हैंహైHaindavamஹிહિં
📍
Font Size:
ഭുവനേശ്വരീ കവചം
ദേവ്യുവാച ।
ദേവേശ ഭുവനേശ്വര്യാ യാ യാ വിദ്യാഃ പ്രകാശിതാഃ ।
ശ്രുതാശ്ചാധിഗതാഃ സർവാഃ ശ്രോതുമിച്ഛാമി സാമ്പ്രതം ॥ 1 ॥
ത്രൈലോക്യമംഗലം നാമ കവചം യത്പുരോദിതം ।
കഥയസ്വ മഹാദേവ മമ പ്രീതികരം പരം ॥ 2 ॥
ഈശ്വര ഉവാച ।
ശൃണു പാർവതി വക്ഷ്യാമി സാവധാനാവധാരയ ।
ത്രൈലോക്യമംഗലം നാമ കവചം മന്ത്രവിഗ്രഹം ॥ 3 ॥
സിദ്ധവിദ്യാമയം ദേവി സർവൈശ്വര്യപ്രദായകം ।
പഠനാദ്ധാരണാന്മർത്യസ്ത്രൈലോക്യൈശ്വര്യഭാഗ്ഭവേത് ॥ 4 ॥
[ ത്രൈലോക്യമംഗലസ്യാസ്യ കവചസ്യ ഋഷിശ്ശിവഃ ।
ഛന്ദോ വിരാട് ജഗദ്ധാത്രീ ദേവതാ ഭുവനേശ്വരീ ।
ധർമാർഥകാമമോക്ഷേഷു വിനിയോഗഃ പ്രകീർതിതഃ ॥ ]
ഹ്രീം ബീജം മേ ശിരഃ പാതു ഭുവനേശീ ലലാടകം ।
ഐം പാതു ദക്ഷനേത്രം മേ ഹ്രീം പാതു വാമലോചനം ॥ 1 ॥
ശ്രീം പാതു ദക്ഷകർണം മേ ത്രിവർണാഖ്യാ മഹേശ്വരീ । [ത്രിവർണാത്മാ]
വാമകർണം സദാ പാതു ഐം ഘ്രാണം പാതു മേ സദാ ॥ 2 ॥
ഹ്രീം പാതു വദനം ദേവി ഐം പാതു രസനാം മമ ।
വാക്പുടം ച ത്രിവർണാത്മാ കണ്ഠം പാതു പരാംബികാ ॥ 3 ॥
ശ്രീം സ്കന്ധൗ പാതു നിയതം ഹ്രീം ഭുജൗ പാതു സർവദാ ।
ക്ലീം കരൗ ത്രിപുടാ പാതു ത്രിപുരൈശ്വര്യദായിനീ ॥ 4 ॥ [ത്രിപുടേശാനി]
ഓം പാതു ഹൃദയം ഹ്രീം മേ മധ്യദേശം സദാഽവതു ।
ക്രൗം പാതു നാഭിദേശം മേ ത്ര്യക്ഷരീ ഭുവനേശ്വരീ ॥ 5 ॥
സർവബീജപ്രദാ പൃഷ്ഠം പാതു സർവവശങ്കരീ ।
ഹ്രീം പാതു ഗുഹ്യദേശം മേ നമോ ഭഗവതീ കടിം ॥ 6 ॥
മാഹേശ്വരീ സദാ പാതു സക്ഥിനീ ജാനുയുഗ്മകം ।
അന്നപൂർണാ സദാ പാതു സ്വാഹാ പാതു പദദ്വയം ॥ 7 ॥
സപ്തദശാക്ഷരീ പായാദന്നപൂർണാത്മികാ പരാ ।
താരം മായാ രമാകാമഃ ഷോഡശാർണാ തതഃ പരം ॥ 8 ॥
ശിരഃസ്ഥാ സർവദാ പാതു വിംശത്യർണാത്മികാ പരാ ।
താരം ദുർഗേയുഗം രക്ഷേത് സ്വാഹേതി ച ദശാക്ഷരീ ॥ 9 ॥
ജയദുർഗാ ഘനശ്യാമാ പാതു മാം സർവതോ മുദാ ।
മായാബീജാദികാ ചൈഷാ ദശാർണാ ച പരാ തഥാ ॥ 10 ॥
ഉത്തപ്തകാഞ്ചനാഭാസാ ജയദുർഗാഽഽനനേഽവതു ।
താരം ഹ്രീം ദും ച ദുർഗായൈ നമോഽഷ്ടാർണാത്മികാ പരാ ॥ 11 ॥
ശംഖചക്രധനുർബാണധരാ മാം ദക്ഷിണേഽവതു ।
മഹിഷാമർദിനീ സ്വാഹാ വസുവർണാത്മികാ പരാ ॥ 12 ॥
നൈരൃത്യാം സർവദാ പാതു മഹിഷാസുരനാശിനീ ।
മായാ പദ്മാവതീ സ്വാഹാ സപ്താർണാ പരികീർതിതാ ॥ 13 ॥
പദ്മാവതീ പദ്മസംസ്ഥാ പശ്ചിമേ മാം സദാഽവതു ।
പാശാങ്കുശപുടേ മായേ ഹ്രീം പരമേശ്വരി സ്വാഹാ ॥ 14 ॥
ത്രയോദശാർണാ താരാദ്യാ അശ്വാരുഢാഽനലേഽവതു ।
സരസ്വതീ പഞ്ചശരേ നിത്യക്ലിന്നേ മദദ്രവേ ॥ 15 ॥
സ്വാഹാരവ്യക്ഷരീ വിദ്യാ മാമുത്തരേ സദാഽവതു ।
താരം മായാ തു കവചം ഖേ രക്ഷേത്സതതം വധൂഃ ॥ 16 ॥
ഹ്രൂം ക്ഷം ഹ്രീം ഫട് മഹാവിദ്യാ ദ്വാദശാർണാഖിലപ്രദാ ।
ത്വരിതാഷ്ടാഹിഭിഃ പായാച്ഛിവകോണേ സദാ ച മാം ॥ 17 ॥
ഐം ക്ലീം സൗഃ സതതം ബാലാ മൂർധദേശേ തതോഽവതു ।
ബിന്ദ്വന്താ ഭൈരവീ ബാലാ ഭൂമൗ ച മാം സദാഽവതു ॥ 18 ॥
ഇതി തേ കഥിതം പുണ്യം ത്രൈലോക്യമംഗലം പരം ।
സാരം സാരതരം പുണ്യം മഹാവിദ്യൗഘവിഗ്രഹം ॥ 19 ॥
അസ്യാപി പഠനാത്സദ്യഃ കുബേരോഽപി ധനേശ്വരഃ ।
ഇന്ദ്രാദ്യാഃ സകലാ ദേവാഃ പഠനാദ്ധാരണാദ്യതഃ ॥ 20 ॥
സർവസിദ്ധീശ്വരാഃ സന്തഃ സർവൈശ്വര്യമവാപ്നുയുഃ ।
പുഷ്പാഞ്ജല്യഷ്ടകം ദത്വാ മൂലേനൈവ പഠേത്സകൃത് ॥ 21 ॥
സംവത്സരകൃതായാസ്തു പൂജായാഃ ഫലമാപ്നുയാത് ।
പ്രീതിമന്യോഽന്യതഃ കൃത്വാ കമലാ നിശ്ചലാ ഗൃഹേ ॥ 22 ॥
വാണീ ച നിവസേദ്വക്ത്രേ സത്യം സത്യം ന സംശയഃ ।
യോ ധാരയതി പുണ്യാത്മാ ത്രൈലോക്യമംഗലാഭിധം ॥ 23 ॥
കവചം പരമം പുണ്യം സോഽപി പുണ്യവതാം വരഃ ।
സർവൈശ്വര്യയുതോ ഭൂത്വാ ത്രൈലോക്യവിജയീ ഭവേത് ॥ 24 ॥
പുരുഷോ ദക്ഷിണേ ബാഹൗ നാരീ വാമഭുജേ തഥാ ।
ബഹുപുത്രവതീ ഭൂത്വാ വന്ധ്യാപി ലഭതേ സുതം ॥ 25 ॥
ബ്രഹ്മാസ്ത്രാദീനി ശസ്ത്രാണി നൈവ കൃന്തന്തി തം ജനം ।
ഏതത്കവചമജ്ഞാത്വാ യോ ജപേദ്ഭുവനേശ്വരീം ।
ദാരിദ്ര്യം പരമം പ്രാപ്യ സോഽചിരാന്മൃത്യുമാപ്നുയാത് ॥ 26 ॥
ഇതി ശ്രീ രുദ്രയാമലേ തന്ത്രേ ദേവീശ്വര സംവാദേ ത്രൈലോക്യമംഗലം നാമ ഭുവനേശ്വരീകവചം സമാപ്തം ।
Recite with devotion and pure heart
Regular practice brings spiritual benefits