हैंహైHaindavamஹிહિં
📍
Font Size:
ബാലാ ത്രിപുര സുന്ദരീ സഹസ്രനാമ സ്തോത്രം
ശ്രീദേവ്യുവാച –
ഭഗവൻ ഭാഷിതാശേഷസിദ്ധാന്ത കരുണാനിധേ ।
ബാലാത്രിപുരസുന്ദര്യാഃ മന്ത്രനാമസഹസ്രകം ॥ 1 ॥
ശ്രുത്വാ ധാരയിതും ദേവ മമേച്ഛാവർതതേഽധുനാ ।
കൃപയാ കേവലം നാഥ തന്മമാഖ്യാതുമർഹസി ॥ 2 ॥
ഈശ്വര ഉവാച –
മന്ത്രനാമസഹസ്രം തേ കഥയാമി വരാനനേ ।
ഗോപനീയം പ്രയത്നേന ശൃണു തത്ത്വം മഹേശ്വരി ॥ 3 ॥
അസ്യ ശ്രീബാലാത്രിപുരസുന്ദരീ ദിവ്യസഹസ്രനാമ സ്തോത്രമഹാമന്ത്രസ്യ ഈശ്വര ഋഷിഃ, അനുഷ്ടുപ്ഛന്ദഃ, ശ്രീബാലാത്രിപുരസുന്ദരീ ദേവതാ, ഐം ബീജം, സൗഃ ശക്തിഃ, ക്ലീം കീലകം, മമ ശ്രീബാലാത്രിപുരസുന്ദരീ പ്രസാദസിദ്ധ്യർഥേ സഹസ്രനാമസ്തോത്ര പാരായണേ വിനിയോഗഃ ॥
കരന്യാസഃ –
ഐം അംഗുഷ്ഠാഭ്യാം നമഃ ।
ക്ലീം തർജനീഭ്യാം നമഃ ।
സൗഃ മധ്യമാഭ്യാം നമഃ ।
ഐം അനാമികാഭ്യാം നമഃ ।
ക്ലീം കനിഷ്ഠികാഭ്യാം നമഃ ।
സൗഃ കരതലകരപൃഷ്ഠാഭ്യാം നമഃ ।
ഹൃദയാദിന്യാസഃ –
ഐം ഹൃദയായ നമഃ ।
ക്ലീം ശിരസേ സ്വാഹാ ।
സൗഃ ശിഖായൈ വഷട് ।
ഐം കവചായ ഹും ।
ക്ലീം നേത്രത്രയായ വൗഷട് ।
സൗഃ അസ്ത്രായ ഫട് ।
ധ്യാനം –
ഐങ്കാരാസനഗർഭിതാനലശിഖാം സൗഃ ക്ലീം കലാം ബിഭ്രതീം
സൗവർണാംബരധാരിണീം വരസുധാധൗതാന്തരംഗോജ്ജ്വലാം ।
വന്ദേ പുസ്തകപാശസാങ്കുശജപസ്രഗ്ഭാസുരോദ്യത്കരാം
താം ബാലാം ത്രിപുരാം ഭജേ ത്രിനയനാം ഷട്ചക്രസഞ്ചാരിണീം ॥
ലമിത്യാദി പഞ്ചപൂജാം കുര്യാത് ॥
അഥ സ്തോത്രം –
ഓം സുഭഗാ സുന്ദരീ സൗമ്യാ സുഷുമ്ണാ സുഖദായിനീ ।
മനോജ്ഞാ സുമനാ രമ്യാ ശോഭനാ ലലിതാ ശിവാ ॥ 1 ॥
കാന്താ കാന്തിമതീ കാന്തിഃ കാമദാ കമലാലയാ ।
കല്യാണീ കമലാ ഹൃദ്യാ പേശലാ ഹൃദയംഗമാ ॥ 2 ॥
സുഭദ്രാഖ്യാതിരമണീ സർവാ സാധ്വീ സുമംഗലാ ।
രാമാ ഭവ്യവതീ ഭവ്യാ കമനീയാഽതികോമലാ ॥ 3 ॥
ശോഭാഭിരാമാ രമണീ രമണീയാ രതിപ്രിയാ ।
മനോന്മനീ മഹാമായാ മാതംഗീ മദിരാപ്രിയാ ॥ 4 ॥
മഹാലക്ഷ്മീർമഹാശക്തിർമഹാവിദ്യാസ്വരൂപിണീ ।
മഹേശ്വരീ മഹാനന്ദാ മഹാനന്ദവിധായിനീ ॥ 5 ॥
മാനിനീ മാധവീ മാധ്വീ മദരൂപാ മദോത്കടാ ।
ആനന്ദകന്ദാ വിജയാ വിശ്വേശീ വിശ്വരൂപിണീ ॥ 6 ॥
സുപ്രഭാ കൗമുദീ ശാന്താ ബിന്ദുനാദസ്വരൂപിണീ ।
കാമേശ്വരീ കാമകലാ കാമിനീ കാമവർധിനീ ॥ 7 ॥
ഭേരുണ്ഡാ ചണ്ഡികാ ചണ്ഡീ ചാമുണ്ഡാ മുണ്ഡമാലിനീ ।
അണുരൂപാ മഹാരൂപാ ഭൂതേശീ ഭുവനേശ്വരീ ॥ 8 ॥
ചിത്രാ വിചിത്രാ ചിത്രാംഗീ ഹേമഗർഭസ്വരൂപിണീ ।
ചൈതന്യരൂപിണീ നിത്യാ നിത്യാനിത്യസ്വരൂപിണീ ॥ 9 ॥
ഹ്രീങ്കാരകുണ്ഡലീ ധാത്രീ വിധാത്രീ ഭൂതസമ്പ്ലവാ ।
ഉന്മാദിനീ മഹാമാരീ സുപ്രസന്നാ സുരാർചിതാ ॥ 10 ॥
പരമാനന്ദനിഷ്യന്ദാ പരമാർഥസ്വരൂപിണീ ।
യോഗീശ്വരീ യോഗമാതാ ഹംസിനീ കലഹംസിനീ ॥ 11 ॥
കലാ കലാവതീ രക്താ സുഷുമ്നാവർത്മശാലിനീ ।
വിന്ധ്യാദ്രിനിലയാ സൂക്ഷ്മാ ഹേമപദ്മനിവാസിനീ ॥ 12 ॥
ബാലാ സുരൂപിണീ മായാ വരേണ്യാ വരദായിനീ ।
വിദ്രുമാഭാ വിശാലാക്ഷീ വിശിഷ്ടാ വിശ്വനായികാ ॥ 13 ॥
വീരേന്ദ്രവന്ദ്യാ വിശ്വാത്മാ വിശ്വാ വിശ്വാദിവർധിനീ ।
വിശ്വോത്പത്തിർവിശ്വമായാ വിശ്വാരാധ്യാ വികസ്വരാ ॥ 14 ॥
മദസ്വിന്നാ മദോദ്ഭിന്നാ മാനിനീ മാനവർധിനീ ।
മാലിനീ മോദിനീ മാന്യാ മദഹസ്താ മദാലയാ ॥ 15 ॥
മദനിഷ്യന്ദിനീ മാതാ മദിരാക്ഷീ മദാലസാ ।
മദാത്മികാ മദാവാസാ മധുബിന്ദുകൃതാധരാ ॥ 16 ॥
മൂലഭൂതാ മഹാമൂലാ മൂലാധാരസ്വരൂപിണീ ।
സിന്ദൂരരക്താ രക്താക്ഷീ ത്രിനേത്രാ ത്രിഗുണാത്മികാ ॥ 17 ॥
വശിനീ വാശിനീ വാണീ വാരുണീ വാരുണീപ്രിയാ ।
അരുണാ തരുണാർകാഭാ ഭാമിനീ വഹ്നിവാസിനീ ॥ 18 ॥
സിദ്ധാ സിദ്ധേശ്വരീ സിദ്ധിഃ സിദ്ധാംബാ സിദ്ധമാതൃകാ ।
സിദ്ധാർഥദായിനീ വിദ്യാ സിദ്ധാഢ്യാ സിദ്ധസമ്മതാ ॥ 19 ॥
വാഗ്ഭവാ വാക്പ്രദാ വന്ദ്യാ വാങ്മയീ വാദിനീ പരാ ।
ത്വരിതാ സത്വരാ തുര്യാ ത്വരയിത്രീ ത്വരാത്മികാ ॥ 20 ॥
കമലാ കമലാവാസാ സകലാ സർവമംഗലാ ।
ഭഗോദരീ ഭഗക്ലിന്നാ ഭഗിനീ ഭഗമാലിനീ ॥ 21 ॥
ഭഗപ്രദാ ഭഗാനന്ദാ ഭഗേശീ ഭഗനായികാ ।
ഭഗാത്മികാ ഭഗാവാസാ ഭഗാ ഭഗനിപാതിനീ ॥ 22 ॥
ഭഗാവഹാ ഭഗാരാധ്യാ ഭഗാഢ്യാ ഭഗവാഹിനീ ।
ഭഗനിഷ്യന്ദിനീ ഭർഗാ ഭഗാഭാ ഭഗഗർഭിണീ ॥ 23 ॥
ഭഗാദിർഭഗഭോഗാദിഃ ഭഗവേദ്യാ ഭഗോദ്ഭവാ ।
ഭഗമാതാ ഭഗകൃതാ ഭഗഗുഹ്യാ ഭഗേശ്വരീ ॥ 24 ॥
ഭഗദേഹാ ഭഗാവാസാ ഭഗോദ്ഭേദാ ഭഗാലസാ ।
ഭഗവിദ്യാ ഭഗക്ലിന്നാ ഭഗലിംഗാ ഭഗദ്രവാ ॥ 25 ॥
സകലാ നിഷ്കലാ കാലീ കരാലീ കലഭാഷിണീ ।
കമലാ ഹംസിനീ കാലാ കരുണാ കരുണാവതീ ॥ 26 ॥
ഭാസ്വരാ ഭൈരവീ ഭാസാ ഭദ്രകാലീ കുലാംഗനാ ।
രസാത്മികാ രസാവാസാ രസസ്യന്ദാ രസാവഹാ ॥ 27 ॥
കാമനിഷ്യന്ദിനീ കാമ്യാ കാമിനീ കാമദായിനീ ।
വിദ്യാ വിധാത്രീ വിവിധാ വിശ്വദാ ത്രിവിധാ വിധാ ॥ 28 ॥
സർവാംഗാ സുന്ദരീ സൗമ്യാ ലാവണ്യാ സരിദംബുധിഃ ।
ചതുരാംഗീ ചതുർബാഹുശ്ചതുരാ ചാരുഹാസിനീ ॥ 29 ॥
മന്ത്രാ മന്ത്രമയീ മാതാ മണിപൂരസമാശ്രയാ ।
മന്ത്രാത്മികാ മന്ത്രമാതാ മന്ത്രഗമ്യാ സുമന്ത്രകാ ॥ 30 ॥
പുഷ്പബാണാ പുഷ്പജൈത്രീ പുഷ്പിണീ പുഷ്പവർധിനീ ।
വജ്രേശ്വരീ വജ്രഹസ്താ പുരാണീ പുരവാസിനീ ॥ 31 ॥
താരാ ച തരുണാകാരാ തരുണീ താരരൂപിണീ ।
ഇക്ഷുചാപാ മഹാപാശാ ശുഭദാ പ്രിയവാദിനീ ॥ 32 ॥
സർവഗാ സർവജനനീ സർവാർഥാ സർവപാവനീ ।
ആത്മവിദ്യാ മഹാവിദ്യാ ബ്രഹ്മവിദ്യാ വിവസ്വതീ ॥ 33 ॥
ശിവേശ്വരീ ശിവാരാധ്യാ ശിവനാഥാ ശിവാത്മികാ ।
ആത്മികാ ജ്ഞാനനിലയാ നിർഭേദാ നിർവൃതിപ്രദാ ॥ 34 ॥
നിർവാണരൂപിണീ പൂർണാ നിയമാ നിഷ്കലാ പ്രഭാ ।
ശ്രീഫലാ ശ്രീപ്രദാ ശിഷ്യാ ശ്രീമയീ ശിവരൂപിണീ ॥ 35 ॥
ക്രൂരാ കുണ്ഡലിനീ കുബ്ജാ കുടിലാ കുടിലാലകാ ।
മഹോദയാ മഹാരൂപാ മഹീ മാഹീ കലാമയീ ॥ 36 ॥
വശിനീ സർവജനനീ ചിത്രവാസാ വിചിത്രികാ ।
സൂര്യമണ്ഡലമധ്യസ്ഥാ സ്ഥിരാ ശങ്കരവല്ലഭാ ॥ 37 ॥
സുരഭിഃ സുമഹഃ സൂര്യാ സുഷുമ്ണാ സോമഭൂഷണാ ।
സുധാപ്രദാ സുധാധാരാ സുശ്രീഃ സമ്പത്തിരൂപിണീ ॥ 38 ॥
അമൃതാ സത്യസങ്കല്പാ സത്യാ ഷഡ്ഗ്രന്ഥിഭേദിനീ ।
ഇച്ഛാശക്തിർമഹാശക്തിഃ ക്രിയാശക്തിഃ പ്രിയങ്കരീ ॥ 39 ॥
ലീലാ ലീലാലയാഽഽനന്ദാ സൂക്ഷ്മബോധസ്വരൂപിണീ ।
സകലാ രസനാ സാരാ സാരഗമ്യാ സരസ്വതീ ॥ 40 ॥
പരാ പരായണീ പദ്മാ പരനിഷ്ഠാ പരാപരാ ।
ശ്രീമതീ ശ്രീകരീ വ്യോമ്നീ ശിവയോനിഃ ശിവേക്ഷണാ ॥ 41 ॥
നിരാനന്ദാ നിരാഖ്യേയാ നിർദ്വന്ദ്വാ നിർഗുണാത്മികാ ।
ബൃഹതീ ബ്രാഹ്മണീ ബ്രാഹ്മീ ബ്രഹ്മാണീ ബ്രഹ്മരൂപിണീ ॥ 42 ॥
ധൃതിഃ സ്മൃതിഃ ശ്രുതിർമേധാ ശ്രദ്ധാ പുഷ്ടിഃ സ്തുതിർമതിഃ ।
അദ്വയാഽഽനന്ദസംബോധാ വരാ സൗഭാഗ്യരൂപിണീ ॥ 43 ॥
നിരാമയാ നിരാകാരാ ജൃംഭിണീ സ്തംഭിനീ രതിഃ ।
ബോധികാ കമലാ രൗദ്രീ ദ്രാവിണീ ക്ഷോഭിണീ മതിഃ ॥ 44 ॥
കുചേലീ കുചമധ്യസ്ഥാ മധ്യകൂട ഗതി പ്രിയാ ।
കുലോത്തീർണാ കുലവതീ ബോധാ വാഗ്വാദിനീ സതീ ॥ 45 ॥
ഉമാ പ്രിയവ്രതാ ലക്ഷ്മീർവകുലാ കുലരൂപിണീ ।
വിശ്വാത്മികാ വിശ്വയോനിഃ വിശ്വാസക്താ വിനായകാ ॥ 46 ॥
ധ്യായിനീ നാദിനീ തീർഥാ ശാങ്കരീ മന്ത്രസാക്ഷിണീ ।
സന്മന്ത്രരൂപിണീ ഹൃഷ്ടാ ശാങ്കരീ സുരശങ്കരീ ॥ 47 ॥
സുന്ദരാംഗീ സുരാവാസാ സുരവന്ദ്യാ സുരേശ്വരീ ।
സുവർണാ വർണസത്കീർതിഃ സവർണാ വർണരൂപിണീ ॥ 48 ॥
ലലിതാംഗീ വരിഷ്ഠാ ശ്രീരസ്പന്ദാ സ്പന്ദരൂപിണീ ।
ശാംഭവീ സച്ചിദാനന്ദാ സച്ചിദാനന്ദരൂപിണീ ॥ 49 ॥
ജയിനീ വിശ്വജനനീ വിശ്വനിഷ്ഠാ വിലാസിനീ ।
ഭ്രൂമധ്യാഽഖിലനിഷ്ഠാദ്യാ നിർഗുണാ ഗുണവർധിനീ ॥ 50 ॥
ഹൃല്ലേഖാ ഭുവനേശാനീ ഭവനാ ഭവനാത്മികാ ।
വിഭൂതിർഭുതിദാ ഭൂതിഃ സംഭൂതിർഭൂതികാരിണീ ॥ 51 ॥
ഈശാനീ ശാശ്വതീ ശൈവീ ശർവാണീ ശർമദായിനീ ।
ഭവാനീ ഭാവഗാ ഭാവാ ഭാവനാ ഭാവനാത്മികാ ॥ 52 ॥
ഹൃത്പദ്മനിലയാ ശൂരാ സ്വരാവൃത്തിഃ സ്വരാത്മികാ ।
സൂക്ഷ്മരൂപാ പരാനന്ദാ സ്വാത്മസ്ഥാ വിശ്വദാ ശിവാ ॥ 53 ॥
പരിപൂർണാ ദയാപൂർണാ മദഘൂർണിതലോചനാ ।
ശരണ്യാ തരുണാർകാഭാ മദാ രക്താ മനസ്വിനീ ॥ 54 ॥
അനന്താഽനന്തമഹിമാ നിത്യതൃപ്താ നിരഞ്ജനാ ।
അചിന്ത്യാ ശക്തിശ്ചിന്ത്യാർഥാ ചിന്ത്യാഽചിന്ത്യസ്വരൂപിണീ ॥ 55 ॥
ജഗന്മയീ ജഗന്മാതാ ജഗത്സാരാ ജഗദ്ഭവാ ।
ആപ്യായിനീ പരാനന്ദാ കൂടസ്ഥാഽഽവാസരൂപിണീ ॥ 56 ॥
ജ്ഞാനഗമ്യാ ജ്ഞാനമൂർതിഃ ജ്ഞാപിനീ ജ്ഞാനരൂപിണീ ।
ഖേചരീ ഖേചരീമുദ്രാ ഖേചരീയോഗരൂപിണീ ॥ 57 ॥
അനാഥനാഥാ നിർനാഥാ ഘോരാഽഘോരസ്വരൂപിണീ ।
സുധാപ്രദാ സുധാധാരാ സുധാരൂപാ സുധാമയീ ॥ 58 ॥
ദഹരാ ദഹരാകാശാ ദഹരാകാശമധ്യഗാ ।
മാംഗല്യാ മംഗലകരീ മഹാമാംഗല്യദേവതാ ॥ 59 ॥
മാംഗല്യദായിനീ മാന്യാ സർവമംഗലദായിനീ ।
സ്വപ്രകാശാ മഹാഭൂഷാ ഭാമിനീ ഭവരൂപിണീ ॥ 60 ॥
കാത്യായനീ കലാവാസാ പൂർണാ കാമാ യശസ്വിനീ ।
അർഥാഽവസാനനിലയാ നാരായണമനോഹരാ ॥ 61 ॥
മോക്ഷമാർഗവിധാനജ്ഞാ വിരിഞ്ചോത്പത്തിഭൂമികാ ।
അനുത്തരാ മഹാരാധ്യാ ദുഷ്പ്രാപാ ദുരതിക്രമാ ॥ 62 ॥
ശുദ്ധിദാ കാമദാ സൗമ്യാ ജ്ഞാനദാ മാനദായിനീ ।
സ്വധാ സ്വാഹാ സുധാ മേധാ മധുരാ മധുമന്ദിരാ ॥ 63 ॥
നിർവാണദായിനീ ശ്രേഷ്ഠാ ശർമിഷ്ഠാ ശാരദാർചിതാ ।
സുവർചലാ സുരാരാധ്യാ ശുദ്ധസത്ത്വാ സുരാർചിതാ ॥ 64 ॥
സ്തുതിഃ സ്തുതിമയീ സ്തുത്യാ സ്തുതിരൂപാ സ്തുതിപ്രിയാ ।
കാമേശ്വരീ കാമവതീ കാമിനീ കാമരൂപിണീ ॥ 65 ॥
ആകാശഗർഭാ ഹ്രീങ്കാരീ കങ്കാലീ കാലരൂപിണീ ।
വിഷ്ണുപത്നീ വിശുദ്ധാർഥാ വിശ്വരൂപേശവന്ദിതാ ॥ 66 ॥
വിശ്വവേദ്യാ മഹാവീരാ വിശ്വഘ്നീ വിശ്വരൂപിണീ ।
സുശീലാഢ്യാ ശൈലവതീ ശൈലസ്ഥാ ശൈലരൂപിണീ ॥ 67 ॥
രുദ്രാണീ ചണ്ഡഖട്വാംഗീ ഡാകിനീ സാകിനീ പ്രഭാ ।
നിത്യാ നിർവേദഖട്വാംഗീ ജനനീ ജനരൂപിണീ ॥ 68 ॥
തലോദരീ ജഗത്സൂത്രീ ജഗതീ ജ്വലിനീ ജ്വലീ ।
സാകിനീ സാരസംഹൃദ്യാ സർവോത്തീർണാ സദാശിവാ ॥ 69 ॥
സ്ഫുരന്തീ സ്ഫുരിതാകാരാ സ്ഫൂർതിഃ സ്ഫുരണരൂപിണീ ।
ശിവദൂതീ ശിവാ ശിഷ്ടാ ശിവജ്ഞാ ശിവരൂപിണീ ॥ 70 ॥
രാഗിണീ രഞ്ജനീ രമ്യാ രജനീ രജനീകരാ ।
വിശ്വംഭരാ വിനീതേഷ്ടാ വിധാത്രീ വിധിവല്ലഭാ ॥ 71 ॥
വിദ്യോതിനീ വിചിത്രാർഥാ വിശ്വാദ്യാ വിവിധാഭിധാ ।
വിശ്വാക്ഷരാ സരസികാ വിശ്വസ്ഥാഽതിവിചക്ഷണാ ॥ 72 ॥
ബ്രഹ്മയോനിർമഹായോനിഃ കർമയോനിസ്ത്രയീതനുഃ ।
ഹാകിനീ ഹാരിണീ സൗമ്യാ രോഹിണീ രോഗനാശനീ ॥ 73 ॥
ശ്രീപ്രദാ ശ്രീർശ്രീധരാ ച ശ്രീകരാ ശ്രീമതിഃ ശ്രിയാ ।
ശ്രീമാതാ ശ്രീകരീ ശ്രേയഃ ശ്രേയസീ ച സുരേശ്വരീ ॥ 74 ॥
കാമേശ്വരീ കാമവതീ കാമഗിര്യാലയസ്ഥിതാ ।
രുദ്രാത്മികാ രുദ്രമാതാ രുദ്രഗമ്യാ രജസ്വലാ ॥ 75 ॥
അകാരഷോഡശാന്തഃസ്ഥാ ഭൈരവാഽഽഹ്ലാദിനീ പരാ ।
കൃപാദേഹാഽരുണാ നാഥാ സുധാബിന്ദുസമാശ്രിതാ ॥ 76 ॥
കാലീ കാമകലാ കന്യാ പാർവതീ പരരൂപിണീ ।
മായാവതീ ഘോരമുഖീ വാദിനീ ദീപിനീ ശിവാ ॥ 77 ॥
മകാരാ മാതൃചക്രേശീ മഹാസേനാ വിമോഹിനീ ।
ഉത്സുകാഽനുത്സുകാ ഹൃഷ്ടാ ഹ്രീങ്കാരീ ചക്രനായികാ ॥ 78 ॥
രുദ്രാ ഭവാനീ ചാമുണ്ഡീ ഹ്രീങ്കാരീ സൗഖ്യദായിനീ ।
ഗരുഡാ ഗാരുഡീ ജ്യേഷ്ഠാ സകലാ ബ്രഹ്മചാരിണീ ॥ 79 ॥
കൃഷ്ണാംഗാ വാഹിനീ കൃഷ്ണാ ഖേചരീ കമലാപ്രിയാ ।
ഭദ്രിണീ രുദ്രചാമുണ്ഡാ ഹ്രീങ്കാരീ സൗഭഗാ ധ്രുവാ ॥ 80 ॥
ഗരുഡീ ഗാരുഡീ ജ്യേഷ്ഠാ സ്വർഗദാ ബ്രഹ്മവാദിനീ ।
പാനാനുരക്താ പാനസ്ഥാ ഭീമരൂപാ ഭയാപഹാ ॥ 81 ॥
രക്താ ചണ്ഡാ സുരാനന്ദാ ത്രികോണാ പാനദർപിതാ ।
മഹോത്സുകാ ക്രതുപ്രീതാ കങ്കാലീ കാലദർപിതാ ॥ 82 ॥
സർവവർണാ സുവർണാഭാ പരാമൃതമഹാർണവാ ।
യോഗ്യാർണവാ നാഗബുദ്ധിർവീരപാനാ നവാത്മികാ ॥ 83 ॥
ദ്വാദശാന്തസരോജസ്ഥാ നിർവാണസുഖദായിനീ ।
ആദിസത്ത്വാ ധ്യാനസത്ത്വാ ശ്രീകണ്ഠസ്വാന്തമോഹിനീ ॥ 84 ॥
പരാ ഘോരാ കരാലാക്ഷീ സ്വമൂർതിർമേരുനായികാ ।
ആകാശലിംഗസംഭൂതാ പരാമൃതരസാത്മികാ ॥ 85 ॥
ശാങ്കരീ ശാശ്വതീ രുദ്രാ കപാലാ കുലദീപികാ ।
വിദ്യാതനുർമന്ത്രതനുശ്ചണ്ഡാ മുണ്ഡാ സുദർപിതാ ॥ 86 ॥
വാഗീശ്വരീ യോഗമുദ്രാ ത്രിഖണ്ഡാ സിദ്ധമണ്ഡിതാ ।
ശൃംഗാരപീഠനിലയാ കാലീ മാതംഗകന്യകാ ॥ 87 ॥
സംവർതമണ്ഡലാന്തഃസ്ഥാ ഭുവനോദ്യാനവാസിനീ ।
പാദുകാക്രമസന്തൃപ്താ ഭൈരവസ്ഥാഽപരാജിതാ ॥ 88 ॥
നിർവാണാ സൗരഭാ ദുർഗാ മഹിഷാസുരമർദിനീ ।
ഭ്രമരാംബാ ശിഖരികാ ബ്രഹ്മവിഷ്ണ്വീശതർപിതാ ॥ 89 ॥
ഉന്മത്തഹേലാ രസികാ യോഗിനീ യോഗദർപിതാ ।
സന്താനാനന്ദിനീ ബീജചക്രാ പരമകാരുണീ ॥ 90 ॥
ഖേചരീ നായികാ യോഗ്യാ പരിവൃത്താഽതിമോഹിനീ ।
ശാകംഭരീ സംഭവിത്രീ സ്കന്ദാഽഽനന്ദീ മദാർപിതാ ॥ 91 ॥
ക്ഷേമങ്കരീ സുമാ ശ്വാസാ സ്വർഗദാ ബിന്ദുകാരിണീ ।
ചർചിതാ ചർചിതപദാ ചാരുഖട്വാംഗധാരിണീ ॥ 92 ॥
അഘോരാ മന്ത്രിതപദാ ഭാമിനീ ഭവരൂപിണീ ।
ഉഷാ സങ്കർഷിണീ ധാത്രീ ചോമാ കാത്യായനീ ശിവാ ॥ 93 ॥
സുലഭാ ദുർലഭാ ശാസ്ത്രീ മഹാശാസ്ത്രീ ശിഖണ്ഡിനീ ।
യോഗലക്ഷ്മീർഭോഗലക്ഷ്മീഃ രാജ്യലക്ഷ്മീഃ കപാലിനീ ॥ 94 ॥
ദേവയോനിർഭഗവതീ ധന്വിനീ നാദിനീശ്വരീ ।
ക്ഷേത്രാത്മികാ മഹാധാത്രീ ബലിനീ കേതുമാലിനീ ॥ 95 ॥
സദാനന്ദാ സദാഭദ്രാ ഫൽഗുനീ രക്തവർഷിണീ ।
മന്ദാരമന്ദിരാ തീവ്രാ ഗ്രാഹിണീ സർവഭക്ഷിണീ ॥ 96 ॥
അഗ്നിജിഹ്വാ മഹാജിഹ്വാ ശൂലിനീ ശുദ്ധിദാ പരാ ।
സുവർണികാ കാലദൂതീ ദേവീ കാലസ്വരൂപിണീ ॥ 97 ॥
കുംഭിനീ ശയനീ ഗുർവീ വാരാഹീ ഹുംഫഡാത്മികാ ।
ഉഗ്രാത്മികാ പദ്മവതീ ധൂർജടീ ചക്രധാരിണീ ॥ 98 ॥
ദേവീ തത്പുരുഷാ ശിക്ഷാ മാധ്വീ സ്ത്രീരൂപധാരിണീ ।
ദക്ഷാ ദാക്ഷായണീ ദീക്ഷാ മദനാ മദനാതുരാ ॥ 99 ॥
ധിഷ്ണ്യാ ഹിരണ്യാ സരണിഃ ധരിത്രീ ധരരൂപിണീ ।
വസുധാ വസുധാഛായാ വസുധാമാ സുധാമയീ ॥ 100 ॥
ശൃംഗിണീ ഭീഷണാ സാന്ദ്രീ പ്രേതസ്ഥാനാ മതംഗിനീ ।
ഖണ്ഡിനീ യോഗിനീ തുഷ്ടിഃ നാദിനീ ഭേദിനീ നടീ ॥ 101 ॥
ഖട്വാംഗിനീ കാലരാത്രിഃ മേഘമാലാ ധരാത്മികാ ।
ഭാപീഠസ്ഥാ ഭവദ്രൂപാ മഹാശ്രീർധൂമ്രലോചനാ ॥ 102 ॥
സുഖദാ ഗന്ധിനീ ബന്ധുർബന്ധിനീ ബന്ധമോചിനീ ।
സാവിത്രീ സത്കൃതിഃ കർത്രീ ക്ഷമാ മായാ മഹോദയാ ॥ 103 ॥
ഗണേശ്വരീ ഗണാകാരാ സദ്ഗുണാ ഗണപൂജിതാ ।
നിർമലാ ഗിരിജാ ശബ്ദാ ശർവാണീ ശർമദായിനീ ॥ 104 ॥
ഏകാകിനീ സിന്ധുകന്യാ കാവ്യസൂത്രസ്വരൂപിണീ ।
അവ്യക്തരൂപിണീ വ്യക്താ യോഗിനീ പീഠരൂപിണീ ॥ 105 ॥
നിർമദാ ധാമദാഽഽദിത്യാ നിത്യാ സേവ്യാഽക്ഷരാത്മികാ ।
തപിനീ താപിനീ ദീക്ഷാ ശോധിനീ ശിവദായിനീ ॥ 106 ॥
സ്വസ്തി സ്വസ്തിമതീ ബാലാ കപിലാ വിസ്ഫുലിംഗിനീ ।
അർചിഷ്മതീ ദ്യുതിമതീ കൗലിനീ കവ്യവാഹിനീ ॥ 107 ॥
ജനാശ്രിതാ വിഷ്ണുവിദ്യാ മാനസീ വിന്ധ്യവാസിനീ ।
വിദ്യാധരീ ലോകധാത്രീ സർവാ സാരസ്വരൂപിണീ ॥ 108 ॥
പാപഘ്നീ സർവതോഭദ്രാ ത്രിസ്ഥാ ശക്തിത്രയാത്മികാ ।
ത്രികോണനിലയാ ത്രിസ്ഥാ ത്രയീമാതാ ത്രയീതനുഃ ॥ 109 ॥
ത്രയീവിദ്യാ ത്രയീസാരാ ത്രയീരൂപാ ത്രിപുഷ്കരാ ।
ത്രിവർണാ ത്രിപുരാ ത്രിശ്രീഃ ത്രിമൂർതിസ്ത്രിദശേശ്വരീ ॥ 110 ॥
ത്രികോണസംസ്ഥാ ത്രിവിധാ ത്രിസ്വരാ ത്രിപുരാംബികാ ।
ത്രിദിവാ ത്രിദിവേശാനീ ത്രിസ്ഥാ ത്രിപുരദാഹിനീ ॥ 111 ॥
ജംഘിനീ സ്ഫോടിനീ സ്ഫൂർതിഃ സ്തംഭിനീ ശോഷിണീ പ്ലുതാ ।
ഐങ്കാരാഖ്യാ വാമദേവീ ഖണ്ഡിനീ ചണ്ഡദണ്ഡിനീ ॥ 112 ॥
ക്ലീങ്കാരീ വത്സലാ ഹൃഷ്ടാ സൗഃകാരീ മദഹംസികാ ।
വജ്രിണീ ദ്രാവിണീ ജൈത്രീ ശ്രീമതീ ഗോമതീ ധ്രുവാ ॥ 113 ॥
പരതേജോമയീ സംവിത്പൂർണപീഠനിവാസിനീ ।
ത്രിധാത്മാ ത്രിദശാ ത്ര്യക്ഷാ ത്രിഘ്നീ ത്രിപുരമാലിനീ ॥ 114 ॥
ത്രിപുരാശ്രീസ്ത്രിജനനീ ത്രിഭൂസ്ത്രൈലോക്യസുന്ദരീ ।
കുമാരീ കുണ്ഡലീ ധാത്രീ ബാലാ ഭക്തേഷ്ടദായിനീ ॥ 115 ॥
കലാവതീ ഭഗവതീ ഭക്തിദാ ഭവനാശിനീ ।
സൗഗന്ധിനീ സരിദ്വേണീ പദ്മരാഗകിരീടിനീ ॥ 116 ॥
തത്ത്വത്രയീ തത്ത്വമയീ മന്ത്രിണീ മന്ത്രരൂപിണീ ।
സിദ്ധാ ശ്രീത്രിപുരാവാസാ ബാലാത്രിപുരസുന്ദരീ ॥ 117 ॥
ബാലാത്രിപുരസുന്ദര്യാ മന്ത്രനാമസഹസ്രകം ।
കഥിതം ദേവദേവേശി സർവമംഗലദായകം ॥ 118 ॥
സർവരക്ഷാകരം ദേവി സർവസൗഭാഗ്യദായകം ।
സർവാശ്രയകരം ദേവി സർവാനന്ദകരം വരം ॥ 119 ॥
സർവപാപക്ഷയകരം സദാ വിജയവർധനം ।
സർവദാ ശ്രീകരം ദേവി സർവയോഗീശ്വരീമയം ॥ 120 ॥
സർവപീഠമയം ദേവി സർവാനന്ദകരം പരം ।
സർവദൗർഭാഗ്യശമനം സർവദുഃഖനിവാരണം ॥ 121 ॥
സർവാഭിചാരദോഷഘ്നം പരമന്ത്രവിനാശനം ।
പരസൈന്യസ്തംഭകരം ശത്രുസ്തംഭനകാരണം ॥ 122 ॥
മഹാചമത്കാരകരം മഹാബുദ്ധിപ്രവർധനം ।
മഹോത്പാതപ്രശമനം മഹാജ്വരനിവാരണം ॥ 123 ॥
മഹാവശ്യകരം ദേവി മഹാസുഖഫലപ്രദം ।
ഏവമേതസ്യ മന്ത്രസ്യ പ്രഭാവോ വർണിതും മയാ ॥ 124 ॥
ന ശക്യതേ വരാരോഹേ കല്പകോടി ശതൈരപി ।
യഃ പഠേത്സംഗമേ നിത്യം സർവദാ മന്ത്രസിദ്ധിദം ॥ 125 ॥
ഇതി ശ്രീ ബാലാ ത്രിപുര സുന്ദരീ സഹസ്രനാമ സ്തോത്രം ।
Recite with devotion and pure heart
Regular practice brings spiritual benefits