നാരദ ഉവാച । ഇന്ദ്രാക്ഷീസ്തോത്രമാഖ്യാഹി നാരായണ ഗുണാർണവ । പാർവത്യൈ ശിവസമ്പ്രോക്തം പരം കൗതൂഹലം ഹി മേ ॥ നാരായണ ഉവാച । ഇന്ദ്രാക്ഷീ സ്തോത്ര മന്ത്രസ്യ മാഹാത്മ്യം കേന വോച്യതേ । ഇന്ദ്രേണാദൗ കൃതം സ്തോത്രം സർവാപദ്വിനിവാരണം ॥ തദേവാഹം ബ്രവീമ്യദ്യ പൃച്ഛതസ്തവ നാരദ । അസ്യ ശ്രീ ഇന്ദ്രാക്ഷീസ്തോത്രമഹാമന്ത്രസ്യ, ശചീപുരന്ദര ഋഷിഃ, അനുഷ്ടുപ്ഛന്ദഃ, ഇന്ദ്രാക്ഷീ ദുർഗാ ദേവതാ, ലക്ഷ്മീർബീജം, ഭുവനേശ്വരീ ശക്തിഃ, ഭവാനീ കീലകം, മമ ഇന്ദ്രാക്ഷീ പ്രസാദ സിദ്ധ്യർഥേ ജപേ വിനിയോഗഃ । കരന്യാസഃ ഇന്ദ്രാക്ഷ്യൈ അംഗുഷ്ഠാഭ്യാം നമഃ । മഹാലക്ഷ്മ്യൈ തർജനീഭ്യാം നമഃ । മഹേശ്വര്യൈ മധ്യമാഭ്യാം നമഃ । അംബുജാക്ഷ്യൈ അനാമികാഭ്യാം നമഃ । കാത്യായന്യൈ കനിഷ്ഠികാഭ്യാം നമഃ । കൗമാര്യൈ കരതലകരപൃഷ്ഠാഭ്യാം നമഃ । അംഗന്യാസഃ ഇന്ദ്രാക്ഷ്യൈ ഹൃദയായ നമഃ । മഹാലക്ഷ്മ്യൈ ശിരസേ സ്വാഹാ । മഹേശ്വര്യൈ ശിഖായൈ വഷട് । അംബുജാക്ഷ്യൈ കവചായ ഹും । കാത്യായന്യൈ നേത്രത്രയായ വൗഷട് । കൗമാര്യൈ അസ്ത്രായ ഫട് । ഭൂർഭുവസ്സുവരോമിതി ദിഗ്ബന്ധഃ ॥ ധ്യാനം നേത്രാണാം ദശഭിശ്ശതൈഃ പരിവൃതാമത്യുഗ്രചർമാംബരാം । ഹേമാഭാം മഹതീം വിലംബിതശിഖാമാമുക്തകേശാന്വിതാം ॥ ഘണ്ടാമണ്ഡിതപാദപദ്മയുഗലാം നാഗേന്ദ്രകുംഭസ്തനീം । ഇന്ദ്രാക്ഷീം പരിചിന്തയാമി മനസാ കല്പോക്തസിദ്ധിപ്രദാം ॥ 1 ॥ ഇന്ദ്രാക്ഷീം ദ്വിഭുജാം ദേവീം പീതവസ്ത്രദ്വയാന്വിതാം । വാമഹസ്തേ വജ്രധരാം ദക്ഷിണേന വരപ്രദാം ॥ ഇന്ദ്രാക്ഷീം സഹയുവതീം നാനാലങ്കാരഭൂഷിതാം । പ്രസന്നവദനാംഭോജാമപ്സരോഗണസേവിതാം ॥ 2 ॥ ദ്വിഭുജാം സൗമ്യവദാനാം പാശാങ്കുശധരാം പരാം । ത്രൈലോക്യമോഹിനീം ദേവീം ഇന്ദ്രാക്ഷീ നാമ കീർതിതാം ॥ 3 ॥ പീതാംബരാം വജ്രധരൈകഹസ്താം നാനാവിധാലങ്കരണാം പ്രസന്നാം । ത്വാമപ്സരസ്സേവിതപാദപദ്മാം ഇന്ദ്രാക്ഷീം വന്ദേ ശിവധർമപത്നീം ॥ 4 ॥ പഞ്ചപൂജാ ലം പൃഥിവ്യാത്മികായൈ ഗന്ധം സമർപയാമി । ഹം ആകാശാത്മികായൈ പുഷ്പൈഃ പൂജയാമി । യം വായ്വാത്മികായൈ ധൂപമാഘ്രാപയാമി । രം അഗ്ന്യാത്മികായൈ ദീപം ദർശയാമി । വം അമൃതാത്മികായൈ അമൃതം മഹാനൈവേദ്യം നിവേദയാമി । സം സർവാത്മികായൈ സർവോപചാരപൂജാം സമർപയാമി ॥ ദിഗ്ദേവതാ രക്ഷ ഇന്ദ്ര ഉവാച । ഇന്ദ്രാക്ഷീ പൂർവതഃ പാതു പാത്വാഗ്നേയ്യാം തഥേശ്വരീ । കൗമാരീ ദക്ഷിണേ പാതു നൈരൃത്യാം പാതു പാർവതീ ॥ 1 ॥ വാരാഹീ പശ്ചിമേ പാതു വായവ്യേ നാരസിംഹ്യപി । ഉദീച്യാം കാലരാത്രീ മാം ഐശാന്യാം സർവശക്തയഃ ॥ 2 ॥ ഭൈരവ്യോർധ്വം സദാ പാതു പാത്വധോ വൈഷ്ണവീ തഥാ । ഏവം ദശദിശോ രക്ഷേത്സർവദാ ഭുവനേശ്വരീ ॥ 3 ॥ ഓം ഹ്രീം ശ്രീം ഇന്ദ്രാക്ഷ്യൈ നമഃ । സ്തോത്രം ഇന്ദ്രാക്ഷീ നാമ സാ ദേവീ ദേവതൈസ്സമുദാഹൃതാ । ഗൗരീ ശാകംഭരീ ദേവീ ദുർഗാനാമ്നീതി വിശ്രുതാ ॥ 1 ॥ നിത്യാനന്ദീ നിരാഹാരീ നിഷ്കലായൈ നമോഽസ്തു തേ । കാത്യായനീ മഹാദേവീ ചന്ദ്രഘണ്ടാ മഹാതപാഃ ॥ 2 ॥ സാവിത്രീ സാ ച ഗായത്രീ ബ്രഹ്മാണീ ബ്രഹ്മവാദിനീ । നാരായണീ ഭദ്രകാലീ രുദ്രാണീ കൃഷ്ണപിംഗലാ ॥ 3 ॥ അഗ്നിജ്വാലാ രൗദ്രമുഖീ കാലരാത്രീ തപസ്വിനീ । മേഘസ്വനാ സഹസ്രാക്ഷീ വികടാംഗീ (വികാരാംഗീ) ജഡോദരീ ॥ 4 ॥ മഹോദരീ മുക്തകേശീ ഘോരരൂപാ മഹാബലാ । അജിതാ ഭദ്രദാഽനന്താ രോഗഹന്ത്രീ ശിവപ്രിയാ ॥ 5 ॥ ശിവദൂതീ കരാലീ ച പ്രത്യക്ഷപരമേശ്വരീ । ഇന്ദ്രാണീ ഇന്ദ്രരൂപാ ച ഇന്ദ്രശക്തിഃപരായണീ ॥ 6 ॥ സദാ സമ്മോഹിനീ ദേവീ സുന്ദരീ ഭുവനേശ്വരീ । ഏകാക്ഷരീ പരാ ബ്രാഹ്മീ സ്ഥൂലസൂക്ഷ്മപ്രവർധനീ ॥ 7 ॥ രക്ഷാകരീ രക്തദന്താ രക്തമാല്യാംബരാ പരാ । മഹിഷാസുരസംഹർത്രീ ചാമുണ്ഡാ സപ്തമാതൃകാ ॥ 8 ॥ വാരാഹീ നാരസിംഹീ ച ഭീമാ ഭൈരവവാദിനീ । ശ്രുതിസ്സ്മൃതിർധൃതിർമേധാ വിദ്യാലക്ഷ്മീസ്സരസ്വതീ ॥ 9 ॥ അനന്താ വിജയാഽപർണാ മാനസോക്താപരാജിതാ । ഭവാനീ പാർവതീ ദുർഗാ ഹൈമവത്യംബികാ ശിവാ ॥ 10 ॥ ശിവാ ഭവാനീ രുദ്രാണീ ശങ്കരാർധശരീരിണീ । ഐരാവതഗജാരൂഢാ വജ്രഹസ്താ വരപ്രദാ ॥ 11 ॥ ധൂർജടീ വികടീ ഘോരീ ഹ്യഷ്ടാംഗീ നരഭോജിനീ । ഭ്രാമരീ കാഞ്ചി കാമാക്ഷീ ക്വണന്മാണിക്യനൂപുരാ ॥ 12 ॥ ഹ്രീങ്കാരീ രൗദ്രഭേതാലീ ഹ്രുങ്കാര്യമൃതപാണിനീ । ത്രിപാദ്ഭസ്മപ്രഹരണാ ത്രിശിരാ രക്തലോചനാ ॥ 13 ॥ നിത്യാ സകലകല്യാണീ സർവൈശ്വര്യപ്രദായിനീ । ദാക്ഷായണീ പദ്മഹസ്താ ഭാരതീ സർവമംഗലാ ॥ 14 ॥ കല്യാണീ ജനനീ ദുർഗാ സർവദുഃഖവിനാശിനീ । ഇന്ദ്രാക്ഷീ സർവഭൂതേശീ സർവരൂപാ മനോന്മനീ ॥ 15 ॥ മഹിഷമസ്തകനൃത്യവിനോദന- സ്ഫുടരണന്മണിനൂപുരപാദുകാ । ജനനരക്ഷണമോക്ഷവിധായിനീ ജയതു ശുംഭനിശുംഭനിഷൂദിനീ ॥ 16 ॥ ശിവാ ച ശിവരൂപാ ച ശിവശക്തിപരായണീ । മൃത്യുഞ്ജയീ മഹാമായീ സർവരോഗനിവാരിണീ ॥ 17 ॥ ഐന്ദ്രീദേവീ സദാകാലം ശാന്തിമാശുകരോതു മേ । ഈശ്വരാർധാംഗനിലയാ ഇന്ദുബിംബനിഭാനനാ ॥ 18 ॥ സർവോരോഗപ്രശമനീ സർവമൃത്യുനിവാരിണീ । അപവർഗപ്രദാ രമ്യാ ആയുരാരോഗ്യദായിനീ ॥ 19 ॥ ഇന്ദ്രാദിദേവസംസ്തുത്യാ ഇഹാമുത്രഫലപ്രദാ । ഇച്ഛാശക്തിസ്വരൂപാ ച ഇഭവക്ത്രാദ്വിജന്മഭൂഃ ॥ 20 ॥ ഭസ്മായുധായ വിദ്മഹേ രക്തനേത്രായ ധീമഹി തന്നോ ജ്വരഹരഃ പ്രചോദയാത് ॥ 21 ॥ മന്ത്രഃ ഓം ഐം ഹ്രീം ശ്രീം ക്ലീം ക്ലൂം ഇന്ദ്രാക്ഷ്യൈ നമഃ ॥ 22 ॥ ഓം നമോ ഭഗവതീ ഇന്ദ്രാക്ഷീ സർവജനസമ്മോഹിനീ കാലരാത്രീ നാരസിംഹീ സർവശത്രുസംഹാരിണീ അനലേ അഭയേ അജിതേ അപരാജിതേ മഹാസിംഹവാഹിനീ മഹിഷാസുരമർദിനീ ഹന ഹന മർദയ മർദയ മാരയ മാരയ ശോഷയ ശോഷയ ദാഹയ ദാഹയ മഹാഗ്രഹാൻ സംഹര സംഹര യക്ഷഗ്രഹ രാക്ഷസഗ്രഹ സ്കന്ദഗ്രഹ വിനായകഗ്രഹ ബാലഗ്രഹ കുമാരഗ്രഹ ചോരഗ്രഹ ഭൂതഗ്രഹ പ്രേതഗ്രഹ പിശാചഗ്രഹ കൂഷ്മാണ്ഡഗ്രഹാദീൻ മർദയ മർദയ നിഗ്രഹ നിഗ്രഹ ധൂമഭൂതാൻസന്ത്രാവയ സന്ത്രാവയ ഭൂതജ്വര പ്രേതജ്വര പിശാചജ്വര ഉഷ്ണജ്വര പിത്തജ്വര വാതജ്വര ശ്ലേഷ്മജ്വര കഫജ്വര ആലാപജ്വര സന്നിപാതജ്വര മാഹേന്ദ്രജ്വര കൃത്രിമജ്വര കൃത്യാദിജ്വര ഏകാഹികജ്വര ദ്വയാഹികജ്വര ത്രയാഹികജ്വര ചാതുർഥികജ്വര പഞ്ചാഹികജ്വര പക്ഷജ്വര മാസജ്വര ഷണ്മാസജ്വര സംവത്സരജ്വര ജ്വരാലാപജ്വര സർവജ്വര സർവാംഗജ്വരാൻ നാശയ നാശയ ഹര ഹര ഹന ഹന ദഹ ദഹ പച പച താഡയ താഡയ ആകർഷയ ആകർഷയ വിദ്വേഷയ വിദ്വേഷയ സ്തംഭയ സ്തംഭയ മോഹയ മോഹയ ഉച്ചാടയ ഉച്ചാടയ ഹും ഫട് സ്വാഹാ ॥ 23 ॥ ഓം ഹ്രീം ഓം നമോ ഭഗവതീ ത്രൈലോക്യലക്ഷ്മീ സർവജനവശങ്കരീ സർവദുഷ്ടഗ്രഹസ്തംഭിനീ കങ്കാലീ കാമരൂപിണീ കാലരൂപിണീ ഘോരരൂപിണീ പരമന്ത്രപരയന്ത്ര പ്രഭേദിനീ പ്രതിഭടവിധ്വംസിനീ പരബലതുരഗവിമർദിനീ ശത്രുകരച്ഛേദിനീ ശത്രുമാംസഭക്ഷിണീ സകലദുഷ്ടജ്വരനിവാരിണീ ഭൂത പ്രേത പിശാച ബ്രഹ്മരാക്ഷസ യക്ഷ യമദൂത ശാകിനീ ഡാകിനീ കാമിനീ സ്തംഭിനീ മോഹിനീ വശങ്കരീ കുക്ഷിരോഗ ശിരോരോഗ നേത്രരോഗ ക്ഷയാപസ്മാര കുഷ്ഠാദി മഹാരോഗനിവാരിണീ മമ സർവരോഗം നാശയ നാശയ ഹ്രാം ഹ്രീം ഹ്രൂം ഹ്രൈം ഹ്രൗം ഹ്രഃ ഹും ഫട് സ്വാഹാ ॥ 24 ॥ ഓം നമോ ഭഗവതീ മാഹേശ്വരീ മഹാചിന്താമണീ ദുർഗേ സകലസിദ്ധേശ്വരീ സകലജനമനോഹാരിണീ കാലകാലരാത്രീ മഹാഘോരരൂപേ പ്രതിഹതവിശ്വരൂപിണീ മധുസൂദനീ മഹാവിഷ്ണുസ്വരൂപിണീ ശിരശ്ശൂല കടിശൂല അംഗശൂല പാർശ്വശൂല നേത്രശൂല കർണശൂല പക്ഷശൂല പാണ്ഡുരോഗ കാമാരാദീൻ സംഹര സംഹര നാശയ നാശയ വൈഷ്ണവീ ബ്രഹ്മാസ്ത്രേണ വിഷ്ണുചക്രേണ രുദ്രശൂലേന യമദണ്ഡേന വരുണപാശേന വാസവവജ്രേണ സർവാനരീം ഭഞ്ജയ ഭഞ്ജയ രാജയക്ഷ്മ ക്ഷയരോഗ താപജ്വരനിവാരിണീ മമ സർവജ്വരം നാശയ നാശയ യ ര ല വ ശ ഷ സ ഹ സർവഗ്രഹാൻ താപയ താപയ സംഹര സംഹര ഛേദയ ഛേദയ ഉച്ചാടയ ഉച്ചാടയ ഹ്രാം ഹ്രീം ഹ്രൂം ഫട് സ്വാഹാ ॥ 25 ॥ ഉത്തരന്യാസഃ കരന്യാസഃ ഇന്ദ്രാക്ഷ്യൈ അംഗുഷ്ഠാഭ്യാം നമഃ । മഹാലക്ഷ്മ്യൈ തർജനീഭ്യാം നമഃ । മഹേശ്വര്യൈ മധ്യമാഭ്യാം നമഃ । അംബുജാക്ഷ്യൈ അനാമികാഭ്യാം നമഃ । കാത്യായന്യൈ കനിഷ്ഠികാഭ്യാം നമഃ । കൗമാര്യൈ കരതലകരപൃഷ്ഠാഭ്യാം നമഃ । അംഗന്യാസഃ ഇന്ദ്രാക്ഷ്യൈ ഹൃദയായ നമഃ । മഹാലക്ഷ്മ്യൈ ശിരസേ സ്വാഹാ । മഹേശ്വര്യൈ ശിഖായൈ വഷട് । അംബുജാക്ഷ്യൈ കവചായ ഹും । കാത്യായന്യൈ നേത്രത്രയായ വൗഷട് । കൗമാര്യൈ അസ്ത്രായ ഫട് । ഭൂർഭുവസ്സുവരോമിതി ദിഗ്വിമോകഃ ॥ സമർപണം ഗുഹ്യാദി ഗുഹ്യ ഗോപ്ത്രീ ത്വം ഗൃഹാണാസ്മത്കൃതം ജപം । സിദ്ധിർഭവതു മേ ദേവീ ത്വത്പ്രസാദാന്മയി സ്ഥിരാൻ ॥ 26 ഫലശ്രുതിഃ നാരായണ ഉവാച । ഏതൈർനാമശതൈർദിവ്യൈഃ സ്തുതാ ശക്രേണ ധീമതാ । ആയുരാരോഗ്യമൈശ്വര്യം അപമൃത്യുഭയാപഹം ॥ 27 ॥ ക്ഷയാപസ്മാരകുഷ്ഠാദി താപജ്വരനിവാരണം । ചോരവ്യാഘ്രഭയം തത്ര ശീതജ്വരനിവാരണം ॥ 28 ॥ മാഹേശ്വരമഹാമാരീ സർവജ്വരനിവാരണം । ശീതപൈത്തകവാതാദി സർവരോഗനിവാരണം ॥ 29 ॥ സന്നിജ്വരനിവാരണം സർവജ്വരനിവാരണം । സർവരോഗനിവാരണം സർവമംഗലവർധനം ॥ 30 ॥ ശതമാവർതയേദ്യസ്തു മുച്യതേ വ്യാധിബന്ധനാത് । ആവർതയൻസഹസ്രാത്തു ലഭതേ വാഞ്ഛിതം ഫലം ॥ 31 ॥ ഏതത് സ്തോത്രം മഹാപുണ്യം ജപേദായുഷ്യവർധനം । വിനാശായ ച രോഗാണാമപമൃത്യുഹരായ ച ॥ 32 ॥ ദ്വിജൈർനിത്യമിദം ജപ്യം ഭാഗ്യാരോഗ്യാഭീപ്സുഭിഃ । നാഭിമാത്രജലേസ്ഥിത്വാ സഹസ്രപരിസംഖ്യയാ ॥ 33 ॥ ജപേത്സ്തോത്രമിമം മന്ത്രം വാചാം സിദ്ധിർഭവേത്തതഃ । അനേനവിധിനാ ഭക്ത്യാ മന്ത്രസിദ്ധിശ്ച ജായതേ ॥ 34 ॥ സന്തുഷ്ടാ ച ഭവേദ്ദേവീ പ്രത്യക്ഷാ സമ്പ്രജായതേ । സായം ശതം പഠേന്നിത്യം ഷണ്മാസാത്സിദ്ധിരുച്യതേ ॥ 35 ॥ ചോരവ്യാധിഭയസ്ഥാനേ മനസാഹ്യനുചിന്തയൻ । സംവത്സരമുപാശ്രിത്യ സർവകാമാർഥസിദ്ധയേ ॥ 36 ॥ രാജാനം വശ്യമാപ്നോതി ഷണ്മാസാന്നാത്ര സംശയഃ । അഷ്ടദോർഭിസ്സമായുക്തേ നാനായുദ്ധവിശാരദേ ॥ 37 ॥ ഭൂതപ്രേതപിശാചേഭ്യോ രോഗാരാതിമുഖൈരപി । നാഗേഭ്യഃ വിഷയന്ത്രേഭ്യഃ ആഭിചാരൈർമഹേശ്വരീ ॥ 38 ॥ രക്ഷ മാം രക്ഷ മാം നിത്യം പ്രത്യഹം പൂജിതാ മയാ । സർവമംഗലമാംഗല്യേ ശിവേ സർവാർഥസാധികേ । ശരണ്യേ ത്ര്യംബകേ ദേവീ നാരായണീ നമോഽസ്തു തേ ॥ 39 ॥ വരം പ്രദാദ്മഹേന്ദ്രായ ദേവരാജ്യം ച ശാശ്വതം । ഇന്ദ്രസ്തോത്രമിദം പുണ്യം മഹദൈശ്വര്യകാരണം ॥ 40 ॥ ഇതി ഇന്ദ്രാക്ഷീ സ്തോത്രം ।