நித்யானந்த³கரீ வராப⁴யகரீ ஸௌந்த³ர்ய ரத்னாகரீ நிர்தூ⁴தாகி²ல கோ⁴ர பாவனகரீ ப்ரத்யக்ஷ மாஹேஶ்வரீ । ப்ராலேயாசல வம்ʼஶ பாவனகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 1 ॥ நானா ரத்ன விசித்ர பூ⁴ஷணகரி ஹேமாம்ப³ராட³ம்ப³ரீ முக்தாஹார விலம்ப³மான விலஸத்-வக்ஷோஜ கும்பா⁴ந்தரீ । காஶ்மீராக³ரு வாஸிதா ருசிகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 2 ॥ யோகா³னந்த³கரீ ரிபுக்ஷயகரீ த⁴ர்மைக்ய நிஷ்டா²கரீ சந்த்³ரார்கானல பா⁴ஸமான லஹரீ த்ரைலோக்ய ரக்ஷாகரீ । ஸர்வைஶ்வர்யகரீ தப꞉ ப²லகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 3 ॥ கைலாஸாசல கந்த³ராலயகரீ கௌ³ரீ-ஹ்யுமாஶாங்கரீ கௌமாரீ நிக³மார்த²-கோ³சரகரீ-ஹ்யோங்கார-பீ³ஜாக்ஷரீ । மோக்ஷத்³வார-கவாடபாடனகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 4 ॥ த்³ருʼஶ்யாத்³ருʼஶ்ய-விபூ⁴தி-வாஹனகரீ ப்³ரஹ்மாண்ட³-பா⁴ண்டோ³த³ரீ லீலா-நாடக-ஸூத்ர-கே²லனகரீ விஜ்ஞான-தீ³பாங்குரீ । ஶ்ரீவிஶ்வேஶமன꞉-ப்ரஸாத³னகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 5 ॥ உர்வீஸர்வஜயேஶ்வரீ ப⁴க³வதீ [ஜயகரீ] மாதா க்ருʼபாஸாக³ரீ வேணீ-நீலஸமான-குந்தலத⁴ரீ நித்யான்ன-தா³னேஶ்வரீ । ஸாக்ஷான்மோக்ஷகரீ ஸதா³ ஶுப⁴கரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 6 ॥ ஆதி³க்ஷாந்த-ஸமஸ்தவர்ணனகரீ ஶம்போ⁴ஸ்த்ரிபா⁴வாகரீ காஶ்மீரா த்ரிபுரேஶ்வரீ த்ரிநயனி விஶ்வேஶ்வரீ ஶர்வரீ । ஸ்வர்க³த்³வார-கபாட-பாடனகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 7 ॥ தே³வீ ஸர்வவிசித்ர-ரத்னருசிதா தா³க்ஷாயிணீ ஸுந்த³ரீ வாமா-ஸ்வாது³பயோத⁴ரா ப்ரியகரீ ஸௌபா⁴க்³யமாஹேஶ்வரீ । ப⁴க்தாபீ⁴ஷ்டகரீ ஸதா³ ஶுப⁴கரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 8 ॥ சந்த்³ரார்கானல-கோடிகோடி-ஸத்³ருʼஶீ சந்த்³ராம்ʼஶு-பி³ம்பா³த⁴ரீ சந்த்³ரார்காக்³னி-ஸமான-குண்ட³ல-த⁴ரீ சந்த்³ரார்க-வர்ணேஶ்வரீ மாலா-புஸ்தக-பாஶஸாங்குஶத⁴ரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 9 ॥ க்ஷத்ரத்ராணகரீ மஹாப⁴யகரீ மாதா க்ருʼபாஸாக³ரீ ஸர்வானந்த³கரீ ஸதா³ ஶிவகரீ விஶ்வேஶ்வரீ ஶ்ரீத⁴ரீ । த³க்ஷாக்ரந்த³கரீ நிராமயகரீ காஶீபுராதீ⁴ஶ்வரீ பி⁴க்ஷாம்ʼ தே³ஹி க்ருʼபாவலம்ப³னகரீ மாதான்னபூர்ணேஶ்வரீ ॥ 10 ॥ அன்னபூர்ணே ஸதா³பூர்ணே ஶங்கர-ப்ராணவல்லபே⁴ । ஜ்ஞான-வைராக்³ய-ஸித்³த்⁴யர்த²ம்ʼ பி⁴க்ஷாம்ʼ தே³ஹி ச பார்வதீ ॥ 11 ॥ மாதா ச பார்வதீதே³வீ பிதாதே³வோ மஹேஶ்வர꞉ । பா³ந்த⁴வா: ஶிவப⁴க்தாஶ்ச ஸ்வதே³ஶோ பு⁴வனத்ரயம் ॥ 12 ॥ ஸர்வ-மங்க³ல-மாங்க³ல்யே ஶிவே ஸர்வார்த²-ஸாதி⁴கே । ஶரண்யே த்ர்யம்ப³கே கௌ³ரி நாராயணி நமோ(அ)ஸ்து தே ॥ 13 ॥ இதி ஶ்ரீமத்பரமஹம்ʼஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருʼதௌ அன்னபூர்ணா ஸ்தோத்ரம் ।