हैंహైHaindavamஹிહિં
📍
Font Size:
ധൂമാവതീ ഹൃദയം
ഓം അസ്യ ശ്രീ ധൂമാവതീഹൃദയസ്തോത്ര മഹാമന്ത്രസ്യ-പിപ്പലാദഋഷിഃ- അനുഷ്ടുപ്ഛന്ദഃ- ശ്രീ ധൂമാവതീ ദേവതാ- ധൂം ബീജം- ഹ്രീം ശക്തിഃ- ക്ലീം കീലകം -സർവശത്രു സംഹാരാർഥേ ജപേ വിനിയോഗഃ
കരന്യാസഃ –
ഓം ധാം അംഗുഷ്ഠാഭ്യാം നമഃ ।
ഓം ധീം തർജനീഭ്യാം നമഃ ।
ഓം ധൂം മധ്യമാഭ്യാം നമഃ ।
ഓം ധൈം അനാമികാഭ്യാം നമഃ ।
ഓം ധൗം കനിഷ്ഠകാഭ്യാം നമഃ ।
ഓം ധഃ കരതലകരപൃഷ്ഠാഭ്യാം നമഃ ।
അംഗന്യാസഃ –
ഓം ധാം ഹൃദയായ നമഃ ।
ഓം ധീം ശിരസേ സ്വാഹാ ।
ഓം ധൂം ശിഖായൈ വഷട് ।
ഓം ധൈം കവചായ ഹും ।
ഓം ധൗം നേത്രത്രയായ വൗഷട് ।
ഓം ധഃ അസ്ത്രായ ഫട് ।
ധ്യാനം ।
ധൂമ്രാഭാം ധൂമ്രവസ്ത്രാം പ്രകടിതദശനാം മുക്തബാലാംബരാഢ്യാം ।
കാകാങ്കസ്യന്ദനസ്ഥാം ധവലകരയുഗാം ശൂർപഹസ്താതിരൂക്ഷാം ।
കങ്കാങ്ക്ഷുത്ക്ഷാന്ത ദേഹം മുഹുരതി കുടിലാം വാരിദാഭാം വിചിത്രാം ।
ധ്യായേദ്ധൂമാവതീം കുടിലിതനയനാം ഭീതിദാം ഭീഷണാസ്യാം ॥ 1 ॥
കല്പാദൗ യാ കാലികാദ്യാഽചീകലന്മധുകൈടഭൗ ।
കല്പാന്തേ ത്രിജഗത്സർവം ഭജേ ധൂമാവതീമഹം ॥ 2 ॥
ഗുണാഗാരാ ഗമ്യഗുണാ യാ ഗുണാഗുണവർധിനീ ।
ഗീതാവേദാർഥതത്ത്വജ്ഞൈഃ ഭജേ ധൂമാവതീമഹം ॥ 3 ॥
ഖട്വാംഗധാരിണീ ഖർവഖണ്ഡിനീ ഖലരക്ഷസാം ।
ധാരിണീ ഖേടകസ്യാപി ഭജേ ധൂമാവതീമഹം ॥ 4 ॥
ഘൂർണ ഘൂർണകരാഘോരാ ഘൂർണിതാക്ഷീ ഘനസ്വനാ ।
ഘാതിനീ ഘാതകാനാം യാ ഭജേ ധൂമാവതീമഹം ॥ 5 ॥
ചർവന്തീമസ്തിഖണ്ഡാനാം ചണ്ഡമുണ്ഡവിദാരിണീം ।
ചണ്ഡാട്ടഹാസിനീം ദേവീം ഭജേ ധൂമാവതീമഹം ॥ 6 ॥
ഛിന്നഗ്രീവാം ക്ഷതാഞ്ഛന്നാം ഛിന്നമസ്താസ്വരൂപിണീം ।
ഛേദിനീം ദുഷ്ടസംഘാനാം ഭജേ ധൂമാവതീമഹം ॥ 7 ॥
ജാതായാ യാചിതാദേവൈരസുരാണാം വിഘാതിനീം ।
ജല്പന്തീം ബഹുഗർജന്തീം ഭജേതാം ധൂമ്രരൂപിണീം ॥ 8 ॥
ഝങ്കാരകാരിണീം ഝുഞ്ഝാ ഝഞ്ഝമാഝമവാദിനീം ।
ഝടിത്യാകർഷിണീം ദേവീം ഭജേ ധൂമാവതീമഹം ॥ 9 ॥
ഹേതിപടങ്കാരസമ്യുക്താൻ ധനുഷ്ടങ്കാരകാരിണീം ।
ഘോരാഘനഘടാടോപാം വന്ദേ ധൂമാവതീമഹം ॥ 10 ॥
ഠണ്ഠണ്ഠണ്ഠം മനുപ്രീതാം ഠഃഠഃമന്ത്രസ്വരൂപിണീം ।
ഠമകാഹ്വഗതിപ്രീതാം ഭജേ ധൂമാവതീമഹം ॥ 11 ॥
ഡമരൂ ഡിണ്ഡിമാരാവാം ഡാകിനീഗണമണ്ഡിതാം ।
ഡാകിനീഭോഗസന്തുഷ്ടാം ഭജേ ധൂമാവതീമഹം ॥ 12 ॥
ഢക്കാനാദേനസന്തുഷ്ടാം ഢക്കാവാദനസിദ്ധിദാം ।
ഢക്കാവാദചലച്ചിത്താം ഭജേ ധൂമാവതീമഹം ॥ 13 ॥
തത്വവാർതാ പ്രിയപ്രാണാം ഭവപാഥോധിതാരിണീം ।
താരസ്വരൂപിണീം താരാം ഭജേ ധൂമാവതീമഹം ॥ 14 ॥
ഥാന്ഥീന്ഥൂന്ഥേമന്ത്രരൂപാം ഥൈന്ഥോഥന്ഥഃസ്വരൂപിണീം ।
ഥകാരവർണസർവസ്വാം ഭജേ ധൂമാവതീമഹം ॥ 15 ॥
ദുർഗാസ്വരൂപിണീദേവീം ദുഷ്ടദാനവദാരിണീം ।
ദേവദൈത്യകൃതധ്വംസാം വന്ദേ ധൂമാവതീമഹം ॥ 16 ॥
ധ്വാന്താകാരാന്ധകധ്വംസാം മുക്തധമ്മില്ലധാരിണീം ।
ധൂമധാരാപ്രഭാം ധീരാം ഭജേ ധൂമാവതീമഹം ॥ 17 ॥
നർതകീനടനപ്രീതാം നാട്യകർമവിവർധിനീം ।
നാരസിംഹീം നരാരാധ്യാം ന്ഓംഇ ധൂമാവതീമഹം ॥ 18 ॥
പാർവതീപതിസമ്പൂജ്യാം പർവതോപരിവാസിനീം ।
പദ്മാരൂപാം പദ്മപൂജ്യാം ന്ഓംഇ ധൂമാവതീമഹം ॥ 19 ॥
ഫൂത്കാരസഹിതശ്വാസാം ഫട്മന്ത്രഫലദായിനീം ।
ഫേത്കാരിഗണസംസേവ്യാം സേവേ ധൂമാവതീമഹം ॥ 20 ॥
ബലിപൂജ്യാം ബലാരാധ്യാം ബഗലാരൂപിണീം വരാം ।
ബ്രഹ്മാദിവന്ദിതാം വിദ്യാം വന്ദേ ധൂമാവതീമഹം ॥ 21 ॥
ഭവ്യരൂപാം ഭവാരാധ്യാം ഭുവനേശീസ്വരൂപിണീം ।
ഭക്തഭവ്യപ്രദാം ദേവീം ഭജേ ധൂമാവതീമഹം ॥ 22 ॥
മായാം മധുമതീം മാന്യാം മകരധ്വജമാനിതാം ।
മത്സ്യമാംസമദാസ്വാദാം മന്യേ ധൂമാവതീമഹം ॥ 23 ॥
യോഗയജ്ഞപ്രസന്നാസ്യാം യോഗിനീപരിസേവിതാം ।
യശോദാം യജ്ഞഫലദാം യജേദ്ധൂമാവതീമഹം ॥ 24 ॥
രാമാരാധ്യപദദ്വന്ദ്വാം രാവണധ്വംസകാരിണീം ।
രമേശരമണീപൂജ്യാമഹം ധൂമാവതീം ശ്രയേ ॥ 25 ॥
ലക്ഷലീലാകലാലക്ഷ്യാം ലോകവന്ദ്യപദാംബുജാം ।
ലംബിതാം ബീജകോശാഢ്യാം വന്ദേ ധൂമാവതീമഹം ॥ 26 ॥
ബകപൂജ്യപദാംഭോജാം ബകധ്യാനപരായണാം ।
ബാലാന്തീകാരിസന്ധ്യേയാം വന്ദേ ധൂമാവതീമഹം ॥ 27 ॥
ശങ്കരീം ശങ്കരപ്രാണാം സങ്കടധ്വംസകാരിണീം ।
ശത്രുസംഹാരിണീം ശുദ്ധാം ശ്രയേ ധൂമാവതീമഹം ॥ 28 ॥
ഷഡാനനാരിസംഹന്ത്രീം ഷോഡശീരൂപധാരിണീം ।
ഷഡ്രസാസ്വാദിനീം സ്ഓംയാം നേവേ ധൂമാവതീമഹം ॥ 29 ॥
സുരസേവിതപാദാബ്ജാം സുരസൗഖ്യപ്രദായിനീം ।
സുന്ദരീഗണസംസേവ്യാം സേവേ ധൂമാവതീമഹം ॥ 30 ॥
ഹേരംബജനനീം യോഗ്യാം ഹാസ്യലാസ്യവിഹാരിണീം ।
ഹാരിണീം ശത്രുസംഘാനാം സേവേ ധൂമാവതീമഹം ॥ 31 ॥
ക്ഷീരോദതീരസംവാസാം ക്ഷീരപാനപ്രഹർഷിതാം ।
ക്ഷണദേശേജ്യപാദാബ്ജാം സേവേ ധൂമാവതീമഹം ॥ 32 ॥
ചതുസ്ത്രിമ്ശദ്വർണകാനാം പ്രതിവർണാദിനാമഭിഃ ।
കൃതം തു ഹൃദയസ്തോത്രം ധൂമാവത്യാസ്സുസിദ്ധിദം ॥ 33 ॥
യ ഇദം പഠതി സ്തോത്രം പവിത്രം പാപനാശനം ।
സ പ്രാപ്നോതി പരാം സിദ്ധം ധൂമാവത്യാഃ പ്രസാദതഃ ॥ 34 ॥
പഠന്നേകാഗ്രചിത്തോയോ യദ്യദിച്ഛതി മാനവഃ ।
തത്സർവം സമവാപ്നോതി സത്യം സത്യം വദാമ്യഹം ॥ 35 ॥
ഇതി ധൂമാവതീഹൃദയം ।
Recite with devotion and pure heart
Regular practice brings spiritual benefits