।
കർണയുഗ്മേ ഭുജദ്വന്ദ്വേ സ്തനദ്വന്ദ്വേ ച പാർവതീ ॥ 3 ॥
ഹൃദയേ മണിബന്ധേ ച ഗ്രീവായാം പാർശ്വയോഃ പുനഃ ।
സർവാംഗേ പാതു കാമേശീ മഹാദേവീ സമുന്നതിഃ ॥ 4 ॥
വ്യുഷ്ടിഃ പാതു മഹാമായാ ഉത്കൃഷ്ടിഃ സർവദാഽവതു ।
സന്ധിം പാതു സദാ ദേവീ സർവത്ര ശംഭുവല്ലഭാ ॥ 5 ॥
വാഗ്ഭവീ സർവദാ പാതു പാതു മാം ഹരിഗേഹിനീ ।
രമാ പാതു സദാ ദേവീ പാതു മായാ സ്വരാട് സ്വയം ॥ 6 ॥
സർവാംഗേ പാതു മാം ലക്ഷ്മീർവിഷ്ണുമായാ സുരേശ്വരീ ।
വിജയാ പാതു ഭവനേ ജയാ പാതു സദാ മമ ॥ 7 ॥
ശിവദൂതീ സദാ പാതു സുന്ദരീ പാതു സർവദാ ।
ഭൈരവീ പാതു സർവത്ര ഭൈരുണ്ഡാ സർവദാഽവതു ॥ 8 ॥
ത്വരിതാ പാതു മാം നിത്യമുഗ്രതാരാ സദാഽവതു ।
പാതു മാം കാലികാ നിത്യം കാലരാത്രിഃ സദാഽവതു ॥ 9 ॥
നവദുർഗാ സദാ പാതു കാമാഖ്യാ സർവദാഽവതു ।
യോഗിന്യഃ സർവദാ പാന്തു മുദ്രാഃ പാന്തു സദാ മമ ॥ 10 ॥
മാതരഃ പാന്തു ദേവ്യശ്ച ചക്രസ്ഥാ യോഗിനീഗണാഃ ।
സർവത്ര സർവകാര്യേഷു സർവകർമസു സർവദാ ॥ 11 ॥
പാതു മാം ദേവദേവീ ച ലക്ഷ്മീഃ സർവസമൃദ്ധിദാ ।
ഇതി തേ കഥിതം ദിവ്യം കവചം സർവസിദ്ധയേ ॥ 12 ॥
യത്ര തത്ര ന വക്തവ്യം യദീച്ഛേദാത്മനോ ഹിതം ।
ശഠായ ഭക്തിഹീനായ നിന്ദകായ മഹേശ്വരി ॥ 13 ॥
ന്യൂനാംഗേ അതിരിക്താംഗേ ദർശയേന്ന കദാചന ।
ന സ്തവം ദർശയേദ്ദിവ്യം സന്ദർശ്യ ശിവഹാ ഭവേത് ॥ 14 ॥
കുലീനായ മഹോച്ഛ്രായ ദുർഗാഭക്തിപരായ ച ।
വൈഷ്ണവായ വിശുദ്ധായ ദദ്യാത്കവചമുത്തമം ॥ 15 ॥
നിജശിഷ്യായ ശാന്തായ ധനിനേ ജ്ഞാനിനേ തഥാ ।
ദദ്യാത്കവചമിത്യുക്തം സർവതന്ത്രസമന്വിതം ॥ 16 ॥
വിലിഖ്യ കവചം ദിവ്യം സ്വയംഭുകുസുമൈഃ ശുഭൈഃ ।
സ്വശുക്രൈഃ പരശുക്രൈശ്ച നാനാഗന്ധസമന്വിതൈഃ ॥ 17 ॥
ഗോരോചനാകുങ്കുമേന രക്തചന്ദനകേന വാ ।
സുതിഥൗ ശുഭയോഗേ വാ ശ്രവണായാം രവേർദിനേ ॥ 18 ॥
അശ്വിന്യാം കൃത്തികായാം വാ ഫൽഗുന്യാം വാ മഘാസു ച ।
പൂർവഭാദ്രപദായോഗേ സ്വാത്യാം മംഗലവാസരേ ॥ 19 ॥
വിലിഖേത് പ്രപഠേത് സ്തോത്രം ശുഭയോഗേ സുരാലയേ ।
ആയുഷ്മത്പ്രീതിയോഗേ ച ബ്രഹ്മയോഗേ വിശേഷതഃ ॥ 20 ॥
ഇന്ദ്രയോഗേ ശുഭയോഗേ ശുക്രയോഗേ തഥൈവ ച ।
കൗലവേ ബാലവേ ചൈവ വണിജേ ചൈവ സത്തമഃ ॥ 21 ॥
ശൂന്യാഗാരേ ശ്മശാനേ വാ വിജനേ ച വിശേഷതഃ ।
കുമാരീം പൂജയിത്വാദൗ യജേദ്ദേവീം സനാതനീം ॥ 22 ॥
മത്സ്യമാംസൈഃ ശാകസൂപൈഃ പൂജയേത്പരദേവതാം ।
ഘൃതാദ്യൈഃ സോപകരണൈഃ പൂപസൂപൈർവിശേഷതഃ ॥ 23 ॥
ബ്രാഹ്മണാൻഭോജായിത്വാദൗ പ്രീണയേത്പരമേശ്വരീം ।
ബഹുനാ കിമിഹോക്തേന കൃതേ ത്വേവം ദിനത്രയം ॥ 24 ॥
തദാധരേന്മഹാരക്ഷാം ശങ്കരേണാഭിഭാഷിതം ।
മാരണദ്വേഷണാദീനി ലഭതേ നാത്ര സംശയഃ ॥ 25 ॥
സ ഭവേത്പാർവതീപുത്രഃ സർവശാസ്ത്രവിശാരദഃ ।
ഗുരുർദേവോ ഹരഃ സാക്ഷാത്പത്നീ തസ്യ ഹരപ്രിയാ ॥ 26 ॥
അഭേദേന ഭജേദ്യസ്തു തസ്യ സിദ്ധിരദൂരതഃ ।
സർവദേവമയീം ദേവീം സർവമന്ത്രമയീം തഥാ ॥ 27 ॥
സുഭക്ത്യാ പൂജയേദ്യസ്തു സ ഭവേത്കമലാപ്രിയഃ ।
രക്തപുഷ്പൈസ്തഥാ ഗന്ധൈർവസ്ത്രാലങ്കരണൈസ്തഥാ ॥ 28 ॥
ഭക്ത്യാ യഃ പൂജയേദ്ദേവീം ലഭതേ പരമാം ഗതിം ।
നാരീ വാ പുരുഷോ വാപി യഃ പഠേത്കവചം ശുഭം ।
മന്ത്രസിദ്ധിഃ കാര്യസിദ്ധിർലഭതേ നാത്ര സംശയഃ ॥ 29 ॥
പഠതി യ ഇഹ മർത്യോ നിത്യമാർദ്രാന്തരാത്മാ
ജപഫലമനുമേയം ലപ്സ്യതേ യദ്വിധേയം ।
സ ഭവതി പദമുച്ചൈഃ സമ്പദാം പാദനമ്രഃ
ക്ഷിതിപമുകുടലക്ഷ്മീർലക്ഷണാനാം ചിരായ ॥ 30 ॥
ഇതി ശ്രീ വിശ്വസാരതന്ത്രോക്തം ചതുരക്ഷരീ വിഷ്ണുവനിതാ കവചം നാമ ശ്രീ കമലാ കവചം ।
Recite with devotion and pure heart
Regular practice brings spiritual benefits