vedāntavedyaṃ varayogirupaṃ jagatprakāśaṃ suralokapūjyam । iṣṭārthasiddhiṃ karuṇākareśaṃ śrīpādarājaṃ śaraṇaṃ prapadye ॥ 1 ॥ yogīśarupaṃ paramātmaveṣaṃ sadānurāgaṃ sahakāryarupam । varaprasādaṃ vibudhaikasevyaṃ śrīpādarājaṃ śaraṇaṃ prapadye ॥ 2 ॥ kāṣāyavastraṃ karadaṇḍadhāriṇaṃ kamaṇḍaluṃ padmakareṇa śaṅkham । cakraṃ gadābhūṣita bhūṣaṇāḍhyaṃ śrīpādarājaṃ śaraṇaṃ prapadye ॥ 3 ॥ bhūlokasāraṃ bhuvanaikanāthaṃ nāthādināthaṃ naralokanātham । kṛṣṇāvatāraṃ karuṇākaṭākṣaṃ śrīpādarājaṃ śaraṇaṃ prapadye ॥ 4 ॥ lokābhirāmaṃ guṇabhūṣaṇāḍhyaṃ tejo muniśreṣṭha muniṃ vareṇyam । samastaduḥkhāni bhayāni śāntaṃ śrīpādarājaṃ śaraṇaṃ prapadye ॥ 5 ॥ kṛṣṇāsutīre vasati prasiddhaṃ śrīpāda śrīvallabha yogimūrtim । sarvejanaiścintitakalpavṛkṣaṃ śrīpādarājaṃ śaraṇaṃ prapadye ॥ 6 ॥ mantrābdhirājaṃ yatirājapūjyaṃ trailokanāthaṃ janasevyanātham । ānandacittaṃ akhilātmatejaṃ śrīpādarājaṃ śaraṇaṃ prapadye ॥ 7 ॥ mantrānugamyaṃ mahānirvitejaṃ mahatprakāśaṃ mahāśāntamūrtim । trailokyacittaṃ akhilātmatejaṃ śrīpādarājaṃ śaraṇaṃ prapadye ॥ 8 ॥ śrīpādāṣṭakamidaṃ puṇyaṃ prātarutthāya yaḥ paṭhet । koṭijanmakṛtampāpaṃ smaraṇena vinaśyati ॥ 9 ॥ iti śrīpādāṣṭakam ।