हैंహైHaindavamஹிહિં
📍
Font Size:
ದಶವಿದ್ಯಾಮಯೀ ಶ್ರೀ ಬಾಲಾ ಸ್ತೋತ್ರಂ
ಶ್ರೀಕಾಲೀ ಬಗಲಾಮುಖೀ ಚ ಲಲಿತಾ ಧೂಮಾವತೀ ಭೈರವೀ
ಮಾತಂಗೀ ಭುವನೇಶ್ವರೀ ಚ ಕಮಲಾ ಶ್ರೀರ್ವಜ್ರವೈರೋಚನೀ ।
ತಾರಾ ಪೂರ್ವಮಹಾಪದೇನ ಕಥಿತಾ ವಿದ್ಯಾ ಸ್ವಯಂ ಶಂಭುನಾ
ಲೀಲಾರೂಪಮಯೀ ಚ ದೇಶದಶಧಾ ಬಾಲಾ ತು ಮಾಂ ಪಾತು ಸಾ ॥ 1 ॥
ಶ್ಯಾಮಾಂ ಶ್ಯಾಮಘನಾವಭಾಸರುಚಿರಾಂ ನೀಲಾಲಕಾಲಂಕೃತಾಂ
ಬಿಂಬೋಷ್ಠೀಂ ಬಲಿಶತ್ರುವಂದಿತಪದಾಂ ಬಾಲಾರ್ಕಕೋಟಿಪ್ರಭಾಂ ।
ತ್ರಾಸತ್ರಾಸಕೃಪಾಣಮುಂಡದಧತೀಂ ಭಕ್ತಾಯ ದಾನೋದ್ಯತಾಂ
ವಂದೇ ಸಂಕಟನಾಶಿನೀಂ ಭಗವತೀಂ ಬಾಲಾಂ ಸ್ವಯಂ ಕಾಲಿಕಾಂ ॥ 2 ॥
ಬ್ರಹ್ಮಾಸ್ತ್ರಾಂ ಸುಮುಖೀಂ ಬಕಾರವಿಭವಾಂ ಬಾಲಾಂ ಬಲಾಕೀನಿಭಾಂ
ಹಸ್ತನ್ಯಸ್ತಸಮಸ್ತವೈರಿರಸನಾಮನ್ಯೇ ದಧಾನಾಂ ಗದಾಂ ।
ಪೀತಾಂ ಭೂಷಣಗಂಧಮಾಲ್ಯರುಚಿರಾಂ ಪೀತಾಂಬರಾಂಗಾಂ ವರಾಂ
ವಂದೇ ಸಂಕಟನಾಶಿನೀಂ ಭಗವತೀಂ ಬಾಲಾಂ ಬಗಲಾಮುಖೀಂ ॥ 3 ॥
ಬಾಲಾರ್ಕದ್ಯುತಿಭಸ್ಕರಾಂ ತ್ರಿನಯನಾಂ ಮಂದಸ್ಮಿತಾಂ ಸನ್ಮುಖೀಂ
ವಾಮೇ ಪಾಶಧನುರ್ಧರಾಂ ಸುವಿಭವಾಂ ಬಾಣಂ ತಥಾ ದಕ್ಷಿಣೇ ।
ಪಾರಾವಾರವಿಹಾರಿಣೀಂ ಪರಮಯೀಂ ಪದ್ಮಾಸನೇ ಸಂಸ್ಥಿತಾಂ
ವಂದೇ ಸಂಕಟನಾಶಿನೀಂ ಭಗವತೀಂ ಬಾಲಾಂ ಸ್ವಯಂ ಷೋಡಶೀಂ ॥ 4 ॥
ದೀರ್ಘಾಂ ದೀರ್ಘಕುಚಾಮುದಗ್ರದಶನಾಂ ದುಷ್ಟಚ್ಛಿದಾಂ ದೇವತಾಂ
ಕ್ರವ್ಯಾದಾಂ ಕುಟಿಲೇಕ್ಷಣಾಂ ಚ ಕುಟಿಲಾಂ ಕಾಕಧ್ವಜಾಂ ಕ್ಷುತ್ಕೃಶಾಂ ।
ದೇವೀಂ ಶೂರ್ಪಕರಾಂ ಮಲೀನವಸನಾಂ ತಾಂ ಪಿಪ್ಪಲಾದಾರ್ಚಿತಾಂ ।
ಬಾಲಾಂ ಸಂಕಟನಾಶಿನೀಂ ಭಗವತೀಂ ಧ್ಯಾಯಾಮಿ ಧೂಮಾವತೀಂ ॥ 5 ॥
ಉದ್ಯತ್ಕೋಟಿದಿವಾಕರಪ್ರತಿಭಟಾಂ ಬಾಲಾರ್ಕಭಾಕರ್ಪಟಾಂ
ಮಾಲಾಪುಸ್ತಕಪಾಶಮಂಕುಶವರಾನ್ ದೈತ್ಯೇಂದ್ರಮುಂಡಸ್ರಜಾಂ ।
ಪೀನೋತ್ತುಂಗಪಯೋಧರಾಂ ತ್ರಿನಯನಾಂ ಬ್ರಹ್ಮಾದಿಭಿಃ ಸಂಸ್ತುತಾಂ
ಬಾಲಾಂ ಸಂಕಟನಾಶಿನೀಂ ಭಗವತೀಂ ಶ್ರೀಭೈರವೀಂ ಧೀಮಹಿ ॥ 6 ॥
ವೀಣಾವಾದನತತ್ಪರಾಂ ತ್ರಿನಯನಾಂ ಮಂದಸ್ಮಿತಾಂ ಸನ್ಮುಖೀಂ
ವಾಮೇ ಪಾಶಧನುರ್ಧರಾಂ ತು ನಿಕರೇ ಬಾಣಂ ತಥಾ ದಕ್ಷಿಣೇ ।
ಪಾರಾವಾರವಿಹಾರಿಣೀಂ ಪರಮಯೀಂ ಬ್ರಹ್ಮಾಸನೇ ಸಂಸ್ಥಿತಾಂ
ವಂದೇ ಸಂಕಟನಾಶಿನೀಂ ಭಗವತೀಂ ಮಾತಂಗಿನೀಂ ಬಾಲಿಕಾಂ ॥ 7 ॥
ಉದ್ಯತ್ಸೂರ್ಯನಿಭಾಂ ಚ ಇಂದುಮುಕುಟಾಮಿಂದೀವರೇ ಸಂಸ್ಥಿತಾಂ
ಹಸ್ತೇ ಚಾರುವರಾಭಯಂ ಚ ದಧತೀಂ ಪಾಶಂ ತಥಾ ಚಾಂಕುಶಂ ।
ಚಿತ್ರಾಲಂಕೃತಮಸ್ತಕಾಂ ತ್ರಿನಯನಾಂ ಬ್ರಹ್ಮಾದಿಭಿಃ ಸೇವಿತಾಂ
ವಂದೇ ಸಂಕಟನಾಶಿನೀಂ ಚ ಭುವನೇಶೀಮಾದಿಬಾಲಾಂ ಭಜೇ ॥ 8 ॥
ದೇವೀಂ ಕಾಂಚನಸನ್ನಿಭಾಂ ತ್ರಿನಯನಾಂ ಫುಲ್ಲಾರವಿಂದಸ್ಥಿತಾಂ
ಬಿಭ್ರಾಣಾಂ ವರಮಬ್ಜಯುಗ್ಮಮಭಯಂ ಹಸ್ತೈಃ ಕಿರೀಟೋಜ್ಜ್ವಲಾಂ ।
ಪ್ರಾಲೇಯಾಚಲಸನ್ನಿಭೈಶ್ಚ ಕರಿಭಿರಾಸಿಂಚ್ಯಮಾನಾಂ ಸದಾ
ಬಾಲಾಂ ಸಂಕಟನಾಶಿನೀಂ ಭಗವತೀಂ ಲಕ್ಷ್ಮೀಂ ಭಜೇ ಚೇಂದಿರಾಂ ॥ 9 ॥
ಸಂಛಿನ್ನಂ ಸ್ವಶಿರೋ ವಿಕೀರ್ಣಕುಟಿಲಂ ವಾಮೇ ಕರೇ ಬಿಭ್ರತೀಂ
ತೃಪ್ತಾಸ್ಯಾಂ ಸ್ವಶರೀರಜೈಶ್ಚ ರುಧಿರೈಃ ಸಂತರ್ಪಯಂತೀಂ ಸಖೀಂ ।
ಸದ್ಭಕ್ತಾಯ ವರಪ್ರದಾನನಿರತಾಂ ಪ್ರೇತಾಸನಾಧ್ಯಾಸಿನೀಂ
ಬಾಲಾಂ ಸಂಕಟನಾಶಿನೀಂ ಭಗವತೀಂ ಶ್ರೀಛಿನ್ನಮಸ್ತಾಂ ಭಜೇ ॥ 10 ॥
ಉಗ್ರಾಮೇಕಜಟಾಮನಂತಸುಖದಾಂ ದೂರ್ವಾದಲಾಭಾಮಜಾಂ
ಕರ್ತ್ರೀಖಡ್ಗಕಪಾಲನೀಲಕಮಲಾನ್ ಹಸ್ತೈರ್ವಹಂತೀಂ ಶಿವಾಂ ।
ಕಂಠೇ ಮುಂಡಸ್ರಜಾಂ ಕರಾಲವದನಾಂ ಕಂಜಾಸನೇ ಸಂಸ್ಥಿತಾಂ
ವಂದೇ ಸಂಕಟನಾಶಿನೀಂ ಭಗವತೀಂ ಬಾಲಾಂ ಸ್ವಯಂ ತಾರಿಣೀಂ ॥ 11 ॥
ಮುಖೇ ಶ್ರೀ ಮಾತಂಗೀ ತದನು ಕಿಲ ತಾರಾ ಚ ನಯನೇ
ತದಂತಂಗಾ ಕಾಲೀ ಭೃಕುಟಿಸದನೇ ಭೈರವಿ ಪರಾ ।
ಕಟೌ ಛಿನ್ನಾ ಧೂಮಾವತೀ ಜಯ ಕುಚೇ ಶ್ರೀಕಮಲಜಾ
ಪದಾಂಶೇ ಬ್ರಹ್ಮಾಸ್ತ್ರಾ ಜಯತಿ ಕಿಲ ಬಾಲಾ ದಶಮಯೀ ॥ 12 ॥
ವಿರಾಜನ್ಮಂದಾರದ್ರುಮಕುಸುಮಹಾರಸ್ತನತಟೀ
ಪರಿತ್ರಾಸತ್ರಾಣ ಸ್ಫಟಿಕಗುಟಿಕಾ ಪುಸ್ತಕವರಾ ।
ಗಲೇ ರೇಖಾಸ್ತಿಸ್ರೋ ಗಮಕಗತಿಗೀತೈಕನಿಪುಣಾ
ಸದಾ ಪೀತಾ ಹಾಲಾ ಜಯತಿ ಕಿಲ ಬಾಲಾ ದಶಮಯೀ ॥ 13 ॥
ಇತಿ ಶ್ರೀಮೇರುತಂತ್ರೇ ಶ್ರೀ ದಶವಿದ್ಯಾಮಯೀ ಬಾಲಾ ಸ್ತೋತ್ರಂ ।
Recite with devotion and pure heart
Regular practice brings spiritual benefits