हैंహైHaindavamஹிહિં
📍
Font Size:
ಕಮಲಾ ಕವಚಂ
ಈಶ್ವರ ಉವಾಚ ।
ಅಥ ವಕ್ಷ್ಯೇ ಮಹೇಶಾನಿ ಕವಚಂ ಸರ್ವಕಾಮದಂ ।
ಯಸ್ಯ ವಿಜ್ಞಾನಮಾತ್ರೇಣ ಭವೇತ್ಸಾಕ್ಷಾತ್ಸದಾಶಿವಃ ॥ 1 ॥
ನಾರ್ಚನಂ ತಸ್ಯ ದೇವೇಶಿ ಮಂತ್ರಮಾತ್ರಂ ಜಪೇನ್ನರಃ ।
ಸ ಭವೇತ್ಪಾರ್ವತೀಪುತ್ರಃ ಸರ್ವಶಾಸ್ತ್ರೇಷು ಪಾರಗಃ ।
ವಿದ್ಯಾರ್ಥಿನಾ ಸದಾ ಸೇವ್ಯಾ ವಿಶೇಷೇ ವಿಷ್ಣುವಲ್ಲಭಾ ॥ 2 ॥
ಅಸ್ಯಾಶ್ಚತುರಕ್ಷರಿವಿಷ್ಣುವನಿತಾರೂಪಾಯಾಃ ಕವಚಸ್ಯ ಶ್ರೀಭಗವಾನ್ ಶಿವ ಋಷಿರನುಷ್ಟುಪ್ಛಂದೋ, ವಾಗ್ಭವೀ ದೇವತಾ, ವಾಗ್ಭವಂ ಬೀಜಂ, ಲಜ್ಜಾ ಶಕ್ತಿಃ, ರಮಾ ಕೀಲಕಂ, ಕಾಮಬೀಜಾತ್ಮಕಂ ಕವಚಂ, ಮಮ ಸುಪಾಂಡಿತ್ಯ ಕವಿತ್ವ ಸರ್ವಸಿದ್ಧಿಸಮೃದ್ಧಯೇ ಜಪೇ ವಿನಿಯೋಗಃ ॥
ಅಥ ಕವಚಂ ।
ಐಂಕಾರೀ ಮಸ್ತಕೇ ಪಾತು ವಾಗ್ಭವೀ ಸರ್ವಸಿದ್ಧಿದಾ ।
ಹ್ರೀಂ ಪಾತು ಚಕ್ಷುಷೋರ್ಮಧ್ಯೇ ಚಕ್ಷುರ್ಯುಗ್ಮೇ ಚ ಶಾಂಕರೀ ॥ 1 ॥
ಜಿಹ್ವಾಯಾಂ ಮುಖವೃತ್ತೇ ಚ ಕರ್ಣಯೋರ್ಗಂಡಯೋರ್ನಸಿ ।
ಓಷ್ಠಾಧರೇ ದಂತಪಂಕ್ತೌ ತಾಲುಮೂಲೇ ಹನೌ ಪುನಃ ॥ 2 ॥
ಪಾತು ಮಾಂ ವಿಷ್ಣುವನಿತಾ ಲಕ್ಷ್ಮೀಃ ಶ್ರೀವರ್ಣರೂಪಿಣೀ ।
ಕರ್ಣಯುಗ್ಮೇ ಭುಜದ್ವಂದ್ವೇ ಸ್ತನದ್ವಂದ್ವೇ ಚ ಪಾರ್ವತೀ ॥ 3 ॥
ಹೃದಯೇ ಮಣಿಬಂಧೇ ಚ ಗ್ರೀವಾಯಾಂ ಪಾರ್ಶ್ವಯೋಃ ಪುನಃ ।
ಸರ್ವಾಂಗೇ ಪಾತು ಕಾಮೇಶೀ ಮಹಾದೇವೀ ಸಮುನ್ನತಿಃ ॥ 4 ॥
ವ್ಯುಷ್ಟಿಃ ಪಾತು ಮಹಾಮಾಯಾ ಉತ್ಕೃಷ್ಟಿಃ ಸರ್ವದಾಽವತು ।
ಸಂಧಿಂ ಪಾತು ಸದಾ ದೇವೀ ಸರ್ವತ್ರ ಶಂಭುವಲ್ಲಭಾ ॥ 5 ॥
ವಾಗ್ಭವೀ ಸರ್ವದಾ ಪಾತು ಪಾತು ಮಾಂ ಹರಿಗೇಹಿನೀ ।
ರಮಾ ಪಾತು ಸದಾ ದೇವೀ ಪಾತು ಮಾಯಾ ಸ್ವರಾಟ್ ಸ್ವಯಂ ॥ 6 ॥
ಸರ್ವಾಂಗೇ ಪಾತು ಮಾಂ ಲಕ್ಷ್ಮೀರ್ವಿಷ್ಣುಮಾಯಾ ಸುರೇಶ್ವರೀ ।
ವಿಜಯಾ ಪಾತು ಭವನೇ ಜಯಾ ಪಾತು ಸದಾ ಮಮ ॥ 7 ॥
ಶಿವದೂತೀ ಸದಾ ಪಾತು ಸುಂದರೀ ಪಾತು ಸರ್ವದಾ ।
ಭೈರವೀ ಪಾತು ಸರ್ವತ್ರ ಭೈರುಂಡಾ ಸರ್ವದಾಽವತು ॥ 8 ॥
ತ್ವರಿತಾ ಪಾತು ಮಾಂ ನಿತ್ಯಮುಗ್ರತಾರಾ ಸದಾಽವತು ।
ಪಾತು ಮಾಂ ಕಾಲಿಕಾ ನಿತ್ಯಂ ಕಾಲರಾತ್ರಿಃ ಸದಾಽವತು ॥ 9 ॥
ನವದುರ್ಗಾ ಸದಾ ಪಾತು ಕಾಮಾಖ್ಯಾ ಸರ್ವದಾಽವತು ।
ಯೋಗಿನ್ಯಃ ಸರ್ವದಾ ಪಾಂತು ಮುದ್ರಾಃ ಪಾಂತು ಸದಾ ಮಮ ॥ 10 ॥
ಮಾತರಃ ಪಾಂತು ದೇವ್ಯಶ್ಚ ಚಕ್ರಸ್ಥಾ ಯೋಗಿನೀಗಣಾಃ ।
ಸರ್ವತ್ರ ಸರ್ವಕಾರ್ಯೇಷು ಸರ್ವಕರ್ಮಸು ಸರ್ವದಾ ॥ 11 ॥
ಪಾತು ಮಾಂ ದೇವದೇವೀ ಚ ಲಕ್ಷ್ಮೀಃ ಸರ್ವಸಮೃದ್ಧಿದಾ ।
ಇತಿ ತೇ ಕಥಿತಂ ದಿವ್ಯಂ ಕವಚಂ ಸರ್ವಸಿದ್ಧಯೇ ॥ 12 ॥
ಯತ್ರ ತತ್ರ ನ ವಕ್ತವ್ಯಂ ಯದೀಚ್ಛೇದಾತ್ಮನೋ ಹಿತಂ ।
ಶಠಾಯ ಭಕ್ತಿಹೀನಾಯ ನಿಂದಕಾಯ ಮಹೇಶ್ವರಿ ॥ 13 ॥
ನ್ಯೂನಾಂಗೇ ಅತಿರಿಕ್ತಾಂಗೇ ದರ್ಶಯೇನ್ನ ಕದಾಚನ ।
ನ ಸ್ತವಂ ದರ್ಶಯೇದ್ದಿವ್ಯಂ ಸಂದರ್ಶ್ಯ ಶಿವಹಾ ಭವೇತ್ ॥ 14 ॥
ಕುಲೀನಾಯ ಮಹೋಚ್ಛ್ರಾಯ ದುರ್ಗಾಭಕ್ತಿಪರಾಯ ಚ ।
ವೈಷ್ಣವಾಯ ವಿಶುದ್ಧಾಯ ದದ್ಯಾತ್ಕವಚಮುತ್ತಮಂ ॥ 15 ॥
ನಿಜಶಿಷ್ಯಾಯ ಶಾಂತಾಯ ಧನಿನೇ ಜ್ಞಾನಿನೇ ತಥಾ ।
ದದ್ಯಾತ್ಕವಚಮಿತ್ಯುಕ್ತಂ ಸರ್ವತಂತ್ರಸಮನ್ವಿತಂ ॥ 16 ॥
ವಿಲಿಖ್ಯ ಕವಚಂ ದಿವ್ಯಂ ಸ್ವಯಂಭುಕುಸುಮೈಃ ಶುಭೈಃ ।
ಸ್ವಶುಕ್ರೈಃ ಪರಶುಕ್ರೈಶ್ಚ ನಾನಾಗಂಧಸಮನ್ವಿತೈಃ ॥ 17 ॥
ಗೋರೋಚನಾಕುಂಕುಮೇನ ರಕ್ತಚಂದನಕೇನ ವಾ ।
ಸುತಿಥೌ ಶುಭಯೋಗೇ ವಾ ಶ್ರವಣಾಯಾಂ ರವೇರ್ದಿನೇ ॥ 18 ॥
ಅಶ್ವಿನ್ಯಾಂ ಕೃತ್ತಿಕಾಯಾಂ ವಾ ಫಲ್ಗುನ್ಯಾಂ ವಾ ಮಘಾಸು ಚ ।
ಪೂರ್ವಭಾದ್ರಪದಾಯೋಗೇ ಸ್ವಾತ್ಯಾಂ ಮಂಗಲವಾಸರೇ ॥ 19 ॥
ವಿಲಿಖೇತ್ ಪ್ರಪಠೇತ್ ಸ್ತೋತ್ರಂ ಶುಭಯೋಗೇ ಸುರಾಲಯೇ ।
ಆಯುಷ್ಮತ್ಪ್ರೀತಿಯೋಗೇ ಚ ಬ್ರಹ್ಮಯೋಗೇ ವಿಶೇಷತಃ ॥ 20 ॥
ಇಂದ್ರಯೋಗೇ ಶುಭಯೋಗೇ ಶುಕ್ರಯೋಗೇ ತಥೈವ ಚ ।
ಕೌಲವೇ ಬಾಲವೇ ಚೈವ ವಣಿಜೇ ಚೈವ ಸತ್ತಮಃ ॥ 21 ॥
ಶೂನ್ಯಾಗಾರೇ ಶ್ಮಶಾನೇ ವಾ ವಿಜನೇ ಚ ವಿಶೇಷತಃ ।
ಕುಮಾರೀಂ ಪೂಜಯಿತ್ವಾದೌ ಯಜೇದ್ದೇವೀಂ ಸನಾತನೀಂ ॥ 22 ॥
ಮತ್ಸ್ಯಮಾಂಸೈಃ ಶಾಕಸೂಪೈಃ ಪೂಜಯೇತ್ಪರದೇವತಾಂ ।
ಘೃತಾದ್ಯೈಃ ಸೋಪಕರಣೈಃ ಪೂಪಸೂಪೈರ್ವಿಶೇಷತಃ ॥ 23 ॥
ಬ್ರಾಹ್ಮಣಾನ್ಭೋಜಾಯಿತ್ವಾದೌ ಪ್ರೀಣಯೇತ್ಪರಮೇಶ್ವರೀಂ ।
ಬಹುನಾ ಕಿಮಿಹೋಕ್ತೇನ ಕೃತೇ ತ್ವೇವಂ ದಿನತ್ರಯಂ ॥ 24 ॥
ತದಾಧರೇನ್ಮಹಾರಕ್ಷಾಂ ಶಂಕರೇಣಾಭಿಭಾಷಿತಂ ।
ಮಾರಣದ್ವೇಷಣಾದೀನಿ ಲಭತೇ ನಾತ್ರ ಸಂಶಯಃ ॥ 25 ॥
ಸ ಭವೇತ್ಪಾರ್ವತೀಪುತ್ರಃ ಸರ್ವಶಾಸ್ತ್ರವಿಶಾರದಃ ।
ಗುರುರ್ದೇವೋ ಹರಃ ಸಾಕ್ಷಾತ್ಪತ್ನೀ ತಸ್ಯ ಹರಪ್ರಿಯಾ ॥ 26 ॥
ಅಭೇದೇನ ಭಜೇದ್ಯಸ್ತು ತಸ್ಯ ಸಿದ್ಧಿರದೂರತಃ ।
ಸರ್ವದೇವಮಯೀಂ ದೇವೀಂ ಸರ್ವಮಂತ್ರಮಯೀಂ ತಥಾ ॥ 27 ॥
ಸುಭಕ್ತ್ಯಾ ಪೂಜಯೇದ್ಯಸ್ತು ಸ ಭವೇತ್ಕಮಲಾಪ್ರಿಯಃ ।
ರಕ್ತಪುಷ್ಪೈಸ್ತಥಾ ಗಂಧೈರ್ವಸ್ತ್ರಾಲಂಕರಣೈಸ್ತಥಾ ॥ 28 ॥
ಭಕ್ತ್ಯಾ ಯಃ ಪೂಜಯೇದ್ದೇವೀಂ ಲಭತೇ ಪರಮಾಂ ಗತಿಂ ।
ನಾರೀ ವಾ ಪುರುಷೋ ವಾಪಿ ಯಃ ಪಠೇತ್ಕವಚಂ ಶುಭಂ ।
ಮಂತ್ರಸಿದ್ಧಿಃ ಕಾರ್ಯಸಿದ್ಧಿರ್ಲಭತೇ ನಾತ್ರ ಸಂಶಯಃ ॥ 29 ॥
ಪಠತಿ ಯ ಇಹ ಮರ್ತ್ಯೋ ನಿತ್ಯಮಾರ್ದ್ರಾಂತರಾತ್ಮಾ
ಜಪಫಲಮನುಮೇಯಂ ಲಪ್ಸ್ಯತೇ ಯದ್ವಿಧೇಯಂ ।
ಸ ಭವತಿ ಪದಮುಚ್ಚೈಃ ಸಂಪದಾಂ ಪಾದನಮ್ರಃ
ಕ್ಷಿತಿಪಮುಕುಟಲಕ್ಷ್ಮೀರ್ಲಕ್ಷಣಾನಾಂ ಚಿರಾಯ ॥ 30 ॥
ಇತಿ ಶ್ರೀ ವಿಶ್ವಸಾರತಂತ್ರೋಕ್ತಂ ಚತುರಕ್ಷರೀ ವಿಷ್ಣುವನಿತಾ ಕವಚಂ ನಾಮ ಶ್ರೀ ಕಮಲಾ ಕವಚಂ ।
Recite with devotion and pure heart
Regular practice brings spiritual benefits