हैंహైHaindavamஹிહિં
📍
Font Size:
బాలా త్రిపుర సుందరీ సహస్రనామ స్తోత్రం
శ్రీదేవ్యువాచ –
భగవన్ భాషితాశేషసిద్ధాంత కరుణానిధే ।
బాలాత్రిపురసుందర్యాః మంత్రనామసహస్రకం ॥ 1 ॥
శ్రుత్వా ధారయితుం దేవ మమేచ్ఛావర్తతేఽధునా ।
కృపయా కేవలం నాథ తన్మమాఖ్యాతుమర్హసి ॥ 2 ॥
ఈశ్వర ఉవాచ –
మంత్రనామసహస్రం తే కథయామి వరాననే ।
గోపనీయం ప్రయత్నేన శృణు తత్త్వం మహేశ్వరి ॥ 3 ॥
అస్య శ్రీబాలాత్రిపురసుందరీ దివ్యసహస్రనామ స్తోత్రమహామంత్రస్య ఈశ్వర ఋషిః, అనుష్టుప్ఛందః, శ్రీబాలాత్రిపురసుందరీ దేవతా, ఐం బీజం, సౌః శక్తిః, క్లీం కీలకం, మమ శ్రీబాలాత్రిపురసుందరీ ప్రసాదసిద్ధ్యర్థే సహస్రనామస్తోత్ర పారాయణే వినియోగః ॥
కరన్యాసః –
ఐం అంగుష్ఠాభ్యాం నమః ।
క్లీం తర్జనీభ్యాం నమః ।
సౌః మధ్యమాభ్యాం నమః ।
ఐం అనామికాభ్యాం నమః ।
క్లీం కనిష్ఠికాభ్యాం నమః ।
సౌః కరతలకరపృష్ఠాభ్యాం నమః ।
హృదయాదిన్యాసః –
ఐం హృదయాయ నమః ।
క్లీం శిరసే స్వాహా ।
సౌః శిఖాయై వషట్ ।
ఐం కవచాయ హుం ।
క్లీం నేత్రత్రయాయ వౌషట్ ।
సౌః అస్త్రాయ ఫట్ ।
ధ్యానం –
ఐంకారాసనగర్భితానలశిఖాం సౌః క్లీం కలాం బిభ్రతీం
సౌవర్ణాంబరధారిణీం వరసుధాధౌతాంతరంగోజ్జ్వలాం ।
వందే పుస్తకపాశసాంకుశజపస్రగ్భాసురోద్యత్కరాం
తాం బాలాం త్రిపురాం భజే త్రినయనాం షట్చక్రసంచారిణీం ॥
లమిత్యాది పంచపూజాం కుర్యాత్ ॥
అథ స్తోత్రం –
ఓం సుభగా సుందరీ సౌమ్యా సుషుమ్ణా సుఖదాయినీ ।
మనోజ్ఞా సుమనా రమ్యా శోభనా లలితా శివా ॥ 1 ॥
కాంతా కాంతిమతీ కాంతిః కామదా కమలాలయా ।
కల్యాణీ కమలా హృద్యా పేశలా హృదయంగమా ॥ 2 ॥
సుభద్రాఖ్యాతిరమణీ సర్వా సాధ్వీ సుమంగలా ।
రామా భవ్యవతీ భవ్యా కమనీయాఽతికోమలా ॥ 3 ॥
శోభాభిరామా రమణీ రమణీయా రతిప్రియా ।
మనోన్మనీ మహామాయా మాతంగీ మదిరాప్రియా ॥ 4 ॥
మహాలక్ష్మీర్మహాశక్తిర్మహావిద్యాస్వరూపిణీ ।
మహేశ్వరీ మహానందా మహానందవిధాయినీ ॥ 5 ॥
మానినీ మాధవీ మాధ్వీ మదరూపా మదోత్కటా ।
ఆనందకందా విజయా విశ్వేశీ విశ్వరూపిణీ ॥ 6 ॥
సుప్రభా కౌముదీ శాంతా బిందునాదస్వరూపిణీ ।
కామేశ్వరీ కామకలా కామినీ కామవర్ధినీ ॥ 7 ॥
భేరుండా చండికా చండీ చాముండా ముండమాలినీ ।
అణురూపా మహారూపా భూతేశీ భువనేశ్వరీ ॥ 8 ॥
చిత్రా విచిత్రా చిత్రాంగీ హేమగర్భస్వరూపిణీ ।
చైతన్యరూపిణీ నిత్యా నిత్యానిత్యస్వరూపిణీ ॥ 9 ॥
హ్రీంకారకుండలీ ధాత్రీ విధాత్రీ భూతసంప్లవా ।
ఉన్మాదినీ మహామారీ సుప్రసన్నా సురార్చితా ॥ 10 ॥
పరమానందనిష్యందా పరమార్థస్వరూపిణీ ।
యోగీశ్వరీ యోగమాతా హంసినీ కలహంసినీ ॥ 11 ॥
కలా కలావతీ రక్తా సుషుమ్నావర్త్మశాలినీ ।
వింధ్యాద్రినిలయా సూక్ష్మా హేమపద్మనివాసినీ ॥ 12 ॥
బాలా సురూపిణీ మాయా వరేణ్యా వరదాయినీ ।
విద్రుమాభా విశాలాక్షీ విశిష్టా విశ్వనాయికా ॥ 13 ॥
వీరేంద్రవంద్యా విశ్వాత్మా విశ్వా విశ్వాదివర్ధినీ ।
విశ్వోత్పత్తిర్విశ్వమాయా విశ్వారాధ్యా వికస్వరా ॥ 14 ॥
మదస్విన్నా మదోద్భిన్నా మానినీ మానవర్ధినీ ।
మాలినీ మోదినీ మాన్యా మదహస్తా మదాలయా ॥ 15 ॥
మదనిష్యందినీ మాతా మదిరాక్షీ మదాలసా ।
మదాత్మికా మదావాసా మధుబిందుకృతాధరా ॥ 16 ॥
మూలభూతా మహామూలా మూలాధారస్వరూపిణీ ।
సిందూరరక్తా రక్తాక్షీ త్రినేత్రా త్రిగుణాత్మికా ॥ 17 ॥
వశినీ వాశినీ వాణీ వారుణీ వారుణీప్రియా ।
అరుణా తరుణార్కాభా భామినీ వహ్నివాసినీ ॥ 18 ॥
సిద్ధా సిద్ధేశ్వరీ సిద్ధిః సిద్ధాంబా సిద్ధమాతృకా ।
సిద్ధార్థదాయినీ విద్యా సిద్ధాఢ్యా సిద్ధసమ్మతా ॥ 19 ॥
వాగ్భవా వాక్ప్రదా వంద్యా వాఙ్మయీ వాదినీ పరా ।
త్వరితా సత్వరా తుర్యా త్వరయిత్రీ త్వరాత్మికా ॥ 20 ॥
కమలా కమలావాసా సకలా సర్వమంగలా ।
భగోదరీ భగక్లిన్నా భగినీ భగమాలినీ ॥ 21 ॥
భగప్రదా భగానందా భగేశీ భగనాయికా ।
భగాత్మికా భగావాసా భగా భగనిపాతినీ ॥ 22 ॥
భగావహా భగారాధ్యా భగాఢ్యా భగవాహినీ ।
భగనిష్యందినీ భర్గా భగాభా భగగర్భిణీ ॥ 23 ॥
భగాదిర్భగభోగాదిః భగవేద్యా భగోద్భవా ।
భగమాతా భగకృతా భగగుహ్యా భగేశ్వరీ ॥ 24 ॥
భగదేహా భగావాసా భగోద్భేదా భగాలసా ।
భగవిద్యా భగక్లిన్నా భగలింగా భగద్రవా ॥ 25 ॥
సకలా నిష్కలా కాలీ కరాలీ కలభాషిణీ ।
కమలా హంసినీ కాలా కరుణా కరుణావతీ ॥ 26 ॥
భాస్వరా భైరవీ భాసా భద్రకాలీ కులాంగనా ।
రసాత్మికా రసావాసా రసస్యందా రసావహా ॥ 27 ॥
కామనిష్యందినీ కామ్యా కామినీ కామదాయినీ ।
విద్యా విధాత్రీ వివిధా విశ్వదా త్రివిధా విధా ॥ 28 ॥
సర్వాంగా సుందరీ సౌమ్యా లావణ్యా సరిదంబుధిః ।
చతురాంగీ చతుర్బాహుశ్చతురా చారుహాసినీ ॥ 29 ॥
మంత్రా మంత్రమయీ మాతా మణిపూరసమాశ్రయా ।
మంత్రాత్మికా మంత్రమాతా మంత్రగమ్యా సుమంత్రకా ॥ 30 ॥
పుష్పబాణా పుష్పజైత్రీ పుష్పిణీ పుష్పవర్ధినీ ।
వజ్రేశ్వరీ వజ్రహస్తా పురాణీ పురవాసినీ ॥ 31 ॥
తారా చ తరుణాకారా తరుణీ తారరూపిణీ ।
ఇక్షుచాపా మహాపాశా శుభదా ప్రియవాదినీ ॥ 32 ॥
సర్వగా సర్వజననీ సర్వార్థా సర్వపావనీ ।
ఆత్మవిద్యా మహావిద్యా బ్రహ్మవిద్యా వివస్వతీ ॥ 33 ॥
శివేశ్వరీ శివారాధ్యా శివనాథా శివాత్మికా ।
ఆత్మికా జ్ఞాననిలయా నిర్భేదా నిర్వృతిప్రదా ॥ 34 ॥
నిర్వాణరూపిణీ పూర్ణా నియమా నిష్కలా ప్రభా ।
శ్రీఫలా శ్రీప్రదా శిష్యా శ్రీమయీ శివరూపిణీ ॥ 35 ॥
క్రూరా కుండలినీ కుబ్జా కుటిలా కుటిలాలకా ।
మహోదయా మహారూపా మహీ మాహీ కలామయీ ॥ 36 ॥
వశినీ సర్వజననీ చిత్రవాసా విచిత్రికా ।
సూర్యమండలమధ్యస్థా స్థిరా శంకరవల్లభా ॥ 37 ॥
సురభిః సుమహః సూర్యా సుషుమ్ణా సోమభూషణా ।
సుధాప్రదా సుధాధారా సుశ్రీః సంపత్తిరూపిణీ ॥ 38 ॥
అమృతా సత్యసంకల్పా సత్యా షడ్గ్రంథిభేదినీ ।
ఇచ్ఛాశక్తిర్మహాశక్తిః క్రియాశక్తిః ప్రియంకరీ ॥ 39 ॥
లీలా లీలాలయాఽఽనందా సూక్ష్మబోధస్వరూపిణీ ।
సకలా రసనా సారా సారగమ్యా సరస్వతీ ॥ 40 ॥
పరా పరాయణీ పద్మా పరనిష్ఠా పరాపరా ।
శ్రీమతీ శ్రీకరీ వ్యోమ్నీ శివయోనిః శివేక్షణా ॥ 41 ॥
నిరానందా నిరాఖ్యేయా నిర్ద్వంద్వా నిర్గుణాత్మికా ।
బృహతీ బ్రాహ్మణీ బ్రాహ్మీ బ్రహ్మాణీ బ్రహ్మరూపిణీ ॥ 42 ॥
ధృతిః స్మృతిః శ్రుతిర్మేధా శ్రద్ధా పుష్టిః స్తుతిర్మతిః ।
అద్వయాఽఽనందసంబోధా వరా సౌభాగ్యరూపిణీ ॥ 43 ॥
నిరామయా నిరాకారా జృంభిణీ స్తంభినీ రతిః ।
బోధికా కమలా రౌద్రీ ద్రావిణీ క్షోభిణీ మతిః ॥ 44 ॥
కుచేలీ కుచమధ్యస్థా మధ్యకూట గతి ప్రియా ।
కులోత్తీర్ణా కులవతీ బోధా వాగ్వాదినీ సతీ ॥ 45 ॥
ఉమా ప్రియవ్రతా లక్ష్మీర్వకులా కులరూపిణీ ।
విశ్వాత్మికా విశ్వయోనిః విశ్వాసక్తా వినాయకా ॥ 46 ॥
ధ్యాయినీ నాదినీ తీర్థా శాంకరీ మంత్రసాక్షిణీ ।
సన్మంత్రరూపిణీ హృష్టా శాంకరీ సురశంకరీ ॥ 47 ॥
సుందరాంగీ సురావాసా సురవంద్యా సురేశ్వరీ ।
సువర్ణా వర్ణసత్కీర్తిః సవర్ణా వర్ణరూపిణీ ॥ 48 ॥
లలితాంగీ వరిష్ఠా శ్రీరస్పందా స్పందరూపిణీ ।
శాంభవీ సచ్చిదానందా సచ్చిదానందరూపిణీ ॥ 49 ॥
జయినీ విశ్వజననీ విశ్వనిష్ఠా విలాసినీ ।
భ్రూమధ్యాఽఖిలనిష్ఠాద్యా నిర్గుణా గుణవర్ధినీ ॥ 50 ॥
హృల్లేఖా భువనేశానీ భవనా భవనాత్మికా ।
విభూతిర్భుతిదా భూతిః సంభూతిర్భూతికారిణీ ॥ 51 ॥
ఈశానీ శాశ్వతీ శైవీ శర్వాణీ శర్మదాయినీ ।
భవానీ భావగా భావా భావనా భావనాత్మికా ॥ 52 ॥
హృత్పద్మనిలయా శూరా స్వరావృత్తిః స్వరాత్మికా ।
సూక్ష్మరూపా పరానందా స్వాత్మస్థా విశ్వదా శివా ॥ 53 ॥
పరిపూర్ణా దయాపూర్ణా మదఘూర్ణితలోచనా ।
శరణ్యా తరుణార్కాభా మదా రక్తా మనస్వినీ ॥ 54 ॥
అనంతాఽనంతమహిమా నిత్యతృప్తా నిరంజనా ।
అచింత్యా శక్తిశ్చింత్యార్థా చింత్యాఽచింత్యస్వరూపిణీ ॥ 55 ॥
జగన్మయీ జగన్మాతా జగత్సారా జగద్భవా ।
ఆప్యాయినీ పరానందా కూటస్థాఽఽవాసరూపిణీ ॥ 56 ॥
జ్ఞానగమ్యా జ్ఞానమూర్తిః జ్ఞాపినీ జ్ఞానరూపిణీ ।
ఖేచరీ ఖేచరీముద్రా ఖేచరీయోగరూపిణీ ॥ 57 ॥
అనాథనాథా నిర్నాథా ఘోరాఽఘోరస్వరూపిణీ ।
సుధాప్రదా సుధాధారా సుధారూపా సుధామయీ ॥ 58 ॥
దహరా దహరాకాశా దహరాకాశమధ్యగా ।
మాంగల్యా మంగలకరీ మహామాంగల్యదేవతా ॥ 59 ॥
మాంగల్యదాయినీ మాన్యా సర్వమంగలదాయినీ ।
స్వప్రకాశా మహాభూషా భామినీ భవరూపిణీ ॥ 60 ॥
కాత్యాయనీ కలావాసా పూర్ణా కామా యశస్వినీ ।
అర్థాఽవసాననిలయా నారాయణమనోహరా ॥ 61 ॥
మోక్షమార్గవిధానజ్ఞా విరించోత్పత్తిభూమికా ।
అనుత్తరా మహారాధ్యా దుష్ప్రాపా దురతిక్రమా ॥ 62 ॥
శుద్ధిదా కామదా సౌమ్యా జ్ఞానదా మానదాయినీ ।
స్వధా స్వాహా సుధా మేధా మధురా మధుమందిరా ॥ 63 ॥
నిర్వాణదాయినీ శ్రేష్ఠా శర్మిష్ఠా శారదార్చితా ।
సువర్చలా సురారాధ్యా శుద్ధసత్త్వా సురార్చితా ॥ 64 ॥
స్తుతిః స్తుతిమయీ స్తుత్యా స్తుతిరూపా స్తుతిప్రియా ।
కామేశ్వరీ కామవతీ కామినీ కామరూపిణీ ॥ 65 ॥
ఆకాశగర్భా హ్రీంకారీ కంకాలీ కాలరూపిణీ ।
విష్ణుపత్నీ విశుద్ధార్థా విశ్వరూపేశవందితా ॥ 66 ॥
విశ్వవేద్యా మహావీరా విశ్వఘ్నీ విశ్వరూపిణీ ।
సుశీలాఢ్యా శైలవతీ శైలస్థా శైలరూపిణీ ॥ 67 ॥
రుద్రాణీ చండఖట్వాంగీ డాకినీ సాకినీ ప్రభా ।
నిత్యా నిర్వేదఖట్వాంగీ జననీ జనరూపిణీ ॥ 68 ॥
తలోదరీ జగత్సూత్రీ జగతీ జ్వలినీ జ్వలీ ।
సాకినీ సారసంహృద్యా సర్వోత్తీర్ణా సదాశివా ॥ 69 ॥
స్ఫురంతీ స్ఫురితాకారా స్ఫూర్తిః స్ఫురణరూపిణీ ।
శివదూతీ శివా శిష్టా శివజ్ఞా శివరూపిణీ ॥ 70 ॥
రాగిణీ రంజనీ రమ్యా రజనీ రజనీకరా ।
విశ్వంభరా వినీతేష్టా విధాత్రీ విధివల్లభా ॥ 71 ॥
విద్యోతినీ విచిత్రార్థా విశ్వాద్యా వివిధాభిధా ।
విశ్వాక్షరా సరసికా విశ్వస్థాఽతివిచక్షణా ॥ 72 ॥
బ్రహ్మయోనిర్మహాయోనిః కర్మయోనిస్త్రయీతనుః ।
హాకినీ హారిణీ సౌమ్యా రోహిణీ రోగనాశనీ ॥ 73 ॥
శ్రీప్రదా శ్రీర్శ్రీధరా చ శ్రీకరా శ్రీమతిః శ్రియా ।
శ్రీమాతా శ్రీకరీ శ్రేయః శ్రేయసీ చ సురేశ్వరీ ॥ 74 ॥
కామేశ్వరీ కామవతీ కామగిర్యాలయస్థితా ।
రుద్రాత్మికా రుద్రమాతా రుద్రగమ్యా రజస్వలా ॥ 75 ॥
అకారషోడశాంతఃస్థా భైరవాఽఽహ్లాదినీ పరా ।
కృపాదేహాఽరుణా నాథా సుధాబిందుసమాశ్రితా ॥ 76 ॥
కాలీ కామకలా కన్యా పార్వతీ పరరూపిణీ ।
మాయావతీ ఘోరముఖీ వాదినీ దీపినీ శివా ॥ 77 ॥
మకారా మాతృచక్రేశీ మహాసేనా విమోహినీ ।
ఉత్సుకాఽనుత్సుకా హృష్టా హ్రీంకారీ చక్రనాయికా ॥ 78 ॥
రుద్రా భవానీ చాముండీ హ్రీంకారీ సౌఖ్యదాయినీ ।
గరుడా గారుడీ జ్యేష్ఠా సకలా బ్రహ్మచారిణీ ॥ 79 ॥
కృష్ణాంగా వాహినీ కృష్ణా ఖేచరీ కమలాప్రియా ।
భద్రిణీ రుద్రచాముండా హ్రీంకారీ సౌభగా ధ్రువా ॥ 80 ॥
గరుడీ గారుడీ జ్యేష్ఠా స్వర్గదా బ్రహ్మవాదినీ ।
పానానురక్తా పానస్థా భీమరూపా భయాపహా ॥ 81 ॥
రక్తా చండా సురానందా త్రికోణా పానదర్పితా ।
మహోత్సుకా క్రతుప్రీతా కంకాలీ కాలదర్పితా ॥ 82 ॥
సర్వవర్ణా సువర్ణాభా పరామృతమహార్ణవా ।
యోగ్యార్ణవా నాగబుద్ధిర్వీరపానా నవాత్మికా ॥ 83 ॥
ద్వాదశాంతసరోజస్థా నిర్వాణసుఖదాయినీ ।
ఆదిసత్త్వా ధ్యానసత్త్వా శ్రీకంఠస్వాంతమోహినీ ॥ 84 ॥
పరా ఘోరా కరాలాక్షీ స్వమూర్తిర్మేరునాయికా ।
ఆకాశలింగసంభూతా పరామృతరసాత్మికా ॥ 85 ॥
శాంకరీ శాశ్వతీ రుద్రా కపాలా కులదీపికా ।
విద్యాతనుర్మంత్రతనుశ్చండా ముండా సుదర్పితా ॥ 86 ॥
వాగీశ్వరీ యోగముద్రా త్రిఖండా సిద్ధమండితా ।
శృంగారపీఠనిలయా కాలీ మాతంగకన్యకా ॥ 87 ॥
సంవర్తమండలాంతఃస్థా భువనోద్యానవాసినీ ।
పాదుకాక్రమసంతృప్తా భైరవస్థాఽపరాజితా ॥ 88 ॥
నిర్వాణా సౌరభా దుర్గా మహిషాసురమర్దినీ ।
భ్రమరాంబా శిఖరికా బ్రహ్మవిష్ణ్వీశతర్పితా ॥ 89 ॥
ఉన్మత్తహేలా రసికా యోగినీ యోగదర్పితా ।
సంతానానందినీ బీజచక్రా పరమకారుణీ ॥ 90 ॥
ఖేచరీ నాయికా యోగ్యా పరివృత్తాఽతిమోహినీ ।
శాకంభరీ సంభవిత్రీ స్కందాఽఽనందీ మదార్పితా ॥ 91 ॥
క్షేమంకరీ సుమా శ్వాసా స్వర్గదా బిందుకారిణీ ।
చర్చితా చర్చితపదా చారుఖట్వాంగధారిణీ ॥ 92 ॥
అఘోరా మంత్రితపదా భామినీ భవరూపిణీ ।
ఉషా సంకర్షిణీ ధాత్రీ చోమా కాత్యాయనీ శివా ॥ 93 ॥
సులభా దుర్లభా శాస్త్రీ మహాశాస్త్రీ శిఖండినీ ।
యోగలక్ష్మీర్భోగలక్ష్మీః రాజ్యలక్ష్మీః కపాలినీ ॥ 94 ॥
దేవయోనిర్భగవతీ ధన్వినీ నాదినీశ్వరీ ।
క్షేత్రాత్మికా మహాధాత్రీ బలినీ కేతుమాలినీ ॥ 95 ॥
సదానందా సదాభద్రా ఫల్గునీ రక్తవర్షిణీ ।
మందారమందిరా తీవ్రా గ్రాహిణీ సర్వభక్షిణీ ॥ 96 ॥
అగ్నిజిహ్వా మహాజిహ్వా శూలినీ శుద్ధిదా పరా ।
సువర్ణికా కాలదూతీ దేవీ కాలస్వరూపిణీ ॥ 97 ॥
కుంభినీ శయనీ గుర్వీ వారాహీ హుంఫడాత్మికా ।
ఉగ్రాత్మికా పద్మవతీ ధూర్జటీ చక్రధారిణీ ॥ 98 ॥
దేవీ తత్పురుషా శిక్షా మాధ్వీ స్త్రీరూపధారిణీ ।
దక్షా దాక్షాయణీ దీక్షా మదనా మదనాతురా ॥ 99 ॥
ధిష్ణ్యా హిరణ్యా సరణిః ధరిత్రీ ధరరూపిణీ ।
వసుధా వసుధాఛాయా వసుధామా సుధామయీ ॥ 100 ॥
శృంగిణీ భీషణా సాంద్రీ ప్రేతస్థానా మతంగినీ ।
ఖండినీ యోగినీ తుష్టిః నాదినీ భేదినీ నటీ ॥ 101 ॥
ఖట్వాంగినీ కాలరాత్రిః మేఘమాలా ధరాత్మికా ।
భాపీఠస్థా భవద్రూపా మహాశ్రీర్ధూమ్రలోచనా ॥ 102 ॥
సుఖదా గంధినీ బంధుర్బంధినీ బంధమోచినీ ।
సావిత్రీ సత్కృతిః కర్త్రీ క్షమా మాయా మహోదయా ॥ 103 ॥
గణేశ్వరీ గణాకారా సద్గుణా గణపూజితా ।
నిర్మలా గిరిజా శబ్దా శర్వాణీ శర్మదాయినీ ॥ 104 ॥
ఏకాకినీ సింధుకన్యా కావ్యసూత్రస్వరూపిణీ ।
అవ్యక్తరూపిణీ వ్యక్తా యోగినీ పీఠరూపిణీ ॥ 105 ॥
నిర్మదా ధామదాఽఽదిత్యా నిత్యా సేవ్యాఽక్షరాత్మికా ।
తపినీ తాపినీ దీక్షా శోధినీ శివదాయినీ ॥ 106 ॥
స్వస్తి స్వస్తిమతీ బాలా కపిలా విస్ఫులింగినీ ।
అర్చిష్మతీ ద్యుతిమతీ కౌలినీ కవ్యవాహినీ ॥ 107 ॥
జనాశ్రితా విష్ణువిద్యా మానసీ వింధ్యవాసినీ ।
విద్యాధరీ లోకధాత్రీ సర్వా సారస్వరూపిణీ ॥ 108 ॥
పాపఘ్నీ సర్వతోభద్రా త్రిస్థా శక్తిత్రయాత్మికా ।
త్రికోణనిలయా త్రిస్థా త్రయీమాతా త్రయీతనుః ॥ 109 ॥
త్రయీవిద్యా త్రయీసారా త్రయీరూపా త్రిపుష్కరా ।
త్రివర్ణా త్రిపురా త్రిశ్రీః త్రిమూర్తిస్త్రిదశేశ్వరీ ॥ 110 ॥
త్రికోణసంస్థా త్రివిధా త్రిస్వరా త్రిపురాంబికా ।
త్రిదివా త్రిదివేశానీ త్రిస్థా త్రిపురదాహినీ ॥ 111 ॥
జంఘినీ స్ఫోటినీ స్ఫూర్తిః స్తంభినీ శోషిణీ ప్లుతా ।
ఐంకారాఖ్యా వామదేవీ ఖండినీ చండదండినీ ॥ 112 ॥
క్లీంకారీ వత్సలా హృష్టా సౌఃకారీ మదహంసికా ।
వజ్రిణీ ద్రావిణీ జైత్రీ శ్రీమతీ గోమతీ ధ్రువా ॥ 113 ॥
పరతేజోమయీ సంవిత్పూర్ణపీఠనివాసినీ ।
త్రిధాత్మా త్రిదశా త్ర్యక్షా త్రిఘ్నీ త్రిపురమాలినీ ॥ 114 ॥
త్రిపురాశ్రీస్త్రిజననీ త్రిభూస్త్రైలోక్యసుందరీ ।
కుమారీ కుండలీ ధాత్రీ బాలా భక్తేష్టదాయినీ ॥ 115 ॥
కలావతీ భగవతీ భక్తిదా భవనాశినీ ।
సౌగంధినీ సరిద్వేణీ పద్మరాగకిరీటినీ ॥ 116 ॥
తత్త్వత్రయీ తత్త్వమయీ మంత్రిణీ మంత్రరూపిణీ ।
సిద్ధా శ్రీత్రిపురావాసా బాలాత్రిపురసుందరీ ॥ 117 ॥
బాలాత్రిపురసుందర్యా మంత్రనామసహస్రకం ।
కథితం దేవదేవేశి సర్వమంగలదాయకం ॥ 118 ॥
సర్వరక్షాకరం దేవి సర్వసౌభాగ్యదాయకం ।
సర్వాశ్రయకరం దేవి సర్వానందకరం వరం ॥ 119 ॥
సర్వపాపక్షయకరం సదా విజయవర్ధనం ।
సర్వదా శ్రీకరం దేవి సర్వయోగీశ్వరీమయం ॥ 120 ॥
సర్వపీఠమయం దేవి సర్వానందకరం పరం ।
సర్వదౌర్భాగ్యశమనం సర్వదుఃఖనివారణం ॥ 121 ॥
సర్వాభిచారదోషఘ్నం పరమంత్రవినాశనం ।
పరసైన్యస్తంభకరం శత్రుస్తంభనకారణం ॥ 122 ॥
మహాచమత్కారకరం మహాబుద్ధిప్రవర్ధనం ।
మహోత్పాతప్రశమనం మహాజ్వరనివారణం ॥ 123 ॥
మహావశ్యకరం దేవి మహాసుఖఫలప్రదం ।
ఏవమేతస్య మంత్రస్య ప్రభావో వర్ణితుం మయా ॥ 124 ॥
న శక్యతే వరారోహే కల్పకోటి శతైరపి ।
యః పఠేత్సంగమే నిత్యం సర్వదా మంత్రసిద్ధిదం ॥ 125 ॥
ఇతి శ్రీ బాలా త్రిపుర సుందరీ సహస్రనామ స్తోత్రం ।
Recite with devotion and pure heart
Regular practice brings spiritual benefits