हैंహైHaindavamஹிહિં
📍
Font Size:
சி²ந்நமஸ்தா ஹ்ருʼத³யம்
ஶ்ரீ பார்வத்யுவாச –
ஶ்ருதம்ʼ பூஜாதி³கம்ʼ ஸம்யக்³ப⁴வத்³வக்த்ராப்³ஜ நிஸ்ஸ்ருʼதம் ।
ஹ்ருʼத³யம்ʼ சி²ந்நமஸ்தாயா꞉ ஶ்ரோதுமிச்சா²மி ஸாம்ப்ரதம் ॥ 1 ॥
ஶ்ரீ மஹாதே³வ உவாச –
நாத்³யாவதி⁴ மயா ப்ரோக்தம்ʼ கஸ்யாபி ப்ராணவல்லபே⁴ ।
யத்த்வயா பரிப்ருʼஷ்டோ(அ)ஹம்ʼ வக்ஷ்யே ப்ரீத்யை தவ ப்ரியே ॥ 2 ॥
ஓம்ʼ அஸ்ய ஶ்ரீசி²ந்நமஸ்தாஹ்ருʼத³யஸ்தோத்ரமஹாமந்த்ரஸ்ய – பை⁴ரவ ருʼஷி꞉ – ஸம்ராட் ச²ந்த³꞉ -சி²ந்நமஸ்தா தே³வதா – ஹூம்ʼ பீ³ஜம் – ஓம்ʼ ஶக்தி꞉ – ஹ்ரீம்ʼ கீலகம்ʼ – ஶத்ருக்ஷயகரணார்தே² ஜபே விநியோக³꞉ ॥
அத² கரந்யாஸ꞉ –
ஓம்ʼ ஓம்ʼ அங்கு³ஷ்டா²ப்⁴யாம்ʼ நம꞉ ।
ஓம்ʼ ஹூம்ʼ தர்ஜனீப்⁴யாம்ʼ நம꞉ ।
ஓம்ʼ ஹ்ரீம்ʼ மத்⁴யமாப்⁴யாம்ʼ நம꞉ ।
ஓம்ʼ க்லீம்ʼ அநாமிகாப்⁴யாம்ʼ நம꞉ ।
ஓம்ʼ ஐம்ʼ கநிஷ்டி²காப்⁴யாம்ʼ நம꞉ ।
ஓம்ʼ ஹூம்ʼ கரதலகரப்ருʼஷ்டா²ப்⁴யாம்ʼ நம꞉ ।
அத² கரந்யாஸ꞉ –
ஓம்ʼ ஓம்ʼ ஹ்ருʼத³யாய நம꞉ ।
ஓம்ʼ ஹூம்ʼ ஶிரஸே ஸ்வாஹா ।
ஓம்ʼ ஹ்ரீம்ʼ ஶிகா²யை வஷட் ।
ஓம்ʼ க்லீம்ʼ நேத்ரத்ரயாய வௌஷட் ।
ஓம்ʼ ஐம்ʼ கவசாய ஹும் ।
ஓம்ʼ ஹூம்ʼ அஸ்த்ராய ப²ட் ।
பூ⁴ர்பு⁴வஸ்ஸுவரோமிதி தி³க்³ப³ந்த⁴꞉ ।
த்⁴யானம் –
ரக்தாபா⁴ம்ʼ ரக்தகேஶீம்ʼ கரகமலலஸத்கர்த்ருʼகாம்ʼ காலகாந்திம்ʼ
விச்சி²ன்னாத்மீயமுண்டா³ஸ்ருʼக³ருணப³ஹுலாம்ʼ சக்ரதா⁴ராம்ʼ பிப³ந்தீம் ।
விக்⁴நாப்⁴ரௌக⁴ப்ரசண்ட³ஶ்வஸனஸமனிபா⁴ம்ʼ ஸேவிதாம்ʼ ஸித்³த⁴ஸங்கை⁴꞉
பத்³மாக்ஷீம்ʼ சி²ந்நமஸ்தாம்ʼ ச²லகரதி³திஜச்சே²தி³னீம்ʼ ஸம்ʼஸ்மராமி ॥ 1 ॥
வந்தே³(அ)ஹம்ʼ சி²ந்நமஸ்தாம்ʼ தாம்ʼ சி²ன்னமுண்ட³த⁴ராம்ʼ பராம்ʼ ।
சி²ன்னக்³ரீவோச்ச²டாச்ச²ன்னாம்ʼ க்ஷௌமவஸ்த்ரபரிச்ச²தா³ம் ॥ 2 ॥
ஸர்வதா³ ஸுரஸங்கே⁴ன ஸேவிதாங்க்⁴ரிஸரோருஹாம்ʼ ।
ஸேவே ஸகலஸம்பத்யை சி²ந்நமஸ்தாம்ʼ ஶுப⁴ப்ரதா³ம் ॥ 3 ॥
யஜ்ஞானாம்ʼ யோக³யஜ்ஞாய யா து ஜாதா யுகே³ யுகே³ ।
தா³னவாந்தகரீம்ʼ தே³வீம்ʼ சி²ந்நமஸ்தாம்ʼ ப⁴ஜாமி தாம் ॥ 4 ॥
வைரோசனீம்ʼ வராரோஹாம்ʼ வாமதே³மவிவர்தி⁴தாம்ʼ ।
கோடிஸூர்யப்ரபா⁴ம்ʼ வந்தே³ வித்³யுத்³வர்ணாக்ஷிமண்டி³தாம் ॥ 5 ॥
நிஜகண்டோ²ச்ச²லத்³ரக்ததா⁴ரயா யா முஹுர்முஹு꞉ ।
யோகி³னீ க³ணஸம்ʼஸ்துத்யா தஸ்யாஶ்சரணமாஶ்ரயே ॥ 6 ॥
ஹூமித்யேகாக்ஷரம்ʼ மந்த்ரம்ʼ யதீ³யம்ʼ யுக்தமானஸ꞉ ।
யோ ஜபேத்தஸ்ய வித்³வேஷீ ப⁴ஸ்மதாம்ʼ யாதி தாம்ʼ ப⁴ஜே ॥ 7 ॥
ஹூம்ʼ ஸ்வாஹேதி மனும்ʼ ஸம்யக்³யஸ்ஸ்மரத்யார்திமான்னர꞉ ।
சி²னத்தி சி²ந்நமஸ்தாயா தஸ்ய பா³தா⁴ம்ʼ நமாமி தாம் ॥ 8 ॥
யஸ்யா꞉ கடாக்ஷமாத்ரேண க்ரூரபூ⁴தாத³யோ த்³ருதம் ।
தூ³ரே தஸ்ய பலாயந்தே சி²ந்நமஸ்தாம்ʼ ப⁴ஜாமி தாம் ॥ 9 ॥
க்ஷிதிதலபரிரக்ஷாக்ஷாந்தரோஷா ஸுத³க்ஷா
ச²லயுதகலகக்ஷாச்சே²த³னே க்ஷாந்திலக்ஷ்யா ।
க்ஷிதிதி³திஜஸுபக்ஷா க்ஷோணிபாக்ஷய்யஶிக்ஷா
ஜயது ஜயது சாக்ஷா சி²ந்நமஸ்தாரிப⁴க்ஷா ॥ 10 ॥
கலிகலுஷகலானாம்ʼ கர்தனே கர்த்ரிஹஸ்தா
ஸுரகுவலயகாஶா மந்த³பா⁴னுப்ரகாஶா ।
அஸுரகுலகலாபத்ராஸிகாகாலமூர்தி-
ர்ஜயது ஜயது காலீ சி²ந்நமஸ்தா கராலீ ॥ 11 ॥
பு⁴வனப⁴ரணபூ⁴ரீ ப்⁴ராஜமானானுபா⁴வா
ப⁴வ ப⁴வ விப⁴வானாம்ʼ பா⁴ரணோத்³பா⁴தபூ⁴தி꞉ ।
த்³விஜகுலகமலானாம்ʼ பா⁴ஸினீ பா⁴னுமூர்தி-
ர்ப⁴வது ப⁴வது வாணீ சி²ந்நமஸ்தா ப⁴வானீ ॥ 12 ॥
மம ரிபுக³ணமாஶு ச்சே²த்துமுக்³ரம்ʼ க்ருʼபாணம்ʼ
ஸபதி³ ஜனனி தீக்ஷ்ணம்ʼ சி²ன்னமுண்ட³ம்ʼ க்³ருʼஹாண ।
ப⁴வது தவ யஶோ(அ)லம்ʼ சி²ந்தி⁴ ஶத்ரூன்கலான்மே
மம ச பரிதி³ஶேஷ்டம்ʼ சி²ந்நமஸ்தே க்ஷமஸ்வ ॥ 13 ॥
சி²ன்னக்³ரீவா சி²ந்நமஸ்தா சி²ன்னமுண்ட³த⁴ரா(அ)க்ஷதா ।
க்ஷோத³க்ஷேமகரீ ஸ்வக்ஷா க்ஷோணீஶாச்சா²த³ன க்ஷமா ॥ 14 ॥
வைரோசனீ வராரோஹா ப³லிதா³னப்ரஹர்ஷிதா ।
ப³லியோஜிதபாதா³ப்³ஜா வாஸுதே³வ ப்ரபூஜிதா ॥ 15 ॥
இதி த்³வாத³ஶநாமானி சி²ந்நமஸ்தா ப்ரியாணி ய꞉ ।
ஸ்மரேத்ப்ராதஸ்ஸமுத்தா²ய தஸ்ய நஶ்யந்தி ஶத்ரவ꞉ ॥ 16 ॥
யாம்ʼ ஸ்ம்ருʼத்வா ஸந்தி ஸத்³ய꞉ ஸகல꞉ ஸுரக³ணா꞉ ஸர்வதா³ ஸம்பதா³ட்⁴யா꞉
ஶத்ரூணாம்ʼ ஸங்க⁴மாஹத்ய விஶத³வத³னா꞉ ஸ்வஸ்த²சித்தா꞉ ஶ்ரயந்தி ।
தஸ்யா꞉ ஸங்கல்பவந்த꞉ ஸரஸிஜசரணஸ்ஸந்ததம்ʼ ஸம்ʼஶ்ரயந்தி
ஸா(ஆ)த்³யா ஶ்ரீஶாதி³ஸேவ்யா ஸுப²லது ஸுதராம்ʼ சி²ந்நமஸ்தா ப்ரஶஸ்தா ॥ 17 ॥
ஹ்ருʼத³யமிதிமஜ்ஞாத்வா ஹந்துமிச்ச²தி யோ த்³விஷம் ।
கத²ம்ʼ தஸ்யாசிரம்ʼ ஶத்ருர்நாஶமேஷ்யதி பார்வதி ॥ 18 ॥
யதீ³ச்சே²ந்நாஶனம்ʼ ஶத்ரோ꞉ ஶீக்⁴ரமேதத்படே²ன்னர꞉ ।
சி²ந்நமஸ்தா ப்ரஸன்னாபி த³தா³தி ப²லமீப்ஸிதம் ॥ 19 ॥
ஶத்ருப்ரஶமனம்ʼ புண்யம்ʼ ஸமீப்ஸிதப²லப்ரத³ம் ।
ஆயுராரோக்³யத³ம்ʼ சைவ பட²தாம்ʼ புண்யஸாத⁴னம் ॥ 20 ॥
இதி ஶ்ரீ நந்த்³யாவர்தே மஹாதே³வபார்வதீஸம்ʼவாதே³ ஶ்ரீசி²ந்நமஸ்தாஹ்ருʼத³யஸ்தோத்ரம்ʼ ஸம்பூர்ணம் ॥
Recite with devotion and pure heart
Regular practice brings spiritual benefits