ಬಾಲಾ ತ್ರಿಪುರ ಸುಂದರೀ ಕವಚಂ

ಶ್ರೀಪಾರ್ವತ್ಯುವಾಚ ।

ದೇವದೇವ ಮಹಾದೇವ ಶಂಕರ ಪ್ರಾಣವಲ್ಲಭ ।

ಕವಚಂ ಶ್ರೋತುಮಿಚ್ಛಾಮಿ ಬಾಲಾಯಾ ವದ ಮೇ ಪ್ರಭೋ ॥ 1 ॥

ಶ್ರೀಮಹೇಶ್ವರ ಉವಾಚ ।

ಶ್ರೀಬಾಲಾಕವಚಂ ದೇವಿ ಮಹಾಪ್ರಾಣಾಧಿಕಂ ಪರಂ ।

ವಕ್ಷ್ಯಾಮಿ ಸಾವಧಾನಾ ತ್ವಂ ಶೃಣುಷ್ವಾವಹಿತಾ ಪ್ರಿಯೇ ॥ 2 ॥

ಅಥ ಧ್ಯಾನಂ ।

ಅರುಣಕಿರಣಜಾಲೈಃ ರಂಜಿತಾಶಾವಕಾಶಾ

ವಿಧೃತಜಪವಟೀಕಾ ಪುಸ್ತಕಾಭೀತಿಹಸ್ತಾ ।

ಇತರಕರವರಾಢ್ಯಾ ಫುಲ್ಲಕಹ್ಲಾರಸಂಸ್ಥಾ

ನಿವಸತು ಹೃದಿ ಬಾಲಾ ನಿತ್ಯಕಲ್ಯಾಣಶೀಲಾ ॥

ಅಥ ಕವಚಂ ।

ವಾಗ್ಭವಃ ಪಾತು ಶಿರಸಿ ಕಾಮರಾಜಸ್ತಥಾ ಹೃದಿ ।

ಶಕ್ತಿಬೀಜಂ ಸದಾ ಪಾತು ನಾಭೌ ಗುಹ್ಯೇ ಚ ಪಾದಯೋಃ ॥ 1 ॥

ಐಂ ಕ್ಲೀಂ ಸೌಃ ವದನೇ ಪಾತು ಬಾಲಾ ಮಾಂ ಸರ್ವಸಿದ್ಧಯೇ ।

ಹಸಕಲಹ್ರೀಂ ಸೌಃ ಪಾತು ಸ್ಕಂಧೇ ಭೈರವೀ ಕಂಠದೇಶತಃ ॥ 2 ॥

ಸುಂದರೀ ನಾಭಿದೇಶೇಽವ್ಯಾಚ್ಚರ್ಚೇ ಕಾಮಕಲಾ ಸದಾ ।

ಭ್ರೂನಾಸಯೋರಂತರಾಲೇ ಮಹಾತ್ರಿಪುರಸುಂದರೀ ॥ 3 ॥

ಲಲಾಟೇ ಸುಭಗಾ ಪಾತು ಭಗಾ ಮಾಂ ಕಂಠದೇಶತಃ ।

ಭಗೋದಯಾ ತು ಹೃದಯೇ ಉದರೇ ಭಗಸರ್ಪಿಣೀ ॥ 4 ॥

ಭಗಮಾಲಾ ನಾಭಿದೇಶೇ ಲಿಂಗೇ ಪಾತು ಮನೋಭವಾ ।

ಗುಹ್ಯೇ ಪಾತು ಮಹಾವೀರಾ ರಾಜರಾಜೇಶ್ವರೀ ಶಿವಾ ॥ 5 ॥

ಚೈತನ್ಯರೂಪಿಣೀ ಪಾತು ಪಾದಯೋರ್ಜಗದಂಬಿಕಾ ।

ನಾರಾಯಣೀ ಸರ್ವಗಾತ್ರೇ ಸರ್ವಕಾರ್ಯ ಶುಭಂಕರೀ ॥ 6 ॥

ಬ್ರಹ್ಮಾಣೀ ಪಾತು ಮಾಂ ಪೂರ್ವೇ ದಕ್ಷಿಣೇ ವೈಷ್ಣವೀ ತಥಾ ।

ಪಶ್ಚಿಮೇ ಪಾತು ವಾರಾಹೀ ಹ್ಯುತ್ತರೇ ತು ಮಹೇಶ್ವರೀ ॥ 7 ॥

ಆಗ್ನೇಯ್ಯಾಂ ಪಾತು ಕೌಮಾರೀ ಮಹಾಲಕ್ಷ್ಮೀಶ್ಚ ನಿರೃತೌ ।

ವಾಯವ್ಯಾಂ ಪಾತು ಚಾಮುಂಡಾ ಚೇಂದ್ರಾಣೀ ಪಾತು ಚೈಶಕೇ ॥ 8 ॥

ಜಲೇ ಪಾತು ಮಹಾಮಾಯಾ ಪೃಥಿವ್ಯಾಂ ಸರ್ವಮಂಗಲಾ ।

ಆಕಾಶೇ ಪಾತು ವರದಾ ಸರ್ವತೋ ಭುವನೇಶ್ವರೀ ॥ 9 ॥

ಇದಂ ತು ಕವಚಂ ನಾಮ ದೇವಾನಾಮಪಿ ದುರ್ಲಭಂ ।

ಪಠೇತ್ಪ್ರಾತಃ ಸಮುತ್ಥಾಯ ಶುಚಿಃ ಪ್ರಯತಮಾನಸಃ ॥ 10 ॥

ನಾಮಯೋ ವ್ಯಾಧಯಸ್ತಸ್ಯ ನ ಭಯಂ ಚ ಕ್ವಚಿದ್ಭವೇತ್ ।

ನ ಚ ಮಾರೀಭಯಂ ತಸ್ಯ ಪಾತಕಾನಾಂ ಭಯಂ ತಥಾ ॥ 11 ॥

ನ ದಾರಿದ್ರ್ಯವಶಂ ಗಚ್ಛೇತ್ತಿಷ್ಠೇನ್ಮೃತ್ಯುವಶೇ ನ ಚ ।

ಗಚ್ಛೇಚ್ಛಿವಪುರಂ ದೇವಿ ಸತ್ಯಂ ಸತ್ಯಂ ವದಾಮ್ಯಹಂ ॥ 12 ॥

ಯದಿದಂ ಕವಚಂ ಜ್ಞಾತ್ವಾ ಶ್ರೀಬಾಲಾಂ ಯೋ ಜಪೇಚ್ಛಿವೇ ।

ಸ ಪ್ರಾಪ್ನೋತಿ ಫಲಂ ಸರ್ವಂ ಶಿವಸಾಯುಜ್ಯಸಂಭವಂ ॥ 13 ॥

ಇತಿ ಶ್ರೀರುದ್ರಯಾಮಲೇ ಶ್ರೀ ಬಾಲಾ ಕವಚಂ ।

Recite with devotion and pure heart

Regular practice brings spiritual benefits