ந்ருʼஸிம்ʼஹ ஸரஸ்வதீ அஷ்டகம்

இந்து³கோடிதேஜ கருணஸிந்து⁴ ப⁴க்தவத்ஸலம்ʼ

நந்த³னாத்ரிஸூனு த³த்தமிந்தி³ராக்ஷ ஶ்ரீகு³ரும் ।

க³ந்த⁴மால்ய அக்ஷதாதி³ ப்³ருʼந்த³தே³வவந்தி³தம்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 1 ॥

மோஹபாஶ அந்த⁴கார சா²ய தூ³ர பா⁴ஸ்கரம்ʼ

ஆயதாக்ஷ பாஹி ஶ்ரியாவல்லபே⁴ஶ நாயகம் ।

ஸேவ்யப⁴க்தப்³ருʼந்த³வரத³ பூ⁴யோ பூ⁴யோ நமாம்யஹம்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 2 ॥

சித்தஜாதி³வர்க³ஷட்கமத்தவாரணாங்குஶம்ʼ

தத்த்வஸாரஶோபி⁴தாத்ம த³த்த ஶ்ரியாவல்லப⁴ம் ।

உத்தமாவதார பூ⁴தகர்த்ருʼ ப⁴க்தவத்ஸலம்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 3 ॥

வ்யோம வாயு தேஜ ஆப பூ⁴மி கர்த்ருʼமீஶ்வரம்ʼ

காமக்ரோத⁴மோஹரஹித ஸோமஸூர்யலோசனம் ।

காமிதார்த²தா³த்ருʼ ப⁴க்தகாமதே⁴னு ஶ்ரீகு³ரும்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 4 ॥

புண்ட³ரீக ஆயதாக்ஷ குண்ட³லேந்து³தேஜஸம்ʼ

சண்ட³து³ரிதக²ண்ட³னார்த² த³ண்ட³தா⁴ரி ஶ்ரீகு³ரும் ।

மண்ட³லீகமௌலி மார்தாண்ட³ பா⁴ஸிதானனம்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 5 ॥

வேத³ஶாஸ்த்ரஸ்துத்யபாத³ ஆதி³மூர்தி ஶ்ரீகு³ரும்ʼ

நாத³பி³ந்து³கலாதீத கல்பபாத³ஸேவ்யயம் ।

ஸேவ்யப⁴க்தப்³ருʼந்த³வரத³ பூ⁴யோ பூ⁴யோ நமாம்யஹம்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 6 ॥

அஷ்டயோக³தத்த்வநிஷ்ட² துஷ்டஜ்ஞானவாரிதி⁴ம்ʼ

க்ருʼஷ்ணவேணிதீரவாஸ பஞ்சநதீ³ஸங்க³மம் ।

கஷ்டதை³ன்யதூ³ரி ப⁴க்ததுஷ்டகாம்யதா³யகம்ʼ

வந்த³யாமி நாரஸிம்ʼஹ ஸரஸ்வதீஶ பாஹி மாம் ॥ 7 ॥

நாரஸிம்ʼஹஸரஸ்வதீ நாம அஷ்டமௌக்திகம்ʼ

ஹார க்ருʼத்ய ஶாரதே³ன க³ங்கா³த⁴ர ஆத்மஜம் ।

தா⁴ரணீக தே³வதீ³க்ஷ கு³ருமூர்தி தோஷிதம்ʼ

பரமாத்மானந்த³ ஶ்ரியா புத்ரபௌத்ரதா³யகம் ॥ 8 ॥

நாரஸிம்ʼஹஸரஸ்வதீய அஷ்டகம்ʼ ச ய꞉ படே²த்

கோ⁴ர ஸம்ʼஸார ஸிந்து⁴ தாரணாக்²ய ஸாத⁴னம் ।

ஸாரஜ்ஞான தீ³ர்க⁴ ஆயுராரோக்³யாதி³ ஸம்பதா³ம்ʼ

சாருவர்க³காம்யலாப⁴ நித்யமேவ ய꞉ படே²த் ॥ 9 ॥

இதி ஶ்ரீகு³ருசரிதாம்ருʼதே ஶ்ரீந்ருʼஸிம்ʼஹஸரஸ்வத்யுபாக்²யானே ஸித்³த⁴நாமதா⁴ரக ஸம்ʼவாதே³ ஶ்ரீந்ருʼஸிம்ʼஹஸரஸ்வதீ அஷ்டகம் ॥

Recite with devotion and pure heart

Regular practice brings spiritual benefits